هذي قصتي بتفاصيلها ارجوكم ساعدوني

[candies girl]

حبيبتي الله يهديج لاتكبرين الموضوع .. انتي يمكن نفسيتج تعبانه بسبب الولاده ..

لكن ياعمري مبين ان زوجج يحبج ويموت فيج بعد .. لكن انتي بأسلوبج ذيه تنفرينه منج وتنكدين عليه الله يهداج ؟!!!!

انا ما اشوف ان زوجج مقصر معاج ابداااااااااااااااااا.. قل الجنس لانج حملتي وصار يخاف عليج بس الظاهر انه مب قادر يوصل لج هالمعلومه وانتي مب راضيه تفهمينها..

وبعدين ياقلبي الشغل متعبه .. وانا اتوقع انه شمالي .. وانتي جنوبيه .. والدليل ان تعبيره عن الحب دوم يكون بالمال عشان هالسبب يبعث لج المال وانتي لانج جنوبيه تفضلين الضم والحنان على المال وهو مب فاهم ولا انتي فاهمه ...

ياحبيبتي ... غيري من لوكج .. اصبغي شعرج وقصيه .. اعملي رياضه عشان يترتب جسمج .. اشتري ملابس جديده وقمصان نوم ومن هالحركات .. وطرشي له مسجات كلها حب وشوق .. ومافيها شي لو مارد ياقلبي الرجال مشغول وطبيعة شغله صعبه ..

لاتخربين حياتج بيدج يالغلا ..مب لازم تكون الحياه بيرفكت و 100 % .. ودوام الحال من المحال.. يعني اصبري واستحملي شوي هاذي طبيعة عمل زوجج .. زوجج يحبج ويخاف عليج من الهوى بس انتي اهدي شوي وتعوذي من ابليس وغيري من نفسيتج باللبس والتعدل والمكياج وسوي باديكر ومانكير وحمام زيت لشعرج ..

واستقبليه استقبال حلو ولاتعاتبين لانه ببساطه مافي مشكله من الاساس .. اتركي عنج النكد ياقلبي وابسطيه وانبسطي معاه..

اختج

 

[واثقة]

ماعندك مشكله كبيره


زوجك زي كل الرجال تجي اوقات وتخف الرغبه عندهم بعدين يرجعون طبيعي





لا تهدمين بيتك بنفسك

وارجعي عنده .. وكل شي بعدين يتصلح

 

[candies girl]

انا يعني الكتاب ذكر اقل شيء على سبيل المثال ان الزوج يقول لزوجته كلمة احبك اقل شيء اربع مرات في اليوم لان هذا اشيء يسعد المراه


حبيبتي ..هو طيب معاج لأبعد الحدود وكل المواصفات الطيبه فيه .. بس انا استغربت لما قلتي اقل شي يقولي احبك اربع مرات فاليوم .!!!!!.

معليه حبيبتي بس مب لهدرجه الموضوع كبير ؟!! وبعدين هو ماعنده شغل الا يقول احبك اربع مرات ؟!!

ياما رجال اشبعوا حريمهم من كلام الحب والغزل .. واخر شي تكتشف انه يخونها ويسمع بنات الهوى نفس الكلاام..

وبعدين مدام هو يحبج وانتي تحبينه .. تقدرين تحتوينه .. بالعقل والهدوء والذكاء ... مب بالعتاب والنكد اللي بيخليه يدور على وحده تحتويه برااا.. حاولي تخففين من هالحساسيه لان الموضوع بسييط جدا ومثل ماقلت لج هذا يمكن اختلاف الانماط بينج وبين زوجج وتقدرين تبحثين عن مواضيع الاستاذه ناعمه عن انماط الشخصيه وتتثقفين بنفسج وزوجج..

ياقلبي مارديت مره ثانيه الا لاني ابي مصلحتج وابي الخير لج ..

والله يوفقج ويسخره لج ويرزقكم الذريه الصالحه

 

[عفراء123]

سبحان الله معقوله يكون احساسي لهذي الدرجه غلط ومستحيل بنفس الوقت تكونوا كلكم خطا وانا اللي صح
بسوي اللي تقولووا عليه وان شاء الله ربي يصلح ذات بيننا هو بيكلمني اليوم بناءن على كلامنا امس وبحاول اكون (مو نكديه) وبرضى باللي يقولوا والله المستعان
اختي كاندي جيرل مشكوره وماقصرتي احتمال تكون انماطنا مختلفه
عززتي روعه كلامك جاف شوي بس انا اقتنعت بكلامك وكلام الاخوات
واثقه اشاء الله يكون كذا