هروب زوجي

[دمعة_حائرة]

السلام عليكم ورحمة الله وبركاته
في البداية اود ان اشكر موقع ممكلة بلقيس على الكلام الجميل والنصايح الطيبه
اخواتي انا مشكلتي عمرها 8 شهور منذ ان تزوجت الى اليوم اكملت 8 شهور اعاني من هروب زوجي من البيت وعدم اهتمامه بي ومعاملتي كزوجه لي حقوق وواجبات والله تعبت من سوء تصرفاته ومعاملته لي اتخلين انا اعيش في بيتي في امارة وزوجي بامارة اخرى من المسؤل عني لا احد انا المطلوب مني ان اقوم بجميع واجبات المنزل حتى عندما امرض لا يبالي بمرضي لا اعرف ما هو الحال هو عندما ياتي عندي يكون شخص ثاني يحبني ويدللني ولا يقصر معايه باي شي ولكن بمجرد عودته لبيت اهلي ينقلب حاله ويكرهني ويكره الحديث معي ويصارخ في وجهي ويغلق الهاتف بوجهي لا ادري ماذا افعل معه ..انه رافض فكرة الانجاب يقول بدري على الاطفال..انا اتمنى يكون عندي طفل ..ولكن يكيف سيكون عندي طفل وزوجي ياتي في الشهر مرة واحدة ............تعبت من حاله تعبت من كثرة الصبر ..دائما ادعي له بالهداية ...ويكره اي نقاش او اي حوار مني يحبني صامته فقط...

 

[الكونتيسه]

والله يأختي مدري شقولك بس حالك يشبه حالي كثير مايحب النقاش ويسكر اي موضوع افتحه معه ودائما برا البيت من اول يوم زواجنا الناس مبسوطه اني تزوجت وانا في هم مايعلمه الا الله وجبت منه ولد والحين طالبه الطلاق نصيحة لله وان كنتي تحبين الاطفال وهذا اللي خلاني احمل منه لاني احب الاطفال لاتحملين الحين ابد الين تستقر الامور بينكم وتحلين مشكله زوجك

والله يهدي الجميع

 

[دمعة_حائرة]

بس انا قلبي يقول في وحدة ثانيه بحياة زوجي لان مستحيل زوج يصبر هالكثر عن زوجته ........اتخيل انه حتى لا غيره يغار ولا يخاف عليه وجودي عنده مثل عدمه

 

[الكونتيسه]

طيب ليه ماتنقلين عند زوجك حتى لو عندك ظروف حاولي تنقلين عنده في الاماره اللي هو ساكنها لان ممكن يكون اخذ على بعدك عنه وصار عادي عنده بعدين تاكدي اذا في حياته وحده ثانيه وحاولي تعرفين وش الاشياء للي يحبها وتتقربين له فيها وكلميه من فتره لفتره علشان تظلين في باله وماينساك

والله يسخره ويهديه لك

 

[الكونتيسه]

طيب ليه ماتنقلين عند زوجك حتى لو عندك ظروف حاولي تنقلين عنده في الاماره اللي هو ساكنها لان ممكن يكون اخذ على بعدك عنه وصار عادي عنده بعدين تاكدي اذا في حياته وحده ثانيه وحاولي تعرفين وش الاشياء للي يحبها وتتقربين له فيها وكلميه من فتره لفتره علشان تظلين في باله وماينساك وممكن في شي مضايقه منك وماحب يجرحك حاولي تعرفين سبب هروبه من البيت

والله يسخره ويهديه لك

 

[الدكتورة نبضة قلب]

غاليتي

شو طبيعة زوجج؟

ليش ما ينزل في الويكند؟؟

ليش ما تسيرين وياه؟؟

اذكريلنا مواقف وكلام يخلي يوصل لدرجة تسكير التيلفون على ويهج؟؟

اهلج شو موقفهم؟​

 

[مؤاسم الدهر]

جوبي الاخوات وان شاء الله تستفيدي عزيزتي

 

[دمعة_حائرة]

طرحت عليه فكرة اني اسير اسكن عنده بس رفض..اهلي يقولون ما عندنا بنات تتطلق ..ما حد فيهم اتجرا ورمسة...اهله رمسوا مرات ومرات وياه بس من غير فايده...طبيعة زوجي عصبي يحب التغير طيب القلب يعني زعله ما يطول بس انا الا ان تلفونه كله يرن ولا يسكت ومخلنه صامت ومشتغل بكتابه المسجات جدامي...احسه من النوع الي عنده علاقات وياي بنات لانه وايد يهتم بمظهره ويرفض وجودي عنده في بيت اهله..مخلي قفل لتلفونه ويوم ينام لازم يسكر تلفونه........بس الي قاهرني انه ما فيه انه ما يغار عليه عادي عنده اطلع فالليل ولا يهمه وين اسير وين ايي .........حتى اذا كنت مريضه ما يحاتيني لا يوديني مستشفى ولا شي يخليني بمرضي.........اتخيلوا حتى في الويك اند ما ايي عندي من اتزوجنا الين الحين ولا ويد اند ياء فيه البيت والاجازات والمناسبات كلها عند اهله...........حتى العيد عند اهله...اتخيلوا هالشي...

 

[دمعة_حائرة]

غاليتي​

شو طبيعة زوجج؟​

ليش ما ينزل في الويكند؟؟​

ليش ما تسيرين وياه؟؟​

اذكريلنا مواقف وكلام يخلي يوصل لدرجة تسكير التيلفون على ويهج؟؟​

اهلج شو موقفهم؟​

حسب تخميني لشخصيته احس ريلي رجل ضعيف الشخصية لاني كل ما اوجه باي غلطه يعصب عليه بسرعة حتى يوم اناقشه بموضوع الحاله الي نحن عايشينها وليش نحن عايشين هالعيشه وهو شرق وانا غرب وشو فايده الزواج اذا ما عشنا ويا بعض وكونا اسرتنا ويا بعض يتنرفز عليه بسرعة ويقول لي انت ما عندج موضوع ثاني خلاص سكري على الموضوع انا مليت من هالموضوع ويسكر على طول في ويهي انا اكون مشتاقه لزوجي ومحتاجتنه يكون عندي اغار من كل زوجه زوجها عندها .......هو فيه طيبه بقلبه يعني زعله ما يطول يوم ويرضى....فيه نوع من المكر والدهاء يعني عادي يتمورض عليه عشان يروح عني كثير الكذب وايد يكذب...يحب يلفت انتباه الغير..لاحظت عليه في الفترة الاخيره وايد يهتم بلبسه وبكشخته...مدمن انترنت وتلفونات عنده تلفونات بلهبل...كان عنده علاقات ويا بنات هالشي عرفته بلسانه وهو صارحني من غير ما يحس قبل لاينام صارحني بهالشي....احسه فاقد اشياء وايده بس ما عارف كيف يحصلها.........حسب تخميني هو بداخله طفل صغير وفاقد اشياء وايده كان محروم منها ....هو صغير هو يحب يكون حر ما يحب حد يقد حريته ولايحاسبه ويقول له انك غلط؟؟؟مع انه يعرف اشياء وايده عن الدين بس مبتعد وايد عن ربه......يعني عادي عنده يمر عليه يومين ما يصلي............احسه يحتاج اعاده تاسيس بس كيف ابدا اسسه ما اعرف...........حاليا انا مخلتنه على كيف كيفه ما احاسبه ولا اناقشه باي شي.........لاني بصراحة تعبت من كثره النقاش والكلام.........مخلتنه الى الله هوالهادي.........على فكره هو كثير السفر

هو يرفض يوديني عنده في الويك اند والاجازات.........ويرفض اني اسكن عنده يقول خليج جذيه احسن قلت له انا مضرره من غيابك اتخلي اييني في الشهر مرة ...............بالذمه في ريال يقدر يصبر عن حرمته هالكثر يسكر التلفون في ويهي اذا ناقشته باي شي.........يحبني اذا خبيت كل همي وضيقي والوحده والفراغ العاطفي الي انا حاستنه بغيابه..........حتى مرة قلت له الحين عرفت ليش اغلب المتزوجات يخون ازواجهن .....انا قلت اذا سمع هالكلام بتتحرك مشاعره وبيخاوف مني وجنه ما سمع شي مني............
اهلي ناس طيبين وعلى نياتهم يعني ما يبون يخربون بيتي يقولون لي صبري ..........المشكله انا المتضرره كم بصبر وكم بتحمل.............

 

[غلاء 2008]

ربي يعينك ويزيد ك من الصبر

 

[دمعة_حائرة]

وينكم ما حد حل مشكلتي...ابا حل لمشكلتي جزاكن الله الف خير

 

[m2008]

جذيه وايد الصراحه الله يهديه