ليانا لولي
New member
- إنضم
- 2015/01/06
- المشاركات
- 61
السلام عليكم ورحمة الله وبركاته
بدخل بالموضوع على طول بس اتحملوني شوي ،، موضوعي حابه احسمه هالمره ياريت تساعدوني بالخير
انا متزوجه من 9 سنوات لدي طفلين وحامل ،، اول ماتزوجت كان زوجي كويس ولكن اهله غشوني في بعض اخلاقه ،، وبعد شهر حملت وكانت المفاجاة اني اكتشفت كذا شي من سوابقه
عديت الموضوع لاني كنت حامل وصارت بيني وبينه مواقف كثير ومشاكل كان اغلبها اهله لاني كنت ساكنه معهم في نفس البيت ،، وكانو يبغوني خادمه وانا كنت احاول ارضيهم ف صارو بتمادو معي اكثر لحد مالغو شخصيتي بنسبة 60 % ووصلت المشاكل لبيني وبين زوجي بسببهم انا ماكنت اتحمل وهم كانو جبارين وكان زوجي يعرف اهله ولكن كانو يضغطو عليه بكلمة انت تكون عاق لو ماخليتنا نسوي في زوجتك اللي احنا نرضيه انجبت طفلي الاول وكانت المشاكل في ازدياد ووصل الموضوع لاهلي وقرر انه يحرمني منهم بتحريض من اهله ،، رفضت وقعدت عند اهلي وتركته مايقارب 7 شهور ماسال فيها عني ولاعن ابني ولا مصروف وبعد هالفترة قرر انه يرجع وطلب اني اسامحه ورجعت ..
والمشاكل لازالت بيني وبين اهله ماتحملت رجعت عند اهلي بعد ماسمعت ابوه يقول له ،، ياتمشيها على اللي احنا نبيه والا تطلقها والا تنقلع انت وياها برى مع العلم انو ايجار البيت زوجي يدفعه لهم رحت وفعلا طردو زوجي من البيت لانه كان واقف معي وقتها لما كان يشوف بعينه انهم يظلموني ويفترو علي بشي ماصار ،، سكنت انا وياه عند اهلي لان كان وضعه المادي سيء حملت بطفلتي الثانية وقدر الله وولدت ،، مااكذب عليكم كانت تصير مشاكل بيني وبينه لكن مو بالكمية والقدر اللي واحنا عند اهله اضافة ان اهلي ماكانو يتدخلو حتى لو صوتنا يطلع وفي فترة حملي الثاني توفى ابو زوجي بعد غيبوبة دامت سنة تقريبا وبعد ماولدت رجعت ام زوجي بالتحريض والتخريب بيني وبين زوجي خصوصا لما زوجي رجع قعد عندها بعد وفاة والده وكنت راضية اني ارجع انا كمان اقعد معها ولكن مشاكلها لاتنتهي اضطريت ارجع لبيت اهلي وصارت كدا مشكلة وتركنا بعض انا وزوجي ايضا 8 شهور وبعد فترة اتصلت عليه عشان يخلص لي ورقة احتجتها لابني ،، جاء وشاف اطفاله وقالي انا ابيكي ترجعي وراضاني بانه فتح لي بيت خاص ..
سكنت في بيتي مايقارب 4 سنوات مشاكل كثير مرت اكتشفت فيها خياناته وكذبه وظلمه وكذا مره مد يده علي اضافة على كدا شلة شباب فاسدين تعرف عليهم وكنت اتحمل واصبر واسامحه عشان اطفالي وقدر الله وحملت بطفلي وحدثت بيني وبينه مشكلة وصلت للدوائر الحكومية وهو حقد علي وتركني انا وعيالي وسحب يده عن كل شي يخصنا من مصروف او دفع ايجار وووووو ....... حاولت اني ادخل اخته ماقدرت واخوه مثل امه وابوه جدا لؤمى واتوقع انهم مبسوطين باللي صار ..
اللي محتاره انا فيه الان لاني حامل واولادي تعبت نفسيتهم من بعد ابوهم ماني عارفة اتكلم معه او اتركه وارفع قضية طلاق بعد ولادتي مع العلم اني كلمت محامي وشرحت له حالتي بالتفصيل والاشياء اللي اهله سووها فيني وقالي انتي رابحه القضية باذن الله لان الحق معك ،، لكن فضلت افكر باولادي وبالبيبي الجديد ماعرف كيف راح اقدر اعيشهم او لا ظروف جدا صعبه وهو جدا عنيد مستحيل يعتذر خصوصا ان امه مقوية شوكته ومعطيته مفتاح بيتها عشان يكون بعيد عني وعن اولادي وابدا ماتدخلت بالصلح ،، اخته واقفه معي وقالت لزوجي بالحرف انا لو منها ماسامحك طول عمري على الاشياء اللي سويتها ،، ماني عارفة مشتته مع اني عارفة ان الحق معي وضايعة بدونه ،، مانكر اني احبه ولازلت بس سعادتي ببعدي عنه وسعادة عيالي بوجوده جنبهم وحملي اتعبني اكثر واكثر وماادري ايش اعمل ..
ماعرفت احدد نمط شخصيته لان في الاسئلة اشياء متشابهه ولقيته ماخذ من كل نمط صفة ،، ياريت القى منكم دعوة طيبة ومساعدة بالخير ،، يقولو بين الرجال وزوجته مافي كرامه بس انا احس اني دست على نفسي كثير ،، انا ماانكر واكذب واقول مافيني عيوب الا فيني اشياء بس هو فيه اكثر ..
ايش رايكم انصحوني ..
