هـــــــدية العـــــــــــيد

[*غير الناس*]

مساء الخير على الجميع وتقبل الله صيامكم وقيامكم وجعلكم من المغفورين في رمضان يارب
أنتو عارفين إنه العيد قرب إن شاء الله ومافي أحلى من هدية العيد فحبيت إننا نتشاور في هدية العيد لأني محتاره أش أهدي زوجي على العيد أهديت عطر وساعه وجوال ودحين إحترت فكرت إني أهديه بيجامه بس ماحس إنها حلوه للعيد فكل وحده تقول من أفكارها مو تطنشو وماتردو:sad_1:
أبغى أعرف تجاربكم وذوقكم

 

[*غير الناس*]

وبعدين معاكم أبغى أروح السوق ردو عليا:icon28:

 

[الدكتورة نبضة قلب]

هلا سموره
خذيله نظاره شمسيه

 

[*غير الناس*]

ياعمري يانبضة قلب تسلمين بس عنده نظاره جديده

 

[*غير الناس*]

شموخ الإيمان شفتك في الموضوع ومارديتي يخص عليك معقوله ماعندك أفكار

 

[سفيرة السعداء]

واااي فضيحة

شموخ الإيمان شفتك في الموضوع ومارديتي يخص عليك معقوله ماعندك أفكار

​

:in_love:​

:in_love:​

:in_love:​

السموحة الغالية بس انا بعدني ما عرست بس مالجة وكنت داخلة آخذ أفكار خخخ​

بقولج انا آخر مرة هديتة بزمة وقلم وعطر ماركة آجنر لأنة هو يحب الماركات :nosweat:​

وغلفتها بطريقة مبتكرة جدا وتعبت عليها وااايد :dunno:​

​

وممكن تعدينة مجموعة مخلطات عربية ودهن عود بيكون حلو للعيد


والسموحة الشيخة ​

 

[*غير الناس*]

يالله أنا جالسه هنا أي وحده تدخل وما ترد راح أشهر فيها زي الغاليه شموخ:sly:

 

[سفيرة السعداء]

يالله أنا جالسه هنا أي وحده تدخل وما ترد راح أشهر فيها زي شموخ:sly:

:e136:

ههههههااااااي

الله يعينكم يا بنات ألحين بعمم على الكل أنة ما يدخل:msn-wink: خخخخ

يالله سيري السوق واشريله :blow:


نسيت اقول اني كنت ابا اييب له محفظة أجنر بالمرة

بس كان مش موجود في الفرع اللي سرتة

 

[الأسطـــــورة]

حاولي انك تسأليه بطريقة غير مباشره
واذا عرفتي منه خير وبركة
وبعدين لاتتقيدي بهدية غاليه خليها بسيطة ومعبره

 

[أميرة الشرق]

اهديه نعال الله يكرمج ولا عطرولا بوك اوووو اذا عندج وايد بيزات اشتريله مجموعه هدايا
وغلفيهن في بوكس حلووو
او فصليله كندورة للعيد واشتريله غترة وعقااال ,,
اوو وهذا احلى شي يحبونه الريااايل اشتريله موبااااايل ...

 

[سفيرة السعداء]

اهديه نعال الله يكرمج ولا عطرولا بوك اوووو اذا عندج وايد بيزات اشتريله مجموعه هدايا
وغلفيهن في بوكس حلووو
او فصليله كندورة للعيد واشتريله غترة وعقااال ,,
اوو وهذا احلى شي يحبونه الريااايل اشتريله موبااااايل ...

فكرة الموبايل حلوة :showoff:

شرايكم تنفع هدية للصباحية ولا :1eye:؟؟

الناس وين وأنا وين:surrender: خخخ​

 

[*غير الناس*]

الإسطوره وأميرة الشوق تسلمون حبايبي
شموخ جبتله قبل كذا موبايل وترها هديه حلوه تعجبه متى زواجك حبيبتي بحضر ممكن

 

[سفيرة السعداء]

الإسطوره وأميرة الشوق تسلمون حبايبي
شموخ جبتله قبل كذا موبايل وترها هديه حلوه تعجبه متى زواجك حبيبتي بحضر ممكن

عرسي عقب العيد إن شاء الله :msn-wink:

حياج الله الغالية والله لو انج من دبي حياج :nosweat:

:icon30:

بطرشلج الدعوة عبر الرسايل الخاصة إن شاء الله :smoke1:

 

[مير]

هلا سمورة

ليش ما تغيري هذي السنة ..

بلاش هدية له .. خليها حفلة مبتكرة ، قميص نوم فيه حركة ، او اضيفي ديكور رومانسي لغرفة النوم او الحمام .. او ممكن كيكة عليها صورته ..

لأنو هدايا الرجال قليييلة واذا هاذي السنة لقيتي شي تهديه . السنة الجية ما حتلاقي !!

انا فكرت في جوال جديد .. اهديته زمان واحد و صار قديم

 

[*غير الناس*]

تسلمين مير حبيبتي بس أنا وزوجي ماننام مع بعض في العيد نتقابل ساعه بس عشان كذا ماينفع
ماشاء الله ياشموخ زواجك قريب كيف النفسيه ترى كل لحظه الأن أو بداية الزواج حلوه بحلوها ومرها فعيشي إحساسك وتمتعي الله يديم عليك السعاده وحتي بقية العمر إن شاء الله بس في البدايه كل لحظه لها روعتها

 

[نفاف دبي]

عن نفسي مفكرة آخذ له نعال- أكرمكم الله - و مسباح من داماس ( في أشكال حلوة) و بعد بآخذ له غترة ثقيلة (شال) و بعد عطر و بيجاما و سليبر و بعدين بفكر شو بعد

انا مرة خذت له هدية لبس رياضة للاعب اللي يحبه ( رونالدينو) كان عبارة عن برمودا وتي شيرت و كاب و عطر

و بعد ريلي يحب الالكترونيات ..أي شي يديد في مجال التقنية يشتريه و اللي يأكد هالشي هداياه .. يعني مرتين ياب لي موبايل و مرة ياب لي لاب توب + طابعة صور و مرة ياب آي بود

و هالمرة حاط عينه على لعبة نتيندو يديدة بالسوق أسمها ويي (WII) .. كنت مفكرة آخذها له بس شكله أول ما بيستلم الراتب بياخذها يموت على السوالف مع ما يحب البلاي ستيشن بس هاللعبة دشت خاطره لأنها مثل المحاكاة يعني لازم تتحركين يوم تلعبين .. يعني لعبة التنس >> لازم تمسكين الجهاز و تلعبين و تتحركين كأنج تلعبين تنس بالواقع و في عدة ألعاب ثانية .. حتى أنا بصراحة عجبني

 

[*غير الناس*]

تسلمين يانفاف دبي بس والله كثيره هاذي مجموعة هدايا مو هديه ويبغالها ميزانيه بس أفكارك حلوه

 

[some1]

ليش ما تشوفين له موبايل جديد ،، يعني فكرة حلوة وخاصة اذا عندك المبلغ متوفر دلعيه وجيبي له موبايل وخلليه هو بعد يدلعك ويجيب لك واحد ،،
ها ها ها ،
كل عام وانت بخير وزوجك بخير

 

[sandrila]

احسن هدية انك تهديلو بيجامة مع ليلة رمنسية عمرو مينساها.........شموع وتدليك وحركات جديدة......

 

[*غير الناس*]

تسلمين سم ون نورتي الصفحه واللي تقوليه صارفي عيد العام بس بالعكس هو جابلي بعدين أنا جبتله عشان كان نفسه فيه خفت يرجع عليه (سريني وأسريك)ههههههه
حبيبتي سندريلا هاذا اللي أفكر فيه البيجاما بس ليله في العيد ماينفع
العيون السود صدتك يالله أعطيني فكره