هل ابدأ مشروعي أم لا ؟!

سمو الأميرة

سمو الأميرة

مشرفة طمس الصور في قسم الأناقة و الجاذبية و العروس
إنضم
2008/04/14
المشاركات
2,515
مرحبا حبوبات ..
أنا حالياً متواجدة في أمريكا بحكم دراسة زوجي .. و فكرت اني ادخل مجال تجارة الانترنت بأن أطلب البضائع من المواقع الامريكية أو أشتري الأغراض بنفسي من المحلات و أرسلها للزبائن .. طبعاً في عدة أشياء موجودة هنا غير متوفرة في الامارات او الدول الخليجية .. لكني محتارة في اجراءات تحويل الفلوس و ارسال الطلبيات لأن ما عندي فكرة عنها .. :sadwalk:
و مشكلتي الثانية هي الوقت .. لأني أعرف ان تجارة الانترنت يبالها وقت وااايد في الطلب و متابعة الطلبات و الزبائن.. و انا عندي ولد صغير و شاغل معظم وقتي و هذا غير شغل البيت .. :showoff:

اتمنى من التاجرات يعطوني آرائم بحكم التجربة طبعاً .. هل كان سهل عليكم تنظيم الوقت بين التجارة و البيت .. ؟! و شو هي الاجراءات الأساسية اللي لازم أعرفها قبل ما ابدأ البزنس؟!
انا واااايد متحمسة للموضوع لكني أخاف أبدأ و أتوهق :blow:
 
هلا عزيزتي ..

استخيري ربج قبل اي شى والخيره فيما اختاره الله ..

وما اعتقد انه شغل البيت وولد واحد هم عائق لج اذا تبين اتاجرين حاولي عزيزتي اتنظمين وقتج واتخلصين شغلج عقب تفضين لشغلج لا اتخلين شى يخرب عليج اذا انتي ناويه تبدين شى لنفسج يسليج ويحقق طموحج عزيزتي اقلها ان شاء الله يوم بتردين جد كونتي لج شي لبدايه مشروع ثاني او يديد ف البلاد وسويتي شى لنفسج .

وعن انج ما اتعرفين شى عن التوصيل خلي ريلج ايساعدج شوى وايب لج اسماء شركات التوصيل من امريكا للخليج او حتى دشي النت ودوري اظن هناك خدمات النت احسن من عندنا واي شى تبين بيظهر لج ولو عندج رقم البداله حاولي تتصلين وتاخذين ارقام شركات التوصيل يعنى بالعربي اتصرفي وشغلي مخج .

وشوي هالموضوع يمكن يفيدج شوى

http://www.niswh.com/vb/t156986.html

وربـــــي يوفقــــج غناتـــــــي :icon26:​
 
مشكورة عزيزتي الورد .. استفدت منج وايد ..
و بصراحة سهلتي الموضوع .. لكن أنا من النوع اللي أحب يوم اسوي الشي يكون بيرفكت يعني لازم احسب حساب كل شي من قبل ..
بس زين و الله شجعتيني ^_^
 
سمو الاميره ..فكره روعه وانا بعد تحمست معاك ..اذا عزمتي فتوكلي على الله ولا تخلين الظروف توقف في طريقك ...انا بصراحه ماعندي فكره عن تحويلات الفلوس والبريد وهالاشياء لكن اقدر افيدك في نواحي المشروع بطريقه ثانيه لاني دارسه بزنس .. والله يوفقك
 
ثانكس ba7er
حتى انا جزء من دراستي كان في البزنس ..
بس اظن أحتاج شوية وقت لحد ما ابدأ المشروع لأن لازم أجمع معلومات عن المواقع و المحلات و شو نوعية البضايع اللي عليها اقبال .. و لازم أشوف منو منافسيني في البزنس و اعرف كيف اسعارهم و كيف اقدر احط أسعار مناسبة بالاضافة الى تكاليف الشحن ..
احس شي حلووو بس في نفس الوقت مسؤولية و ان شاء الله أكون قدها ..
 
الله يوفقك بس استشيري زوجك وشوفي وش يقولك وادعي من الله التوفيق واستخيري
 
أنا عن نفسي أشجعك وبشدة غاليتي
استخيري وتوكلي على الله وابدئي بدراسة الموضوع من كل النواحي في البداية
وعشان تكون دراستك واقعية للمشروع جربي ولو ما كانت اول تجربة ناجحة لا تيأسي.. لأنها راح تفيدك كثييييييير

أقصد جربي تشوفي نوع معين من المنتجات واعرضيها على التاجرات وابدئي بطلبية واحدة فقط في البداية قبل ما تكملي وشوفي كيف طريقة التحويل اللي اخترتيها وطريقة الشحن هل كانت مناسبة ولا لأ.. عشان تتجنبي اي اخطاء مع الطلبيات الجديدة..

ومع كل تجربة راح تستفيدي وتتوسعي بإذن الله..

كل مشروع في بدايته صعب ويمكن ماينجح بسرعة.. لكن راح تلاقي النجاح بإذن الله إذا ما كنتِ معتمدة على الله اول شيء.. ثم التخطيط والدراسة الكافية للموضوع.. وإعادة المحاولة وعدم اليأس..

اتمنى لك التوفيق والنجاح ويسعدني أقدم لك نموذج لإحدى التاجرات الصديقات هي بنفس وضعك وما شاء الله تبارك الله وصلت للي تتمناه ولها سمعتها الطيبة في كل مكان..
راح أرسل لك عنها على الخاص.. وإن شاء الله تستفيدي
 
شيخـ الزينات ـة قال:
الله يوفقك بس استشيري زوجك وشوفي وش يقولك وادعي من الله التوفيق واستخيري
أنقر للتوسيع...

مشكورة عزيزتي .. انا كلمت زوجي في الموضوع لكنه ما عطاني رد محدد .. لأن حالياً وضعنا في أمريكا مش أكيد .. ان شاء الله اذا كانت قعدتنا في البلد بتطول ببدأ المشروع بشكل جدي ..
 
أم مهند قال:
أنا عن نفسي أشجعك وبشدة غاليتي
استخيري وتوكلي على الله وابدئي بدراسة الموضوع من كل النواحي في البداية
وعشان تكون دراستك واقعية للمشروع جربي ولو ما كانت اول تجربة ناجحة لا تيأسي.. لأنها راح تفيدك كثييييييير

أقصد جربي تشوفي نوع معين من المنتجات واعرضيها على التاجرات وابدئي بطلبية واحدة فقط في البداية قبل ما تكملي وشوفي كيف طريقة التحويل اللي اخترتيها وطريقة الشحن هل كانت مناسبة ولا لأ.. عشان تتجنبي اي اخطاء مع الطلبيات الجديدة..

ومع كل تجربة راح تستفيدي وتتوسعي بإذن الله..

كل مشروع في بدايته صعب ويمكن ماينجح بسرعة.. لكن راح تلاقي النجاح بإذن الله إذا ما كنتِ معتمدة على الله اول شيء.. ثم التخطيط والدراسة الكافية للموضوع.. وإعادة المحاولة وعدم اليأس..

اتمنى لك التوفيق والنجاح ويسعدني أقدم لك نموذج لإحدى التاجرات الصديقات هي بنفس وضعك وما شاء الله تبارك الله وصلت للي تتمناه ولها سمعتها الطيبة في كل مكان..
راح أرسل لك عنها على الخاص.. وإن شاء الله تستفيدي
أنقر للتوسيع...

شكراً على النصايح الحلوة ..
فعلاً التجربة الأولى مهمة .. و شي مهم ذكرتيه هو أني أعرض البضاعة على التاجرات :idea:.. ما فكرت في هالشي من قبل ..
و الموقع اللي ارسلتي لي اياه رووعة ..
و مشكوووورة على التشجيع ..
 
حبيبي توكلي على الله لاتترددي التردد ماحيخليكي تواصلي لازم تكوني جريئه وعندك استعداد للمغامرة
كمان بالنسبه للوقت لاتخليه كل يوم خليى لك وقت محدد يومين لاو3 ايام للعمل وحددي الساعات الي حتجلسيها اعتبريها دوام ...
الشركات مجلرد ماتسالي بالنت حتلاقي الي يفيدك توكلي على الله وانا اول زباينك اذا حابه ... جربي حاجه غريبه وسعرها معقول
ربنا يوفقك ياقمر
 
السلام عليكم

حبيبتي استخيري وتوكلي على الله

وابدئي كبداية واختاري اكثر من منتج نادرين يكونو

وسوقيهم في النت وشوفي النتيجة


بخصوص التحويل خلي احد في بلدكِ مثلا اختكِ تكون تاخذ الفلوس لحسابها في البنك

وبخصوص الشحن في شركات كثير اولها البريد الممتاز او السريع

وممكن فيدكس او دي اتش ال او تي ان تي

اهم شي تحطي ببالكِ المنتجات الغريبة


وربنا يوفقكِ حبيبتي

وياليت ترسليلي ايميلكِ بالخاص يمكن استفيد منكِ :)
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل