هلا خواتي ممكن نتكلم شوي ؟

[فديت انفاسه]

سلام عليكم شخباركم

موضوعي هو مشكلتي الا هو (الكذب ) انا خطيبي كذب علي يعني قال ان راح مكان وهو راح مكان ثاني كان يبي يخوفني عليه ع كلامه يعني المهم
انا احين مسويه له فتره عقاب يعني كلمته وخليته يعترف بعدها خذيت موقفي صار لي خمس ايام مارسلت له ولاشي عشان يحس بكذبه ومايكرر هالشي
هويرسل لي مسجات ويتصل ومومصدق ان مطنشته يعني متعد بكثير يومين ويوم وارد عليه
عشان كذا سويت شي عكس توقعه ويظن ان بيخسرني جد ويحس ع نفسه شوي
مهم انا اليوم قررت لواتصل اكلمه بس بيكون كلامي وياه جاف يعني عشان يعرف ان زعلانه حيل

شرايكم ؟ او في حل افضل لان شفت تطنيشي جايب نتيجه

 

[لحن الشفاه]

لاعاد موتزويها كلاميه بس على قولك خليكي جافه معاه واذا قالك ليش قوليه حط نفسك مكاني انت تراض اكذب عليك............

 

[فديت انفاسه]

ايه بس بعد اخطط ان يعن يلوكلمته بعدها يعني بعد ماتمشي امور شوي بكلمه عادي بس بخليه يفقد اشيا كان متعودها مني ويحبها
عشان يقول ويعرف ان الكذب مايسوى يخليه يفقد اشيا يحبها وبقوله مب يرد كل شي الا لين تتغير

 

[رازيا]

على فكرة انت مكبرة الموضوع ترى بكرة خطيبك يطفش منك ومن معاملتك الجافه له
واطلب منك ترجعي للموضوع اللي نزلتيه قبل هذا واقرئي ردود البنات عليك
تعوذي من الشيطان والتمس لاخيك سبعين عذر
وكلنا بشر مو ملائكة يعني الخطاء وارد
لا تكبري الموضوع واستهدي بالرحمن
وبعدين انت قلتي انه اعترف بغلطه ويرسل لك مسجات
شو بدك احلى من هيك
احمدي الله
الحين في الخطوبة هو يعتذر
بكرة بعد الزواج الله اعلم شو راح يصير
خليكي ريلاكس واسترخي ولا تشدي على حالك واعصابك
خطيبك ما كذب الا اكيد لانه عنده ظروف
مثل ما قلت لك التمس لاخيك سبعين عذر
وانتبهي زوجك مو ابنك علشان تعاقبيه

 

[فديت انفاسه]

هو كذب متعمد اعترف بنفسه
لوسامحته كذا بيرجع يكذب

 

[راجين التويجري]

اختي ليه التشدد هذا الي انتي فيه اسلوبك هذا خطأااااااااااااااااااااااااااا
دحين انتي بفتره خطوبه فا خطيبك عاملك لكي حساب بعد الزواج راح يكون تصرفه غير لا راح يعترف وممكن من ضغطك يزيد كذبه والاعيبه

صدقيني اسلوب التحكم والسيطره ورعبة حريم كثير بانها تتحكم بازواجها بالريموت كنترول ما تنفع ابدا ابدا وخاصة الرجال ما ينفع معاهم اسلوب الضغط والتحكم لانهم اذكى واقسى من الحريم راح يلقو الف طريقه وطريقه يجننك فيها


ذكرني كلامك بصديقه لي لما انخطبت كانت حابه تغير من زوجها وتتحكم فيه كان الصراحه زوجها جنتل بالمره معاها بس بعد الزواج حاولت كثير تتحكم حتى باكله هذا مو صحي وهذا كذا وهذا كده هي كان قصدها انها تخليه يعمل كل شئ كويس وصح وهي كمان بس اسلوبها خنقه وصار يطفش منها كثير في اول سنه كان ماشي معاها او بالاصح اقل من سنه بعد كده لاسلوب حياته هو وطريقة الاكله الخطأ ع قولتها وللسهر ووووو وصار مطنشها على الاخر

مستحيـــــــــــــــــــــــــــــــــــــــــل تتحكمين برجل بالغ شخصيته متكونه من زمان ترى صديقتي كانت تستخدم نفس اسلوبك عقاب واسلوب جاف وتعامل عقلاني مع زوجها بس ابدا ما نفع معاه وهو دحين قايل لها راح اتزوج عليكي ابي وحده انثه مو ابو الشباب زيك

فا احذري كووووووووووووووووووني انثى مو سيد شويش

وانتي براحتك

 

[رازيا]

على فكرة انت عنيدة وراح تتعبي بحياتك اذا بقيتي على عنادك هذا
انصحك كوني لينة كوني لينة كوني لينة

 

[قلبي المجرووح]

مع رزايا

 

[رازيا]

http://www.niswh.com/vb/showthread.php?t=335670

 

[أخت في الله]

بسم الله الرحمن الرحيم

حياك الله أخيتي الغالية فديت أنفاسه أضحكتني جزاك الله خيرا فيما فعلته من عناد منك رغم مشاركاتنا بموضوعك السابق .. ياأجمل عنيدة أنتي ههههه وتقولين التطنيش جاب فايدة

حبيبتي التطنيش ينفع أحيانا لكن ليس في بداية المشوار وأنتما لستما تحت سقف واحد بعد... فالتطنيش الكثيثر سيدخل العلاقة في شيخوختها المبكرة ...ولن ينفع ذلك الدواء فيما بعد لأن مذاقه سيتعود عليه خطيبك ولن يؤثر فيه فيما بعد...لذلك اجعلي من التطنيش سلاحا تخرجينه بعد سنين زواجك واجعليه آخر الحلول...وحينها مذاقه لن يكون متكررا عند خطيبك الذي سيكون زوجك إن شاء الله فيما بعد وبالتالي سيأتي يوم تحتاجين لفعل هذا الدواء " التطنيش" وسيكون حينها منتهي الصلاحية ..فانتبهي عزيزتي

................................
أما الآن فكلميه عتابا ومسامحة منك واجعلي المياه تجري في مجاريها

أسأله تعالى أن يجمعكما على خير عاليتي وأن لا يفرق بينكما

 

[رندا كووول]

اخت في الله ماشاءالله ابدعتي ف الرد

فديت انفاسه اسمعي الكلام واتركي العناد
الله يهديك .

 

[فديت انفاسه]

مشكورين فديتكم هههههههه انا مو عنيده بس كذب والله يحرق قلب

اليوم رسل لي ورديت ع رسايله قالي سامحيني واعترف ان غلطان لان عالج الغلط بغلط اكبر
مهم قلت له بسامحك بس تحلف ان ماترجع تعيدها وحلف

انا مااخنقه بتصرفاتي ولا اتحكم فيه بلعكس احنا متشاركين ومافي احد يتحكم بثاني بس الي صار جرح مشاعري جد
لان متعودين ع صراحه وهذا شي دخيل بحياتنا الا هو كذبته حتى لوكان لها مبررات
مهم احين موضوع عدى واحين بفتره ان قلوب تصفى وترجع مثل مكان قلت له لا تتوقع ان قلت لك سامحتك يعني خلاص بضحك وكل شي عادي هو عارف ان مستحيل يعني بعد لازم كم يوم
مشكورين لكل الي نصحوني

 

[LaRosy.net]

هههههههههههه ياحبيلك
مصره تعطينه أوامر ولفت نظر لاعاد تعيدها ووو.... وتهديد وماراح ارجع اضحك
وتمنين عليه بمسامحتك له ....ياشيخه لازم تغضين الطرف كانك تبغين تعيشين
انت تقولين كذا عشانك
ماعشتوا مع بعض تحت سقف واحد
هو ماهو ربوت تحركينه مثل ماتبين !!
كما قال الإمام أحمد بن حنبل "تسعة أعشار حسن الخلق في التغافل"

 

[فديت انفاسه]

والله مااتحكم فيه واالله ههههه
بس ليش تظنون كذا والله كل سالفه ان هو كذب وهذا غلط يعني اسامحه ع طول ياحليلي مايصير اصلا محد يرضى بغلط
يمكن زودتها شوي اعترف بس عشان جد مايتكرر لان فتره الي نبعد فيها عن بعض اتضايق وانا مابي كذا
مابي يتكرر عشان اتضايق بعد
وهو لو موغلطان جد كان ماعتذر ولااستسمح كان بيطنش بس هو عارف ان الي سواه غلط ومازعلت ومارضيت الا لان احبه جد لو مايهمني كان مافتكرت فيه

 

[جلينار 2009]

اممممم
انا انصحك انك ماتطولين اكثر من كذا لان المقصد من العتاب واضح
والهدف توضيح الخطاء الذي وقع فيه لان الاطاله يتخللها كثير من الملل ولا يوجد فائده مرجوه
هذا رائي
والله يسعدكم

 

[رازيا]

http://www.niswh.com/vb/showthread.php?t=286909

 

[فديت انفاسه]

رجعت المياه الى مجاريها هههههههههه الحمدالله
بس صراحه الي صار احسه جاب نتيجه حتى طريقه كلامه تغيرت للاحسن
وحلف ان مايعيد الشي
واحين سامحته وهو بين ندمه
مشكورين