هذآ آخر شي توقعته [مستحيل مستحيل مستحيل ]
مدري وش آكتب ..
ماابغى اقول اني ادخل واعطي ارائي للبنات وموقادرة اساعد نفسي ..!
مشكلتي يمكن تكون بسيطه بس انا عندي قوويه .
آبفهم ليه يصير كذا معي ..
انا قبل مااتزوج مرره مرحه ولي جوي في البيت مع ابوي وامي واخواني
احب اضحك واسوي مقالب واحط ايدي وطبآآآخه عشيات وحركات واساعد امي
والعب باعصابهم بعد .. يعني مثل الصغيره اللي اذا نامت البيت كله يصير ممل
ومحبوبه من البيت كله ومهما مزحت وسويت رغم ان عمري 20 محد يزعل مني ..!
الله كتب لي اتزوج وتزوجت والحمد لله وصار لي شهر .. بس من اول يومين زواج , امي
تتصل فيني تتطمن مااحب ارد عليها اسفه ع كلامي بس جد مالي خلق ..!
واذا قالوا لي تعالي زورينا مااشتقتي لنا مالي نفس ادخل بيت آهلي ..
آحس اني غريبه اذا دخلت .. مآآحب استخدم اغراضهم .. آجي سآكته او اشغل نفسي
اطبخ لزوجي عشا او حلا او اي شي ..
مرت الايام ورجع زوجي للدوآآم وتركني عندهم الاسبوع كله ماعدا خميس وجمعه
جن جنوني انا .. كيف مااتقبل كيف انام في بيت اهلي كل هالمده مو متقبله
احس اني اتقطع من داخل وش صار فيني .. ذا بيتنا وذولي اهلي ليش كذا اعاملهم ..
مره مره اجاملهم وكل اعصب عليهم واذا قالو بيجون لي بيتي اتشائم طيبه معهم بس
مااسولف معهم ابد يجلسون ساكتين يمشون ساكتين ..
تتصل فيني امي وش فييك ماتبغينا .. بس مو مني والله احسس شي غريب فجأه صار لي
وانا وزوجي اغلب الوقت في بيت اهله .. مااقول انا احب شقتي بس مولدرجه اني انسى
ابوي وامي وآخواني ..!
آبرجع طبيعيه انا ذا الحين عندهم بس احس المكان غريب علي ومتشائمه
واتصل في زوجي بس ماابين له مبي يزعل مني ..!
وهو لاحظ علي احقر آمي اذا اتصلت ماارد عليها اطنشش ..!
مبي اتكلم عن امي كذا بس احس فيني شي مو طبيعي .. انا افتخر في امي مرره
بس وش جآني مدري شي غريب والله ..!
تتوقعون وش فيني ؟
اسم الموضوع : هذآ آخر شي توقعته [مستحيل مستحيل مستحيل ]
|
المصدر : الأستشارات الزوجية العامة