هل اطلب الانفصال من خطيبي المريض بالقلق والاكتئاب رغم انه طيب

[#تفاحة#]

السلام عليكم

انا ماعندي فكره عن حياة ونفسية مريض القلق والاكتئاب

ياليت اللي عندها فكره تساعدني

لاني ابغى اقرر..هل انفصل عنه او نتزوج...

وخاايفه من العيشه معه...اخاف يعيشني بكئابه وضيق صدر..:icon1366:

احنا مملكين من نص سنه وزياده شوي
بينا مكالمات وزيارات لكن ماني عارفه كيف بتكون نفسيته اذا عشنا مع بعض

 

[#تفاحة#]

??????????????????

 

[أمامير]

انتي في بداية الطريق فكري جيدا
كيف عرفتي انه قلق وعنده اكتاااب

 

[#تفاحة#]

هو بين لي الموضوع وفهمني انه يعاني من هالشي

 

[أنت قلبي]

ما فهمت ابدا مشكلتج

 

[صدى الكوون]

انتي في بداية الطريق فكري جيدا
كيف عرفتي انه قلق وعنده اكتاااب

 

[عنقود عنب]

عزيزتي

هل خطيبك يستخدم علاج مضاد للاكتئاب والقلق ؟؟

كم سنة وهو يعاني من الاكتئاب ؟؟

ما هي درجة الاكتئاب اللي عنده .... خفيف ...متوسط... مزمن ومن النوع الشديد

اغلب الناس عندهم اكتئاب بدرجة ما وهم لا يعرفون انهم يعانون منه

اهم شي ان خطيبك يكون يتعالج ...وعلى اتصال بطبيبة بشكل متواصل

والامر في الاول والاخي لك انت وحسب ما تقيمينه و تشوفينه

 

[*^ ندى الورد ^*]

من اللي بهالزمن ماعنده اكتئاب, الاكتئاب انواع فيه خفيف ومؤقت وفيه حاد ممكن الشخص يقدم على تصرفات غير عقلانية كالانتحار او القتل , لكن الاكتئاب له اسباب حاولي تتعرفين على محيط خطيبك وحياته ممكن علاقته باهله مو كويسه او ان معاملتهم له سيئة من يوم هو صغير و يحطمونه وهو اللي سبب له المرض والتشاؤم وحاولي دائما تكونين عون له في تخطي هالمرحلة وكوني انتي السبب في تفاؤله .

التفاؤل هو علاج الاكتئاب , والقلق علاجه الثقة بالنفس , انتي احرصي علىهالشي واذا كان يتناول ادوية وحالته انتي عارفة انها خفيفه الافضل يتركها وعن تجربة .

انا كنت اعاني من اكتئاب حاد في مرحلة المراهقة وكنت اتعالج بالسيروكسات ولكنه سبب لي انتكاسة لان بعض الادوية تلعب في كيمياء المخ , بمجرد ما تركت العلاج وتغيرت معاملة عائلتي وتقربوا لي تحسنت بشكل كبير .
اهم شي ان مريض الاكتئاب يحس بحب اللي حواليه وتشجيعهم .

 

[نعومه كول]

ياغاليه سمحي لي فيك انانيه لو انتي مكانه ايش بتسوي
مابتصارحيه اصلا
وهو ماصارحك الا لانه واثق فيك وبوقفتك جنبه
انا كان عندي اكتئاب شديد
وجلس عندي 6 شهور تخيلي
وبفضل الله سبحانه ربي شفاني منه بالقران وبماء زمزم
وبالرقيه
والحمدلله انا الان في احسن حال
عادي له علاج

 

[ندى الدانه]

حبيبتي الغاليه اذا انتي من النوع اللي يتحمل وشاطره وذكيه تزوجيه تراه محتاج لوحده مثلك
صدقيني ربي راح يوفقك ويعينك
اما اذا انتي ملسونه ههههههههه وعصبيه تحسين انك ماراح تتحملينه لا تزيدين من حالته لانه اللي عند اكتئاب يبغاله نفس طيبه تتحمل حالته وتعينه مو تزيده فوق مرضه هم وقهر

الله يوفقك ويكتبلك اللي فيه الخير وزي ما قلتلك تراه محتاج لمن تحبه وتصبر عليه ( بحب وحنان) وراح تلاقين ثمرتها باذن الله

 

[#تفاحة#]

والله انا ماني عارفه تفاصيل حالته
انا يادوووووووووب قدرت اعرف منه ان فيه اكتئاب وقلق
لكن ماني عارفه الى اي درجه

يعني تنصحوني اعيش مع واحد كئيب؟

 

[#تفاحة#]

عزيزتي

هل خطيبك يستخدم علاج مضاد للاكتئاب والقلق ؟؟

نعم

كم سنة وهو يعاني من الاكتئاب ؟؟
سنتين

ما هي درجة الاكتئاب اللي عنده .... خفيف ...متوسط... مزمن ومن النوع الشديد

والله هذا اللي ودي اعرفه..:icon1366:

اغلب الناس عندهم اكتئاب بدرجة ما وهم لا يعرفون انهم يعانون منه

اهم شي ان خطيبك يكون يتعالج ...وعلى اتصال بطبيبة بشكل متواصل

والامر في الاول والاخي لك انت وحسب ما تقيمينه و تشوفينه

لكن اللي اعرفه ان الاكتئاب والقلق ماله علاج..وانما ادويه تهدي الحاله

 

[#تفاحة#]

استغفر الله

 

[هواجسهـ]

ياحبي انتي

اذا تكلمينه كثيير .. فراااح يبين انه عآآدي او متوسط او شديد

وماعتقد انه شديد

لان المريض مررره ماايعترف بهالشيء ويتحول المرض عنده الى أنفه وشده وتنااقض


فينكر انه مرريض



بس الي اشووفه


هو عااارف انه قلق مرررات ومكتئب احياانا .. فمااحب بكره تشوفين هالحاله وتتفاااجئين


ممكن تدقين على دكتور نفسي وتستشيرينه بقصتك

اكثر ماكثر الله الدكاتره النفسيين .. وشوفي راح يسالك الدكتور اسئله معينه ومنها راااح يحدد لك طريقك




اكثري الدعاء له ولك



بعدين شوفي يمكن حياته مع اهله سببت له هالشيء ... فعنده امل ان بالزوااج رااح يتغير



انتي هنا يجي دورك ..


مثال



( وحده من بنااتنا تزوجت ولد عمتها وتعرف ان اهله .. كانوا مايعتمدون عليه واسلوووبهم معه مررره مو حلو

مو بس هو مع عيالهم كلهم .. يعني فهمت قبل تتزوجه انه اهله مااايحترمونه مررره ودائما يقولون له اذا جا متأخر ( جيت من عند الدشير وسرابيتك ..!!) بالرغم انه انساان كووويس مررره وابوها عااارفه فوافق عليه

تقول لما تزوجته .. حسسته انه سيد هذا البيت ودائما تساله اسئله علشان تحسسه انها تتعلم منه .. وانه استااذها .. وحتى لو قال لها اي شيء ( هي تعرفه ومعلومه قديمه ) قالت : أهاااا صحيييح ياللله ... فتحسسه انه شيءوفاهم ومثقف

صاار متحدث وواثق من نفسه .. ودائما تثني على ربعه بطريقة غير مباشره .. او تحسن ضيافتهم

مثلا

مره زاروه اصدقااءه فجأه وسوت قهوة بس لما رحوا .. قالت : يافشلتي عند ربعك .. ماسوينا حلى او فطاير زينه مع القهوة مره ثانيه بلغني بدري حبيبي ..عاد هو يقول : لا عاادي


فحسسته ان ربعه مهمين





هنا تغيرت شخصيته وعلى صوته بالحق واحتدت نظراااته (كرجل ) في نفس القوت ( عشقها عشق ) لانها مصدر كللل هذا بطريقه غير مباشره .. يعني هي تتصرف عآآدي .. وهو يحس انها سبب اكيد


فمرات يقول : انتي تتعبين معي .. او تعبتك ..

(وهو فعلا تعب عليها لانها دكتووره معالجه ) ولكن تقول له : هااااو وشو التعب .. عااادي انا زوجتك وهذا كل زوجه لازم تسويه لزوجها وحق من الله عليها ..


فهنا يتاكد انه مااهي متعمده .. تعالجه ..او تغير منه ..








تفاحه انتي سالتي واهتميتي فيه .. وهو صاارحك .. وفتح لك قلبه

بشيء.. مستحيل .. يقوله لاحد قريب منه ..

هو حس انك صرتي اقرب شخص وفتح لك قلبه ..

صدقيني


ما قال لك هالكلام الا انه متأكد انك خلاااص زوجته


والان انتي تفكرين بالانفصال وتصيرين مثلك مثل النااااس اللي كان مسكر قلبه عنهم



صدقيني .. انتي لو انفصلتي عنه .. عآآدي ببتزوجين . غيره


بس تاكدي رااح يزيد الأكتئاب بسببك .. تدرين ليه ؟


لأنه قال لك ســـر .. وانتي رحتي بالسر .. بعدها ماااراح يثق باي انثى .. مهما كانت





قلق واكتئاب على قولت ورده من اللي الان مافيه قلق


انا اكبر وسوااسه وقلقاانه


تخيلي متملكه لي 5 شهور ومعي المهررر والى الان اقول لاهلي انااا مااااراح اتزوج احسس بيموت او باموت انا وتخرب فرحتي ..!! >>> الله لايعااقبني مااهو تشاائوم او قنووط ولكن هواجيس وواساايس وقلق من مجهوول






واذا ياخذ علاج ..


بالله عليك ماافيه الان احد الا عنده علاج وحبوب

اما سكر او ضغط او حساسيه وحتى البنات حبوب فيتامينات ومنشطات وبلاوي متلتله

اللي يعالج واللي يدور الزين كلهم ياكلون علاجات




اذا هو طيب وحبوب وتماااااااااااام


وواثق فيك ويحبك ..



وش تبين غيره ؟





تعلمي كيف تتعاملين معه بعد ان تتصلي بالدكتور






دعواتي لك بحياااااااااااااااااااااااااة سعيده ابديه

ياااااااااااااااااااااااااااااااارب ويوفقكما لما فيه خير وصلاح




أختك المحبه

 

[فوشاره]

انتي فكري ياقلبي زين هذي حياتك
بس انا اشوف بماانوه صارحك وعارف انه مريض ويتعالج اوقفي معه

 

[#تفاحة#]

لكن القلق والاكتئاب تعتمد عليهم نفسية الشخص
يعني بكره اجلس مع شخص نفسيته تعبانه.... ليه؟ شاللي يحدني!!
وهو مااعترف لي بالموضوع ...انا سحبت منه الكلام تسحييييب..ماجاوبني الا بعد اياام....


طيب شفايدة الاخلاق اذا الانسان مكتئب ومو طايق الدنيا يمكن حتى انا يكون مو طايقني...(مع انه يتعالج لكن ماني عارفه تأثير هالعلاج عليه...يمكن يسبب خمول او غيره )

يا بنات لاتحاولون ترغبوني فيه.... انا ابغى تفكير منطقي اكثر..يعني حطوا انفسكم مكاني...

وبالنسبه للدكتور النفسي...ودي اكلم لكن صعبه...لازم ازوره.. يمكن مايرضى يرد.... بشوف بحاول اليوم اكلم اي مستشفى يمكن يقبلون استشار بالهاتف...

ويعطيكم العافيه

 

[توما]

دام فيه قلق واكتئاب انتي ساعديه بالتخلص من هذا المرض ولا تتركيه عشان مريض بهذا المرض!!!!!

احسن من مرض غير

اهم شي اخلاقه وطيبته

والقلق والاكتئاب أمراض نفسيه اذا هيئتي له الجو المناسب للتخلص راح يتخلق بلا شك

بس لا تيأسي وتقولي بنفصل!

الله يوفقك يا اختي ويسعدكم

 

[#تفاحة#]

الله يجزاك خير
طيب واذا ما تشافى من المرض؟

اتزوجه على امل انه يتغير؟

 

[#تفاحة#]

سبحان الله وبحمده
سبحان الله العظيم

 

[ياربي انصرني]

استخيري ربي000ولازم تعرفين ان الحياة الزوجيه ارتباط وميثاق غليظ بتعيشين حلوه ومره

ولابد ان تتصلين بأخصائيه نفسيه تقيم لك الحاله حتى تتخذين قرارك وانتي مرتاحة الضمير

لاتستشرين الا ذوي الاختصاص من اطباء واخصائين نفسين000بتجدين الحل لمشكلتك000