هل انا غلطانه اهل زوجي

[ترمس قهوه]

السلاااااام عليكم

يسعد مساءكم اليوم حابه اكتب افضفض

واعذروني اذا مافيه ترتيب

بنات ابغى اتسال للي ساكنين عند اهل زوجهم متى تنزلون لهم
يومي اسبوعي شهري او بالمناسبات

انا متزوجه من 5 سنوات عندي طفلين
كنت انزل يومين كل مغرب الى بعد العشاء

واللحين صرت مالحق انزل يوميا صرت انزل يوم ايه ويوم لا

وانزل بعد المغرب مالا احد خلق توهم يصحون من النوم

حمواتي 2 بالجامعه مالهم خلق لما يصحوون

وطول الوقت جالسه بالصاله
وخالتي تجي اتسلم ونقعد تشتغل غسيل ةترتب لان ماعندهم شغاله
وبناتها مايساعدونهاااا

وتكون معصبه متنرفزه

وشكلي غلط وانا اجالسه وماساعدها لان وش حاجت بناتها من يصحون على طول النت اوالجوال وينامون الى بعد المغرب والليل سهر على المسلسلات والافلام

وانا في بيتي اكرف مابي اكرف تحت رغم اذا عندهم ظيوف يدقون علي اسوي معهم ومانطلع لاستراحه الى نتفق على الاشياء اللي بنجيبها

وخالتي يمر الشهر مانسولف ماعندنا سوالف انا ماطلع ابدا واهلي بديره ثانيه
وهي لها جارات وتطلع وتتسوق ماتسولف علي

انا هادئه ومااحب احش بالناس ولاااشوف مسلسلات ومع ذالك انزل لهم ومرات انزل معي قهوه وحلى ونتقهوى سوى
واذا مانزلت شي مايتجمعون كل وحده على جهازه

كاني جايه اسجل حظوري واطلع لبيتي

مدري شسزووووي وش تنصحون فيه

وحده من بناتهم هادئه والثانيه حشاشه بالناس ةمشكلجيه ومنافقه نسال الله العافيه

وانا حدي ساكته لاجيب ولا اودي حتى ام زوجي قالت لي انتي مايعرف وجهك من قفاك

لاني ماسولف روالله ماعندي سووووالف
بالبيت بس اتهاوش انا وعيالي


لاتقولون ادخلي المطبخ ساعديهم اعزميهم جربت وانبسطو يبغونك على طو ل كذاااا

بناتهم مستحيل تسوي اكل لاخوانهم امهم اللي تطبخ لهم او يجبون اكل من برا


عشان كذا مابغهم يستغلوووني

وام زوجي تقول بناتي بنات الرياجيل بكره يشتغلون في بيتهم

طبعا ماعندي سلايف انا اول زوجه
انا راحمتها من معاملت بناتها بس وضميري ايانبني

بس ارجع واقول مابغى اختلط كثير بكره لما يتزوجون اخوان زوجي تكثير المشاكل والمسؤليات

لان كلنا بشقق في عماره واحده زلي مطبخ زحياتي مستقله

وزوجي يقولي الا زعل امي وانا مادخلك بحياتي اهلي عشان امي عندها بناتها هم اولى منك

ام زوجي ماتدخل بحياااتي بس سافهتني ماتكلمني الا برسميه حتى اعيالي تقول واقحين مايسلمون على راسي اذا نزلوا اعمارهم سنه واربع سنوات
انا امهم ماسلمون علي هههههههههههههه


مدري شسوووووي احس اني غلطانه وعايشه بعيد عن العالم
انتم تشوفون غير كذا


انا صحيح ازعل بس بعدين اقو ل اهم شي علاقتي مع ربي
وعلاقتي مع الناس ماتهمني محترمتهم ومقدرتهم واي شي يطلبونه اساعدهم

بس انا مابادر من نفسي ياااااااااربي تعبت

احس اني متناقضه

ساااااعدوني​

 

[ترمس قهوه]

اعتذر عن الاخطاء الكيبورد خربانه حرووفه ويعلق ههههه​

 

[سهم العشق]

ما شاء الله عليك يا اختي انت بصراحه مو مقصره ابدا مع اهل زوجك بالعكس صايره طيبه معاهم زياده عن اللزوم منت ملزومه تنزلي يوميا لانو انا احس انو اهل الزوج لو مهما سويتي لهم ما يبين في عينهم حلو مره في الاسبوع 000 وام زوجك مادام ما تسويلك مشاكل فالحمد احسن من اللي يسويلك مشاكل من كل شىء 000 وخلي اهم شىء عندك رضى الله سبحانه وبعدين رضى زوجك 00 واحتسبي الاجر عند الله سبحانه 000 ​

 

[الخط الفاصل]

والله ماله داعي النزول الكثير
يوم ورى يوم مرة كثير
خففي مرة بالأسبوع أو كل 10 أيام كفاية
بالنسبة للسلام
الأطفال مايعرفون لكن أنت علميهم وعوديهم يسلمون على يدك وراسك أنت وأبوهم وجدتهم وجدهم

 

[رقاااوي]

مادام انك تواصلينهم خلاص يحمدون ربهم
خلي علاقتك سطحيه نصيحه لاحد يتدخل فيك ولاتتدخلي في احد انا ساكنه عند اهل زوجي وما اشوفهم الايمكن في الشهر مره علاقتنا سطحيه لانهم مايحبون اني انزل عندهم كثير اول ماتزوجت احسب زي البنات لما ينزلو عند اهالي ازواجهم بس هم لازم اخذ موعد منهم

 

[مدام نسكافه]

يازينك بس ربي يخليكي لي زوجك وعيالك

 

[البخاريه]

اختي الغاليه ,,,
انا اؤيد الرسميه في التعامل مع الآخرين أيا كان موقعهم ,,,
وانا لا ارى أي غلط في تعاملك معهم ,,, وبصراحة عجبني شخصيتك المستقله الغير متكلمه في الآخرين ولا تغتابين الناس ,,,
الظاهر والله أعلم أنهم يحبون المتكلمين فكلا له شخصيته ,,, وليس من اللازم أن تلغي شخصيتك وتمشين وفق ما يريد الناس من أجل ارضائهم ,,
طالما أنك ترضين الخالق جل وعلا فهي النعمة الغانمه ,,,
لا تسعين ابدا لأرضاء الناس فإن رضاهم غاية لا تدرك ,,, ارضي الله فقط
واحتسبي أجر زيارتك لهم ولو لم يكلموك ,,,
(الأرواح جنود مجنده ما تعارف منها ائتلف وما تناكر منها اختلف )
وفقك الله لما يحب ويرضى ​

 

[خلآص...!]

يوم ايه ويوم لا احسها كثيره ... وجلستك ساكته ومحد حولك احسها غلط ..
خليها كل ليله خميس او كل ليلة جمعه لما تكون في بيت اهل زوجك حركه > اقصد اذا عندهم تجمعات
خلك مثل منتي بس قللي روحاتك لهم

 

[ترمس قهوه]

تسلمووووون حبايبي على الردود

بجد فرحت بردكم
بس ماقدر اجلس اكثر ممن5 اياااااام مانزلت

لا لا ابد ماااااااااااقدر

راح يسحبوووون علي انا حساااااسه وربي هذي مشكلتي

وش السوووواه مابي الناس تكرهني


يارب سااااااااعدني

اشيل هم اذا مانزلت كيف بواجهم


انا مو ضعيفه شخصيه

بس لما اشوفم يتكلمون اقول اكيد فيني


ههههههههههه

 

[همـــس الروووح]

مرررررررررره كثيييير روحاتك لهم

خلييها كل ثلاث ايام مره ولاتزيد عن ساعه وجيبي قهوتك وحلاك معاك او شاي وموالح

 

[جوهرةقطر]

تعاملك حلو انا اقوال خليك كذاااااااا ولا تتغيرين,,,,,,,,,,,,,

 

[ترمس قهوه]

والله مدري لو الغلط مني

يمكن يقوولون هذي لزقه كل يووم نازله عندنا

بس شسوي على بالي اني وحده منهم انزل من غير موعد

بس اتا تعودت من 5 سنين وانا علىى هالحاااااااااااال


الله يكون بعووووووني​

 

[اتعبني هواك]

خلك ع وضعك نصيحــــــــــــــه أمشي ع مقولة :خلك بعيد حبك يزيد
والله لوتعطينهم عيونك بطبق من ذهب تظلين مقصره اللي عليك وسويتيه
بكيفهم حبوا يسولفون حلو ماحبوا موغصب الكل حرفنفسه ياقلبي
ترضين الناس ع حساب نفسك..اهم شي زوجك وعيالك وحق عليك السلام عليهم
اما انك تنزلين يومياًوتبينهم يقابلونك انتي بنفسك بتتضايقين اشغلي نفسك ببيتك وزوجك وعيالك والباقي ماعليك منه

 

[ترمس قهوه]

الحمد لله
والله يابنات ان ارتحت لردودكم

لاني كنت اخاف من الغلط

ووامي مريضه ماقدر ادخلها بهموومي

وخواتي صغار وخواني

كمان ماتزوجو

عشان كذا كتبت الموضووع ابغى احد يفهمني واعرف كيف الناس تتعايش
مع هذي الحياه

 

[ناني الشاميه]

ياكرهي لام الزوج واخواااته

يشوفون رووحهم على بنت الناااس
وبناتهم مايبون لاعرسو احد يشوف روحه عليهم

 

[زهوووور الريف]

- يا أختي لو انا مكانك وعندي فراغ في فترة مابين المغرب والغشا يوميا أستغلها في قراءة سورة البقرة ليش انزل عند حمولتي كل يوم
لو كانت ام زوجي تحتاجني او هي تطلب مني .. ممكن انزل كل يوم ..
لكن مادام هذي حياتهم وهذي ظروفهم .. كثير كل يوم وأحس بسبب الملل ..
و هم ما حطوا لك شقة مستقله الا عشان هم ياخذون راحتهم وانتي تاخذين راحتك


وفي شي ،،بعض البيوت الكبيرة اللي يكون فيها ناس تدخل وناس تطلع وجمعات ومتعودين على الضيوف**فيحبون زوجة ولدهم معاهم حالها من حالهم
لكن مثل حمولتك ماعندهم احد وحياتهم خاصة وبناتهم زي ما قلتي
فمن رايي انك ماتنزلين لهم كل يوم
خصصوا لكم معاهم ( يوم واحد في الاسبوع ) كفاية اما عشا والا غدا يكون يوم معروف وزوجك معاك وعيالك كلكم تفضون نفسكم
ويمديكم حتى تشتاقون لبعض وتجمعون سوالف ههههههه ...

واما من عرض الاسبوع اذا انتي اشتهيتي او هم اشتهوا تروحين تتقهوين وياهم او تاخذين معك القهوة والحلى حسب ظروفهم ونفسياتهم.

وانتي بعد خلي لك خصوصية في بيتك واستفيدي من وقتك ..
سوي لك فعاليات خاصة فيك وف زوجك وعيالك ..

واشغلي نفسك بتلاوة القرآن الكريم وحفظة وتفسيرة والله بتلقين من السعادة بتقولين حسافة عمري اللي فات ماحفظت وخاصة سورة البقرة وآل عمران او حتى سورة البقرة لوحدها .

واذا كنتي فاضية كل يوم فترة المغرب الى العشا خليها لقراءة سورة البقرة يوميا وبتشوفين البركة والسعادة كيف بتصير ف حياتكم وبتدعين لي

وعيالك عوديهم اول ما يشوفون جدتهك يسلمون عليها يحبون راسها لاااازم واذا جو يطلعون بعد ترى مهم وحتى لك انتي وابوهم لازم يتعودون على كذا معاكم وبتحسين اذا كبروا بأهميتها **..

واسال الله لنا ولك التوفيق لما يحب ويرضى .

 

[زهوووور الريف]

ناني الشامية
موشرط يشوفون روحهم على مرت ولدهم
يمكن عندهم ظروف معينة
يمكن فيه أشياء تضايقهم منها وما يقدرون يقولون لها
وبعض زوجات الاولاد يقولون لها لكنها ماتحاول تغير من نفسها
ماتدرين سبحان الله كل له ظروفه وأعذاره

 

[ترمس قهوه]

زهور الريف

بجد كلامك منطقي
وان شاء الله اكون دائما للافضل


وتسلمووووون عل ى ردودكم

واختلاف الراي لايفسد للود قضيه​

 

[فتاة الأحاسيس]

أهلين أختي..أنتي ماقصرتي صراحة و تصدقين نفس حالتي بس الفرق إني لسا متزوجة تقريبآ سنة وفي البداية كنت كل شويه أنزل عندهم و أتكلم معاهم زي خواتي بس مع الوقت و لما تعودوا علي أحس صاروا ما يعلموني بحاجات كثير تصير, و لما أنزل اجلس أغلب الوقت لحالي,وأنا مثلك ماأحب كثر الكلام و الحش في الناس اما هم....ياساتر,واللحين أنزل كل يوم عشان زوجي داايم يخاصمني يقول ماتحبين أهلي!!!و قلت أنزل كل يوم بعد المغرب أفضلي عشان ماتصير مشاكل بس ياليتهم يعتبروني زي بناتهم نفسي والله وأنا ماقصرت معاهم بس ماأدري ليش يعتبروني غريبة!!!!
ياليت من عندها نصيحة ترد علي و مشكورة ع طرح موضوعك صراحة فضفضت و طلعت حاجة كانت بقلبي...

 

[ترمس قهوه]

اختي فتاه

شاكره لتواجدك حتى انا ماصيرين ايخبرون بشي مثل خطبه او غيره

بس مايهموووني بسلامتهم اهم ش ان ماشوف فيهم شر

وغير عليهم بالعااافيه

لاتهتمين باخبارهم والشي اللي يدور بينهم

مشكلتنا نبغى رضى الله ثم رضى ازواجنا بس صرنا نشوف الناس تتثاقل نزلتنا عندهم