الخط الفاصل
~◦ღ( مميزة قسم الإستشارات الزوجية )ღ◦
- إنضم
- 2010/05/29
- المشاركات
- 1,921
أخواتي الغاليات
هذه قصتي قبل سبع سنوات
أنا وصديقتي اللي هي بمنزلة أختي نشتغل بمكان واحد ومكتبي جنب مكتبها..انخطبت واتزوجت..وأنا كنت وقتها مطلقة..
حملت صديقتي وكثر غيابها وأنا كنت أمر عليها كل فترة في الصباح آخذ أوراق الإجازات( أكون بالسيارة والسواق ينزل يجيب الاوراق) وأسلمها للعمل..
أتفاجأ يوم زوجها ينتظرنا ومعه الإجازة سلمها للسواق وظرف ناولني إياه (مد يده بالسيارة)وقال هذا لك اقرئيه...أنا اتفاجأت بس سكت وأخذت الظرف قلت أكيد الظرف من صديقتي..
وأنا بالسيارة فكيت الظرف حتى ماوصلت لعملي...لقيتها رسالة طويلةمن زوج صديقتي لي ملخصها راغب يتزوج مني مسيار من كثر ماسمع من صفاتي وأخلاقي ومستعد ينقلني من
عملي لفرع آخر إذا أنا خايفة على مشاعر زوجته اللي هي صديقتي وأختي..
أنا انصدمت صدمة قوية لدرجة بكيت بكاء غير طبيعي وجتني رجفة وبرد وصارت حالتي زفت وأزفت من الزفت..
بعدما رجعت من الدوام فصلت رقمي من الإتصالات...
وأخبرت أختي حبيبتي وأنا أبكي..هدأتني وقالت طنشيه وماعليك منه..
المهم أخونا في الله اتصل على جوالي لقيه مفصول..راح طلع رقم أختي من جوال زوجته وكلمها وقال لها راغب جدا وبشدة تكفين تكلمينها وتقنعينها ولا أحد بيكتشف الموضوع
أنا استخرت وأنا مرتاح وووو.................وكلام كثير..
أختي قالت له انا بختصر لك الطريق وأقول لك اختي أعرفها مستحيل توافق..
صار يلح عليها ويستحلفها تكلمني...طبعا أخبرتني أختي بناءا على رغبته وكانت النتيجة
الرفض القاطع وبشدة..
المهم جلست فترة طويلة بدون جوال وطلعت بهذا الوقت شريحة ثانية ولا عطيت رقمي لأحد
واستغربت صديقتي من فصل جوالي وسألتني السبب قلت لها مافي شي جتني فواتير كثيرة وماقدرت أسدد..
المهم ولدت بالسلامة وأنا زرتها ببيتها واتصرفت عادي وجبت لها هدايا وكل شي..
مرت سنتين أو أكثر ع هالموضوع..مرة فاجأتني صديقتي أسألك سؤال وأحلفك بالله تجاوبيني
بصراحة..قلت لها طبعا لأنها زي أختي وعمر ماخبيت عليها شي..
قالت: شفتي من زوجي شي؟؟؟ :33:
قلت لها: والله هو في مكان أخوي ورب المصحف ماشفت منه ولا جاني منه إلا كل خير..ليش تسألين؟؟ماقالت ولا وضحت السبب..:30:
سكتت صديقتي وهي غير مقتنعة لكن استمر علاقتنا أحسن من الفل..
الجديد
من 3 أسابيع صديقتي متغيرة علي جذريا كلامها معاي كلمة ورد غطاها...حاطة حدود وحواجزبيننا من غير أي سبب
سألتها شفيك؟؟ قالت مافيني شي لا توسوسين..أنا مزكومة وضغوط العمل .وأعذار ماتدخل الراس ...وربي أعرفها وأعرف شخصيتها مو من النوع اللي يسمع لفلان وعلان عشان أقول في العمل أحد قال عني شي وصدقته..مهما كانت مشغولة تتصل وتسأل حتى لو انا قصرت هي
ماتقصر وعشرة 7 سنين مو هينة أعرفها عز المعرفة.
وربي قلبي يقول زوجها موصل لها القصة إياها بطريقته..خايفة يكون ألف عليها أنا عرضت عليه الزواج أو أي كذبة..:29:
نسيت أقول لكم لما رفضته..أول شي سواه زوجها عشان ينتقم لنفسه مني صار يودي ويجيب زوجته بنفسه ع الدوام أول كانت تروح وتجي معي سواقنا واحد..
مالقى شي يضرني فيه غير السواق تركني لأنه يبي يشيل أكثر من وحدة..
أنا فكرت أصارحها بالحقيقة...وأريح قلبي خصوصا أنا الحين متزوجة..
وش تشورون علي.؟؟تكفون صديقتي مابي أخسرها وأنا احساس قلبي يقول زوجها قايل لها شي عني.. :40:
