هذي اخر اخباري..

[اسيرة الحزن2]

عزيزاتي ..طبعا اللي فاكره مشكلتي وزعلي انا وزوجي اربعه اشهر ..حبيب اديكم اخر اخباري
طبعا كثير من الخوات شارواعلي اني احلول اتقرب له ..واتأسف والطف الجو معاه..وبالفعل دست على أعصابي وأتاسفت له وجالسه ارسل له رسايل من وقت لثاني على الجوال حب وغزل وشوق ..واجيب له القهوه وابين له انه طاح الحطب..فلما رحت اتاسف له ناظرني وفال لسه بدري
امك واختك سمحوا لك؟والله ياخوات ان امي واختي مالهم دخل في المشكله بس كانوا يتصلون في عشان يشغلوا لي وقتي ويلطفوا لي الجو لان نفسيتي كانت بالمره تعبانه..وانت كنت في تواصل معاهم عشان ماافكر كثيير والله ياخوات ماتتخيلوا مدى القسوه انه لسه زي ماهو مايكلمني ويدخل مايسلم بس انا احاول ابتسم في وجه واقول وغليكم السلام وكمان مايرد ..وفي النوم ماحاول ينام معايا ولاحتى يتقرب لي..مع اني احاول اضمه في النوم بس طبعاصعب اني اطلب منه العلاقه الحميمه..طيب اللحين اش كمان اسوي ..والله مليت ماصارت
ذي ليه هو يسوي كذا..ولحد متى وش ناوي عليه..الله المستعان؟؟؟؟

 

[MS.HNO]

ياأختي الله يصلح مابينكم اسأل الله مدري اش اقولك بس معظم الأزواج بهالشكل بالذات اذابادرتي انتي بالتأسف ..........ربي يحنن قلب زوجك عليك..........تقبلي مروري وودي

 

[بشاير الفجر]

استمري كذا

حبيبتي لو غلط اوظلمك او تلفظ عليك باي كلمة

عارفة ايش تسوين



الزمي الصمت اعطية نظرة حزن وانكسار وقومي من مكانك واشغلي نفسك بس لو منك حاولي هلفترة اشغلي نفسك عنة لاتهتمي بة كثير​

 

[اسيرة الحزن2]

طيب حبيباتي..الخوات قالوا لي ان نمطه جنوبي وكمان فيه شرقي ..فهذا كيف اتعامل معاه خصوصا في هذه الفتره؟؟؟

 

[واثقة]

قلتها لك قبل..

تجاهليه


دورك لتعاقبيه على قسوته.. وظلمه..


قومي بالواجب شرعا له فقط.

 

[محبة عائشه]

متابعتك حبيبتي من زمان
الله يهدي زوجك ويصلح احوالك
يارب يرجع لك ندمان وعتبان على الي سواه فيك
طمنينا دايم عليك

 

[بنوته عسووله]

اسلوبك اكبر غلط انك تتودي له وتتاسفي له وهو كان الغلطان من البدايه صدقيني يا اختي راح يدوسك اكثر واكثر ادا استمريتي على هدا الاسلوب ... نصيحه تجاهليه وعزي نفسك وخلي عندك كرامه والله راح يحترمك .... فقط قومي بواجباتك على اكمل وجه فقط ولا تتكلمي معاه ولا تلاحقيه ولا شي وادا هو تكلم ردي على قد السؤال كلمه ورد غطاها وبس
الرجال عموما تعجبه المراه القويه اللي تعز نفسها مو تذل روحها له وفوق هدا هو الغلطان من الاساس .... اسمحي لي اختي انتي قاعدة تساعدينه انه يدوس عليك ويهمشك اكثر واكثر .... شفتي الفرق يوم وقفتيه عند حده .... رجعك وباس راسك لانه هو الغلطان اساسا وانتي عطيتيه درس حزتها .... المفروض تواصلي باسلوبك هدا وما ترضي بالغلط مهما يكون ..... وللاسف قمتي تتاسفي له وتدلي روحك له وتلاحقي وراه ... وهده هي النتيجه وانتي راح تجني على نفسك ادا ما غيرتي من اسلوبك معاه وتجاهلتيه

 

[بنوته عسووله]

ياربي ليش مافيه تعديل ...
المهم اختي فرضا لو كنتي انتي الغلطانه اقول فرضا
مع انه زوجك الغلط راكبه من ساسه لراسه وانتي مو غلطانه
في هالحاله الزوجه ادا كانت غلطانه تعتذر مره وحده فقط تكون سوت اللي عليها واعتذرت وبس وينتهي الموضوع .... ادا رجع معاها طبيعي كان بها ..... وادا قام يتمادى اكثر واكثر لانها اعتذرت ... خلااااااااص تتجاهله وتقوم بواجبتها فقط فهي سوت اللي عليها وخلاص ... ما تقعد تذل روحها له اكثر واكثر وكل يوم تعتذر له على نفس الموضوع وتتودد له وتلاحقه بصراحه ذي قمه الضعف والسذاجه ... وبالدات ادا كان الزوج من النوع المتسلط والمحقر وما يخاف ربه راح يمسح بكرامتها الارض ....
اختى ترا انتي السبب في معامله زوجك لك لانك ذاله روحك له ومو حاطه لنفسك كرامه ... ادا انتي مو حاطه لنفسك كرامه ... عيل هو شنو راح يسوي مستحيل راح يحترمك ابدا

اختى لا تزعلي من كلامي لانه هاي الصج اللي قاعد يصير في وضعج ....
انا انقهرت بصراحه من اسلوبك واكسارك وضعفك وفوق هدا هو الغلطان

 

[عبره خنقتني]

شوفي ياخيتي انتي
انتي سويتي اللي عليكي وهذولا الرجال دايم يفكرون انك تحت تاثير اهلك
انتي سوي واجبك تجاهه وخليه براحته هو من نفسه بيرجع بقلبه لك
تمسكني تدللي طيب

 

[صاحبةعيالي]

كلام حلو من الاخت واثقه وبنوته عسل جزاهم الله خير

 

[wa7da co0ol]

مدام اعتذرتي وتقربتي خلاص وطول انت ماتتقربي بيتعزز الرجال مثل الطفل الله يهديه دحين وقفي التودد لكن عيشي حياتك عادية يعني اطبخي وتكلمي وعادي عيشي حياتك

بيدا هو بيتقرب منك اش يعني بيطول

وادعي اللهم سخر لي زوجي واجعله قرة عين لي وابعد عنه عيال وبنات الحرام

اللهم اصلح لي شاني كله ولاتكلني لنفسي طرفة عين

سبحانك اللهم وبحمدك اشهد ان لا اله الا الله استغفره واتوب اليه

لاحول ولاقوة الا بالله كرريها دايم

ومصيره يرجع

واقري عن نمط زوجك عشان تعرفي نقاط ضعفه


ارسليله وخيرهما من يبدا بالسلام​

 

[المستغيثة بالله]

اناقعدت شهر ونص مانتكلم ان وزوجي ومافيه غير استغفااااااار وقراءت قران ودعاء اخر الليل والحمد لله ماحاولت اذل نفسي او اهينها وانصحك تسوي زيي والله يفرج عنك

 

[حجازيه ذوق]

اسلوبك غلط 100% لكن بنفس الوقت بيريحك كثير لانك جربتي معاه اسلوب الطيبه ومو نافع
خلاص الحين جربي معاه اسلووووب التطنيش طنشيه ولاتلتفتي له اعتبريه مو موجود يمكن ينفع معاه هالاسلوب

 

[الله يعينا]

طيب استفدتي شي من اسلوب الرسائل والاعتذار شي لا الا بالعكس زاد عناد وبعد جربي الحين اسلوب التطنيش طنشيه تجاهليه ولا كأنه موجود قومي بواجباتك وببيتك واشغلي وقتك بالقرآن والذكر اعتبريه مسافر الهي نفسك محاضرات زيارات اعزمي جاراتك وخلو لكم درس اسبوعي منوع .اصلا اذا اشغلتي وقتك والله ان تنسيه وتحسي بلذة اللي تسويه وادعي ربي يرده لك مردا جميل

 

[اسيرة الحزن2]

يابنات ..جزاكن الله خير ..والله اللي خلاني الحين احاول اتأسف له واتودد ابغا اكون اديت اللي علي ..وتراني كنت مطنشته قبل ماأتاسف تقريبا شهر لكن كنت احس انه جالس يحقد على اكثر..بس اللحين صح هو لازال مطنش
بس بدأ نوعا ما يتكلم ولا ينافخ يهني في تحسن بنسبه جدا بسيطه عن اول..بس بصراحه ياخوات اش هذا منتهى القسوه والله شي يحز في النفس ويعطيني القوه عشان اتحمل انسان ذي كذا..حبيت الفت نظركم ان زوجي ابد مايصلي مع انه شايف اني محافظه على صلاتي ..وقراني في يدي..ويادوب اذا صلى صلى الجمعه
بس وكما مو مواظب..وطبعا ادمان غير طبيعي على النت ..طيب من ناحيه العلاقه الحميمه وش تنصحوني فيه
ابقى على موقفي لحد هو مايطلب هذا الشي ..والا عندكم رأي ثاني ..افيدوني جزاكن الجنه

 

[بنوته عسووله]

يا اختي بالنسبه للعلاقه الحميمه اكشخي والبسي بس ابدا ابدا لا تبادري ولا تبيني له انك كاشخه عشان تبين شي منه خلي هذي الكشخه عشان نفسج بس ضلي على طول مهتمه بنفسج وكاشخه كروتين يومي .. بعلاقه حميمه او بدون علاقه
عشان تشيلين الفكره اللي بباله انج كاشخه عشان تبين علاقه حميمه ... خليه يحتار ويفكر من نفسه وصدقيني يا اختي مصيره هو اللي ببادر
خليه هو اللي يبارد .... وحتى لو طول مرده هو اللي ببادر

وعليج بالدعاء والاستغفار وسوره البقرة والصدقه
ويارب الله يسخره لج

 

[i1i]

وانا اقرأ مشكلتك حسيت اني اقرأ مشكله اختي اللي أكبر مني
عموما الموضوع شكله قديم و يارب انه انحل كل شي ولو ما انتهى و حابه ارجع ارد عليك بكل اللي اتصرفته اختي مع زوجها لحد ما تعدل من عيوني ارسلي لي بس رساله خاصة

 

[السندرله]

الله يكون بعونك

 

[محبة عائشه]

الله يعينك الصلاه عامود الدين
الله يهديه
ويصلي

 

[ياربي انصرني]

بصراحه استغرب من اللي زوجها مايصلي وتسئل عن كيف ترضيه وهو مضيع علاقته بربه

ياخواااات لاتتساهلون في امر الصلاة استفتي شيخ واحترزي لان ترك الصلاة امر جلل

والعلماء افتوا بان تارك الصلاة عمدا كااااااااافر 000وبعض العلمماء ابطل عقد الزواج الامر ليس سهلا000

كيف تريدين ان يصلح علاقته معك وهو مضيع علاقته بربه

استغفر الله واتوب اليه ---ياعزيزتي زوجك قاطع علاقته بربه والصلاة هي صله بين العبد وربه 000

لاترجين منه اصلاح في علاقتك لانه بعيد عن ربه ومتشبث بالدنيا ومن كانت الدنيا همه لاترجين منه خير والله المستعان000