هل الرجال يفضلون الصغيره؟

[انسه طفشانه]

السلام عليكم

في سؤال يخطر ببالي وابغى له جواب

لاحظت في الاونه الاخيره ان الشباب لابغو يتزوجوو يشرطوو اهم شي ان البنت تكون صغيره يعني في الثانوي
ومايحبوو بنات الجامعه بما انهم كبار وكذا

فابغى اعرف هالشي صحيح ولالا
يعني الرجال من جد يحبوو الصغار؟؟

 

[ملاك 88]

كل ريال وذوووقة .........ف هالزمن صار كلة شي عاادي
يتزوجون مطلقات .يتزوجون اكبرعنهم بوااااايد .
حتى لو يتزوجون عيوزخخخخخخخخ والله هذاك ايام قبل يدورون صغيرة ولاكبيرة لاثانوية ولا جامعية ..
اااااااااااااة من الدنيا كل شي تغير ..
استغفر الله ان كنت من الظالمين

 

[ماريحوني بحبك]

اكيييييييييييييييييييييييد على حسب الشخص بس الفرق بالعمرر بين الزوجين موزين
يعني واحد طااق عمرره ع30 يبي وحده 18 بالله كيف يتفقوون

مو زييييييييييييييين الفرق كثير حلوو سنه سنتين مهما قاال ابيها صغيره
لان الفرق رااح يتعبهم بالمستقبل


في هييييك رجال يحبونها صغيره وفي لا

 

[اولادي كل حياتي]

ما نقدر نحكم أو نعمم يحبوا او لاء على حسب الرجال وتفكيرهم ,عن نفسي زوجي كان شارط واحدة صغيرة وبيننا 10 سنوات وأعمامي نفس الشي شرطوا صغار
أما عند أهل زوجي الأولاد يتزوجوا البنات بنفس أعمارهم او تكون اكبر منه
يعني تختلف من بيئة لاخرى

 

[انسه طفشانه]

صح كلامكم
بس اشوووف الكل يدور الصغيره
حتى الي بعمري 19 صارو مايبونها هههههاي

نورتوو

 

[نونه الحنونة]

أناا احس ان الرجاال اذوااق ,, في عاائلة زوجي اثنين متزوجين اكبرمنهم ..

بينماا اخوتي الحين يبون يتزوجون .. يبونهاا اصغرمنهم على الأقل بثلاث سنواات ..

طبعاا اناا ما أأيد الزوج يكون اصغر لان الزوجه تشيخ اسرع ..

و اناا اعتقد ان يكون السن المثاالي ,, بين الخمس و الست سنواات فرق بين الزوج و زوجته .. و اكيد الزوج اكبر ..

 

[الجواااان]

بالعكس الرجال يبونها من 25 يبونها ناضجه وفاهمه وتقدر الحياة الزوجيه

 

[دلوعة سيمو]

مو شرط زوجي شرط صغيره واخوه شرط جامعيه وفااااهمه يعني كبيره الفرق يمكن سنه اوسنتين..
كل واحد حسب ذوقه..

 

[روحي لعلاوي]

معظم الرجال يفضلون الصغيرة بس بالنسبة للشباب لأ
وانا اول وحده اعاني من هالشي...
الانسان اللي حبيته وتمنيته اول ما حب يخطب كان اسمي من الاسماء المرشحة له وكان جوابه وللاسف..."بعدها ف الجامعة يعني صغيرة وما تنفعني"
يعني ع حسب راحة الرجال بس عاد هذي مسببات وكل شي قسمة ونصيب
اصبري حبيبتي ع الرجال ترى الصبر مفتاح الفرج:sadwalk:

 

[طاطا]

كل رجل وتفكيره في يقول اخذها صغيرة عشان تكون طوعه يمكن لو كبيرة وجامعية يقول بيكون لها شخصيتها المستقلة وهو مايبى هذا يعنى موكلهم تفكيرهم واحد

 

[مريوم الحلوه]

صحيح كلامج كثير من الشباااااب يبون صغيره

وحده من اقاربنا عندها 3 بنات 2 في العشرين وحده عمرها 19 سنه بس تدرس لحظووا
جات وحده تخطب قالت ولدي يبي وحده عمرها 18 سنه >> وعمره 28 سنه شوفوا الفرق في السن
ومايبيها تدرس يعني توها مخلصه الثانويه وقاعده في البيت
عاد الحرمه اللي من اقاربنا عصبت وش هالناس اللي تتشرط وتدور هالصغار ومن هالكلام
وسبحان الله هي تدور لاولادها اعمارهم صغيره يعني ولدها عمره 26 سنه وخطبت له وحده 16 سنه
كما تدين تدان

وحده عندها اخو يدووور وحده عمرها 16 وهو عمره 30 سنه >> وين احنا
وش هالشباب هذا اذا الكل ييبي صغيره اجل الكبيره من راح يتزوجها
وباجر بعد بتكبر وهم مارح ياخذونها
مالت بس عليهم مالت هالشباب والله والواحد يتعب معاهم
ولانسون ان الاهل يلعبون دووور كبير في هالشي اهم احيانا الام اللي تبي بنت صغيره موالولد

المهم طبعا مو الكل
لان خطيبي يفضل بالحيل العمر 30 لان يشوفه عمر النضج ومن هالقبيل افضل عمر عنده
ومحال يفكر في وحده صغيره والحمدلله الفارق اللي بيني وبينه 3 سنوات لا اكثر

 

[بنت مكه 1100]

احس يفضلون الصغيره اومدرسه ههههههه عشان الراتب

 

[**شمس الوداع**]

الرجال اذوااق.....واحس انهم يحبوون الصغيرة عشان لاتشيب معاه هههه..........مع انه الفرق بيني وبين زوجي5سنوات ويقول عني عجووز خلاص كبرتي :frown: شو رايكم شو اسوي في واحد زي كذا :a049:..

 

[**شمس الوداع**]

اييه نسيت اقولكم اقوولكم لما يقولي عجوز وكبرتي اقوله اصلا انا للحين الناس يخطبووني مو مهم العمر اهم شي الشكل....ههه ينقههههر ويسكت

 

[مسا الطيبة]

مو كل الشباب بعضهم بس...
بس دايم الشاب يدور ع البنت الي تكون جريبة من سنة بس اصغر منه..

 

[انسه طفشانه]

الله يعيننا عالرجال
شمش الوداع انا لو مكانك اذبحه هههههههههه

نورتوو باعطاء ارايكم يابرنسيسات

 

[أم أسامة 2009]

اكيييييييييييييييييييييييد على حسب الشخص بس الفرق بالعمرر بين الزوجين موزين
يعني واحد طااق عمرره ع30 يبي وحده 18 بالله كيف يتفقوون

مو زييييييييييييييين الفرق كثير حلوو سنه سنتين مهما قاال ابيها صغيره
لان الفرق رااح يتعبهم بالمستقبل


من قالك ياقمر انهم مايتفقو بالعكس انا الحمدالله تزوجت عمري 16 وهو 30 ,,,,لكن انا وياه مافي مثلنا بالتفاهم وبالعكس الفرق هذا خلاني عنده دلوعة وصغيرونة بعينه مهما كبرت ومافي شي اطلبه ويردني ......بينما اختي زوجها اكبر ب5 سنوات لكن مشاكل الدنيا عندهم الله يسخره لها .....الحين عمري 26 واقوله خلاص عجزت يقولي توك نونو ................................بعد هالمنتدى حسيت ان العمر مو شرط في عدم التكافؤ بل المهم نمط الزوج والزوجة هو المهم ,,انا وزوجي جنوبي شرقي واختي وزوجها شمالي والكل يبي يكون قائد للمركبة

 

[روح الضباب]

مو شرط فيه وفيه

أنا زوجي يكبر عني ب 11 سنه والامور ماشيه تمام الحمد لله

وفي رجال يبغونها جامعيه ومتخرجه بعد لانها بتكون واعيه وفاهمه الحياه

كلن ونصيبه.

 

[أ.بنوتة]

اكيييييييييييييييييييييييد على حسب الشخص بس الفرق بالعمرر بين الزوجين موزين
يعني واحد طااق عمرره ع30 يبي وحده 18 بالله كيف يتفقوون

مو زييييييييييييييين الفرق كثير حلوو سنه سنتين مهما قاال ابيها صغيره
لان الفرق رااح يتعبهم بالمستقبل


في هييييك رجال يحبونها صغيره وفي لا

بالعكس من وجهة نظري إذا كان الرجل أكبر من المرأة

يكون متفهم لاحتياجاتها أكثر ويحن لها أكثر

بعكس إذا كانوا أسنانهم قريبة

كل واحد منهم يبي الدلع

بعدين الرجل مايبين عليه الكبر

بعكس الحرمة بطبيعة تعبها في الحمل والولادة

تظهر عليها علامات الشيخوخة بدري

أنا أأيد الفارق من 5 إلى ما قبل 15 سنة ((لا تضحكون:bleh)

أحس كذا حلو

واختلاف الرأي لا يفسد للود قضية

مودتي :icon26:

 

[وايليه]

ألاحظ بالفعل الرجال يحبونها صغيره لأن أبوالعيال يقول الصغيره تطول العمر والكبيره لأ على الرغم من أني أنا صغيره لكن الفرق بينا سنه ويعتبره مليون الله يهديه يااااااااااااااارب