هذه قصتي صدق او لا تصدق (تم دمج الجزأين)

  • بادئ الموضوع بادئ الموضوع FAYROUZA
  • تاريخ البدء تاريخ البدء
ماشاء الله لاحول ولا قوة الا بالله
 
سبحان الله الله يرزقك ان شاء الله

ننتظرك كملي ؟؟؟؟؟؟؟؟؟؟؟؟
 
مشكورين ع المرورررر والحين باكمل الباقي واسفه ع التاخير
 
اولا ..مشاء الله تبارك الله....... ثانيا ..فيه وحده من قرايبي ماكتشفت انها في بطنها توام الا في الشهر السادس حتى الدكتوره تفاجئت تقول وين كان متخبي وهي كان دايم تقولهم فيه حاجه توجعني بشكل كبير في الجنب الايمن ولا يسمعو كلامها وفي النهايه اكتشفو انه الجنين الثاني وكانت تتعالج في احسن دكتور في قطر فلا تستغربو ....الله يتمم عليك ويقومك بالسلامه
 
هذة قصتي صدق او لا تصدق 2

السلام عليكم ياخواتي أنا أسفه ادا خليتكم تنتظروا كثير وبدون مقدمات أكمل القصة
لما الاستشارية قالت إنهم 7 انا معرفت ايش اقول صار راسي يدور افكر ايش راح يصير فقلت لها اعتبريني اختك واعطيني رايك فقالت لي انه رحمي ضعيف ومايتحمل الحمل فلا هم حيعيشو وانتي كمان حتتضرري فقلت لها ما مرت عليك زي حالتي قالت الا مرت فقلت لها طيب ايش عملتو فيها ردت انها صحيح مرت علي حالتين بس الرحم اقوا وانا اتوقع بعد العمر له دور في النهايه قررت انها توقف نمو 5 اجنه وتخلي 2 وقالت انه احتمال كمان مايكمل الحمل انا توكلت على الله وسويت العمليه صاركل شي تمام الحين انا كنت حامل ب2 وصرت اراجع ف المستشفا مافوت ولا مراجعه ومرت شهور الحمل حتا بدايه ال6 وكانت عندي مراجعه وصار الاجنه نازله فقررو عمليه ربط وانا ماكنت افهم هالاشياء والحين عرفت انه المفروض اربط يكون من البدايه ولو كنت ادري كان قلت لهم يسوو من البدايه وانا مدري عن السر الي خلا الدكتورة ماتسوي الربط من البدايه المهم رحت للموعد وهناك سوو تحاليل وتنومت وكنت ف المشفا من ال7 وماجات 11 الا ونزيف شديد والم زي الم الطلق الي كنت اسمعه يقولو الم يروح ويجي صار الم كل ربع ساعه فجات الدكتور وكشفت وانا عرفت انه ولادة مبكرة وصارو يواسوني بس انا عرفت الوضع فودوني الي كشك الولادة وهناك حصلت الولادة المبكرة وطبعا الاجنه كانو متوفيين انتو ماتقدرو تتخيلو قد ايش حزنت ع فقدانهم انا شلتهم بيديني وكان ولد وبنت شلتهم وبستهم وصارت امي تبكي وانا ابكي والي اكثر واحد بكا زوجي للعلم زوجي وحيد ماعندة احد فكان حاطت امل ف الولد مر هاذاك اليوم كانه روحي راحت مع الاطفال رجعنا البيت ثاني يوم بس انا كل متذكر بطني وطبعا كانو بداو يتحركو وكل متذكر حركتهم اموت بكا وتصير معايا حاله هستيريه انا مؤمنه بقضاءالله وقدرة بس والله غصب عني زي اي واحد يفقد عزيز مو يبكي وزوجي كمان كان شالهم وبكا الين ماقال بس فصار يتذكرهم ويقول كان الولد يشبهلي والبنت تشبهلك ويحرق قلبه ولكم تتخيلو لما شالهم ودفنهم بنفسو الي يومك هاد وهو احيانا يروح يزورهم انا عزائي الوحيد بان الله ان شاءالله يجعلهم شفعاء لي ولزوجي ومر الوقت وصرنا نحاول ننسا الوضع بس انا تمنيت اني ماحملت ولا صار الي صار بس هاذ ا الي كتبه رب العباد وهو اعلم بحالهم والنفع لهم انتا تريد وانا اريد والله يفعل مايريد *****ع فكرة انا لاني بشاعرة ولا من الي يكتبو خواطر انا مجرد كتبت شي كان في قلبي فاعذروني لو في اخطاء وانا عارفه انه القصه طويله لسه كمان باقي ***
بعد ال40 ع طول بدات ادور ع العلاجات عشان الحمل في النت ادويه شعبيه وكل من قال روحي لفلانه رحت ودكاترة ماخليت وصرت اتعالج ال2 طبي وشعبي وغير الحاله النفسيه الا صارت زفت اخر شي قررو عشان طبعا العمر اتعدا ال35 ماتاخر واسوي تلقيح صناعي وانا ع طول سوين والنتيجه بعد اسبوعين لكن ماتتصورو ه السبوعين كيف مرت علي وانا كنت متاكدة انه ان شاءالله حمل لاني المرة الاولى ع طول حملت فحطيت امل بالله كبير ومرت الوقت ويوم التحليل ع نار والنتيجه سلبيه والصدمه جدا قويه فقررو مرة ال2 وزي كدا 3 مرات ونفس التيجه بعدها انا صحيت وبدات اتذكر انه الله سبحانه وتعالى قادر ع كل شي وصرت اقرا قران سورة البقرة ولاستغفار واصح قبل الفجر بنص ساعه وادعي انه الله لايعذبني بالحرمان من الذريه وسويت انابيب مرة ورا مرة وكل مرة يكون عندي امل اني حامل سويتها 3 مرات وكل مرة اخد راحه تامه حتا الصلاة كنت اصلي جالسه من الخوف اني مايت الحمل وكل مرة يوم التحليل يوم جدا صعب علي انا اشوف الممرضات يبشرو غيري وانا ادعي بس انا اطلع وانا ابكي من القهر وماقول غير الحمدلله ع كل حال واصبر نفسي للعلم انا في منطقه واهلي في منطقه يعني انا وحيدة هنا ولا زوجي من النوع الي مايحب الخرجات يعني انا عايشه لوحدي مالي احد وانتو امكن ماجربتو الوحدة بس اكيد سمعتو عنها قد ايش الوحدة قاتله لا اطفال لا اهل وزوج الله العالم بالحال اشي الوحيد الي استانس فيه اني موظفه فوقتي يروح نصه ف العمل المهم سويت 3 مرات انابيب والمرة الرابعه مااخذت لاراحه ولا شي وكان عمري لما سويتها 38وكل ما كنت اقرا سورة مريم ابكي بكاء شديد الايات **قال ربي اني وهن العظم مني واشتعل الراس شيبا ولم اكن بدعائك ربي شقيا ** والايات الي بعدها مدري ليش كنت اقراها وابكي وادعي امكن عشان كبرت وصار شعري كله ابيض وكمان الايات الي ذكر فيها الله انه يرزق من يشاء اناث وذكور ويجعل من يشاء عقيم كنت اقرا واخاف انه الله كتبني من الي قال فيهم عقيم وادعي الله ان يجعلني من اصحاب الذكرو ولاناث ولا يجعلني من الي قال فيهم عقيم كل ماتمرعلي هادي الايات كانت تقطع قلبي وازيد ف الداعاء والمهم المرة الرابعه انا مارحت احلل ف المستشفا وقلت ف نفسي انا عارفه نفسي مش حامل وطنشت الوضع وحاولت اتناسا وعد موعد التحليل وانا بين وبين فسويت تحليل منزلي وكانت المفاجئه موجب بس انا ماصدقت وديت التحليل لزوجي قال اي خطين يعني ايجابي بس احنا مش مصدقين فقلت لزوجي امكن خطاء ارجع احلل بعد كم يوم وطلع برضو خطين برضو ماصدقت قلت بعد كم يوم نروح نحلل دم وف المشتشفا بشرونا بالحمل من الفرح طبعا ماصدقنا صرنا نسال الللمرضه ايجابي يعني حمل اكيد مافي خطاء وهي تقول اي حمل ماصدقنا انه حمل بس اكيد الله قادر على كل شي متتخيلو فرحتنا بالحمل وكيف كنا حريصين ع المواعيد وقد ايش كنا نخاف قبل الموعد وقد ايش نخاف لما ماكان يتحرك البيبي المهم عدت الشهور على خير بفضل الله وابشركم اني جبت ولد بفضل الله تعالى وتدرو لما ولدته مانمت من الفرح والخوف 4 ايام ماذوقت النوم غير غفوات وكنت بس اخاف عليه واراقبه هل يتنفس لا يكون صار في شي وع الحال الي انا يومكم هاد وانا احيانا اقوم ف الليل اشوفه لا يكون صار في شي مدري ليش رغم اني اقرا عليه وادعي بس الخوف ملازمني والحين عمرة 9 شهور وانا شايلته في حضني وهو نايم وانا اكتب لكم وهادي قصتي كتبتها عشات الي لها اي حاجه لا تتردد ولا تياس من رحمه الله امكن الي تبغيه يتاخر شوي بس مع الاستمرار ف الدعاء بيصير باذن الله وانا اتمنا منكم انكم تدعو لولدي انه الله يحفظه من كل شر ويجعل يومي قبل يومه في النهايه
اشكر كل من اعطاني من وقته واسفه ع الاطاله لاتنسو ياخوات الدعاء ف ظهر الغيب مستجاب وابغاكم كمان تدعو لاختي لها 13 سنه ماحملت والحين بتسوي تلقيح ادعو لها انها تنجح من اول محاوله يارب والله يفتحها عليكم ويرزقكم كل ماتتمنو ويرزق كل محروم بالذريه الصالحه ويصلح لنا ذرياتنا اميين ومشكورييين

<< ربي اوزعني ان اشكر نعمتك التي انعمت علي وعلى والدي وان اعمل صالحا ترضاه وادخلني برحمتك في عبادك الصالحين>>

*** ربي اجعلني مقيم الصلاة ومن ذريتي ربنا وتقبل داء**

**ربنا هب لنا من ازواجنا وذرياتنا قرة اعين واجعلنا للمتقين اماما**

** انت ولي في الدنيا والاخرة توفني مسلما والحقني بالصالحين **

$$ اللهم اغفر لي ولوالدي وللمسلمين والمسلمات والمؤمنين والمؤمنات الاحياء منهم والاموات الي يوم الدين$$$​

** ربي لاتذرني فردا وانت خير الوارثين**
 
حبيبة قلبي

والله فرحتلك على البيبي ربي يحفظه لج ويسخره لج يارب العالمين
 
سبحان الحي القيوم إنه هو أرحم بعبادة وأسأل الله أن يقر عينيك بولدك ويرزقنا وإياك الذرية
الصـــــــــــــــــــــــــــــــالحة إنه على كل شئ قدير
 
حبيباتي البقيه كتبته بعنوان هذة قصتي صدق او لاتصدق 2 وردا على الي سالت ايش كان عندي وايش العلاج انا كان عندي ف البدايه ضعف بسيط لكن الدكتورة شكلها عطتني ابرة تاثيرها كان قوي علي حتا الاستشاريه الاخيرة قالت العلاج الي اخذته خطا المفروض ان الدكتورة لما شافت البويضات كثيرة ماتسمح لنا باكمال العلاج الابر اسمها اعتقد كونال اف لكن قدر الله وماشاء فعل
والاخت العزيزة شموخ انا كتبت قصتي مش من فراغ ولا نسج خيال يا ما ف الدنيا اشياء الواحد مايصدقها انا نفسي كنت مصدومه هاد شي والشي الثاني انا مارحت مستشفيات كثيرة كلها 2 والدكتور اصلا الي عالجتني ف عيادة مش مستشفا وليش مكتشفو وكيف ماكتشفو انا والله مدري ليش بس الي حصل قلته نفس الدكتورة الي تعالجت عندها قالت حالتك غريبه وهي قالت انها لها 20 سنه اول مرة تمر عليها زي حالتي لكن الاستشاريه ف الحكومي هي الي كشفت ع طول 7 اجنه امكن كمان مع الوقت لانه اول تحليل كان ف15 يوم ولما وصل الامر للمستشفا الحكومي تعد الشهر فامكن اتضح اكثر عمموما انا مدري ليش مابان من اول مرة
ومشكوررين لا تنسو الدعاء لي والله يرزق كل محروم
 
الله يسمع منكم يارب ويحفظ ذرياتنا ويرزق كل محروم ولايحرم احد يارب ياكريم الحرمااان من الذريه نوع من انواع العذاب من جد كنت اتعذب بس الله اكرم الاكرمين والله ان شاءالله يرزق اختي لا تنسو لها بالدعا فهي في امس الحاجه للدعاء
 
افتح على( هذي قصتي0000000)وتطلع اصفحه نفسها مافيها تكمله ارجوك الله يوفقك واضحي مستعجله عى باقي القصه
 
اخواتي اذا في اي شك او اي استفسار انا حاضرة والقصه حقت التوام السبعه حصلت تقريبا قبل 5 سنوات الي اليوم زوجي يقول لو عاشو كانت اعمارهم الحين 5 سنوات الحمدلله الي عوضنا بخير وان شاءالله يرزقنا اخت واخ لولدي ويرزقكم جميعا
 
الله يخلي لك ولدك ويحفظه لك من كل مكروه ويخليكي له وتربيه وتشوفيه عريس وتشوفي أولاده يـــــــــــــــــــــــارب:c016:

والله يرزق أختك ويرزقنا ويرزق كل محرووووووومة بالذرية الصالحة الطيبة حسنة الخَلق والخُلق :c016:
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل