هل اعطيه راتبي جاوبني بسرعه

ب

بنت مثل العسل

New member
إنضم
2007/10/25
المشاركات
102
السلام عليكم
شحالجن يابلقيسيات
حبيت استشيركن اني موظفه وابي اعرف كيف اتصرف بالراتب
مابي ادلع جوزي يعني هل ادفع للبيت والمطبخ واغراضه من راتبي
او اتركه لي اناو كشختي وبس والله حيرانه وقلت اسالكم عشان تدلوني
فلا تبخلن علي بنصايحكن
 
هلا قلبي اسمعي الوسط زين لا افراط ولاتفريط اذا زوجك احتاج لا تقصري اما اذا راتبة زين فلا تعودية حطي راتبك بالبنك باي حجة او ادخلي مشروع او اكفلي يتيم وانتبهيييييييييييييي لا يتعود انك تشتري لنفسك كل شي تري بيروح يدور وحدة ثانية يسرف عليها لانه يحس برجولته معها
يعني حاولي كذا وكذا وفهميه انه حتى لو كان معك راتب انك ماتستغنين عنة في شي لانه لو قد شال يدة بيتعود ولا عاد يحط ريال
والله ياختي المعادلة صعبة وانتي اوزنيها حسب ظروفك وزوجك وعن بطاقتك لا تعطية انا ضد الي تسلم زوجها حتى بطاقتها ليه هي الي تتعب وبالاخر الصراف معه لا والف لا
المهم الله يفرج همك اوزني امورك من الحين قبل لا يتعود حتى لو اضطريتي تجلسين معه وتتفاهمون وين يروح راتبك حتى ترتاحي بعدين
ولاتنسيني من الدعاء
 
يسعدني ان أكون أول من ترد عليكِ ... أحب أن أقول لكِ إنك ممكن تخصصي شيء من راتبك لما ينقص بيتك بشرط إنك ما تعطين المال في يد زوجكِ مباشرة أبداً بحيث لا يكون هذا مع الأيام فرض عليكِ, ولكن تصرفي أنتِ في مالكِ كيفا تشاءين , ولكن نظير خروجك من البيت وكون أن الرجل جزاه الله خيراً سمح لكِ بالعمل فمن الأحسن أن ترعي ذلك بأن تجعلي مبلغ معين للبيت وأنتِ أعلم بما يحتاجه البيت. وإذا قال لكِ هو لا تدفعي شيء ولا أريد منك مال , خلاص اجعلي مالكِ لكِ ولكن لا تنسي أن تهدي زوجك من الحين للحين هدية مناسبة تعبرين بها عن امتنانكِ له وشكركِ إياه, وكذلكِ لا تنسي أن تقدمي هدابا لأمه وأهله وهذا سيدخل السرور على قلب زوجك ويكون لكِ أجر وصلة بإذن الله تعالى . هذا رأيي الخاص وأتمنى لكِ السعادة والهناء ولا تنسينا من الدعاء.
 
مافيه حيرة وخاصة إذا كان الزوج مو مقصر معك لا تقصرين بس لا تعودينه فاجئيه بعطاءك وكرمك ولا تعطينه فرصة يستغلك أو يعتمد عليك حددي معه ماتنفقين من البداية ووضحيله أن حاجيات المرأة تفوق الرجل والمنزل، وبعدين لا تلعبين بفلوسك طلعي من البنك ما يسد حاجاتك ووفري لك ما تعلمين بالدنيا..وأنصحك تفتحين لك حساب توفير في بنك آخر ومش لازم يعرف الزوج وحاولي ما تصرفي من التوفير إلا للطوارئ وإذا كان الزوج بالمررررة مايقدر يتصرف والحمدلله رب العالمين....
 
واللة عادي عطي اذا احتاج بس لاتعودينة عليج ويفكر في راتبج دوم ...حطي في البنك ولاتخلينة يعرف انة عندج بيزات ....ساعدي مب مشكلة اصرفي ع البيت بس في نص الشهر من اول الشهر خل هو يعتمد ع راتبة ويصرف ع البيت......
 
- راتبج يظل معاج

- البطاقة تكون عندج على طول

- لا تعطيه من الراااتب إلا في حالة إنه قالك بعظمة لسانه (وفي حدود المعقول ومو على طول)

- ما يهم راتبك الف الفين عشرين ألف، غصباً عليه يمشي لج نفقة خااااصة منفصلة عن نفقة الأولاد

- مصروف البيت من أكل وحاجيات من عنده

- إذا إحتجتي أغراض كمالية فوق طاقة زوجج، في هالحالة إخذي لج من راتبج

- للبركة والخير إعطي يتامى من راتبج كل شهر

- إشتري لج طقم ألماس ولا حاجة فخمة وقولي له إنج تدفعين المبلغ أقساط

- مو لازم يعرف كم راتبج

- خلي مبلغ معين في بنك ثاني، وإذا خفتي إنه يكتشف، خليه عند أمج ولا إختج الثقة
 
هلا حبيبتي

اولا مدام انتو في بدايه حياتكم وماعندكم مصاريف واايد ف لا تعودين زوجج انج تدفعين حق نفسج .. اشتري سياره او بيت وخلي راتبج يروح له عن طريق البنك .. وبيتم من راتبج شوي خشييه . او اشتري فيه ذهب اذا زوجج ما يقدر يشتري لج ذهب دايما لان الذهب والبيت ذخر لج

اما الملابس والجمعيه وحاجياتج انتي والبيت فالافضل ان زوجج يصرف
لان لو ماصرف عليكم بيصرف على منو ؟؟ بيتم راتبه كامل له ولا بيخشه ؟؟؟او يبعثره على ربعه وعلى نفسه

فالافضل تسوين عمرج فقيره وان فلوسج كلها للبنك او انج اقرضتي حد من هلج

نفس الوقت ما تجرحين زوجج وايضا تستفيدين

واذا طلب منج بكل صراحه وان فلوسه ماتكفي عطيه مبلغ زهيد يدبر اموره ..

وبالتوفيق
 
مساء الخير..

بالنسبه لي ما اشوف اي مشكله بأني اساعد بالبيت ركزي على كلمتي (اسااااعد)يعني ما يعتمد علي اعتماد كلي براتبي ممكن اساعده اذا حسيت فعلا انه محتاج ولا تعطي من اول ما يقولك لان فيه بعض رجال يقولون مدام عندها راتب خليها تساعدني حتى لو ما كنت محتاجه وطبعا اللي يخليهم يتمردو على راتب الزوجه لما يقولوها من اول مرة عطيني او ساعدي تقوم من وناستها انها بتساعده تعطيه بوقتها المبلغ اللي يبيه هذا بنظري خطا لانه بيتعود وبيصير لضرورة او لغيرها بياخذ راتبها ..

بأختصار الحديث لا تعطي الا اذا حسيتي بأنه الوقت المناسب لمد يد العون ...وكمان نصيحتي لك خليه يصرف عليك حتى لو كنتي موظفه ولك راتب عشان ما يتعود ويمسك فلوسه وساعتها بيجيب عليك الثانيه والثالثه بعد ..

دمتي برأأأأأحه بأأأأأل ...

حتى صمته عشقته ...

دمتي برأأأأحه بأأأأأل
 
كلام الاخوات فيه الكثير من الموعضه بس حبيت اقول نقطه
ممكن تحددين اوتقتصين من راتبك الفين وتنزل في حساب التوفير
ومايكون معك بطاقه لحساب التوفير كثير ماشاءلله شرو فلل وعماير من حساب التوفير
وخليه يدري ان معك مبلغ بسيط من الراتب والباقي ينزل حساب توفير
وبكذا تضربين عصفورين بحجر منها تضمنين نفسك انو مستقبلا عندك مبلغ كبير تسوين فيه مشروع ولا عماره
والثاني حتى زوجك يشيل من راسه فكرت صرفك على المنزل وحوائج البيت
واذا ما اقتنعتي من فكرة حساب التوفير
قولي داخله مع رفيقاتي بالعمل جمعيه طول السنه وملتزمه معهم فيها
والله يوفقك​
 
ثومي بمصاريفك
وهو يقووم بمصاريف بيته
لاتعرضي مساعدتك بدون مايطلب منك
الكرم ماينفع مع الرجااال في هالزمن
اذا كان محتاج وبين لك موقفة لاتبخلي عليه
 
حبيبتي لك عزوة ترى
لا يفتح موضوع الراتب أبد كثر خيرك إنك تصرفين على نفسك وما تبخلين على البيت

كل الأيام اللي راحت وحنا مشاكل عشان الراتب أخيتي والله إني ناصحة لك

ترى الشرع ما يوافقه وإذا قال أنا أقدر أمنعك مثل ما قال زوجي قولي مثلي امنعني والله ما يقدر يمنعني أصلا

لأن وظيفتي أهم منه أروح بيت أهلي ولا أعطيه راتبي لو ريال
وما يقدر ياخذ راتبي
وراه أنا مالي أهل يوقفونه عند حده

وبعدين هو رافع راسه بوظيفك

المهم بوقت هاديإذا فاتحك بالموضوع تقولين إنك ما بخلتي على بيتك

لو تفكرين بمثل تفكيره هل بطاقته معك هل تعرفين كم رصيده ؟ خليك مثله هالرجال ما عندهم إلا حب التملك وحنا يالضعيفات نصرف عليهم

هو يجمع لمصالحه وحنا مالنا رب مثلنا مثلهم

الله يوفقك ويعينك
 
ممكن تساعدي بس مو على طول وخلي راتبك لكي
والاخوات ماقصرو معاكي في الردود
 
نصيحة لاتصرفين على البيت ولاشئ والله بكره يتعود حتى الريال مايصرفه على بيته ويقول لك بعد انت موظفة
 
البيت السعيد** قال:
- راتبج يظل معاج

- البطاقة تكون عندج على طول

- لا تعطيه من الراااتب إلا في حالة إنه قالك بعظمة لسانه (وفي حدود المعقول ومو على طول)

- ما يهم راتبك الف الفين عشرين ألف، غصباً عليه يمشي لج نفقة خااااصة منفصلة عن نفقة الأولاد

- مصروف البيت من أكل وحاجيات من عنده

- إذا إحتجتي أغراض كمالية فوق طاقة زوجج، في هالحالة إخذي لج من راتبج

- للبركة والخير إعطي يتامى من راتبج كل شهر

- إشتري لج طقم ألماس ولا حاجة فخمة وقولي له إنج تدفعين المبلغ أقساط

- مو لازم يعرف كم راتبج

- خلي مبلغ معين في بنك ثاني، وإذا خفتي إنه يكتشف، خليه عند أمج ولا إختج الثقة
أنقر للتوسيع...
هذا الرد ولا بلاش :icon31:
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل