هل اعلم زوجي استخدم الكمبيوتر ام لا افتح عينه على مايجهله

[@فيض الانوثه @]

أنا نفسي اعلم زوجي الكمبيوتر حتى يجاري من حوله في استخدامه لأنو مايعرف ولاشي حتى الابتوب مايعرف يفتحو لما اشوف اخواني وازواج اخواتي يستخدمونو اتحسف على زوجي ابغه يكون زيهم إلا إني اخاف افتح عيونو على ماأندم عليه في المستقبل
على الرغم من كثرت اشغاله وعدم مبالاته باالكمبيوتر وما عندو زيادة حب استطلاع في الاجهزه بشكل عام إلا اني عندي رغبه كبيره في تعليمو اعطوني حل

 

[أم وتين]

حبيبتي خليه يتعلم لان اللي مايعرف للكمبيوتر بهذا العصر جاهل ... وبعدين يتعلمها للمستقبل لما

بيشوف عياله ويعرف ايش يعملون بالكمبيوتر

 

[سنديال]

انتي في نعمه لاتفقديها بسوء تصرفك

 

[بدر السعد]

انا برايي لا
لا تخليه عنده فضول يعرف ايش فيه النت
لانه بيكون جديد عليه فيبي يعرف ايش هذا النت اللي الكل قاعد عليه
صحيح انه ممكن يندمر من اشياء برا النت
بس بعد هو ممكن يكون طريق

 

[ربي رجائي]

السلام عليكم ورحمة الله وبركاته


انت في نعمة ليش تبي تبلشي نفسك بضره(الكمبيوتر)

ترى بالبديه بيكون عادي بس بالنهايه ادماااااااااااان

لا والف لا

 

[reemar]

نصيحتي لاااااااااااااااااا

أنا مثلك كان ما يحب شي اسمه كمبيوتر ولا يعرف حتى يشغله وقلت في نفسي لازم أعلمه عشان بصراحه عالاقل يجاريني وحتى ايميل سويت له ...لكن صدق المثل علمته الرمايه فلما اشتد ساعده رماني

اكتشفت خيانته عالماسنجر اللي أنا مسويته له بايدي وغير وغير...
أختي .... مالك شغل فيه اهتمي بتعليم نفسك وبسسس

الله يوفقك يارب

 

[الفجر الصادق]

جميل جداً ان يتعلم الكمبيوتر الذي هو لغة العصر
لكن
كما قالو العضوات لاتفحتحي عينه على هالنت لانه اول راح يتعلم بشكل عادي لكن بعدين راح يكون ادمانه لحد التطنيش ,,,
بصراحه دايم الي يتعلم على النت يدمنو بطريقه مضحكه وتشوفي طريقة استعمالهم للنت غلط وعندهم فضول حق كل شي بالنت
دام انه غير راغب او مهتم للنت فلا تشغلي نفسك بتلك الأمور

اتمنى لكِ السداد

 

[اهات14]

لااااااااااااااااااااااا ومن قلب احسلج لا تعلمينه ليه تعلمينه؟ تبين تخربين بيتج بيدج لا خليه بعيد عن ذي الاموووووور ابركله عقب لافات الفوت ماينفع الصووووووووت

 

[لـ صمت كلام]

انتبهيي تغلطين
انا رجلي مثلك ولا فكرت مجرد تفكير اعلمه بالعكس انا اقول احلى
صفه فيه انها مو حق نت
انتبهيييييييييييييييييييييييييييييييييييييييييي

 

[نايس هواوي]

لا تعلمينه لاتفتحين على نفسك ابواب مسكره اذا هو موب متهت ولامتحمس فريحي بالك

 

[سويسي]

انا رايي من راي الاخوات (( لاتعلمينه ))

 

[Priceless]

لاتعلمينه
والله سبحان الله يعني ليش قدر الرجل صار هالزمان بالكمبيوتر؟؟؟!!
لا تفتحين باب للقط يدخلك ذيب!!
الحمدالله بعلي ماله في خرابيط الكمبيوتر أحسن له أن شاء الله عمره ما تعلم هالخراب!
وشو هالرغبة الغريبة الي فيكي؟؟ عايزة تورينه فصاحتك لأنك تعرفي شئ هو ما يعرفه؟؟؟! والله الحريم سواليييييييييييف خخخخ

 

[كلي حنـان]

كثير قالوا لالالالالالالالا تعلمينه ...
لان هدفهم انك ماتفتحين باااب شر ...وهذا صحيح

لكن ...
مو كل الرجااااال سواسيه واصابع يدك مو وحده ..

ناس ملوله وناس تدمن ...

انت اعرف الناس بزووجك اذا هو مستقيم ومتدين فالحمدلله علميه لا يكون جاهل بكره يكبروا عياله ويصيرون افهم منه

وانت بالخياااار ....

 

[full moon]

والله زين انه مايعرف ياريت رياييييلنا كلهم جيه بس احسن لا تعلمينه ولا تقوليله شوه فيه لانه اذا شي يديد عليه يريد يستكشفه كله وبجيه تكونين خربتي مستقبلج بيدج....

 

[سعــاد]

من كلامك فهمت ان الرجال ما فكر فالموضوع انتي اللي تبينه يتعلم
الله يصلحك بس صكي على الموضوع اذا هو من نفسه حب يتعلم خليه براحته بس انك تطقين على صدرك وتعلمينه لا لا

 

[&لحظه صمت&]

وانا من راي البناااااااااااااااات
لا تعلمينه يعني ماراح يموت بدوون كمبيوتر
وماداامه مشغوله عنه احسن لك
لااااااااااااااااااااا تعلمينه
وتفتحين على نفسك باااب مايتسكر

 

[@فيض الانوثه @]

مشكوووووووووووووووورين ع النصيحه والله لا يحرمني منكم
وتحياتي لكل من رد عليه

 

[..قطرت ندى..]

ليش مستعيره منه لانه جاهل بالكمبيوتر ؟؟؟؟؟؟؟؟؟؟؟؟؟

اذا كان حاب يعرف مولازم تعلمينه من يجلس على الجهاز راح يعرف اذا كان عنده فضول للمعرفه

ولو كان يعرف بالكمبيوتر كان موضوعك هذا بدل ماهو سؤال كان بيكون شكوه زوجي على طول عالكمبيوتر وهاملني

خليه على راحته خيتو وذا حب يتعلم وطلب مساعدتك لا تترددي ساعديه

اما الان ما اشوف لها داعي لقافتك <<<< اسفه على التعبير

 

[لميس المنتدى]

لاتعلمينه اذا هو ما عنده رغبه احمدي ربك انه مايحب الكمبيوتر​

 

[فجر11]

لاتعلمينه والله ان تندمين ادمان من جد ماعاد يفكه انا اتكلملك عن تجربه زوجي انا وياه مشاكل بسبت النت طول الوقت عليه لدرجة احسه ضره لي فانتي احمدي ربك وشكره وخليه زي ماهو ...