هذي قصتي

ضوء.القمر

ضوء.القمر

New member
إنضم
2010/10/17
المشاركات
57
السلام عليكم ورحمة الله وبركاته ...

مرحبا بلقيسات كيف الحال والله لكم وحشه يا بنااااات ... حابة اكتب لكم قصتي اعرف انه ما شي امل في الرجعة خلاص انتهينا بس حابة افضفض وياريت تسمعوني ... انا متزوجه من 6 سنوات وعندي طفلين في البداية اول ما خطبني صارت مشاكل وايد لانه كان خاطب وحدة ثانية المهم صارت بينهم مشاكل كثيرة وفسخ الخطوبة وبعدها بفترة تقدم لي اهلي كانوا محتارين بين موافقين ومعارضين وانا استخرت اكثر من مرة لين الله تمم لي على خير بس ايلي صار انه خطيبته اول ما عرفت انه بيرتبط حاولت تخرب هالشي بكل طريقة كلمت اهلي واهله بس على اسااااااس ما يصير بيننا اي ارتباط وبعد مشاكل كثيرة صارت الخطوبة وعقد القران في البداية كان طاير فيني فوق السماااااااا ما كان مصدق ما يقدر ينااااااام من الفرحة
 
وبعدين كملييييييييييييييييييييى
 
اكره المشاكل المتقطعه كدا


تبانا نقولها كملي كملي

ولا نحن في الانتظار

مرا ما احب الناس الي تكتب كدااا :@
 
صباااااااااح الفل على كل الحلوات انا مستنية من ساعة هى طفشت ولا ايه ههههههههههههههههههههه
 
وبعد مروووووووووور الايام من الفرحة وانا بعد خذت عليه وتعلقت فيه واااااااااايد من زود حبه لي والكلام ايلي كان يقوله لي بعد مرور شهر او شهرين حسيته يبعد وتغير علي وايد وكل ما تمر فترة كل ما له يبعد اكثر واكثر انا استغربت انا كنت اتعب نفسيا من هذا التغير ايلي يطرا عليه المشكلة بدون اسباب استمرت فترة الملجة فترة كبيرة تقريبا سنة وخلال هالسنه صارت مشاكل واحداث كثيرة وفي اكثر من موقف قررت اني كل واحد يروح لحالة بس في كل مرة كان يرجع لي وهو متاسف وندمان ويوعدني انها اخر مرة وانا كنت اسامحة للاسف وكان يقولي بعوضج عن كل هالاشياء بس يوم نرتبط ونكون في بيت واحد وكنت اصدقه في كل شي يقوله مع انه كشفته اكثر من مرة خلال الملجة انه يكلم كان انسان مب سوي كل حياته لف ودوران ولازم دايما يكون في وحدة في الموضوع المهم عدت ايام الخطوبة وتزوجنا بس كانت اوضاعه المالية صعبة في البداية واحسه دايما متضايق ومهموم يقول من ظروفي وتحملت ومشيت معاه بعد الزواج بشهر تغير تماما ودايما احسه يبا يبعد عني ويطلع ويدخل واهم شي بالنسبه اصدقائه انا كنت استغرب انه بعدنا عرسان جداد طلب مني انه يسافر مع اصدقائه بعد شهر من الزواج اكيد ما وافقت وقلت ليش ما نروح مع بعض المهم بعد مشادات كبيرة سافرت معاه بعد عنا بس للاسف ما تهنيت ولا يوم بالسفره كان يطلع طول اليوم مع اصدقائه ويخليني وحيدة اذكر طول السفر حوالي 10 ايام ما طلعت معاه الا مرتين بس ورجعنا وكنت اذكرة بلي سواه فيني بس كان يقول خلاص خلينا ننسى ونفتح صفحة جديدة وننسى ايلي فات وحاولت انسى او اتناسى ومرت الايام وهو من موقف لموقف مره اكشفه يكلم وحدة ومرة يكذب علي وكل مرة شي لين ما صرت ما اثق فيه نهائيا بعدها 5 شهور حملت وكان فرحان وطاير من الفرحة ووعدني ننسى كل الاحزان ونحاول نفتح صفحة جديدة انا كنت في كل مشكلة احاول ابتعد عنه وكل واحد يروح لحالة بس كان في كل مرة يتمسك فيني ويقول مستحيل اطلق ما اعرف ليش كان يسوي كذا فيني انا كنت محتارة اذا هو يحبني ولا لاء كلامه غير وافعاله شي ثاني لين ما وصل الامر وتعبت في الحمل كثير واجهضت وكانت حالتي النفسية يرثى لها وهو بعد تاثر وايد وبدا يبعد من اول وجديد بس للعلم حتى خلال الحمل هو كان على نفس حركاته مكالمات وحركات وشك ومشاكل بعد ما طاح البيبي تغير وايد وبدا يبعد اكثر وانا كنت حزينة من كل الاحداث ايلي تصير لي المهم بعدها بشهرين حملت مرة ثانية بس هو ما فرح بالحمل مثل اول مرة وكان الموضوع بالنسبه له عادي وخلال الحمل 9 شهور كان بعيد عني تماما والجفا زااد بيننا وانا كنت تعبانه من الحمل كثير فما كان لي قدرة على المشاكل وصدعت الراس وقلت يمكن متغير لاني حامل بعد البيبي بتتغير الامور المهم بعد الولادة بكم يوم اكتشفت انه متزوج علي في السر وكان ايلي متزوجنها من فترة قبل ما اكمل سنه معاه انا في هذ الوقت كنت بموت من تاثير الصدمة وصارت مشاكل للسما وتدخلوا كل اهلي واهله وطلبت الطلاق اكثر من مرة بس بعد رجع لحركاته وانه متمسك فيني ومستحيل يبعد عني فقلت له مستحيل اني اعيش معاه وعنده زوجه غيري المهم كان يكذب في كل مرة ويقول انه طلقها وارجعله واكتشف انه يكذب علي وانه مازالت على ذمته وتصير بيننا مشاكل من اول وجديد استمرت المشاكل لمدة سنتين لين ما طلقها واخيرا ورجع لي وتاكدت هالمرة انها فعلا طلعت من حياته المهم رجعنا ووعدني بحياة مختلفة وانه خلاص تعب من المشاكل وانا بعد تعبت وانهارت قواي المهم ومرت سنه والثانيه يوم حلو وايااااااااااااااااام مرارة هو كا ينقهر ويهددني اذا افتش تلفونه وانا ما قدرت اثق فيه وفي كل مرة افتش مرة القى ومرة لااااا حملت حملي الثاني ومن يوم ما حملت وهو تغير نهائيا اكثر من قبل وااااايد
 
سمحوووولي يا الغالياااااااااات انا اكتب مشكلتي حاليا في نفس الوقت وحالتي تعبانه ان شاء الله بكمل كل القصة ....
 
تغير وايد خلال الحمل وصار اغرب من قبل وبعيد عني نهائيا وكان في كل مرة يبرر ويقول انت انسانه شكاكه وتكبرين الامور كان دائما يوهمني اني مريضة ولازم اروح اتعالج لدرجة اني شكيت في نفسي وحسيت اني صدق مريضة واحتاج للعلاج كان يقولي انا انسان طبيعي بس انت مش طبيعيه كنت احاول دائما اتقرب له من هدايا من ليالي رومنسية من حفلات وحجوزات في ايام المناسبات بس للاسف كل هذا ما بين في عينه لدرجة الفترة الاخيره طفشت منه ومن حركاته وصرت ابا اطلق منه في اقرب فرصة تعبت من الاهمال والتطنيش واللامبالاة انسان غير مسؤل ابدا لا عني ولا عن عيالة حاولت اصلحة لمدة 6 سنوات بس للاسف بدون فايدة لين ما اكتشفت انه في حياته وحدة جديدة وكانت ماثرة عليه اكثر من اي وحدة من قبل وهو اعترف لي انه في حياته وحدة وهو متمسك فيها وما يقدر يستغنى عنها كان مستحيل يرفع ايده علي مهما صار بس بعد ما عرف هاي رفع يده علي وهنا كانت الصاغقة تغير تغير اكثر من اي وقت ثاني قلت له الحياة معاك مستحيلة اكتشفت انه قايللها انه مطلقني وانه ما في حد في حياته غيرها انا توقعت بعد البيبي الثاني بنقرب لبعض اكثر بس للاسف بعدنا اكثر واكثر لدرجة صارت الحياااااااااااة بيننا مستحيلة طلبت منه الطلاق للمرة الالف كان ما في اي شي مشترك بيننا حياته بعيدة عن حياتي وحتى هجرني في العلاقة وهو من بداية زواجنا كانت العلاقة بيننا مش طبيعية والصد منه داااااااااااايما تحملت وايد على اساس يتغير بس للاسف بدون فايدة لين ما صارت الصاعقة النهائية ....
 
كان دائما يهددني اني اكلمها ويحلف ويوعد انه لو كلمتها بتصير مصيبة وانا بصراحة ما تجرات اني اكلمها الا بعد ما صارت بيني وبينه مشكله كبيرة بسببها طلع من البيت خلال هالفترة تواصلت معاها اول شي بالمسجات من رقم غير رقمي وتميت لمدة اسبوعين او اكثر وبعدين بالمكالمات لين ما قالت لي انه خطبها وانه قال لها انه مطلق من سنتين وعرفت منها انها تعرف كل تفاصيل حياتنا من يوم ما تزوج علي لين اليوم علاقتهم من 4 سنوات انا في هالموقف كنت بمووووووووووت تاكدت اني كنت على حق واني ما اتوهم وكل ايلي اشك فيه حقيقة ندمت وبكيت على ايامي ايلي راحت معااااااااااه وضيعتها بدون فايدة يااااااليت تطلقت من اول يوم وما عشت معاااااااه ولا يوم ما يستاهل كل ايلي سويته عشااااااااانه نحن حاليا بيننا مشاكل ووصلت المحااااااكم
 
ردووووووووووووا علي بليز قولولي انا غلطت في شي انا بدر مني اي تقصييييييييير
 
الحين يقولي انت دمرتي حياتي وانت خلتيني اطلق اول مرة وبسبب المشاكل ما يقدر يرتبط في هذي قولولي يا نااااااااس منو ايلي دمر حياتي الثاني منو ايلي خسر انا ولا هو هو من علاقة للثانية وانا اتحمل هو يقول انت بسبب المشاكل كيف ما يبا مشاكل وهو خيانه ولف ودورااااااااان ادعووووووووولي انا حالتي تعبانه انا كرهته من كل قلبي ابا اطلق منه اليوم قبل باكر .... ياااااااااااااارب هون علي مصيبتي وعوضنيييييييييييييي يااااااااااااااااااااااااارب .....
 
الله يعينك ياقلبي ونصيحه لاتضيعي حياااتك معاااه وربي مايستااااهلك ياروحي
 
وش اقولكك
الله يعينك ويصبرك
بس كان ممكن تختصري الطريق عنفسك من فبل لا تجيبي
عيال وخصوصا انك عارفة انة خوان بس الي صار صار
الله يعينك ويصبرك اتمني انك تتقربي من الله اكثر
وتنسيه وتركزي علي اولادك اكثر والله يبارك فيهم
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل