هذا الخبر ارهقني

ا

ام رهايف

New member
إنضم
2008/03/19
المشاركات
69
خواتي الغاليات مدري من وين ابدا انا عندي ثلاثة اطفال الاول عمرة5سنوات حملت علية وعمرة سنة وثمنية شهور وجبت الثاني وحملت على الثاني وعمرة عشرة شهور وجبت بنيية عمرها الان ثلاث شهور والان حااااااااااااااااااااااااامل نفسيتي زفت واللة اكتب لكم وانا ابكي مدري شسوي انزلة بس اخاف من ربي وزني 95 كنت بادية في ريجيم تعبببببببببببببببت واللة تعبت بس شغالة حمل وولادة بتقولون لية ماخذتي مانع زوجي مارضى قال بنمشي على العد ولاكن قدر اللة وماشاء فعل بنات تكفون ردوعلي لو بدعوة مافي احد افضفض لة غيركم يابنات اش اسوي بوزني اقدر انزلة مع الحمل هذا غير تعليقات القرايب علي الحمدللة والشكر على كل شي
 
ام رهايف

لا حبيبتي لا تنزلين الحمل حرااام وعسى ان تكرهوا شي وهو خير لكم.......بعد ما تولدين بالسلامه نضمي نفسج وحطي مانع وسوي رجيم ورياضه ....... وبعد الحين بامكانج تمشين كل يوم ساعه والله كريم يا حلوة والله يخليلج عيالج ويبارك فيهم وفيج ويبعد عنج الحساد ااااااااامين
 
حبيبتي

الحمد لله رب العالمين الاطفال نعمه

بس التنظيم زين عشان صحتك وعلى الاقل تردين جسمك

لكن الحين صار اللي صار والحمد لله انتي حامل والله اينقلك اياه بالعافيه

وطبعا رجيم اثناء الحمل لا بس حاولي اتحافظين يعني لا يزيد وزنك اكثر من 12 كيلو على الحمل

عشان تقدرين اتنزلينها بعد الحمل ان شاء

بعد ما تولدين ان شاء الله اتفقي مع زوجك باي طريقة

انك تاخذين مانع مناسب او تركبين لولب

اما طريقة العد هذي ما تنفع وخلك قويه وخذي موقف

لا تسوينها مشكله لكن منالحين تفاهمي معاة ان بعد ولاتدك

راح تاخذين مانع لان اي طريقه ثانيه ما تنفع وان انتي تعبتي وماتقدرين

وجسمك مايتحمل

والله يعينك يارب
 
حبيبتى لا تنزليه وربنا يقدر لك اللى فيه الخير

ولكن فى المرة القادمة خذى مانع حمل من أجل صحتك يا حبيبتى

هذا ليس حرام

حبيبتى حاولى تقنعيه وخليه يسأل شيخ فى هذا الأمر ولو زوجك ما موافق... استخيرى الله وركبى لولب من غير أن يعرف ذلك وهو لن يشعر بأى شىء بإذن الله تعالى

علشان صحتك وصحة اطفالك وعلشان تعرفى تربيهم

أولادك امانه فى ايديك وهبها لك رب العالمين

.
 
يا حلاة الأطفال وهم تارسين لج البيت.. اشكري ربج على هالنعمة العظيمه.. ولا تنزلي الحمل ولا شي.. وعقب ماتولدين بالسلامة حطي مانع بعد ماتقنعين ريلج.. فهميه انج محتاجه ترتاحين من الحمل والولاده وتهتمين بعيالج وبنفسج اكثر عشانه..
 
:tears: الله يساعدك والله اني حاسه فيك

لكن كل الامور كتبه من الله والله مايكتب لنا الا اللي فيه الخير واهو اعلم بحالنا

وانتي الحين حملتي خلاص ماراح يفيدك الزعل والا السخط من كتبة رب العالمين والعيال رزق وهبه

لازم تتقبلين الوضع واذا زوجك يجيب لك شغاله تساعدك على العيال وشغل البيت بترتاحين واذا ماتقدرون

لازم الاهل يساعدونك

انا ياعيوني بعد اول ولاده لي على طول اخذت حبوب مانع لكني حسيت بتعب وحللت وقالت لي الطبيبه

اتركي الحبوب حاليا لان هرموناتك مرتفعه واول ماتركتهم حملت على طول وعمر بنتي كان شهرين يادوب

بعد ولادتي الثانيه قمت ركبت لولب وقلت مستحيل احمل لاني مقرره مابغى عيال الا سبحان الله القرار بيد

رب العالمين وكتب الله اني احمل وعمر طفلتي الثانيه شهرين برضو والكبيره سنه وشهر:tears:

خبر الحمل ارهقني وصرت طول الوقت عصبيه وابكي كنت توني متزوجه وعمري 19 سنه بس

كيف بتحمل مسوؤلية ثلاث اطفال لكن الحمد لله رب العالمين تقبلت الوضع وهالحين احمد ربي ليل ونهار

على انه رزقني بأحلى ثلاث اميرات ربي يحفظهم ماشاء الله حولهم وحواليهم
 
حبيبتي .هذا أمر الله والحمدلله أنا كنت مثلك جبت اربعة اطفال على بعض مع اني موظفة وكنت متضايقة من ثالث طفل وحملت بالرابع وماخليت ولا محل ابغى انزله ما فيه فايدة وبعد كذا استسلمت وحمدت الله اني ما نزلته كان وين ابروح من عذاب الضمير .ولما جبته ولد من أجمل اولادي وحمدت الله انه ما عاقبني وجا معاق اومتخلف .والحين اصغر عيالي عمره 8 سنوات كبروا وتعبت كثير معهم .وانصح كل وحده تبغا عيال انها تجيبهم وراء بعض حتى يكبرون سواء وهي ترتاح بعدين وتفضى لنفسها اذا كبرت وهذا اللي صار لي الآن فاضية لنفسي من كله ولزوجي واحمد الله اني جبتهم وراء بعض وأرتحت مع ان صديقاتي الى الآن ينجبون وكذلك أخواتي ويقولون لي يا بختك جبتي وارتحتي بدري ....هذه تجربتي وإن شاء الله ان عيالك يكبرون وترتاحين من الحمل والولادة وانتي ليس صغيرة .والرجيم لاحقة عليه وسوي رجيم وانتي حامل يعني حاولي يكون اكلك خضار وفولاكة وأمشي حتى ما تكسبين وزن زيادة الله يوفقك ويسهل عليك آآآآآمين .
 
قدر الله ومشاء فعل

وبعدين معروووووووووووووفه الوحم بيخليك تنزلين من وزنك وواجد معروفه اول

شهوور الحمل الوحده ماتاكل ماتشرب بس بعدين تعوووض

اسال الله انه يرزقك ويفتحها عليكي
 
وعسى أن تكرهوا شيئا وهوخير لكم
بتعرفين نعمة المولود اللي كرهتية وبتنزلينة((((((((((( تذكري كلامي )))))))))))
صدقيني من واقع تجربة جيبيهم وراء بعض وأرتاحي سنيييييييييييييييييييييييييييييين
بعد سنين حافظت على نفسي ومارست الرياضة ودرست وحققت اللي في خاطري ورجعت وزني والحمد لله
 
مبروك يالغاليه
يقول حبيبنا المصطفي بما معنى الحديث عجباً لأمر المؤمن إن أمره له كله خير فلاتحزني يالغاليه وكرري الحمدلله ،اما الناس فأحتسبي الأجر عند الله والله يعينك ويفرج عنك
 
الله يكون في عونك ............والله ماتدرين وين الخيرة فية ..حاليا مبيدك شيء لكن زي ماقالو الاخوات بعد ماتولدين تقدرين تنزلين وزنك وتتفاهمين مع زوجك بتنظيم الحمل ......
 
حبيبتي احمدي ربك على النعمه كم من ازواج محرومون من الذريه ومن علاج الا علاج علشان الذريه حبيبتي تذكري ان هذا اللي في بطنك وتريدين انزاله هو الذي سوف يبر بك ويكون سعادتك ..... الله يوفقك ويتمم حملك على خير آآآآآآآمين
 
يلى صار صار وماعاد فى خيار امامك الا ان تكملى الحمل وتولدى بس انتبهى بعد الولادة ركبى لولب او خدى حبوب مانعة للحمل لانو القصة ماعادت سهلة لان 4 اطفال كافيين بهالحياة وانتبهى لجسمك ورياضتك وصحتك وزوجك لان الرجل يلزمه اهتمام خاص من النواحى الجسدية وبوجود الحمل المستمر امورك راح تصير صعبة
 
سؤال الى جواد هل حملتى فوق اللولب وكيف استمر الحمل مع اللولب ارجوك ردى على فورا
 
مشاء الله عليج و الله يحفظهم لج.... المفروض تحمدين ربج غيرج يتعذب اشان يحمل!!!
الله يبارك فيهم و يحفظهم ... كل شئ مكتوب و مهما سويتي الي كاتبه لج ربج بيصير .. و بعدين اذا انتي عندج الاراده بتضعفين... و توكلي على الله
 
اشكري الله واحمديـه .... واذا تبغين بعد الولاده تسوين مانع عليكي بالتطبيق ...

بس اهم شي الان تتفائلين وتشكرين الله .... وماتكلين فوق اللازم

وياكثرهم اساليب منع الحمل... ابسطها الحبوب ... مو لازم يدري زوجك

اذا رفض لاتقلقين نفسك وانتي حامل بس بعد الولاده خذي حبوب رضى والا مارضى

عرف والا ماعرف ,,,, اهم شي راحتك وصحتك ,,,
 
مبروك ياحببتي والله يكملك على خير
علبالي انا الي بس في هدنيا الي تشتكشي من العيال والحمل المتكررانا تزوجت وحملت
بعد شهرين من الزواج وسقطت بعد شهرين تالي بعدشهر حملت والحمدلله جبت ولد
بعد سنه حملت وسقطت تالي بعد 9اشهرحملت وسقطت تالي بعد6شهور حملت والحمدلله
جبت ولدي الثاني بعد 9شهورحملت وجبت الثالث وهكذا الين ولله الحمدمليت البيت الله
يخليهم لي ويخلي عيالك ويبلغج فيهم ومثل ماقلتي امنع بلحساب وحمل واذا خذت حبوب
ماقدر عليه تجيني المعده واصير متوتره و اقطعه واذا قطعته احمل.
اقولك سالفه صارت لي حملت واناكلعاده ماابي عيال وقمت انقز وطامر واحمل اشياء ثقيله لمن طاح انزين اغتسلت من الدم
وحملت بعده على طول يالله شتقولين انا الله هوالقوي ونحن الضعفاء
وماعدلج
النفسيه اشلون دمار ودي جان اموت روحي بس بعدمااولد اتحمد ربي انه عطاني
تام الخلقه ولاعاقبني وانا الحين ركبت لولب ودعولي انه يصلحلي عذريني
طولت عليك وبعد بقولج شي انتي مثلي ماتقدر تشتكي خايفه من الملامه ليش ماسوتي كذا وكذا علشان ماتحملين تصدقين اني اذا حملت مااقول حق احد جني امسويه منكر
مااقول حتى اصير في الثالث او الرابع علشان امي ماتحاتيني ولاابي ازعلها
والحمدلله على كل حال وربي يسر نظرتك بمولودك وانتي سالمه
ومثلج امثال وجان على الرجيم لاحقه عليه وانا شبه متئكده انه ماراح يزيد وزنج
كثير لأنج تربين وتشتغلين وفي النهايه صغريها بتصغر كبريها بتكبر وانشالله مافي الاالخير
 
الله يعينك ياختي علي الحمل وتعبه بس اياك في ان تفكري بأسقاط الطفل هذا حرااااااااااااااااااااااااام وعسي انتكرهو شييء وهو خيرا لكمربنا يجعل من زريتك الزريه الصالحه ويجعلهم سند لكي في الدنيا والاخره
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل