هدية مع صراصير ميته(نبي مواقف طريفة عن الهدايا)

[طموح الروح]

شلونكم يا حلوات..... الموضوع واضح :smoke1:

نبي تكتبين لنه يا حلوة عن الهدايا المضحكة واللي تفشل اللي وصلتج بأي مناسبة.....

إليكم قصصي مع الهدايا اللي وصلتني:

يوم أعرس ... شفت كل الناس يابوا لي هدايا.. حتى اللي من قبل معروف عنهم إنهم مايودون هدايا للناس... أستغربت صراحه..بس يوم فتحت الهدايا عرفت السبب....


خخخخخخخخخخخخخخ طلعوا كل الهدايا تقريبا من (رامز) الله يخليه بو دينار يعني....معليه ماقلنه شي .... بس الطامه الكبرى إن 5 هدياا منهم تقريبا متشابهه تماما...شاسوي فيهم؟؟
اروح ابيعهم في السوق مره ثانية؟؟؟؟؟؟؟؟

ههههههههههههههههههههه:sly::sly::sly:لالالالالا ياتني فكرة شريرة
قلت مافي إلا اروح رامز مره ثانية وارجعهم عليه.. وآخذ شي بدالهم خخخخخخخخخخ اشرايكم بالفكرة الجهنمية؟؟؟

:in_love::in_love::in_love::in_love::in_love: 2- يوم أولد نفس الشي جت لي هدايا مواليد متشابهه فصرفتهم على اللي ولدوا بعدي ... بس استوقفتني هدية ما..تدرون ليش؟؟؟ لأن في العلبة صراصير ميتة مع كرسي البيبي ...خخخخخ اعنبوه ماتعبتي روحج تفتحين العلبة وتشوفين شنو داخلها. قبل لا تهدينها على الناس وتخرعينهم...؟؟؟؟ لا تقولون من سوء التخزين في محل الهدايا...لا لالالا لأن كرسي البيبي اللي وصلني مستخدم بعد من قبل...وحالته كانت واضحه للعين....وطرازه قديم..وولد اللي هدتني الكرسي راح المدرسة يمكن....خخخخخخخخ

يمكن من حبها لي هدتني من أغراض عيالها..:icon30:


همتكم يا شاطرات... ابي اضحك وين مواقفكم الطريفة مع الهدايا؟؟؟؟؟؟؟النظيفة خخخخخخخخخخخخخخخخ.. سجع بعد اشتبون؟؟

 

[umm yusuf]

انا تجيني هدايا رخيصه صح واحيانا متشابهه
بس بامانه موضوع الصراصير والفيران دي ماقد مرت عليا بس ننتظر رأي الاخوات ونشوف مواقفهم الطريفه

 

[ريحانة طيبة]

اختي اهدت لجارتها هدية جدا رائعة (تعليقة ذهب)......مرت الأيام ولدت اختي ........قامت جارتها بواجب الزيارة
لــــــــــــــــكـــــــــــــــــــــن
جارتها اهدت لأختي الهدية اللي جابتها لها اختي
يعني بالغلط ماانتبهت لها
لما وصلت البيت واكتشفت اتصلت تعتذر
ايش رايكم.......مو محرج بالله لو كنت موقفها ايش تعملي ؟؟؟؟؟؟؟؟

 

[فيض الأمل]

مواقف الهدايا حدث ولا حرج

مره جاتني هديه ذهب والعلبه داخل كيس صغير حلو ومرتب

بس يوم خرجت العلبه لاحظت في الكيس ورقه بيضاء خرجتها

حصلتها كرت مكتوب عليه مبروووك المولوده - إهداء / ام فلان خخخخخخخخخخخ

وقتها انا عروس - يعني الهديه جات للحرمه وقت ولادتها ببنتها ولا انتبهت للكرت اللي في الكيس .

ووحده جات لامي وأهدتها ظرف فيه فلوس - فتحته أمي حصلت فيه عشرين ريال خخخخخخخخخ

الحرمه بتحط 200 غلطت وحطت العشرين .

ويسلمووو على الموضوع الحلو

 

[بزنس ليدي]

ههههههههه
موضوع روعة
انا جتني هدية من وحدة وكان مكتوب عليها اهداء من ناس اعرفهم .. يعني ادوها الهدية وماعجبتها فصرفتها عندي ههههههه