هالمرة ساعدوني

[تلميذة ناعمة]

يا اخواتي العزيزات ابي مشورتكن :8:
زوجي جنوبي متطرف وخاصة من ناحية الفلوس مايرد أحد لانه يستحي :5: ويحب الحمد
لكن زوجته وأولاده يمون عليهم ماعندي ... علي ديون ...
ماتصدقون يا أخواتي يجي لمي وجهه اسود أنا ما ادري وش اسوي مطلوب
بس لما اخوانه او احد من ربعه يطلب الفزعة يطق صدره :14:
هذي الصفة سيئة جدا يعني حلو الانسان يساعد الاخرين ويدخل السعادة عليهم بس فيه حدود شلون ايقض الانا عنده مادري:35:
الي بتساعدني وتعطين حل ناجح والله لدعيلها بالي تتمنى:c016:

 

[بصمة مخملية]

رررررررفع

 

[ايفوريا]

حبيبتي صحيح هده الصفه مو حلوه
بس هل هو مقصر عليك لدرجة البخل؟؟ادا للبخل لا ماله حق وقوولي انا واولادي ملزومين منك ادا عندك تعطي الناس وماعندك تعطيني ليش تتزوج وتكو عائله باسلوب حلو لا تخرعين ابو الشباب
حبيبتي
شوفي زوجك هل هو خلوق طيب محترم ادا كدا فهده الصفه شي بسيط انشالله تنحل
الله يخليكم لبعض ويسخره لك

 

[حنون وكلي هموم0]

الله يكون في عونك ...
هذي عينه كثيره بس حوالي باسلوب هادي الله يخليك لنا مالنا غيرك من ذا الكلام لعل وعسى يلين قلبه عليكم

 

[مرت ولد الحموله]

زوجك ماعنده الجراه الكافيه انه يقول للناس ماعندي فلوس وهالنقطه صارت ضعف فيه واللى حوالينه قاعدين يستغلهونها لمصالحه
هنا يجي دورك تبينن له هذا الشي ,,وعلشان يعرف منهم اللي يستاهل من يعطيه يجرب يطلب منهم فلوس واللي بيعطيه بدون تذمر ونفس شينه هذا هو اللي فعلا يعتبر صديق اما من يتعذر ويطلع له بالف عذر لللاسف زوجك ماعرف يختار ربعه زين

 

[تشكرات]

مــادام زوجـك نشمي وراعــي فزعـات ويستحي يرد !!!

اذن ( أدخلــي لــه من بـاب ( المديـــــح والحـــياء ) كـــأن تشكريه

دائمــآ حتى لــو أعطى لكم القليل فقط ...وأمدحــيه وكبّري راسه

أثــناء الطلب ..كأن تقــولي :

كثّر الله خيرك ....وأدري ما تقصّر علي ...وأنت أهــل للكرم ...

ويــا حظّي فيك ...وأهــلي معجبــون بك لكرمك معي ...

وسبحان الله ربّي معطيك الخير لأنك كريم علينا ....وهكــذا أمدحيه

وأشكريه وشجّعيــه ....وان شاء الله ربي يسخره لك ويهديه ...

 

[ردية الحظ]

الله يكون في عونك

 

[تلميذة ناعمة]

اشكركن أخواتي
اللهم احفظهن وارزقهن من حيث لايحتسبن
ياليت وحدة خبيرة بالجنوبي تساعدني

 

[انثى تعشق رجل]

زوجي كان مثل زوجك ببداية حياتنا
وطبعا جنوبي
غير انه يستحي يرد الناس مايعرف وين يصرف القرشين الي تبقى له
بعد نخوته وفزعاته
واسبوع بعد الراتب ندور سلف
بصراحة صرت انا امسك الراتب كامل الين تعود
واعطيه كل يوم مصروفه وقرشين زيادة يتدلع فيهم
وقرشين لو احتجت شي للبيت يجيبه معه
ومره على مره بدأ الرجال يتعود ويعرف كيف يحاسب ومتى يساعد الناس
ومين اللي يساعده بالزبط ومتى يقول لا ماعندي
لانه لما صار يطلب سلف من اللي كان يعطيهم كذا لوجه الله يرفضو ويردو بشكل سيء للغاية
كان زوجي يقولهم عطوني اسرقكم
وبصراحة غيرت نظامه مع الناس يعني الي يطلب وهو مو محتاج يطير احسن
واللي يطلب وهو محتاج واحنا نقدر نعطيه نعطيه سلف
لاننا ورانا عيال نبي نصرف عليهم ونجمع لهم قرشين
واللي يطلب وهو محتاج واحنا مامعنا شي بكل بساطة نعتذر منه
وصار زوجي يجرب وشاف ان مافيها شي والناس مفروض تقدر ظرف بعضها
والحمد لله بالنظام هذا عودت زوجي يعرف يحسب مصروف اسرته ويحط اسرته قبل اي شيء
لانه جرب الناس واكتشف انه عندهم خير بس نظام اللي يقدر ياخذ ياخذ
وحبة حبة صرت اسحب نفسي من الموضوع لانه بصراحة مسؤولية متعبة
واحب الفلوس تكون بيد الرجال هو اللي يعطيني لما اطلب والحمد لله نجحت الفكرة
والان انا ماامسك شي من الراتب الا اذا زوجي حب اني اخبي مبلغ على جنب
او ماشابه
وزوجي صار احسن من اول بكثير بس يحن لطبعه من وقت لاخر بس بحدود العقل
طبعا انا ماادري هل هذي الطريقة بتنفع مع زوجك والا لا
زوجي وقتها كان لساته شاب صغير ومايشوف فيها عيب بحقه
وانت اعرف بزوجك اذا بيصلح معه كذا او لا​

 

[تلميذة ناعمة]

انثى تعشق رجل ربي يهنيكم
حلك مستحيل مع زوجي لو ابين انه انا متضايقة قوم الدنيا وماقعدها ويقول انا رجال ومالك شغل في فلوسي

 

[رازيا]

البنات ما خلوا لي شي اقوله تبارك الرحمن