هل الحمل أثناء فترة الخطوبه ...عيب ؟ (موضوع جرئ جداً )

الحالة
مغلق و غير مفتوح للمزيد من الردود.
يووووووه حمل وفي فتره الخطوبه

لالا هذي في نظري مصيبه

اش خلوا لزواج ......

وصراحه الرجال ما ينظمن ممكن يتخلى عنك وممكن يكون فيه خييير وما يخليك

لكن الافضل ما يصير ها الشي من البدايه


لانه مصيييييييييييييييييبه
 
انا عني احس الخجل والحياء هو اللي يحبها الرجل في المراه واذا سوت كذا معاه من بدري راح تطيح من عينه اولا حتى لوكان يموت فيها بيقول خفيفة وما صدقت على الملكة الثقل صنعة اثقلوا واصبروا وانا احس انها غريبه في مجتمعاتنا
 
هو مو عيب هو قلة حياء بس !!
الخطوبة يفترض بها تكون فترة تعارف اخلاقي لا جسدي !!
والرسول الكريم نهى عن مخالفة عرف البلد اذا ما كان العرف لا يعارض الدين
 
اولا لازم نرااااعي المجتمع اللي عايشين فيه وعاداتنا وتقاليدنا
ثانيا فترة الملكه للتعارف بين الزوجين واذا حصل حمل قبل ليلة الدخله مايكون لها داعي وش بقى لليلة الدخله
وغير هاذا كله يعني احتمال حصل حمل بمجرد كتب الكتاب ولاقدر الله حصل شى للزوج وادى الى الوفاااااااااه وش بيكون موقفها
؟؟؟؟؟؟
والف شكر لك خيتووو على هالموضوع
 
لااا اوؤيد بعدين حلااات هذي الفتره بالممنوع والمرغوووب والدلع وبعديييين ليه تحرم نفسها من يوم الدخله الشعور الي تحسه ............واجتماااعيا مليون بالميه غلط ....مستعجلين عجلوو بالزووووواج والي تعطي نفسها والله تندم
........
 
انا ضد هالشي تماما
وضد انو الوحده تعطي زوجها (بهالفتره) الراحه التامه معاها
اوك زوجها
مااختلفنا
بس ياما سمعنا عن قصص الزوج بعد ماجامع زوجته (بفتره الملكه او بعد قد القران)
اما انو تركها بطلاق او اما انو صارولو حادث وتوفى
وهذا كله بوجه البنت (حتى لو انه زوجها)
صح انو فيه حالات وانا اعرف وحده صار معاها نفس الشي حملت وتزوجت ووقت زفتها كانت بالشهر الرابع
بس فيه شغلة اسمحيلي بتكلم عنها
اول شي (فتره الملكه)فتره تعارف
فرصه للرجال وزوجته انهم يعرفون بعض
وطبيعي انها فتره لها حلاوتها
ومن باب_ أن كل مرغوب ممنوع_فرصه للزوجه تعطي انطباع لزوجها انها ماهي سهله
حتى مع زوجها
يعني تديه الكلمه الحلوه اذا كان فيه زياره للزوج وباسها مره مرتين اوكي مانقول شي
بس حقيقي ومن تجربه الزوجه اللي (تخربها زي مايقولون) وقت الملكه
بيكون بداية الزواج لها كانها وحده لها سنه متزوجه
ومايكون لها ذاك الطعم
سوري على الاطاله
تلخيص لكلامي
مهما كان الزوج فهو رجال والرجال عموما مايعجبهم الشي اللي يجي بالساهل
يحب يتعب علشان يوصل للي يبغاه وخصوصا الجنس..
الزوجه تحاول تعيش اللحظات هذي بالشي المعروف فيها من مكالمات وهدايا وزيارات(بس مو كثير وماتكون فتره الملكه طويله )
تحاول الزوجه تنتبه لنفسها حتى لو انو زوجها الواحد مايدري عن الظروف
وايش اللي ربي يكتبه
ممكن يتم هالزواج وممكن مايتم
فحرصا لازم تنتبه للوضع وتكون حريصه وماهي سهله
.....
مشكورة على الموضوع
 
رائي من رئي الاخت حقل لؤلؤ ماذترك للزواج
وهذا امر في غاية الجرئه
اللهم استر علينا
 
عيبببببببب مررره ولاحصل عندنا الحمد لله في مجتمعنا
الي انا فيه صحيح انه اسمع بس مو في عايلتنا
وبعدين الرجل الشرقي يحتقر المراه الي تسلم له نفسها من اول ليله زواج فكيف قبل الزواج ولو مات الزوج او تفرقو وش مصير الطفل انا عندي انها لذه يتبعها ندم
 
لااويد الفكره نهائيا افضل احترام البنت لاهلها لان لو حملت وجا الزوج قال هالبنت ماتناسبني ويقرر الانصال وش راح يكون موقف اهلها فهذه الفتره راح تكون فتره تعارف بين بعض
 
صحيح مو حرام لاكن راحت حلاوة يوم الدخلة وخجل العروس يزيد حلاوة ذالك اليوم وكيف تكون خجولة وهو جامعها لاوبعدحامل
الله لايبلينا الحمد لله الذي عافانا
 
أنا ضد هذا الموضوع بصراحة لأن فترة الخطوبة تعارف وليس علاقة تصل لهذا الحد وخصوصا إن من الممكن أن الرجل يكون حاب يلعب وبعدين يتخلى عن البنت
 
حرام إذا كان في فترة الخطوبه لكن بعد عقد القران تصبح زوجة وإن لم يتم العرس وما حرام تحمل لكن في مجتمعنا يعتبروا الملكه أو عقد القران هو الخطوبه ويحرمون الحمل مع إنه ما حرام

بس أنا ما أأيد الحمل قبل العرس لأن للعرس مذاق جميل خساره تفوت بنت هالليله

تقبلوا مروري
 
على ايش مستعجلة الله يهديها لاحقة ع الحمل خل تنبسط وتتغزل بالبيه قبل الوحام وخرابيط الكبار

لا أعارض ولا أؤيد .. هذا شي مالنا دخل فيه العرسان هم يقررو دامه مو حرام شرعا ليه التشدد؟؟
 
هلا يا ام عايشه يا زوجه اخوي الصراحه الموضوع صج شيق و جرئ
بس عن نفسي الصراحه كلش ماهي حلوة شو باقي عن الزواج تاخذ ملابسه و تروح عنده عن الفضيحه
حتى مو حلوة عند اهلها شو بتقول لهم و حق الناس ...
يعطيج العافيه
 
طيب ايش خليتي للزواج اذا حملت قبل الخطوبه ..
كل شيئ في وقته حلوة ..

تقبلي مروري ..
 
مرفوض اجتماعيا ...... لان هناك امور كثيره تستند عليها
ولنضع افتراضات ان الزوج مات .... ماذا سيحدث

اوحدث خلاف اثناء فتره الملكه وطلقها ماذا سوف تستفيد

سيتركها وحدها ويهرب

هناك امو كثيره مترتبه عليها

والله المستعان
 
لا اؤيد الاستعجال,,,
اصلا كذا يعوفها مع انها حلاله وترخص ,,,
والثقل صنعه ,,,
حتى لو مهره مدفوع والقصر محجوز الافضل التغلي والدلال والابتعاد ,,,
حتى يشتاق اكثر ويجن على الزواج,,,
الله لا يقدر لو مات بتكون فشيله ,,,
ويمكن اهل الخاطب او المملك مايصدقون انه ولدهم وتتهم في شرفها وعاد تشتغل التحاليل.
 
الحالة
مغلق و غير مفتوح للمزيد من الردود.
عودة
أعلى أسفل