هل الرجل يخاف من الطلاق ؟

[ام شوووشه]

صباح الخيرات

في تساؤول اثارته عندي وحده قريت موضوعها

هل الرجل يخاف من الطلاق ؟

حسب علمي عندهم عادي ؟؟


ويتساهلون بالموضوع انا مادري عن مجتمع الرجال؟؟ولادري وش يحسون فيه


وفعلا اشياء كثيره تتبين لي ان تفكيرهم غير عن تفكيرنا

اريد اجابه لتساؤلي مدعم بالحجج:18:

 

[ام لــودي]

انا احس اعطي الرجال يخافون من الطلاق 40%
اما النساء 90%

 

[ana wa bas]

الطلاق مابيخافو من الطلاق لانه فرق..
يخافو اما من تشمت من حولهم فيهم اقصد ان كان الطلاق طالبته الزوجه, او شماتت الزوجة الأولي ان كان الي بيطلقها الزوجه الثانية.
اما انهم يهتمو لموضوع الزواج للأسف لا لانهم يعتبرونه سلاح في ايديهم يهددون فيه الزوجه حسبي الله على كل ظالم

 

[لوليتا2010]

لا ما يخاف من الطلاق احس عاااااااااااااااااااااااااااااااااااادي عنده و على اتفه شي يطلق عكسه المراءه مسكينه تحاول تتنازل وتحافظ على البيت قد ماتقدر ما ابغى اخوفك بس هذا اللي شفته بنفسي واللي قاهرني اكثر المجتمع ايحطون الغلط براس المراءه عشاااااان كذا ما لها حظ تتزوج مره ثانيه بواحد صااااااااااااااااحي امسك قردك لا يجيك اقرد

 

[يااعمري ابيك]

الرجل يخاف من كل شي لا تخاف من المراه .... اللي زوجته ما تخاف من الطلاق تلاقيه هو خايف من الطلاق ويحاول انه ما يوصل لهذي المرحله ............ عكس اللي يعرف ان زوجته تخاف منه يصيرالوضع عنده عادي وبالعكس طول وقته يهدد بالطلاق وشكرا

 

[الأميرة جوري ..]

الرجال يختلفو ..
طبعا الحريم مساكين يخافوووووا ..

 

[الأميرة جوري ..]

الرجال يختلفو ..
عكس الحريم كلهم يخافوووا ..

 

[عنقود عنب]

اخواتي

الرجل السوي ...الرجل اللي يقدس الحياة الزوجية ويخاف الله في نفسة و زوجته واولادة ....نعم يخاف من الطلاق

اما الرجل المستهتر اللي ما عنده نضج كافي في الحياة الزوجية ...فهو اسهل ما عنده الطلاق

 

[احترت في امري]

اكيد اغلب الرجال يخافون الطلاق
لانه فيه تشتت لاولاده اولا وخسائر له ثانيا

 

[قشوووطه]

اذا الرجال يحب زوجته ومشتريها وعندها اطفال يخاف منه ويتردد كثيررر قبل مايطلق
اما ذا بايعها وينتظر الشاره عليها يدور الزله بس عشان يطلق​

 

[لمعه البرق]

الرجل مايخاف من الطلاق نفسه

لكن يخاف من عواقبه ​

 

[انوثتي غير]

ههههههههههههه انا عارفه انك فتحتي هالموضوع عشااان موضوعي
يااااااااااااااالبى قلبك
وانا اقول نفس كلام الاخت الي قالت اذا الرجال صاحب خلق وووو
اكيد مايبي الطلاق
وبعضهم لعابين عادي عندهم
بس باقولك شي(مو يخاف) لا ااااااااااااا
بس الي 1/كبير بالعمر
2/ماديته مو مره
3/الناس تحب تناظره
هذا مايبي التشتت وكل مع حرمه جديده وكل يوم اثاث جديد
هذا دماااااااااااااااااااااار لنفسيته
اذا الطلاق منه هو هذا اقولك بالنسبه للرجال عاااااااااااااااااااااااادي
لكن اذا من الحرمه مررررررررررررررررررررررره صعبه

 

[حفيدة المجد]

الرجال يتحكم بعقله مو عواطفه موانه يخاف من المستقبل زي المراءه
الرجال يطلق من هنا ويتزوج من هنا بس هو يخاف على الاسره وعلى اطفاله

الحمدلله ان الطلاق بيد الرجال مو الحرمه لو بايدينا كان كل الحريم مطلقات
كل مازعلت او تنرفزت الوحده طلقت ​

 

[البرنسيسة سارة]

أحس إنهم يخافوا من الطلاق

 

[ام شوووشه]

الا يابنات وش فيكم والله يخافون
اخوي توه بنخطب له قلت موزين تاخذ اي وحده لازمنسال عنها تخيل بكره تطلع ماتناسبك وتطلق
قال لاان شاءالله اعوذ بالله وش طلاق احسه من نبرته خايف ومو هاضم بس الكلمه بعد

 

[ام شوووشه]

وبعدين لوطلق هو يعني على باله بيتزوج زي اول بسهوله
لاحبيباتي بيكون وضعه غير صدقوني وان طاح طاح بوحده مطلقه
او كبيره الوضع اختلف مو زي اول البنت ماتاخذ مطلق بسهوله والله

 

[جرووووووووووح]

مع احترامي للرجال وقوتهم الظاهرية والباطنية
فإن كل الرجال يهابون الطلاق...

ويفكرون فيه الف مرة الا اذا كان الرجال خربان اصلا يكون ماهمه...

حتى وان ماكان خوف انما يكفي الهم ..

ويسأل نفسه عدة أسئلة...

مين راح يتزوج بعدها ؟؟
كيف ممكن تتقبل حياته واولاده؟
وش بيكون موقف الناس منه واولهم اهل زوجته القديمة والجديدة ؟؟
وش بيكون مصير اولادة ؟؟
الخسائر المادية وزيادة المصاريف وهذا شي مهم عند الرجال حتى وان كان مقتدر ؟؟


​

 

["وردة الشتاء"]

ظاهريا مايهمه اما من جوى تلقينه بيحترق لان الطلاق بيده وماانطقه الا من فشل حتى لو الزوجه هي اللي طالبته وخصوصا لو بينهم اطفال بيتشتت هو واطفاله
بس المجتمع صاف معهم عشان كذا دايم تاخذهم العزه​

 

[reeem.alflaa]

أكيد يخافوا
بس مو بقدرنا نحن الحريم
نحن نخاف من الفراق ونخاف على العيال ومستقبلهم ونخاف على المصروف
نخاف من المجتمع .. من الناس .. الأهل
تقريبا من كل شي
الرجال .. يخافون فقط على العيال ومستقبلهم ونفسيتهم
ولا باقي الأشياء مو شايلين همها
هذا مو وجه نظري الشخصية

 

[ام شوووشه]

مشكورين على المرور والتعليقات

واحب اقولكم الرجل المطلق يخوف لان الي طلق مره يطلق مرتين وثلاث ماعنده مشكله
عشان كذا الوحده تحسب حساب قبل تاخذ مطلق