عاشقة تميم
New member
- إنضم
- 2008/08/17
- المشاركات
- 309
السلام عليكم
ما أعتبرها مشكلة بس تقدرون تقولون حيرة.. القصة بما فيها
عندي صديقة طبعاً ما كانت لي رغبة بالتعرف عليها..ولكن حكم الظروف..ربيعتي عطت رقمي حقها
وتفاجأت..ومن باب الأدب تواصلت معاها
وتفاجأت..ومن باب الأدب تواصلت معاها
البنت سلمكن الله ..تجرحني بكلامها ..وكنت أبلع تجريحها لي..بس هذا سبب لي ألم نفسي
لفترة طويلة..حتى أني ما كنت اقدر أمارس حياتي بشكل عادي
لفترة طويلة..حتى أني ما كنت اقدر أمارس حياتي بشكل عادي
مثلاً أنا قصيره طولي 155 مره عايبت عليه وقالت إذا لبسي بنطلون أكيد شكلج بيظهر مثل الفلبينات طنشتها:schmoll:..وأنا طبعي ما أحب ألبس بناطلين في الجامعه..بس جسمي رياضي..بعكسها..
وإذا كنت مريضه ما تقول لي أجر وعافية وتسمع صوتي فيه بحة مرض اتقول أخخخ مريضة
والشيء الذي زاد طين بله..متعرفه على واحد طبعاً كاذب عليها انه مب متزوج وعطاها اسمه الغير صحيح..وأنا طنشت سالفتها ورحت العمرة..وتوقعت أنها قطعت العلاقة..لأني نصحتها تقطع العلاقة
ويوم رديت من العمر لومتني أني أنا السبب في أنها تكلمه..شقايل جذيه مادري؟:thumbdown:لأني ما اتصلت بها يوم كنت في العمره..وأنا اتصلت بها مره فقط وانشغلت..بس ما يعطيها مبرر تتواصل معاه..وعقب فترة طويلة بالصدفة اكتشفت انه متزوج و اكتشفت اسمه الحقيقي وطبعا عنده بنتين وولد..ويحب زوجته بنت عمه
وهي مجرد تسليه وتعرفون الشباب المتزوجين..وطبعا قال لها هو في العشرينات طلع في أواخر الثلاثينات..ومن غير انها قالت لي كلام جارح وطنشت..وآخر الأمور خبرتني انها مازالت تواعده بالرغم من كذبه..وكنت أكره أسمع سوالفها معاه..حتى مرة كانت تريد تخبرني بشي غلط بينها وبينه وقفتها عند حدها وقلت لها روحي صلي الضحى واطلبي المغفرة من رب العالمين وما أبغي أعرف شوه اللي جرى..وطبعاً من غير انها تتصل وطرش مسجات على تلفوني بارقام غريبه وتدعي انها (واحد) وهذا كله طنشته..بس سبب لي ضرر نفسي ..فقلت ليش ما أنتشلها من جذورها..لأنها شكايه وحنايه وربي رزقها واتحس أنها أتعس الناس..بالرغم أني أعاني من مرض ما اشتكيت ولا مرة لا لها ولا لغيرها
وحتى مره سببت لي ضيج سألتني سؤال شوه حال صحتج ..وكنت بالفعل أبغي أفضفض فجأة ما كملت خمس ثواني إلا قاطعتني وقالت الله كريم وسكرت التلفون..عيل ليش تسألين عن صحتي يوم ما تبغين تعرفين عني شيء:busted_red:
بنااات أنا قررت أني ما أتصل بها ولا أسأل عنها..لأن سببت لي ضرر نفسي حسيت تتمص روحي..طفيليه..وآخر شيء نفذت قراري..وما اتصلت بها..وهى طبعاً ما تتصل إلا محتاجه تفضفض عندي.. وبما أنها ما تتصل إلا وقت الحاجة ..ما اتصلت بي أكثر من 7 شهور..وكنت مستانسه أنها ما تتصل بي..وقدرت أعدل أوضاعي وأرتب حياتي وأصقل مهارة الكتابة وأشارك في المنتديات..
بس قبل رمضان باسبوع هى اتصلت بي ..أنا مارديت عليها ولا على المسج مالها..ولكن أمس مادري حسيت بشعور غريب..يمكن ضعف يمكن لأني ما أحب أكون جاسيه..وصابتني حيرة
بس قبل رمضان باسبوع هى اتصلت بي ..أنا مارديت عليها ولا على المسج مالها..ولكن أمس مادري حسيت بشعور غريب..يمكن ضعف يمكن لأني ما أحب أكون جاسيه..وصابتني حيرة
بنات سؤال واحد هل أستمر بقطع علاقتي معاها أم أتصل؟
وادعولي لأن احتمال أسافر بعد العيد عشان أكمل العلاج...وتسلمون على الرد علي:bigsmile:
