هل أحضر خطبة أختي الصغرى؟

مافيها شي بس كلش لا تكشخين ولا تحطين ميك اب واذا اختج ما ودها انج تحضرين خليها على راحتها اهم شي نفسيتها
 
رأيي من رأي الأخوات اطلعي وكوني واثقة من نفسك ولاتحاولين تبينين انك متضايقة لأنك اكبر ولا انخطبتي قدامهم ..

الله يوفقك ويرزقك بالعريس اللي يخاف الله ويحافظ عليك
​
 
الله يسعدك ياعسل ويرزقك الزوج الصالح المحب



عادي ادخلي واكشخي ولايهمك شي

حتى اختك لما تشوفك دخلتي وبينتي لها فرحك رح تفرح اكثر وان شاء الله ربي يرزقك
 
انا من رايي تدخلي مافيها شيء احسن من ان الوالده تضيفهم لحالها بيقولون وين بناتها
والله عادي ولافيها احراج ولاحساسية وش بيقولون مثلا؟؟؟؟
 
عادي حبيبتي ادخلي واكشخي وساعدي والدتك وخليك واثقة من نفسك
ولا احراج ولا شي ليش يعني قالت لا تدخلي ؟؟؟؟؟؟؟؟؟افهمي منها السبب
الله يرزقك بابن الحلال الي يسعدك دنيا واخرة
 
بالعكس يا أختي ..

ادخلي وضيفي .. واكشخي واتعدلي وخليهم يعرفون ان بنات هالبيت كلهم حلوات وسنعات وراعيات واجب وتراج بتساعدين أختج وبتراوين أهل زوجها (ان شاء الله) ان خواتها وبنات أمج وأبوج بنات أصل يعرفون الواجب ويكرمون الضيف

أصلا اذا امج ضيفتهم بروحها بعيبون حتى على أختج بيقولون مافيها خير خلت أمها تشتغل عنها، وما أوصيج خلي شخصيتج حلوة مثل ما قلتيلنا

ومن يدري يمكن نصيبج ايي ان شاء الله من ورا عرس أختج

وربي يسعدج ويسهل عليج وعطيج كل ماهو خير وعوضج مساعدتج لأهلج بكل الخير ، ويرزقج بالريل الصالح اللي يرتضيه الله لج وتحبه نفسج، ويهني أختج ويوفقها في زواجها ويسر الدرب لكم كلكم شباب وبنات

اتوكلي على الله ورايتج بيضا
 
أختي ..

أنا اتكلم عن تجربتي أختي أصغر مني تزوجة لكني حضرت كل مناسباتها بالعكس كنت سعيدة لأني ميقنة ان الله يخبي لي القدر الاحسن والافضل ..

وان الله معايا فأبدا ماحسست الكل ان في شئ بخاطري للعلم انا معروفة بالحساسة اللي تتأثر بسرعة ودمعتها بالعين لكن يقيني برب العالمين هة اللي طمني فقط لاغير ..
 
عاااادي جدا" حبيبتي ما فيها شي..!! بالعكس حلو يدل على انج كبيرة وفاهمه وسنعة وبيكبرج في عيونهم
 
عزيزتي معليش في امور احنا ما نقدرها بسبب صغر سننا لكن لها معاني سيئه وقد تجيب لكي الكلام انت واهلك .....الافضل انك تبعدي حتى تسير خطبه وبعدها يمكنك ان تظهري في الصوره طبعا السبب الرئيسي لنك ما تدخلي لانك بنت وما اتزوجتي وممكن يتكلموا ويقولوا بتعرض بنتها او اي كلام انت تعرفي الحريم ....:e130: لوك لوك كثيروالواحد ما يبغى يجيب لنفسه الكلام واظنك الموضوع مش مهم عندك كثير... :c017:​
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل