دمعة رضا
New member
- إنضم
- 2009/11/23
- المشاركات
- 14
انا تزوجت من ولد خالتي ومعه شفت النكاده من اول يوم زواج وامه دايم تشيشه علي واختي تصير ماخذه اخوه ومتهنين مع بعض الا ان زوجي عكس اخوه بكل شئ دايم اهانه شتم وضرب وحاولت انه يتعدل واتعدل بنسبة 80%والحمد لله فرحت بعد كل مشكله يفهم ويتعدل وزانت حياتي معه لاكن امه دايم تصغرني بعينه حتى جاء يوم بغى يبيع العماره وياخذ لنا بيت احسن منه الا ان امه رفضت وضلت تدعي علينا وتهاوش وتقول وين اروح وبالاخير قالها ابيع البيت ولا اتزوج تجين تخطبين لي قالت خلاص تزوج لا كن لاتدري عنك وتمرض وتخيلو خطب واخذني وراني البيت كله ندور لصبح عيشني باوهام وين غرفة الشغاله بجيب لك شغاله واخليك تدرسين وبغير لك تصميم المطبخ وباجر الشقه الي تحت وبغير غرفة الاولاد وبسوي البلوكونه وانا مبسوووووووووووووووووطه قلت الحمد لله زانت ايامي وضحكت لي سنيني واخذني وهو يتغزل فيني وحنا مسافرين ويغني ويقول تعجبك معاملتي معك اللحين خلاص انا من اليوم معك كذا ومرررررررررروق على الاخر تعشينا بمطعم رحنا لبيت امي حطنا وراح يخطب اليوم الثاني ماعجبت امه ورفضتها وطلعو وهو زعلان يبيها حبها من قلب وطلعنا لديره والرجال موطبيعي متغير كثير علي وخطب كذا وحده ورفضو عن طريق الخطابه وبعدين عرفت من جواله انه خطب وماتمت وخواته وامه معه مشجعينه اقنعهم بانه ماسوى شئ حرام وانه مابيقصر معي
المهم عرفت وزعلت رحت عند امي قعدت اسبوع حنيت له ولاولادي ارسلت له وتشكرته مايتزوج ويبطل واني اكون له مثل مايبي الاانه رفض وطنشني وراح خطب وحده من الديره اكبر مني بعشر سنين واكبر منه بسنه ورجع لطايف جاء اخوه الي ماخذ اختي وراح له قال رجع حرمتك حرااااااام عليك وجاء ورجعت له الا انه حقرني راح يتمشى لجده وخلى اولاده عندي وبعدين رجع اخذنا ورحنا لرياض وانا ابكي منه مقهوره وهو ولا همه مطنشني حاولت اقنعه كثير مايتزوج توددت له اكثر الا انه بالاخير ملك بعد رمضان وجاء فرحان وانا كرهته ولا عدت ابغى اشوف وجهه وتحسفت اني عشت مع واحد مثله ناكر للعشره واللحين زواجه بعد يومين ومبسووووووووووووووووط كل يوم يزبط بشقته شئ واللحين هو منتدب ولا عد صرت اكلمه او ادق عليه مثل اول كرهته من قلب ولاكن مالي حد بالدنيا الا هو مضطره اني اعيش معه زواجه بعد يومين وش رايكم احضر زواجه لانهم طلعو اشاعه اني مريضه طايحه وعندي سكر واعصب حسبي الله عليهم بغيت الناس تشوفني عشان ماتصدق الي انقال عني بالرغم اني جميله ودلوعه وصغيره بالعمر مابعد دخلت الثلاثين الا انه شايف عمره ومغتر ورايح لغيري وش تنصحوني كيف اتعامل معه واهم شئ كيف احسسه بالذنب والي سواه فيني ...الله ينتقم منه هو وامه
5
المهم عرفت وزعلت رحت عند امي قعدت اسبوع حنيت له ولاولادي ارسلت له وتشكرته مايتزوج ويبطل واني اكون له مثل مايبي الاانه رفض وطنشني وراح خطب وحده من الديره اكبر مني بعشر سنين واكبر منه بسنه ورجع لطايف جاء اخوه الي ماخذ اختي وراح له قال رجع حرمتك حرااااااام عليك وجاء ورجعت له الا انه حقرني راح يتمشى لجده وخلى اولاده عندي وبعدين رجع اخذنا ورحنا لرياض وانا ابكي منه مقهوره وهو ولا همه مطنشني حاولت اقنعه كثير مايتزوج توددت له اكثر الا انه بالاخير ملك بعد رمضان وجاء فرحان وانا كرهته ولا عدت ابغى اشوف وجهه وتحسفت اني عشت مع واحد مثله ناكر للعشره واللحين زواجه بعد يومين ومبسووووووووووووووووط كل يوم يزبط بشقته شئ واللحين هو منتدب ولا عد صرت اكلمه او ادق عليه مثل اول كرهته من قلب ولاكن مالي حد بالدنيا الا هو مضطره اني اعيش معه زواجه بعد يومين وش رايكم احضر زواجه لانهم طلعو اشاعه اني مريضه طايحه وعندي سكر واعصب حسبي الله عليهم بغيت الناس تشوفني عشان ماتصدق الي انقال عني بالرغم اني جميله ودلوعه وصغيره بالعمر مابعد دخلت الثلاثين الا انه شايف عمره ومغتر ورايح لغيري وش تنصحوني كيف اتعامل معه واهم شئ كيف احسسه بالذنب والي سواه فيني ...الله ينتقم منه هو وامه
5
