هددني بالضرب.......محتاجتكم

[umsalem]

مشكلتي بالمختصر

اليوم انا كنت مع زوجي وعيالي والخدامه رايحين لبيت أهلي...أهلي في مدينه ثانيه حوالي ساعتين عن مدينة زوجي...في الطريق.. عيالي كانو يضاربون ..وولدي الصغير كان يبكي .. اخذته عندي جدامي ..كان يبي يفتح باب السياره بس مقفول...واقوله لا حبيبي لا ولا ..وبعدين ظل يبكي ومصر يبي يفتح الباب ظربته على ايده وبكى اكثر والظربه كانت خفيفه...عصب زوجي..قال حتى هذا الصغير ما سلم منك...وكبر السالفه ورمى كلام...وبعدين اظاربو عيالي الثانيين ..واهدي فيهم ومو راضيين يتفككو ظربتهم اثنينهم وتفككو وظلو يبكون بس كل واحد ظربته ظربه...وعصب زوجي ....كلامه نرفزني وخلاني متنرفزه اكثر من ضرابة العيال....و اخر شي ظل ابني يلمس راسي ويسوي حركات على راسي وبعدين ظل ينط من ورا لفوق راسي لحد ما خلاني اعطيه كف...وكانت الظربه القاضيه لزوجي....عصب علي وغلط علي جدام الخدامه ولما اذكره بوجودها يقول ما تهمني وظل يتوعدني بالظرب وان مديت ايدي على اي واحد بكف انه يعطيني كف...وهددني يعطيني بوكس في السياره وانه يظربني جدام الوالد...قلت له مد ايدك وبشوف.. وثار اكثر..وبعدين قال لا ترادديني جدام الخدامه قلتله رضيتها علي وما رضيتها على نفسك...و قال مش انتي اللي تهدديني وبعدين سكتنا لين وصلنا واتغدا وقعد شوي مع اخواني وراح...حلفت اني ما اتصل فيه...اول مره يهددني بالضرب...واللي قاهرني اكثر يوم اخوانه واخته يضربون عيالي ضرب مبرح يقولي انتي تحسسين وتكبرين السالفه وانا يوم اضربهم عشان اادبهم ما يرضى.........

احنا متفقين اني اقعد اسبوع...ويجي ياخذني اخر الاسبوع بس بعد اللي صار ما عرف شو بيستوي...قلبي تعبان وزعلانه انه الامور وصلت لها الحد..ساعدوني...وانصحوني

 

[الم الرووح]

والله يا عيوني انا اشوف انه كان معصب من الطريق الطويل وانتي عارفه الرجال اذا بيودونك مشوار لمده 10 دقايق .. وثاني شي معصب من اولادك الله يحفظهم والازعاج .. وهو معصب كمان انك بتروحين ولو انه ما راح يبين لك شي ...
لا تتصلي عليه اليومين هذي .. بس ارسلي له مسج تطمني عليه بس بدون اي كلام طويل .. واذا رجعتم البيت بالسلامه , تغلي عليه شويه مع دمعتين بدلع واذا ما عندك دمعتين (حطي كاسة مويه جنبك ) >> امزح ......... وتكلمي معاه بهدوء ورواق بدون رفع صوت ولا تجريح ..
يعني ترضاها علي انك تتكلم قدام الشغاله .. كنت ابغى الاولاد يهدون عشان ما يزعجونك ..
ماله داعي توضح اي شي قدام الشغاله .. واهون عليك تضربني ..
وتفاهمي معاه بهدوء ان اهله يضربون اولادك وما فيه اي ردة فعل من تجاهه.. وانتي امهم ومن حقك تربيتهم بالطريقه اللي تعجبك .. وفهميه ان الاولاد يجلسون معاك اغلب الوقت وانتي تعرفين كيف تتعاملي معاهم وتأدبيهم بدون ما يعطيك اي استشارة او رأيه في الموضوع لانهم يجلسون معاك اكثر وتفهميهم .. وبذكاءك جيبي اشياء ما يعرفها عن اولادك واسأليه تعرفها طبعا لا ..
.. هذا رأيي .. والشغاله طنشيها ولا تعبريها في الوجود .. واذا صار موقف كذا صيري صااااارمه معاها ..
الله يسعدك مع زوجك ويهدي بالك ويسخر زوجك ..

 

[umsalem]

الله يسعدج يا اختي على ردج...بس يا اختي هو ماخذ عني فكره اني مجرمه في العيال صح انا اضربهم بس مش ضرب مبرح....ظل يقول شو الفرق بينج وبين (جنسيه ثانيه) اللي ما يتعاملون مع عيالهم غير بالرفس والظرب...وقال انا ما شفت حد يضرب عياله مثلج...قلتله ما شفت اختك لما تضرب راس عيالها في الجدار...قال وانتي تبين تصيريت اخس منها...وظل يتكلم....

 

[عبق الاماني]

ياحبيبتي هذه مشكلة صغيرة ... الله لايكبرها
وهي نتيجة الضغط في السيارة والمشوار والسفر ودوشة العيال

وكلام النهار يمحاه الليل ...

يعني لاتشيلين في خاطرك شئ ...

وترا ردة فعل ابوهم طبيعية ..ولو كنتي مكانه وضرب احد من عيالك ..اكيد بتزعلين وتدافعين عنه صح ولا لا ؟!

بس لانك وقتها معصبة تلخبطت عليك الامور شوي

وانا مثلك ..زوجي يعصب علي لمن اضرب عيالي حتى لو كان تاديب

لكن المرة الجاية حاولي تشغلين لهم شريط كاسيت اناشيد او تعطين
كل واحد لعبة كمبيوتر صغيرة قم بوي مثلا يشغل نفسه فيها

 

[umsalem]

يزاج الله خير

وين الباقين

 

[الم الرووح]

الله يسعدج يا اختي على ردج...بس يا اختي هو ماخذ عني فكره اني مجرمه في العيال صح انا اضربهم بس مش ضرب مبرح....ظل يقول شو الفرق بينج وبين (جنسيه ثانيه) اللي ما يتعاملون مع عيالهم غير بالرفس والظرب...وقال انا ما شفت حد يضرب عياله مثلج...قلتله ما شفت اختك لما تضرب راس عيالها في الجدار...قال وانتي تبين تصيريت اخس منها...وظل يتكلم....

تقدرين يا عيوني تغيرينها مع الوقت .. باقولك كيف ..:7: وريه انك حنوووووووووونه عليهم
وبيني له هالشي وان اولادك اهم اولوياتك بعده طبعا .. مثلا كنتي جالسه معاه سوي نفسك تذكرتي ان مثلا ولدك ما اكل .. وروحي عنده وخليه يشوفك وانتي تاكلينه..
واذا كان موجود احضني اولادك وبوسيهم ومسحي على روسهم قدامه وخليه يشوف ..
ومثلا نادي واحد من اولادك واذا جاء احضنيه .. واذا راح ولدك قولي وحشني ..
ولا تضربينهم قدام ابوهم ابدا .. ومن وراه ارتكبي جريمتك >> امزح اقصد ادبيهم على كيفك ..
ومع مرور الوقت بيصدقك ..
ربي يسعدك ويهدي لك زوجك ...

 

[umsalem]

اشكرج على هالنصايح

 

[بتوته توته]

ت خوات ريج يطكون عيالج وانت بعد طكيهم شفيج يما لازم انت عندج يدلعون وانت حنان انت وزمن عليهم ليش لاوبعد جدام ابوهم غلطانه لازم جدام ابوهم تسوين رحله حلوه بدل النكت ولحرب الى انتى سويتيها على عيالج ونرفزتى ريال عليج وعلى عيالج فرصه رايحه تغيرين جو استانس انبسط تعطيهم كفوف ليش جزاالله خير تحملج ماطكج نفس الوكت على هذا تصرفج لاء لاء اعيدى نظر وضحكى معاهم اهما يهال وانت تتحكمين لاء ياحبايبى هذا اخوك الى يصير عاجل راح ياخذ هديه جذى علميهم على ثواب والعقاب

 

[حطام_إمرأة]

الله يعينك يا اختي ويفرج همك
والله مدري شقولك
بس حبيت ادعيلك لان انا جربت انواع الضرب على ايد زوجي وعلى اسباب تافهه كان يضربني هو صحيح ان اول مرة ضربني فيها كنت انا غلطانة بطولة لساني عليه وسبيته بعد ماكنا نتهاوش ونصارخ وبسبة خيانته واكتشافي لها لكن بعدين الضرب صار عااادي على سبب ولا من غير سبب يضرب
فانا اشوف ان لازم يوقف عند حده من اول مرة ولا بيصير صربك ابلاش عنده
انا الصراحة هددت زوجي بالفضايح قدام كل الناس لو ضربني وحتى اني اشتكي عليه لان الشرع والقانون ضد ضرب الزوجة بدون سبب
والحمدلله بعدها تقريبا ما مد يده على لكن احس ساعات وده يمدها بس خايف
الله المستعان يفرج همك وهمي وهم جميع المسلمات

 

[umsalem]

ت خوات ريج يطكون عيالج وانت بعد طكيهم شفيج يما لازم انت عندج يدلعون وانت حنان انت وزمن عليهم ليش لاوبعد جدام ابوهم غلطانه لازم جدام ابوهم تسوين رحله حلوه بدل النكت ولحرب الى انتى سويتيها على عيالج ونرفزتى ريال عليج وعلى عيالج فرصه رايحه تغيرين جو استانس انبسط تعطيهم كفوف ليش جزاالله خير تحملج ماطكج نفس الوكت على هذا تصرفج لاء لاء اعيدى نظر وضحكى معاهم اهما يهال وانت تتحكمين لاء ياحبايبى هذا اخوك الى يصير عاجل راح ياخذ هديه جذى علميهم على ثواب والعقاب

كلامج صح...المفروض اتحكم باعصابي واخلي الرحله وناسه بدل النكد...المشكله اي تعليق سلبي من زوجي ينرفزني...ان شاء الله المره الثانيه اغير معاملتي...بس هو بعد ما قصر في النقد والتجريح...وكان جاد في تهديده بالضرب...بس مستحيل اسمحله ايمد ايده..اللي مزعلني كيف وصلت فيه يعاملني بهالاسلوب...اللي المفروض يتعاملله مع اخوانه اللي يضربون عيالي

 

[شعنونة المجنونة]

اذا السالفه فيها ضرب او تهديد بالضرب
راح اقول لاتعليق
لان ماجابته امه اللي يهددنني ولا يمد يده علي
وتقبلي تحياتي

 

[umsalem]

خواتي انا مب خايفه من تهديده بالضرب...لانه راح ادافع عن نفسي واهلي بيبهدلونه...اللي قاهرني كيف توصل فيه المواصيل انه يفكر يضربني...معناته في خلل في العلاقه..لانه لو انا غاليه عنده ما كان فكر بهالشي...الحمد الله علاقتنا اوكي ومشاكلنا عاديه مثل اي زوجين...بس العصبيه اللي كان فيها وتهديده خلاني افكر واعيد حساباتي

 

[عيون عزيز]

حبيبتي الله يهداج لو تركبون شاشات لليهال وتشغلون لهم أفلام تعليمية أبرك من هالمصارعات فالسيارة.....أول شي الرجل دايما ينظر للمرة انها الحنونة والعاطفية وتقطر أنوثة ,,,وأنتي الله يهداج تكفخين في عيالج !!!!!
وبعدين شلون تتحدين ريلج وتقولين يله أضرب؟؟؟؟
لو يايج كف ذيك الحزة كنتي بتفرحين!!!!
الوضع متأزم تأزمينه زيادة ليش ؟؟؟
ابليس شاطر والطلاق ألحين صار بفلس ,,,شيسوى عليج حبيبتي ,,,
فديتج علمي نفسج شلون تضبطين أعصابج ...جتى لسانج خليه حلو مع ريلج ...عودي نفسج ,,,
لا تصيرين نكدية ,,,,
أنا خليت ريلي يحط كراسي خاصة لليهال في سيارتنا وشاشات ,,من أطلع مع زوجي أشغل لهم بارني الديناصور ولا توم وجيري وهم قاعدين بكراسيهم يطالعون (( تحصلين الكراسي في شيكو)) وعطي عيالج دفاتر تلوين خل يرسمون أو بي اس بي ....وأنتي المفروض تكونين ماسكة يد ريلج ولا تشريون كوفي على الخط ,,,في أحلى من جي ؟؟؟
بمكن ردي بيضابقج بس اسلوبج غلط...لا تزعلين ولا تمدين البوز,,,تكشخي وخلي ريلج يشوفج وأنتي تلاعبين عيالج وتغنين معاهم وأغربه بطريقة غير مباشرة ...
بلا زعل بلا بطيخ ,,,,,غيري أسلوبج حيلتج بتتغير زوجج بيتغير وأنتهينا ,,,

 

[عيون عزيز]

مافي خاصية التعديل ,,,سوري على الأخطاء الاملائية ,,أقصد حياتج بتتغير لو غيرتي أسلوبج ...

 

[umsalem]

حبيبتي خذتلهم الشاشه اتضاربو على نوع الفلم...اتفقنا على الفلم...اضاربو منو يضغط على التشغيل...حطينا دفاتر اضربو..يخلقون المشاكل وين ما تكون...الله يعينا على تربيتهم

 

[ام يـارا]

يمكن بس عشان الازعاج انتي اذا شفتيه كذا تحملي العيال لا تركبين راسك وتحملي ...انا زيك ما يرضى اني ازعق عليها ..بس لا تتصلين عليه اليوم بس ارسليه كم وحده تطمني عليه والثانيه بيني له انك مشتاقه لك ...لا تخلينه يحس انك ضايقه لحد ما ترجعين عنده في البيت تفاهمي معه

 

[يحق لك]

استغفر الله العظيم

 

[اسيرتك يالغلا]

وربي كأأنهم طاش ما طاش على هالضرب...؟

ادبيهم اشتري لهم اللعاب عشان يلهوون مثل قيم بووي وامبي 5 عشان يلهوون

والله ماادري شنو اقوول يمكن انقث من كثر ما تضربينهم...

 

[حلا ماركه]

لاتكلميييييييييينه ولاشي خليه هويكلمك صدقيني اغلالك لانه راح يحس انك مبسوطه وفرحانه عند اهلك وماجبتي خبر للي صاربينكم في السياره وهوقاعد علي اعصابه يحتري تكلمينه وتعتذرين للي صار طنشيييييييييييه ووسعي صدرك صدقيني راح يتصل ماهوب صاابر

 

[ضفاف الصمت]

الله يكون بعونك حبيبتي وأنا بصراحة أضرب بنتي بس مو مبرح عشان أدبها بس أبوها يقوم الدنيا ويقعدها
ويقول لي أنتي أم قاسية مو حنونة أحسك حنونة ع عيال الناس بس
والله أموت من القهر من كلامة بس بعدها صرت أحاول امسك يدي لأنة يتضايق مررررررة والله يعينا عليهم
ويطول بالنا عليهم