هدي عنج الابر والتقشير والعذاب اللي مامنه فايده للتشققات مالج الا المساج السحري &

[الراايقه]

السلام عليكم ورحمة الله وبركاته

حايبي جميعا فديييييييييتكم اشتقت حق دعواتكم وكلامكم الطيب

واخيرا فظيت شوي وقدرت أحك راسي واظبط لكم هالموضوع اللي وعدت عضوات وايد فيه

والحجي اللي بقوله عن تجربتي شخصيا وغير منقول واللي تبي تنقله للفايده تذكر اسمي

*ماي ورد اسم يستحق الثقه* واسم منتدى كويتيات وما ابيح ولا احلل اي وحده تنقل بمواضيعي بدون ذكري

موضوعي لليوم بإذن الله راح يمحي مشكله 85 بالاميه من النساء بشكل عام

سواء كانت عروس او مقبله ع الزواج او متزوجه

مافي وحده منا ما تتمنى قوام ممشوق وبشره صافيه وناعمه بدون خطوط أو تعرجات

وانا لما اتكلم عن مشكلة الخطوط فأنا أقصدها بجميع أنواعها سواء الحمرا (الحديثه) أو البيضه(القديمه)

واللي مالها خلق ومو من النوع اللي يستمر أقولها تستريح لاتعب نفسها وتقرى موضوعي

أول شي ابي اقوله منو قال انه الخطوط ماتروح؟؟

أنا أقولكم شلون تروح وحتى لو ماقدرتو تصبرون لي النهايه وماقدرتو اتكملون الطريج

فعالاقل مو أقل من 80-85 بالاميه من التحسن خلال شهر او 6 اسابيع او اقل

المده تعتمد على نوع الخطوط وعمقها كل وحده تفرق عن الثانيه

ولاتقطون فلوسكم يمين ويسار على سوالف لاتسمن ولاتغني من جوع

انتو اولى فيها وكل مشكله ولها حل بإذن الله بس انتو توكلو على الله

فديتكم عشان تقضون على المشكله لازم يكون عندكم هالجهاز اللي اسمه المساج السحري وسعره مايتعدى ال17 د.ك

ولا تسألوني عن الرقم اللي شريته منه ترى مترس تلقونه بكل الجرايد الاعلانيه

وتكلمت عنه مع زبوناتي اللي كلموني بالتلفون وخذوا مني خلطتي المعجزه للسترج ماركس المعروفه

مع العلم اني حطيت صورته في عنايتي بحملة حيادر الرمضانيه وتكلمت عنه بختصار ويتني وايد رسايل استفسار عليه

ولضيق وقتي ماقدرت أرد عليها سامحوني فديتكم

لكن هني راح اقول طريقة استخدامه اللي اقدر اقول انها الصحيحه والحل النهائي لهالكابوس وعن تجربتي الشخصيه

وطبعا من بعد تجرتي وتجربت خواتي له وكل وحده فينا شافت نتيجه ترضيها وواضحه خلال جلستين فقط

فديتكم هالجهاز في له أكثر من راس يدور وله نفس المشخال مثل مو شايفين بالصوره



لحل هالمشكله راح نحتاج هالراس المستوي بسسسسسسس


وطبعا السرعه تحطونها اخر شي ما ينفع السرعه تكون بطيئه أو وسط وهذي صورته بعد ماشغلته
وتلاحظون الليتات الحمره اهي الاشعه التحت الحمراء اللي تسخن المنطقه وتفتح المسااااااام


يعني اقوى من السنفره ب100 مره

والافضل انكم تركزون على منطقه منطقه مو كلهم مره وحده جذي راح اتملون
وهم ماراح تتحملون

لانه لما اتحطونه على المنطقه اللي فيها خطوط بقوة اهتزازاته وحرارته اللي تسخن البشره

التشققات العميقه راح تهتز وتتفرق التشابكات اللي بينها المتعمقه بطبقات الجلد وهالشي طبعا راح اتحسون فيه مؤلم لكن بدرجه ممكن تتحملونها

وحتى لو كان العوار شديد تحملو معناها الجهاز قاعد يعطي مفعوووووول،، وحتى راح يبين الفرق من أول جلسه راح يفرق ويباعد بين الخطوط اللي تكون لازقه ببعضها

طبعا اتحطونه عالمنطقه مده 3 دقايق أو أقل أو أكثر لين تحتر(اتحسون بحراره وتحمر المنطقه) مو اكثر من جذي عشان

لاتحرقون نفسكم انتبهو

وتدهنون البشره على طووووول بخلطتي للسترج ماركس اللي تكلمت عنها أو اللي أوفرها مع اضافاتي،،ليش تحطونها على طول؟؟

لان المسام مفتوح على الاخير من شدة الحراره والاهتزازات وراح يتشرب كل الفايده الموجوده بالخلطه على طول وتستفيد مها البشره

ومكوناتها الرئيسيه زبدة الشيا الخام-زبدة الكاكاو-شوي خل تفاح-زيت جنين قمح أصلي مركز
وطبعا موضوعي موجود بالقسم هني واللي مامرعليها تدوره ببروفايلي تلقاه ان شاء الله وتستفيد

وطبعا تدهنون بالخلطه(او الخلطه اللي مسوينها بإدينكم) يوميا من مرتين الى ثلاث مرات تستمرون عليه

لان المنتجات اللي تنباع بالصيدليات زباله عزكم الله وماكو على الشي الطبيعي والمركز

اما الجهاز فمرتين بالاسبوع او ثلاث فقط على حسب كل وحده وبشرتها لانه بعد كل جلسه راح يورم المكان شوي

فانتو تنطرونه لين يطيب واتعيدون الكره(تسوون جلسه يديده)

وشرط اتحسون بفرق مو معقول من اول جلستين (بس لازم يكونون بالطريقه اللي تكلمت عنها)

واللي تجرب من العضوات تجرتها امانه برقبتها تيي تسدح تجرتها هني وتفيد غيرها ولها الاجر ان شاء الله

وللامانه انا جربته على الخطوط البيضه مع خلطتي للتشققات اللي بركبي اللي صاير لها دهر وخفو حييييييييل بجلستين بس فما بالكم الخطوط

الحمره اللي توها طالعه والخطوط السطحيه؟؟!!

والفال لكم يارب هالجهاز انا ما أبيعه ولا أوفره بس جربته وودي انكم تجربونه واتدلون عليه ولكم الاجر،

واتمنى منكم قراءه ممتعه ومفيده ويسرني الرد على استفساراتكم بشرط مايكون جوابها بالموضوع فوق عشان لاتحرجوني ولا احرجكم

ولا تنسوني من صالح دعائكم حبايبي احبكم في الله وأحبكم الذي أحبتموني فيه

*ماي ورداسم يستحق الثقه*

​

__________________



منقووووووووووول

 

[homar]

جزاك الله خيرا على النقل تبقى نقطة من اين نحصل على الخلطة المركزة المذكورة بالموضوع

 

[الراايقه]

نيي حق الخلطة الحين( معليش بنات حذفت بعض الصور لانه موراضي يضيفها ولكني حطيت المهمه)
شنو نحتاج :1
علبة زبدة الكاكاو من بالمرز تحطينها كامله

(2 ربع العلبة من زبدة الشيا الخام

(3خل التفاح ربع قلاص

(4زيت جنين القمح غرشة كامله تحطينها انا اشتري مال وادي النحل احسن شي بس هذامن السعودية

5)كريم كولاجين من ستيفز تلقونه بالجمعية تحطين نص العلبة

6)مره منقوعه تحطين نص قلاص( وانا لاحظت بالصوره انها ثقيله وغامقه)


7)علبة لوشن فاضيه

8)الحين تبدين تخلطين المكونات بالخلاط وراح يصير شكلها جذي مثل اللوشن

9)تييبين قمع وتحطينه على فتحة العلبة من فوق عشان نصب الخلطة داخل

10) اله المساج اللي استخدمتها في تدليك البشره قبل ماتحط اللوشن اللي خلطته ( مع العلم ان طريقة المساج دائريه باتجاه عقارب الساعه )وممكن تحصلينها عند محلات يومارك او الاجهزه الكهربائيه

وهنا بعض الاجابات اللي بموضوعها وممكن تفيدكم بتساؤلاتكم

ياحياتي ماقصرتي بس حبوبة جم يوم بين كل جلسة والثانية?​

يا قلبي انتي لما تسوين المكان بالمساج راح يصير احمر ويورم فنطري لما يخف وبعدين بلشي بالجلسه الثانيه
بس طول هالوقت اللي بين الجلستين دهني مو تخلين

انل ممكن تعلميني طريقة استخدمهاا
يعني متى وجم المده...قبل السباحه ولابعد

ومشكوووره​

حبيبتي ترا سهله
ورا السبوح احسن عشان تكون المنطقه نظيفه
اخذي جهاز المساج ومرريهعالمنطقه ليمتى تصير حمره يعني كثر ما تتحملين العوار
بعدين حطي الخلطه علىطول وقعدي دهني لما تحسين انه اليلد تشرب الخلطه
وبس نطري جم يوم لما يخفالحمار والورم وبلشي الجلسه الثانيه
وبين الجلستين هم حطي

انزين شلون جدولج بالنسبه للجهاز والخلطه
جميوم بالاسبوع ؟​

الله يسلمج ابدا بمنطقه معينهواسويها بالجهاز بعدين انطر يومين على ما يخف الانتفاخ وجذي وطول
هالفترهاحط من الخلطه صبح ليل قد ما تقدرين تدهني عقب اليومين ابدي الجلسه الثانيه وهكذالما تروووح الخطوط
وتقدرين تسوين اكثر من منطقه
منقوول هذي تجربه واحده في نفس موضوعنا


أنا أقول لو تقلل من كمية الخل لانه كثيره

 

[الراايقه]

رفع للفائدة

 

[مدنفة أوصالي]

ياسلااااااام

فيه اخت ربي يسعدها ويوفقها عروس وجدا محيوسة في هالموضوع

الله يجزاك خير بتكونين سويتي فيها خير على موضوعك هذا

وان شاء الله تستفيد ويستفيدون منه الاخوات ،،

طيب كيف نتواصل مع صاحبة الموضوع ؟ اذا مشتركة في المنتدى اخيتي

قوليلنا يمكن نقدر نوصل لخلطتها لاني احس فيه اشياء مابتكون متوفرة

في الامارات :/

 

[الراايقه]

حبيبتي هي ماتوصل لخارج الكويت

 

[الراايقه]

فيه وحده بالمنتدى توصل ب30 دينار كويتي هذا للسعوديه

 

[الراايقه]

رفع للفائدة

 

[بائعة الرمان]

مكشورة

 

[ورده على الشاطئ]

جزاك الله خير

 

[رينادام الروائع]

مشكوره ياعسل

 

[لوووليتا]

وين الاقي هذا الجهاز بالرياض؟؟؟؟؟؟؟؟؟؟

 

[الراايقه]

يسلموووا

 

[الوفيه لكن]

ياليت المشرفات يثبتوه ظروري والله روعه

 

[الراايقه]

يسلمووووووووووووووا

 

[شوكلاة]

يعطيييييييييك الف الف الف الف عافيه واذا جربته اكيد اقولج وفيد الموجودين

 

[شريان الروح]

جزاك الله خير

 

[الراايقه]

حبوبات مو لازم نفس صورة الجهاز

خوذي من الصيدلية جهاز مساج رأسه مسطح وفيه أشعه حمراء


أنا سويت كذا

وتوي باديه
​

 

[أم رامــا]

حسبنا الله ,, سيؤتينا الله من فضله ,, إنا إلى الله راغبون ,,

 

[اول ابيك]

كمان اعرف قريت لوحده ثانيه في منتدى ثاني تبيع الجهاز مع الخلطه ..