ها انا عدت من جديد...لكن هالمره المشكله غيررر

هذا الشخص مرررررررريض يباله علاج ولا ترديله لين ما يتعالج , شيه البلاد ما فيها قوانين عشان يذبحها , ادنيا مسخره عنده هذا اريال مو طبيعي , يوم بيفرح بيبوس ريلها ويوم بحرج بيجتلها ؟؟؟؟؟؟؟؟غريبه؟؟؟؟؟؟؟؟هو من قبل شذا ولا من يوم ما خذها ؟؟؟؟؟؟؟؟
 
اهلا اختي باونتي...يمكن يكون حلي غريب بس قوليه لها وشوفي.....

اذا انها عايفه الحياة معاه .. وتدري انه يشكل خطر اكيد على عيالها يعني يضرب الصغار على شيء ما يستاهل .. وبنفس الوقت خايفة منه..
.. اذا كانت تقدر ترجع وهي تعرف ان زوجها لما يكون هادي يطاوعها تقوله..روح لدكتور اشرح له حالتك اذا عصبت ان شاء الله تلاقي علاج وانا معاك ...المهم تقنعه يزور الطبيب بكل السبل واذا شافت انه راح ولا تحسنت حالته ابدا
تروح للقلضي ويكون سمعته طيبه يخاف الله وحقاني وتحكيلة وتقدر تطلع تقرير من الطبيب على حالته وبعدين تطلب الطلاق بدون خوف
 
هلا أختي باونتي,,
شوفي ياعسل أنا من رأيي أن الاخت الفاضلة ممكن تخلي أبوها يلجأ لجهة حكومية متخصصة ف هالنوع من المشاكل - أقصد المشاكل الزوجية وكمان تسوي محضر في الشرطة وبعدين تطلب الطلاق,,
تطلب الطلاق لأن هذا انسان مريض ويحتاج علاج ,, يمكنه مدمن بعد او مريض عقليا,,
لازم تتطلق وتلجأ للجهات المسؤولة عشان يوقع بعدم التعرض لها ,, هذا اذا كان فيه عقل اصلا

الله يرفع عنها ويعوضها يااااااااااااااارب
 
تجمع ادله وتواجه بها المحكمة لو طلبت الطلاق

او يمكن لو تهددة بالطلاق يتعدل ويصحى ,,مع اني احس انه مريض ومرضة مستعصي ..


الله يسهل لها
 
أختي باونتي هذي أعراض واحد يتعاطى المخدرات يصير مضطرب احيانا شوي ويبوسها واحيانا يضربها ولو يقتلها ما عنده مشكلة
والعيش معه صعب مرة هذا ممكن يقتلها ويقتل عيالها ما يصلح تقعد معه هو مو بوعيه لازم تشوفلها حل يا تتطلق يا تبلغ عنه بدون ما يدري عشان يكشفون الجهات المختصة ويعالجوه ويرجع لوعيه ولكن خليها تتردد دايما ( اللهم إني استودعتك نفسي وذريتي وأهلي يامن لا تضيع ودائعه )
الله يكون بعونها ويكتبلها إلي فيه الخير ...............
 
تتطلق وباسرع وقت لان مافي انسان طبيعي يهدد زوجته وعياله بالقتل تشتكي للشرطة وهم يتصرفون معاه
والشرطة تاخذ عليه تعهد مايقرب اهلها اويعتدي عليهم الموضوع خطير سمعنا قصص كثير اباء يقتلون ابنائه
تنتظر اللين يقع الفأس في الرأس حياة اطفالها هي المسؤلة عنها حتى في حال وقع الطلاق تطالب بحضانة اطفالها لان الاب مو قد المسؤليه الله يكون في عونها ويحفظها هي وعيالها
 
جورية 99 قال:
اهلا اختي باونتي...يمكن يكون حلي غريب بس قوليه لها وشوفي.....

اذا انها عايفه الحياة معاه .. وتدري انه يشكل خطر اكيد على عيالها يعني يضرب الصغار على شيء ما يستاهل .. وبنفس الوقت خايفة منه..
.. اذا كانت تقدر ترجع وهي تعرف ان زوجها لما يكون هادي يطاوعها تقوله..روح لدكتور اشرح له حالتك اذا عصبت ان شاء الله تلاقي علاج وانا معاك ...المهم تقنعه يزور الطبيب بكل السبل واذا شافت انه راح ولا تحسنت حالته ابدا
تروح للقلضي ويكون سمعته طيبه يخاف الله وحقاني وتحكيلة وتقدر تطلع تقرير من الطبيب على حالته وبعدين تطلب الطلاق بدون خوف
أنقر للتوسيع...

انا اويد كلام الاخت الفاضلة
 
لاحول ولاقوه الابالله انا لو مكانها تطلقت خير ان شاء الله اذا كانت خايفه على اهلها تبلغ عنه وترتاح ليش تخليه يستغل خوفها وبصراحه مايسوي هذي الحركات الا انسان بتعاطى والعياذ بالله​
 
هلا تويكس اقصد باونتي
حبيبتي كمان لها نفس ترجع؟.

طبيعي تطلق من غير اي كلام والدنيا فيها شرطه يوقفوه عند حده

هذا مريض نفسي
 
بعد السلام وكيف الحال
اقولك يا باونتي انه هذا الانسان غير طبيعي واكيييييد مليون % انه يتعاطى مخدرات
الحل الوحيد الطلاق لان الروح غاليه وهذا انسان مهددها وممكن يقتلها هى واولادها
اما باالنسبه لتهديده لوالدها قوليلها ان الدنيا ليست فوضى وفيه شرطه تاخذ عليه تعهد بعدم التعرض لهم
والله يعينها على مصيبتها
 
اللي راح راح هي ارخصت نفسها له
6 سنوات عايشه بهالعذاااب ليش شنو مصبرها عليه
المفروض من اول مره ضربها فيها اخذت موقف عشان مايكرر
عصبية زوجها مو طبيعيه ياما يتعاطى المخدرات او يشرب او هو عنده مشكله نفسيه​

يحتاج علاج عند دكتور نفسي
هي الحين عند اهلها بس ماتبي تتطلق عشان مايضيعون عيالها
استغرب من كل حرمه تقول صابره عشان عيالي
وحياتها كلها مشاكل وصارخ وكل يوم متخانقين​

ليش عيالها الحين شنو الجو اللي عايشينه ابوهم يضرب امهم​

وينتقدها وصراخهم كل يوم وبعد ضرب ولده​

الحين العيال هم اللي راح تجيهم مشكله نفسيه ويضيعون من المشاكل​

لو تبي عيالها مايضيعون تبعدهم عن هالأجواء ​

تبي زوجها ومستعده تصبر عليه​

تصلي صلاة الأستخاره وتسأل الله سبحانه​

اتكمل حياتها مع زوجها او تتركه وتتطلق​

مو بس مره مرتين ثلاثه​

والله سبحانه راح يوفقها بالحل اللي يرضيها​

وهي تشوف نفسيتها مرتاحه للرجعه عنده او لا​

اذا كتب الله ان تتطلق بإذن الله ماراح يضر اهلها​

الله سبحانه هو الحامي واكييد مو عايشين بغابه​

واذا كتب الله ان ترجع لزوجها ​

زوجها يصلي او لأ​

خل تجيب ماء مقري فيه​

وتحطه للزوج وتشغل سورة البقره
وتقراها وتستغفر الله دايما وكل وقت
وتذكر قول الله تعالى
"وماكان الله ليعذبهم وانت فيهم وما كان الله معذبهم وهم يستغفرون"​

وقوله تعالي​

"ألا بذكر الله تطمئن القلوب "​


​
​
​
والله يوفقها ويهديها للحل اللي يريحها​
 
مستحيلي تكمل معاه هذا مو طبيعي
يعني لو اطلقت اولادها حيضيعوا
وعيشتوهم معاه مو ضياع بالعكس قمة الضياع
لازم تتركه وتخلي القانون في صفها
ولازم ترفع عليه محضر ضرب وتصور الرضوض في جسمها عشان يكون دليل
وعشان مايقرب من اهلها
 
باونتى اشتقت لموضوعاتك كتير
وحقيقي كنت اسال نفسي ليه ماباشوفك
الحمد لله انك بخير ويارب يديم عليكى السعاده

اما الاخت

لو في السعوديه اعتقد انهم انشوا جمعيه او هيئه للاذي الاسري
ياريت تبجث عنهم
لانه غير طبيعي
واذا كانت خايفه على اولادها اعتقد انه هو في حد ذاته قنبله موقوته
ممكن تنفجر في اي لحظه
الموضوع محتاج متخصص نفسي يتعامل معاه
اما انه يذهب لطبيب نفسي او متخصص اعتقد انه صعب اقناع الحالات دي بمرضها
لكن تشوف حد من اهله يقدر عليه
وتدعى ربنا دائما يكفيها شره
 
خل يدري انها بلغت عليه الشرطه وخل يعطونه تحذير مايتعرض لها ولا لاهلها ,,,
 
مرحبا باونتي..

الزوج فاسد منذ البداية.. و يكفي دليل فساده عقوقه لوالديه.. و ضربه لوالدته..

و أنا اعذر خوفها على نفسها و ابنائها.. و حتى والديها..

فهو بإمكانه ان يؤذيهما..و أغلب ظني انه سيحاول...

فهو إنسان فاسد بمعنى الكلمة.. و ليس مريض نفسي..

انصح الاخت العزيزة ان تناضل من أجل نفسها و اولادها.. و تتمسك بالطلاق..

لأنه لن يتوانى عن قتلها أن ...................تعكر مزاجه!!!

فعلى الأقل فليقتلها و هي تدافع عن حقوقها..بدل ان يقتلها و هي خاضعة..و مستسلمة

لا أريد ان أحبطها او أخيفها.. لكن هذا هو الواقع المر..

فهذا الإنسان لا رادع له ..

لا دين و لا زوجه و لا اولاد.. و لا حتى عشيرة..

عليها بالشكوى للشرطة...علها تجد عندهم الحماية..

هذا بالإضافة إلى الطلاق في اسرع وقت ممكن..

الله يحرسها و يحميها هي و أهلها و عيالها..

 
مثل ما قالوا الاخوات اما مريض نفسي او يتعاطى الحشيش والمخدرات لازززززززززم تبلغ الشرطة تردعه الدنيا مو سايبة لان واحد مثل هذا ما يخاف من احد ممكن يعمل جريمة صح بحق اهلها او بها واولادها ولما تبلغ الشرطة يسجنوه لحد ما يتادب والله يكيفيها شره
 
اول شي انصحها ضروري ضروري تقول عند الصبح وعند المساء [ اللهم اكفني وابنائي واهلي واهله والمسلمين اجمعين شرور زوجي بماشئت
بعدين لازم تسجل كلامه لما يقولها بقتلك عشان تدخل الشرطه بالموضوع قبل لايفوت الوقت لانه واضح انه مريض نفسيا يعني مايدري عن تصرفاته عشان ان شاء الله يتعالج قبل لايتسبب باي مخاسر روحيه لاسمح الله وانصحها بالدعاء ليلا ونهارا ومالازم ترجعله مهما عطاها من اغرائات لانه يمكن ماتكون نيته سليمه
 
حبيبتي هذا إما مريض نفسي يحتاج لعياده نفسيه
أو مسحور يحتاج للعلاج بالقران
 
لاحول ولا قوة الا بالله العلي العظيم
انا اشوف انها تحافظ على عيالها وتشتكيه عند الشرطه علشان ياخذون عليه تعهد الله يصبرها
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل