هذا جزاتي واخر عمري اللي راح

[انسه 32]

السلام عليكم
اكتب لكم بدموعي وابغا الحل للنعامل معهم انا عازبه ومازلت انسه اللي ان يشاء الله عمري 33
او34المهم امي تعرضت لجلطه دماغيه وشلل نصفي و ذاكرتها احيان لا تعرفني واحيانا تنساني
اناالمتكفله بااكلها وشربها وادويتها وحفاظاتها تكرمون اخواني يكتفون بالزيارة والتطنيش احيانا
والله اني اسهر معها بالليل واراقب اجهزتها ولاعمري طنشتها وربي شاهد
حالتها كل يوم بحال والحمدلله على كل حال انا اللي حاز بخاطري اخواني الاتكاللين عديمين
الاحساس واللي بسبوني كل يوم وهم حتى ممرضه للعلاج الطبيعي ماجابولها
واحد منهم يسبني العصر ويتبلاني بشي ماسويته انا مايكفيني هم امي والصغير اللي ياماوقفت معه يقول انتي مجنونه ماتعرفين تتصرفين وهو طبعه عصبي والاول خبيث
انا ابكي لوحدي لاني ماابغا امي تشوفني بهالحال وتتعب ولااقدر اشكيلها من احد منهم
اخاف يتعب قلبها المريض زياده تعبت من حياتي ودايما اقول اللهم احيني مادامت الحياة
خيرلي وتوفني مادامت الوفاه خير لي وانا لله وانا اليه راجعون
احسهم ماصدقوا امي تطيح عشان ينتقمون مني اخواتي طيبات بس مشغولين بمشاكلهم الشخصيه
تاريخ الميلاد ؟1978
مكان الميلاد جدة
الحاله " مخطوبه – مطلقه – عازبه " ؟عازبه
الدرجه العلميه ؟جامعيه

درجة الإلتزام بالدين ؟الحمدلله ممتازة
هل انتي مداومه على الصلاة في وقتها ؟نعم

المستوى المادي للأسره ؟جيد الحمدلله
الترتيب بين افراد الأسره ؟ال8
عدد الأخوه والأخوات ؟9
علاقة الوالدين ببعضهم ؟ الوالد متوفى
علاقة صاحبة المشكله ببقية الأسره ؟جيدة
هل يوجد زوج ام و زوجة اب ؟لا
علاقتك مع زملاء المدرسه / العمل ؟لايوجد

هل تعاني من امراض عضويه او نفسيه ؟لا الحمدلله
الحاله النفسيـه حاليا ً عند كتابة الإستشاره سيئه جدا مدة المشكله منذ بدايتها حتى الآن شهرين نقاط ضعفك ؟حساسه
نقاط قــوتك ؟ايماني وتوكلي على الله

 

[انسه 32]

كنت مشغله الرقيه الشرعيه ودخل علي اخوي هو مو معنا يبالبيت بس ساكن تحت
قالي قفلي القران هي نايمه وانا كنت مشغله الرقيه الشرعيه لامي وموطيه الصوت وهذا شي حز بخاطري لانه قليل دين ومايصلي رعم انه فاتح بيت ومتزوج من 3 سنوات بس ماعنده
عيال لانه طول عمرة يقول ماحب الاولاد احس هالشي عقاب له من ربي استغفر الله ومريض نفسي
محد يزورة حتى احنا مايبغا احد يدخل بيته لااصحاب ولاقرايب حتي العيد ماحد يدخل بيته وحده قالت لزوجته بزورك اعيد عليك قالت ماشريت حلاوة العيد وردتها وربي شاهد على كل كلامي والثاني بخيل ونفس الطبع والاثنين الباقيين منعزلين نوعا ما لكن بشكل اخف وترى السبب بتاخر زواجي بعد قضاء الله وقدرة اخواني الله يخليني منهم ولايحوجني لهم

 

[Ms.RoZa]

حسبي الله ويكفي فيهم وهو نعم الوكيــل ..

تــأخر زواجك مب بيديهم اصلا والا كان أخرو زواج اخــواتكم بعد

بس ابشري ياحبيبتي ..
وهنيئـآ لك يا انسه بــرك في امك يالغاليه انتي بإذن الله مفتوح لك باب من ابواب الجنه
برك في والدتك كل ماكان صعب كل مازاد اجرك وحب الله لك ..

يالغاليه لاتضيق فيك الدنيـا ولا تحزني لإن الله معك ..

بالنسبه للزواج .. بيجيك الخيـر إن شاءالله المهم لاتشترطين كثيـر شروط مالها لزمه
مثل المنصب وغيـره .. فقط اشترطي الخُلق والدين .. عشان ييسر ربي امرك ..


اخوانك الله يعافيه مما ابتلاهم به .. مساكين والله لإن الي خسر دينه وش كسب ؟
هم خسـرو كل شي الان .. زي ما انتي شايفه هم مانفعو انفسهم
كيف بينفعونك انتي .. ؟!
بس ماعليك منهم لإن اصلا ماعليهم شرهه ..
اذا الإنسان ماخاف ربه كيف احنا بنحاسبه على معاملته واخلاقه ..
خلاص هو منتهي امره الله المستعــان .. عسى الله يهديم ويفتح على قلوبهم قبل يفوت الفوت

تدرين يالآنسـه ..
ذكرتيني بـ وحده اعرفها .. مثلك بالضبط .. آفنت عمرها بـ رعاية والدينها
كانت تتنوم معاهم بالمستشفى كانت تدخل معاهم الحمام تغير لهم ملابسهم تأكلهم
تشرف على ادويتهم .. كانت لهم مثل الممرضه ... كانت لهم كل شي

كانت اجمل مثــال رأته عيني للـبـر ..
كل ما شفتها اقول ياهنيالها تبارك الرحمن هذي نهايتها للفردوس على طول
لإنها سخـرت حياتها للوالدين ورضى الله ..

توفت امها وابوها بفتره متقاربه بعد كبر السن والمرض ..
وكانت هي شارفت على الـ 40 ومابقى بحياتها شي تنشغل فيه ..
ولك تتخيلين الفراغ الي صار بحياتها بعد ماراحو والدينها ..

دخلت تحفيظ قران وهي ياااائسه من هالدنيـا .. خلاص ماعاد بقى شي تهتم فيه
وسبحان الله .. تقدم لها عريس لوووووووووووووئــــــــــطه .. رجل ولا كل الرجال
شوفي مواصفاته بس .. /
1 - عضـو بمجلس الشورى .
2- مليونير
3 - اكييد خلق ودين
4 - متمسك فيها جدا

ولما تملكو جاب لها هدايا شي وشوياات هو الماس هو ذهب هو هدايا تجنن
سبحان الله .. فعلا ربك كريــم ..

لكن الإنسان خُلق عجــول .. !

لاتفكرين ان تعبك بيضيع لا وربك يالغاليه .. الله مايظلم احد ولا يأخر الا للخيــره مختارها لك

ادعي الله في صلاتك وقومي ليلك ووجهي دعواتك لـ رب العالمين واطلبيه كل مافيه نفسك
لاتخلين في قلبك شي ماتقولينه .. ابكي له .. لازم تبكين وتلحين بدعواتك .. عشان تشملك رحمة ربك وعطفه ..

الزمي الإستغفار يـصد الله عنك كل التعب والمشاكل ..
لإنه جاء وعد صريح في نص واضح بالقرءان الكريم يقول فيه المولى تبارك وتعالى


[ وَمَا كَانَ اللَّهُ مُعَذِّبَهُمْ وَهُمْ يَسْتَغْفِرُونَ ]




​

 

[أخت الفهد]

الله يعينك ويصبرك 0000وأسأله سبحانه أن يكشف كربتك ويسخرلك الطيبين من خلقه آآآآآآآآمين

 

[أنثى تعشق المطر]

[FONT=&quot] [/FONT]

[FONT=&quot]آنسه 32
[/FONT]
[FONT=&quot]
[/FONT]

[FONT=&quot]يآقلبي والله حآآآسه فيكِ بس أنتِ بنعمه منتِ حآسه فيهآ زين ..[/FONT]

[FONT=&quot] ولا بتعرفين قدرهآ وجزآء صبرك عليهآآ إلا يوم القيآمة ..[/FONT]

[FONT=&quot]نآهيكِ عن ثمرتهآ اللي بتلآقينهآ بحيآآتك بإذن الله ..!![/FONT]

[FONT=&quot] [/FONT]

[FONT=&quot]:[/FONT]

[FONT=&quot] [/FONT]

[FONT=&quot] اللي بتسوينه مآهو سهل أدري والله ..!![/FONT]

[FONT=&quot]ومعآملة أخوآنك السيئة لاتحتمل ..[/FONT]

[FONT=&quot]بس هذآ حآل الدنيآ ممكن يكون كل اللي تمرين فيه بلآءآت واختبآرآت لكِ ..! صح ..؟؟[/FONT]

[FONT=&quot]عشآن ربي يخبترك مدى قوة إيمآنك وصبرك ..!![/FONT]

[FONT=&quot]:[/FONT]

[FONT=&quot]عمرك مارآح وبيكون قدآآآآمك وبتعيشينة بأفضل مآيكوون بإذن الله ..[/FONT]

[FONT=&quot]" آصبري يآغآليه عآقبة الصبر حلوه ولو كآن مر وصعب "[/FONT]

[FONT=&quot]عيشي حيآتك بمآ يرضي الله وعندك بآب للجنة الله الله فيه[/FONT]

[FONT=&quot] وحطيه بين عينك لانك مسؤوله عنه أمآم الله ..!![/FONT]

[FONT=&quot]بالنسبة لاخوآنك حسبي الله عليهم ..[/FONT]

[FONT=&quot] فوضي أمرك لله وأدعي ان ربي يألف بين قلوبكم ويسخرهم لكِ ...[/FONT]

[FONT=&quot]ورددي اللهم آكفنيهم بمآ شئت ..!![/FONT]

[FONT=&quot] [/FONT]

[FONT=&quot]:[/FONT]

[FONT=&quot] [/FONT]

[FONT=&quot]أدعي دوم ان ربي يصرف عنك الهم والغم والحزن ويثبتك ويزيدك قووة ..!![/FONT]

[FONT=&quot] [/FONT]

[FONT=&quot] [/FONT]

[FONT=&quot]وفقكِ الله[/FONT]

[FONT=&quot] [/FONT]

[FONT=&quot] [/FONT]

[FONT=&quot] [/FONT]

[FONT=&quot]انثى تعشق المطر.![/FONT]​

 

[**نور النهار**]

قلبي لاتتحسفين على شىء حلو سويتيه حرام عليك ماتدرين وش لك أجر منه تذكري الصحابي اللي حج بأمه وهو شايلها وقال الرسول ولا طلقه من طلقاتها يوم ولادته تذكري سهرك عليها يوم سهرتلك وتلبيسك لها يوم لبستك ويوم تغيرين لها وهي كانت تغير لك تذكري كأنك تردين لها اللي سوته وماراح يكفيها


قولي معاي امين يارب اجعل برها بأمها لها نور وضياء وحصنا من عذاب القبر يارب


وربي بيرزقك بالزوج ولو مارزقك مو اخر الحياه هذي ماهي دنيا الخلود اهم شىء آخرتك أعملي لاخرتك الدنيا هذي وغثاها ولا شىء


يارب يسر لك ويرزقك يارب

 

[عزتي بصلاتي]

اسال الله العظيم رب العرش العظيم ان يشفي امك وجميع المرضى المسلمين

 

[يارب انصرني]

الله يعوضك يارب
ويفرجها عاجل غير اجل
الله يرحم الوالد وجميع موتى المسلمين ويسكنهم جنة الفردوس
وامك الله يشفيها
لاحول ولاقوة الا بالله

 

[انسه 32]

جزاكم الله خير

 

[manoooy]

يابختك ياانســـه
الجنه تحت اقدام الامهااااااااااات >>شفتي ياقلبي
كلما حد منهم حزنك اوجرحك تذكري الجنـــــــــــــــــــــــه

 

[شكلين مابحكي]

يا انسه 32

انتي ماكتبتي مشكله ....
وانا اقرأ كلامك اغبطك على كل شي...
انتي باااااره بااااااااره بأمك ماشاءالله...

ويكفيك ان رضى الله سبحانه من رضى الوالدين.....

صدقيني اجرك محفوظ عن الكريم سبحانه....

زيدي في برك وخدمتك لأمك وما تدرين لعل الله جل وعلا يضحك لكي...
على احسانك بها....

وفعلا احدى قريباتي مثلك تزوجو كل خواتها....
وبقيت هي ترعى امها وتقوم والله بنفس ما تقومين به لأمك...

وتوفى ابوها ثم امها....

وجاءها رجل يخاف الله فيها...
وهي الآن متزوجه وسعيده ولله الحمد....

صدقيني اللي يقوم على رعاية والدينه ماعليه خوف بإذن الله...

بارك الله فيك على عملك هذا وحقق لك امانيك..

 

[*غاليه*]

اذا الجلطه اللي بامك لها شهر او اقل روحو اكووها عند الشيخ سلامة الجهني
قريبتي تشافت بعد الله على ايده تخيلي ماكنت تتكلم ولا تفهم ولا تاكل من فمها
ومن بعد الكوي ربي اطلق لسانها وعقلهااا وصاااااارت وايد بعافيه وصحة

بس للان فيها ثقل بطرافهاا

الله يثيبج ويرزقج على برج لها
ويشفي امج وامهات المسلمين