بادئ الموضوع تاريخ البدء
  • المشاهدات 2,023
  • الردود 21
إنضم
29 أكتوبر 2006
المشاركات
852
مستوى التفاعل
2
النقاط
0
السلام عليكم ورحمة الله وبركاته
ترددت واااااااااايد قبل لاأنزل المشكله
لأني شايفته ولاشي جدام مشاكل الأخوات الله يصبرهم ويكون بعونهم
لو اني منزله الموضوع قبل سنه كنتم بتلقوني منهاااااره
لكن الحين الحمدلله رتبت اموري شوي بس اريد بعض الأرشادات وأذا كنت غلطانه بشي حد يخبرني
بكتب مشكلتي من البدايه وهي من بيت الأهل

قبل الزواج كنت عايشه بين اهلي ابوي وامي واخواني << انا وحيدتهم يعني ماعندهم خوات غيري
المهم الوالد الله يطولنا بعمره اروع رجل شفته بحياتي
طيب وحبوب ورحيم ويحب زوجته وعياله وضحى بكل شي علشانهم
الوالده الله يحفظها مزاجيه غيوره قويه
انا مياله لطبع ابوي اكثر خصوصاً أن الوالده ماشاء الله عليها مو مقصره مع الوالد
يعني ابسط شي كانت تحولها مشكله كبيره
وكنت اشوف الوالد مسكين دايم هو المظلوم على انه يكون غلطان في بعض الأشياء لكن ماتوصل لمشاكل كبيره
علشان جي حطيت في بالي اني لمن اتزوج بعيش ريلي احسن عيشه
وكانت شديده في معاملتها معانا يعني شديدة الرقابه وماتخلينا نلعب مع اي حد
وأسلوبها الأول والأخير معانا الضرب والتهديد
علمتنا احترام الكبير حتى لو جان غلطان لازم نحترمه ومانرد عليه ابد وارحمه والحب بينا والكرم وصفات وااااايد حلوه
لكن هذي الأشياء جان لها الأثر في حياتنا خصوصاً انا لأني بنت
صارت شخصيتي مهزوزه ولأني احب الوالد كنت طيبه لأبعد الحدود وأي شي مثالي درسته كنت اطبقه على طول
بس مع هذا كله كنا نتعامل انا وأخواني وحريمهم بكل حب واحترام
يعني كنت اقرب للمثاليه ولكن بطيبه حتى رفيجاتي جان يقولون انتي من عالم آخر غير الأرض
لكن بعد الزواج أكتشفت ان هالأشياء ماتمشي في عالم المتزوجات
لأنه وبكل بساطه الزواج وللأسف يباله وحده تتقن فنون الحياة من غنج وضحك عالعقل وهالأساليب

بعد الزواج صدمت لأني انتقلت من بيت الأهل لبيت بروحي واهلي بعيدين عني أولاً
صدمت من معاملت اهل ريلي مع بعضهم فهم يتعاملون بجفاء هذا ثانياً
صدمت لأن طباع ريلي غييييييير عني تماماً هو عصبي ويحب نفسه ومايحب اني اناقشه بأي شي يأمر فيه
كنت ممنووووعه امسك اغراضه او افتشهم << البوك .. المبايل .. ثيابه
ومع هذا كله حاولت اني اتأقلم مع الوضع اليديد
عاملت اهله بكل حب امه مثل امي وابوه مثل ابوي وخواته مثل خواتي الي الله حرمني منهم
والحمدلله الأمور طيبه بينا
الزوج : طبعاً مثل ماخبرتكم من البدايه اني يوم بتزوج بعيش ريلي احسن عيشه جيف ؟
من وجهة نظري : أي شي يقوله حااااضر طيب من غير أي مناقشه ..
لوكنت محتاجه شي اتحمل وما أطلبه منه ..
تنازلت عن اشياء واااااااايد الله يكرمكم سنتييييييين بعد الزواج ماطلبت منه شي حتى ثوب يشتريه لي
كل هذا غلطي لو أني كنت أدري بسلوب الريايل جان من اول ماتزوجته تعاملت معاه بسلوبهم
لكن ماقول الا (( قدر الله وماشاء فعل ))
المهم تميت فتره وأنا معاه بهالحاله وبعد مايبت ولدي الأول تغير
صار مايقرب مني خير شر تمينا سنه مع بعض في بيت واحد ولا جنا متزوجين
كنت ابكي كل ليله اشوفه ياخذ فراش ويسير ينام غرفه بروحه ولا يي صوبي
حتى سلام مايسلم وانا مب فاهمه شي
لكن الله اراد انه ينكشف جدامي .. وفي ليله من اليالي طلعت المطبخ الا وسمع صوت ياي من غرفته
مشيت شوي لين عند الباب ويلست اسمع وانصدمت لمن سمعته
لأني ماكنت اتوقع ابد ان ريلي من هالنوع
والله يابنات سمعته يكلم وحده عن الحب ومادري شو من هالخرابيط
وانا من هول ماسمعت فتحت عليه الباب وواجهته وانهرت ورحت ابكي في غرفه ثانيه
يالله اكتبلكم واحس بدوخه جنه الي صار الحين
من بعدها فتحت عيوني عليه وصرت ماأثق فيه ابد لأنه طاح من عيني
المهم فتشت اغراضه الي خاشنهم عني في السياره في اماكنه اسريه
ولقيت رسايل حب وصور بنات وواجهته فيهم وقطعهم جدامي
ثقتي فيه انهزت واحتجت لسنوات لين ماردت مره ثانيه بس مب مثل اول
مع هذا كله تغيرت من هالناحيه وبس يعني لازلت الزوجه المضحيه والخايفه من غضب ريلها

قبل سنه من الحين تزوج اخوه على حرمته .. كانت هذي الصدمه العنيفه لي
بتقولون ليش انا بخبركم
مرة اخوه نفس طباعي مضحيه ومتنازله وكل شي لمن تزوج عليها جن ريلي عرس علي
ضقت وتنرفزت وشفت نفسي بعد سنوات
من بعدها تغيرت وفهمت ان مافي ريال يستاهل ان حرمه تضحي علشانه
دخلت عالم النت من سنتين ومع صدمة اخوه تغيرت واااااايد حتى هو تغير معاي 180 درجه
صرت اطنشه وماأعطيه الأهتمام الي اول كنت ارويه
اطلب منه وااااايد حتى اللأولاد يدرسون بمدارس خاصه << من كثر الخوف
يوم يهاوشني بشي ومعاي رد مقنع ارد عليه .. مب مثل اول اسكت واكتم غيضي بنفسي
وأشياء واااااااايد
المشكله ان في بعض الأشياء لسه مصر عليها
مثال : مافي مصروف .. مايعطيني شي ولمن اطلب منه يقول انا مو مقصر في شي معاج ليش تيبن فلوس
وهو صراحه اي شي اطلبه ينفذه بس في اشياء محتاجتها واريد افاجئه فيها ..
ساكنين في شقه وجدامنا حدايق ما أقدر أنزل انا واليهال بروحنا لازم هو ينزل معانا وياااااالله لين يفضى
شغاله ماعندي .. لمن اطلب اروح عند رفيجاتي او اي احد لازم يزوروني بالأول وبعدين ازورهم
حتى اللبس اكرمكم الله لمن اطلع عند احد : ليش هذا ضيق ليش هذا صدره مفتوح ماتستحين تلبسين جي جدام الحريم؟
على اني مالبس قصير ولاعريان يباني البس شوال عيش وارتاح
أريد اغيره في هالأشياء ممكن تاساعدوووووووني يالحبايب ولكم جزيل الشكر​
 

nono

New member
إنضم
10 أكتوبر 2006
المشاركات
528
مستوى التفاعل
0
النقاط
0
الإقامة
أبوظبي .. دارك
الله يكون في عونك
بس الحمد لله انج انتبهتي حق عمرج
كوني قوية بمعنى الكلمة يوم تطلبين منه شيء
 
إنضم
29 أكتوبر 2006
المشاركات
852
مستوى التفاعل
2
النقاط
0
وييييييييييينج حكاوينا تراني اترياج من امس

مب انتي الي شجعتيني انزل مشكلتي .. لاوازيدج من الشعر بيت

هالأيام طالعلي بطلعه كل مايشوفني فاتحه النت يقلي سكريه

واذا اطالع مسلسل هو يعرف انه يشدني يقلي غيرييييييه

احيان اطنشه واحيان اسمع كلامه لأنه هذا من باب طاعة الزوج

وانا ماريد الله يدخلني النار بسبته

اريوووووج ردي علي
 

نسائيات

New member
إنضم
3 يوليو 2006
المشاركات
1,076
مستوى التفاعل
0
النقاط
0
اختي مشكلتك ليست بالصغيره كما تتوقعين
فهي كبيره لانها تخصك

نعم فعندما يبحث الانسان عن ذاته و يرى ان العالم اللذي يعيشه لم يكن كما تخيله
تسيطر عليها مشاعر الاحباط والقهر
ويظل يهرب من الواقع ويعيش في خياله الوردي
او انه يرضى بالواقع ويشعر بانه غريب وضحيه وبعدها يتحول لمضطهد
انتي تغيرتي نعم لكن تغيرتي بدون ترتيب
نعم حتى التغير يحتاج لترتيب ليكون ايجابيا وبالطريقة اللتي نحب
انتي تتصرفين كرد فعل طبيعي لدفاعك عن نفسك لانك تخشين ان يتزوجك عليك زوجك
لكن لم تخبرينيا كيف صارت علاقتك بزوجك بعد اكتشافك لخياناته وكيف هي الان ؟؟؟
بالنسبة للمصروف اطلبيه واصري عليه ومهما اقل اخبريه بانه من حقك فانتي ترغبين بشراء امور تخصك ولا داعي لطلبها منه في كل مره
واقولها لك اصري عليه وفي بداية كل شهر اطلبيه ولو كان 500 درهم
بالنسبة لوالدك لم يكن طيبا بل كان مضطهدااااااااااااااااا نعم شخصية والدتك القوية المسيطره سيطرة عليه واضطهدت ولانه ضعيف الشخصية لم يستطيع غير ان يكون طيباااا
وحنونا
هو يحبك نعم لكن لم يكون حنونا وطيبا بكيفه كان مجبرااااا
يعني هناك من هم ذو شخصية قوية متحكمه مسيطره لكن ايضا يظلون طيبين وحنونين
وارد ان اوضح لك نوع شخصية والدك حتى لا تنخدعي وتعتقدي بان ضعف الشخصية والطاعه العمياء هي طيبه :)
امك كانت قويه وعصبيه لانها كانت ترغب في من يحمل عنها الحمل وفي المقابل كان اباك اللذي حطم احلامها فالمراءة مهما كانت قوية فهي ترغب في رجل يفوقها قوه
والعكس الرجال قوامون على النساء
يعني كلما كانت الزوجه ذكيه و تتمتع بانوثه طاغيه عرفت كيف تكسب زوجها وتاخذ منه حقوقها بدون عراك وبدون مشاكل وفي نفس الوقت تحسسه برجولته وبقوامته عليها ولا تكسر هيبته ولا رجولته لا امام اولاده ولا امام الناس
فكوني امراءه قوية بثقتها بنفسها و بمعرفتها لحقوقها نعم يصرف ولا يقصر لكن من حقك مصروف في يدك لا اعلم كيف تستحملين ان تظلين بدون مصروف
يعين لو صادف هو مش موجود و خرجت مع اهلك او مع صديقاتك وابنائهم ماذا تفعلين ؟؟؟؟؟
طالبي بحقك بثقه وبدون مشاكل
 

نسائيات

New member
إنضم
3 يوليو 2006
المشاركات
1,076
مستوى التفاعل
0
النقاط
0
وييييييييييينج حكاوينا تراني اترياج من امس

مب انتي الي شجعتيني انزل مشكلتي .. لاوازيدج من الشعر بيت

هالأيام طالعلي بطلعه كل مايشوفني فاتحه النت يقلي سكريه

واذا اطالع مسلسل هو يعرف انه يشدني يقلي غيرييييييه

احيان اطنشه واحيان اسمع كلامه لأنه هذا من باب طاعة الزوج

وانا ماريد الله يدخلني النار بسبته

اريوووووج ردي علي
لا تغيرين القناه ولا تسكرين النت
بكل بساطه هذه من علامات غيرة الزوج على زوجته
يعني احيانا انا لو ارد ان الفت انتباه زوجي اخذ قصه رمنسيةواقعد اقراها اشوفه فوق راسي شو تقرين ناقصه حب
يغارون من امور بسيطه بكوني اذكى واقدر علىالمطالبه بحقوقك
يعني مسلسل عجبك قول له ليش اغيره يوم بخلص راح اغيره انا اتابع
الكمبيوتر ليش اسكره يوم بخلص بسكره لا تحاتي
طنشي غيرته في الامور التافهه
واهتمي باللي تحبينه انتي وبس وبعدين باللي يحبه هو
 
إنضم
29 أكتوبر 2006
المشاركات
852
مستوى التفاعل
2
النقاط
0
آااااااااااااااااااااااااااخ ياحكاوينا حيتي ايديج عالجرح

مثل ماقلتي صدمت صدمه عنيفه لمن شفت ان الحياه الي كنت عايشتها غير عن الحياه الواقعيه

ومثل ماذكرتي في البدايه كنت اعيش في عالمي الوردي وضليت سنوااااات لين تعايشت مع الواقع

وصدقتي يوم ذكريت اني مو مرتبه اموري وهذا الي اريده اني ارتب اموري

الخيانه احاول اني انساها عشان جي ماذكرت تفاصيلها

تميت فتره الراقبه واذا لقيت شي اواجها فيه وزرت الأهل وتميت شهرين عندهم << مثل ماذكرت الأهل بعيدين عني

ورديت بيتي من بعدها تغيرت الأمور بتدريج ..

هو جان يحس اني مب واثقه فيه عشان جي جان يحاول ان يرجع الثقه مثل اوللكن خلااااااااص خذيت الدرس

على فكره مع هذي التجارب كلها اكتشفت ان شخصيتي قويه

بس مع تأثري بشخصية الوالد واضطهاد الوالده علينا تغيرت​
 
إنضم
29 أكتوبر 2006
المشاركات
852
مستوى التفاعل
2
النقاط
0
لا تغيرين القناه ولا تسكرين النت
بكل بساطه هذه من علامات غيرة الزوج على زوجته
يعني احيانا انا لو ارد ان الفت انتباه زوجي اخذ قصه رمنسيةواقعد اقراها اشوفه فوق راسي شو تقرين ناقصه حب
يغارون من امور بسيطه بكوني اذكى واقدر علىالمطالبه بحقوقك
يعني مسلسل عجبك قول له ليش اغيره يوم بخلص راح اغيره انا اتابع
الكمبيوتر ليش اسكره يوم بخلص بسكره لا تحاتي
طنشي غيرته في الامور التافهه
واهتمي باللي تحبينه انتي وبس وبعدين باللي يحبه هو
ادري انه يغار عشان جي احيان اطنشه واحيان اعطيه ويه
ويوم اسأله ليش يرد علي كيفييييييي ويوم اصر يقلي ليش معطيتهم هالأهتمام كله ..؟؟
 

نسائيات

New member
إنضم
3 يوليو 2006
المشاركات
1,076
مستوى التفاعل
0
النقاط
0
نصيحتي لك يا احلام ورديه بان تجلسي مع نفسك جلسة صفاء وراحه
استرخي واجمعي افكارك من جديد حاولي ترتيب حياتك واولوياتك بشكل افضل
لا تياسي ان شاء الله انت قادره على استيعاب حياتك الجديده والخروج من جلباب ضعف والدك فانت غير مسؤوله عن ضعفه ولم يعينك احد لتدافعي عنه هو فقط مسؤول عن نفسه و عن ضضعفه فلا تكوني ضعيفه حتى لا يشعر هو بالقهر لضعفه بل كوني كما ترغبين قويه
فهناك الكثير من الاطفال حتى لا يشعروا اهلهم بالضعف يكونوا ضعفاء مثلهم ليوصلوا لهم رسالة حب مقنعه باننا مثلكم نتالم ايضا
لكن هذا خطاء
عليك الخروج من جلباب ابيك لكن بطريقة واعيه فالشخص عندما يعي حجم وسبب مشكلته ويستوعبها بطريقة صحيحه يستطيع عندها الحكم الصحيح على حياته وعلى التغيرات اللتي تجري فيها
كوني انتي القائده ولا تتركي الظروف تقودك
اصطنعي موقفا لزوجك مثلا خروجك مع احد الاشخاص المقربين وعندها لم يكن معك نقود وشعرتي باللحرج واضطرد صديقتك لتسليفك واخبريه بان لو كنتي تملكين مصروفا ما حدث هذا
 
إنضم
29 أكتوبر 2006
المشاركات
852
مستوى التفاعل
2
النقاط
0
ياحكاوينا افهمي انا محبوسه بين اربع جدران

ماأطلع مكان وهذا شي بينته من البدايه ان مايخليني ازور ربيعاتي الا اذا زاروني

ما أطلع الاعند اهله او نتمشى فقط حتى الجمعيه محرومه اني اروح اتقضى معاه

وعذره ان العيال يزعجونه ومايخلونه يشتري الأغراض بهدوء

حتى شرط عليه قبل 3 شهور ان يطلعني مره في الشهر للجمعيه عشان اشتري اغراض لي

لكن مافي فايده هو دايماً مشغوووول لأنه يشتغل ويدرس واذا فضى في اولويات ثانيه

المهم اشكرج لنصايحج ان شاء الله ارتب اموري عدل وادعيلي
 

نسائيات

New member
إنضم
3 يوليو 2006
المشاركات
1,076
مستوى التفاعل
0
النقاط
0
محبوسه بين اربع جدرااااااااااااااااااااااااااااااااااااان والجمعيه تروحينها بصعوبه
زين ليش ما ترتبين تروحين الجمعيه بدون العيال
عن نفسي لا اخذهم معي فهم حقا مزعجون
بالنسبة للطلعات سوي مره وحده عزومه جامعه يعني 5 الى 6 صديقات مره وحده
بعدين روح زوريهم بالتدريج ما فيها شيء
و تصنعي لج موقف من المواقف تخليه يعطيج فيه المصروف
النساء مشهورات بالدسائس والمكائد فقط فكري
 
إنضم
29 أكتوبر 2006
المشاركات
852
مستوى التفاعل
2
النقاط
0
حبيبتي يااااااااااااااااريت اقدر اروح بروحي الجمعيه
بس اذا تركتهم وين اخليهم ؟؟
ماعندي شغاله .. ولااعرف جاره عشان اخلي عيال عندها .. ولاحد لي في بوظبي
حتى اهله ساكنين في ضواحي بوظبي يعني مشوار ساعه لين مانوصلهم
انا خلااااااااااص مليت
وبنسبه للمصروف تيي احيان ضروف .. يعني فجئه يي عرس او مناسبه تحتاج لبيزاااااات
واستغلها واقله لو انك معطيني مصروف من اول جان ماحسنا يقلي خلاص من الشهر الياي بعطيج
يي الشهر يقلي هذا الشهر انا ماعندي خلي الشهر الي بعده وتمر الشهووووور لين ماأنسى ويي موقف ثاني ويذكرني
حياتي معقده كل ماييت افتح عقده القى جدامي عقده ثانيه :icon1366:
 

نسائيات

New member
إنضم
3 يوليو 2006
المشاركات
1,076
مستوى التفاعل
0
النقاط
0
اختي صعبيها بتصعب وهونيها بتهون
ليش ما عندج خدامه ؟؟؟؟
بعدين مسالة زوجك والمصروف زوجك يعمل ويدرس يعين مصاريف وايده وشكله يوفر لدراسته بس حتى لو قال ما عندي كوني انانيه وطلبي وقول له دبر لي
اعرف وحده تدرين شو تسوي
لو شرا زوجها عطر لنفسه قالت له عطني وخاصه لو دهن عود واذا ما عطاها تروح وتشتري نفسه من فلوسه
يعطيها مصروف تصرفه و ترد تطلب منه
وتقول ما كفاني
وشعارهافي الحياة انا اولا ومن حقي استانس
شو رايج زوجها يحبها وما يرفض لها طلب
رغم انانيتها المفرطه
حتى هديه ما تيب له في العيد تلبس وتخليه
حتى بنتها تلبسها اخر شي ء بعد ما تكتفي هي لانها الاولى بكل شيء
يعني لا تهتمين 500 من جيب زوجك كل شهر ما تضر
بعدين بخصوص الطلعات انا على بالي سعوديه اختي ليش ما تاخذين ليسن وتسوقين
ليش ما تسجلين في جمعياتنسائية تروحينها مع اعيالج وبعد تستخدمين مواصلاتهم
اللي يريد الصلاه ما تفوته بس يباله ازالة كلمة مستحيل وما اقدر من قاموسج وانتي بتشوفين العجب دام ما اقدر موجوده ما راح تحصلين شيء
 
إنضم
29 أكتوبر 2006
المشاركات
852
مستوى التفاعل
2
النقاط
0
كلامج 100%100

بحاول اني ارتب كل شي وعلى سالفة العطر

صرت ماخليه يشتري اي عطر او اي شي الا اذا شترالي معاه

واذا نسى ايلس احن عليه لين مايشتري لي :e076:

عالعموم يزاج الله كل خير عالنصايح

بس برد مره ثاني عشان اخبرج عالوالد

وهذي بوسه مني لج :a194:
 

aldana

New member
إنضم
5 ديسمبر 2006
المشاركات
1,271
مستوى التفاعل
1
النقاط
0
يا قلبي ......... والله زعلت منك !!

ليش محبوسه بالبيت وهو طال عمره دايم مشغول ؟؟؟؟

وأنتي مالك حق تشوفين الدنيا إذا هو ما يطلعك؟؟؟؟؟

لااااا يا عيوني ... لا يمسكك من اليد اللي تعورك ويقولك العيال .... ترى كلنا عندنا عيال وعايشين ومستانسين ...ولا نخلي شي بنفسنا ..

أولاً .... العائق ماهو الراتب من زوجك ....ترى العائق هو أنك عايشه بحياة زوجك مو بحياتك الخاصه ...

أنت تتنفسين برئتين زوجك ومنتي حاسه .... وارتباطك الزايد فيه ...+ تجاهلك لحاجاتك الأساسيه ...معناها إندثار للشخصيه .

حبوبتي الغاليه ... صدقيني أنت اللي وضعتي الكلبشات بيدك وأعقتي نفسك عن الحركه بحريه ..

لا تقولين أولاد ولا شغاله .... ولا راتب ......... انت لازم تعرفين كيف توقفين قدام زوجك وتطلبين رغباتك ...مو بس حقوقك ...

الزوجه كيف تكون أنثى لو ما تدللت على زوجها وتغنجت له حتى توصل لمرادها ..!

تعلمي كيف تقولين أبي ...وأبي ...وأبي .....و حلووووو بس ما يكفي ...

صدقيني انت كذا حارمه نفسك من نظرات ينظرها الزوج لزوجته بإعجاب عندما تطلب أسخف الأشياء اللي تدل على أنوثتها الرقيقه ...

كيف لو طلبت حقوقها الأساسيه .!

فكري يا عمري وحاولي تتدللين على زوجك وابدئي معاه بالطرق الدبلوماسيه ... وحسسيه أنك بشر مثله ولك متطلبات مختله ...

وأنا لحد الآن أتسائل وبحيييييييره كبيرررررررره :1eye:

مدري كيف تقبلين بروحة الجمعيه مره بالشهر !!!!!!!!!!!!! والله أنك إمرأه من كوكب آخر صدق ... :nosweat:

ما أقول إلا الله يهني سعيد بسعيده . ويوفقك وينور قلبك ودربك يااااااارب
 
إنضم
29 أكتوبر 2006
المشاركات
852
مستوى التفاعل
2
النقاط
0
الدانه مشكوووووووره حبيبتي عالنصايح الحلووووه

مشكلتي الأولى والأخيره اني لاااااااااازم اقوي شخصيتي

مو مع ريلي وبس مع الناس كلهم

تدرين اني من النوع الي مادقق في بعض الأشياء

يعني فلانه قالت او فلانه تقصد

تصدقين قبل جم يوم التقيت انا وحده وكنت لابسه بلوزه شيفون على شبك كم قصير

موديلها عادي مثل كل البلايز بس شوي خفيفه شي بسيييييييييط

قالتلي ترا بلوزتج خفيفه قلتلها عادي << انا من النوع اذا عيبني شي البسه ومايهمني كلام الناس

المشكله ان مب عريان لأني ماألبس عريان اصلا

حتى ريلي الي يدقق في الملابس شافني وماقال شي

والمشكله الأكبر انها هي تلبس حفر وخفيف احيان

بس نسيييييييت هالنقطه وأعتقد حتى لو اني ذكرتها ماأعتقد اني برد عليها

لأنها حساسه وانا ماعندي اسلوب رد راقي عشان اوصلها

بس اذا مره شفتها لابسه من هالبس الي قلتلكم عليه شو ارد عليها من غير جرح ..؟؟

يابناااااااااات انا اعترف شخصيتي يريدلها تقويه

بس والله يابنات انا مو ضعيفه انا انسانه ماتحب مشاكل ..

وما احب اجرح احد .. انسانه مسالمه احب اعيش في سلااااااااام
 

Fairy Tale

ملكة متوجة
إنضم
19 ديسمبر 2006
المشاركات
267
مستوى التفاعل
0
النقاط
0
مرحبا خواتي :shiny:

أختي الحبيبة أحلام وردية .. من جد اسمك حلو لكن الحياة مهي أحلام وردية وبس .. للأسف ..

حبيبتي .. انا كنت مثلك من ناحية المصاريف .. كنت أقول في نفسي حرام عنده التزامات ودراسة ويصرف على امه ووو ومن هالكلام . .
ومع كل هالالتزامات اللي عليه كنت أساعده من راتبي واحيانا والله تمر شهور يروح راتبي كله على مصاريف ولا اتهنى بشي منه :schmoll:

من كم يوم بس غيرت طريقتي عارفه ليش ؟؟ لأني كنت اقول حرام وما عنده وما ابي اكلف عليه ووو وهو راح وتزوج ثانية !! يعني يقدر !! ولو ما كان يقدر هذي مو مشكلتي ..

وقفت مساعداتي اللي مالها داعي .. وعلى فكرة ترى تزوج من قبل ما اشتغل انا يعني من جد ما كان بحاجة لفلوسي عشان يتزوج مثلا ..

المهم صرت اطالبه بالمصروف .. واسوي نفسي غبيه .. وتحسبينه تضايق بالعكسسسسسسسسسس انبسط .. !!! والله غريبين هالرجال ..

قبل يومين بس كنا نتكلم عن السفر في اجازة العيد وقلت انا ابي اسافر وودي بأشياء كثيرة اشتريها لأنها مرة ضرورية .. وقعدت اعدد ومن ضمنها ابي جوال جديد .. قال جوالك ما فيه شي زين .. قلت لا ما ابيها صار يفشل .. ثاني يوم اشترى لي آخر جوال نوكيا :icon30:

بصراحة وما اخفيك اول ما عطاني اياه نغزني قلبي قلت حرام كلف على نفسه وهو عنده التزامات وووو وبعدين صرخت على نفسي ( الكلام كله في نفسي :nosweat: ) خلاص كفاية يجيب ويجيب أكثر بعد وشوله المراعاة اللي بزيادة وهذا هو متزوج واكيد مو مقصر على الهانم ..

قوي قلبك شوي واصري على اللي تبينه ولا تتنازلين ابدا .. خاصة الفلوس من حقك ووالله اقل شي بعد ما تطلعين وهو طول وقته مشغول ..

كثر الدق يفك اللحام .. :msn-wink: بالتوفيق
 
إنضم
29 أكتوبر 2006
المشاركات
852
مستوى التفاعل
2
النقاط
0
حبيبتي بلاك مشكووووره ع مرورج وابداء رايج

على طاري الجوال امس قلتله اريد مبايل << ومبايلي اصلاً خربه ولدي الصغير الله يهديه

تدرين شو رد علي ..؟؟

صارخ علي وقال انا مديون لفلان والبيت يريد مني فواتير ومدرسة ولدج ... الخ الخ

وانتي تريدين مبايل ..!!

رديت عليه وقلتله هذي الآف والمبايل يالله لوقيمته الف بس

سكت وطالعني بنظرة غضب عاد تدرون فيها :detective2:

على فكره ريلي من النوع الي دايما يقلي

انا ماحب حرمه تقلي لا .. وانا ماحب الحرمه الي تامرني

دايما يكرر لي هالموال ..
 

aldana

New member
إنضم
5 ديسمبر 2006
المشاركات
1,271
مستوى التفاعل
1
النقاط
0
حبيبتي ... الله يسلمك ... لا تتغيرين فجأه .... ترى زوجك ناظرك هالنظره لأنه خاااااااااااف نعم خااااف أن زوجته المطيعه اللي تضحي وتتنازل عن حقها والقطوه المغمضه بدت تفتح ........ هو خايف من تغيرك ...ويحاول يأكد عليك ترى أنا ما أحب الزوجه اللي تتحكم في زوجها ....

تدرين ليش ؟؟ لأن زوجك يبيك تبقين نااايمه وراضيه . وأنا أقولك أقوي بس بدون ما يحس ... خلك دبلوماسيه ...

لا تجين فجأه تطلبين جوال ...وهو كل يوم يقولك الحاله الماديه ما تساعد ومديون ومدري ايش من سوالف الرجال .

أولها إبدئي باتصال ....واطلبي شكولاته ...بريال أو ريالين مارح تأثر على الميزانيه

أهم شي أنك تطلبي وتتعلمي تطلبي بدلع . ولا تجيبين طاري الفلوس ...وأنت شعليك هو الرجال وهو واجبه يصرف عليك ولا تهتمين لشي .

ما أقولك تجاهلي ميزانيته لااااا بالعكس حطيها في بالك بس انسي التزاماته الثانيه ولا تفكرين إلا بمنق أن انت الإلتزام الأهم
 
إنضم
29 أكتوبر 2006
المشاركات
852
مستوى التفاعل
2
النقاط
0
الدانه يحليلج شوكولاته عاد مو مقفله معاي لها الدرجه
حبيبتي انا اعاني من الطلبات الكبيره
تصدقين ترا عادي انا بسكت وبصبر
لكن من سمعت وقريت وشفت انهم يسون البلاوي لليحبونها
زعلت وقلت شمعنى اسكت واتحمل وتيي وحده غيري طلباتها اوامر وانا حارمه نفسي من كل شي
لااااااااااااااا والف لااااااااااااااااااا :icon28:
واعلنت التمرد
 

aldana

New member
إنضم
5 ديسمبر 2006
المشاركات
1,271
مستوى التفاعل
1
النقاط
0
هههههههه أدري أنها ماهي مقفله معاك لهدرجه ..... ما أعتقد في زوجه ما تعرف تطلب شكولاته ...خخخخخخخ

بس يا عيوني أنا أبيك تستمرين في الطلب لفتره معينه ... بس من أجل التمهيد للفتره القادمه ... مثلاً تتصلين عليه بالدوام وتقولين والله من صحيت وأنا نفسي بكيك من المحل الفلاني ... ومرات ارسلي له رساله واطلبي سكراب من بودي شوب ..... ومرات أطلبي نوع محدد ولازم هالنوع من الفوط النسائيه ...

خليه يعرف أن لك طلباتك الخاصه وأن هو صعب عليه يوفرها لك ويبي يقولك خلاص انا بمرك واوديك تجيبينها بنفسك ...لأن الرجال يتعبون من دقة طلبات المرأه
وحنا نبي زوجك يستوعب خصوصيتك وشخصيتك المختلفه عن شخصيته بالتأكيد .

ارجعي بعد كم يوم واختاري وقت مناسب ...واطلبي مبلغ معين وإذا سألك ليش قولي أبي أختار لي جوال يعجبني ... وخلك مصره بحاجتك للجوال وأنك تبينه على ذوقك .

خلي يحترم رغباتك وذوقك وكل طلباتك مهما صغرت أوكبرت ... ويعرف أنك منتي ملزمه تقدرين وضعه المادي ... ولكن بينك وبين نفسك قدري الميزانيه
وإذا أردت أن تطاع فأمر بما يستطاع .
 

المواضيع المتشابهة

المواضيع المتشابهة


كلمة المدير

جميع المواضيع والمشاركات المكتوبة تعبّر عن وجهة نظر صاحبها ,, ولا تعبّر بأي شكل من الاشكال عن وجهة نظر إدارة المنتدى .

عن منتديات نسوة

نسوة أكبر تجمع نسائي في العالم العربي لكل ما يخص عالم حواء والحمل والولادة والزواج والثقافة الجنسية والسعادة الزوجية وطرق الجماع وقصص وحكايات رومانسية وتسريحات وكياج لكي أن

تابعنا على المواقع الاجتماعية


إتصل بنا

 

أعلى