هاااام لكل اخت

[غلا الوجدان]

السلام عليكم ورحمة الله وبركاته ​

ياناااس يااااعالم صايره مواضيع خيانه الزوج ووصوله لمرحله الزنى امر عادي !!! ​

يعني يزني ومع ذلك الردود اصبري واحتسبي ​

زاني الرجال على ايش تصبر ​

تدعي ماقلنا شئ وتطلب ربها بس تعمل بالاسباب ماتجلس مكتفه ​

اسألوا كل رجال ليه الخيانه بالنسبه لهم سهله ​

اذا تمسكه زوجته يخون ويتبكبك عليها وتسامح ​

يخون بكل الطرق لانه عارف مصير المره لادرت بتزعل كذا يوم عند اهلها ​

ميــــخاااااالف لكن توصل لزنى لاحول ولاقوة الا بالله ​

قسما بالله مقهوووره مابقى الا ينقلون الايدز والامراض وحنا اصبري واحتسبي ​

ادري كل وحده همها تحافظ على بيتها واولادها من التشتت قد ماتقدر وتصبر على الابتلاء بس كل شئ وله حد ​

صايره الخيانات من المتزوجين اكثر ​

لو متزوجه خانت مجرد مكالمه وش سوا بها تتوقعون​

اجل لو درى انها نايمه معاه بيصبر والا بيطلق ويذبحها ​

حنا ماذبحنا الا المجتمع الرجال فوق كل شئ وماتكون الوحده سعيده الا لمن يناظرها زوجها ولو اهملها خلاص الدنيا اسودت وحالتنا حاله ​

 

[أمي نور دنيتي]

مرحبا خيتو
حنا بالزمن الي ** الممسك بدينه عالممسك بجمر **
ماتشوفين الفتن بكل مكان
قسم بالله زوجي محترم واشوف بعيني التحرش فيه
النت وبلاويه
افلام الاكشن كلها بلاوي
الرعب فيه قلة ادب
وين تبينهم يصلحون والغزو الفكري موجود
وهو رجال لاقالو قالو عيبه بجيبه
يابنت الحلال قولي يارب يعلق قلوبهم بالمساجد وقراءه القران
لكن وين ينصلح حالهم والدنيا ماشيه كل يوم تطلع فتن اكثر من اليوم الي قبله
مالنا الا الدعاء
وربي يبعدهم عن بنات الحرام وعيال الحرام

 

[أمي نور دنيتي]

الماسك بدينه كالماسك بجمر*
ملاحظه

اطلعي السوق شوفي وشلون صار وربي مصايب
الكورنيش صار تحلفين ملتقى الاحبه ماعاد فيه خوف من ربي الا من رحم

 

[حنيني2010]

والله مقهورة مثلك من ( اصبري عالزاني)

الزاني ما ينعاش معاه،، محصن ويزني بعد!!!

ليه هي الدنيا خلت؟؟؟

أصلا الوحدة تخاف على أولادها من هيك أب ،، ما يصلح يربي لها أولادها هذا!!!

تطلقه أنظف وأشرف لها ولأولادها،، ​

 

[معاداحبك]

كلامك صح. الله يكفينا شر هذا الزمن

 

[رازيا]

عزيزتي انا مو كل الخيانات انصح الوحدة بالصبر
اذا كانت خيانة مكالمة نت وموبايل اقولها اصبري لعل الله يهديه على يديك ولئن يهدي الله بك رجلا واحد خيرا لك من حمر النعم
اما اذا تاكدت انه الخيانة زنا وشافتها بعينها لانه لازم شهود اربعة ساعتها نقول لها اخلعيه وارتاحي

 

[مدمنة صبر]

انا مع كلام الاخت رزايا بس بالنسبه للي تقول اصبري اسيا زوجة عمران زوجه يكفر بالله مو زني وبس وهي عنده ما طلبت الطلاق !!

 

[أختكم المسلمة]

والله كلامج صح من فتره كنت بكتب هالموضوع
الله يصرف ازواجنا عن الحرام و يهديهم و يصلحم
والله يسخر لنا ازواجنا

 

[ثمار]

والله كنت بكتب بنفس الموضوع لكن سبقتيني
كنت ع المكتب مشغوووووولة إلا وحدة موظفة معانا تقول لي بحكم اني سعودية وهي اجنبية تسأل تقول ممكن الوحدة تجدد إقامتها بدون إذن زوجها قلت ما أدري ماعندي خبرة فهاالأمور قامت قااااااااااااالت عندنا وحدة إقامتها منتهية وتبغى تجددها وزوجها .......... قلت اش فيه زوجها قالت قصة طوووووووووويلة المهم زوجها عنده علاقات وينااااااااااااااااام مع نسااااااااااااء وكل مااشتكت قالوا اصبري الناس والمشايخ الكل يقول اصبري بعدين ايش اللي صاااااااااااااااااااااااااااااااار جاااااااااااااء ذاك اليوم اللي
طلعت فيه مصابة بالإيدز من زوجها
تقول تبكي بكاء شديد وتقول انتو السبب انتو اللي قلتولي اصبري والحين زوجها راااااااااااااااافض الطلاق ورااااااااافض يجدد الإقامة الله يكون بعونها وينصرها
قلت أنا طيب هي ليه سكتت مادام انه يزني كان توقف فوجهه وتقول ماتنام معاي ألين تجيب تحليل إنك سليم قامت صديقتي فتحت فمها قالت باستغراااااااااااب بالله تقوله ذا الكلام
كأنه عيب ولا حرام تقوله كذا
طيب واللي يسويه موحرااااااااام
الله يحمينا ياااااااااارب ويصلح أحوال المسلمين

 

[اخر ايامي]

والله من جد انا افكر كثير بهالموضوع ليش الصبر على واحد خاين مو اي خاينه زنا او لواط استغفرالله
الله يعمي عين ازواجنا عن الحرام ويغنيهم من حلاله عن حرامة

 

[دلوعةزوجي]

عزيزتي رازيا قالت اللي كنت بقوله
الخيانه لها عدة جوانب
لو كان يكلم بنقول العني ابليس ولا تقدمين زوجك لبنات الهوى
لاكن لو زوجها وصل لمرحلة الزنا والعياذ بالله
بنقول اتركيه واتحسبي ولا تذرفين ولا دمعة عليه ولا على عيشته
يا قلبي انتي
لو كلم الرجال اكيد بيقابل لاكن الذكيه من تمسك العصا من النص وتتخذ الاجراء اللازم بالوقت المناسب
ابعد الله عنا وعنكم الحرام وبنات الهوى
نصيحه من قلب محب لكل بلقيسيه ان تفرش سجادتها كل ليلة وبأذن لله سترى الفرج​

 

[رازيا]

دلوعة كلامك جميل بورك فيك

 

[بنوتة بلادي]

البنات ما قصروا..ز

مكالمات و إيميلات و مسنجر و بيبي... بسكت... و بحاول اجذبه لي... بس إذا زنا جسدي... المره الأولى إييب تحليل انه سليم... و طبعا عقابه بيكون عسييييييييييييييير..و يتوب توبه نصوح و يعتدل في دينه... و طبعا براقبه مثل الصقر علشان أتأكد إن إيمانه ينهاه عن الزنا و الفواحش

... بس إذا مره ثانيه.... بطلقه مب بخلعه.... بطلقه... ما عندي استعداد أعيش مع زاني عطيته فرصه يعتدل و مع هذا فضل الحرام... مب قدوه حسنه لعيالي... و مب بايعه صحتي علشان واحد لاهي ورا ملذاته...

و إذا كل حرمه كشفت ريلها يزني تصر إنه يجيب تقرير طبي علشان يقدر يمارس العلاقه معاها ممكن أقول ممكن الرجال شوي ما يستهينون الكبيره اللي قاعدين يسوونها

 

[ايفوريا]

حسبي الله ونعم الوكيل
مااقول غير يارب ترحمنا زمنا صار زمن كل شي عادي وحلال
يارب تحفظ رجالنا وشبابنا من كل حرام

 

[روح وبوح]

الطامة الكبرى وخاصة في المجتمعات الشرقية
انهم يتقيدون بالعادات والتقاليد اكثر مايتقيدون بالشرع مع الاسف الشديد الكئيب
الرجل يظل يخون بشتى الطرق وعادي نوعا ما
واذا المراءة بس مجرد نظرة نظرت قامت الدنيا عليها وقعدت ...

المهم الزوج الخائن اذا ثبتت عليه الخيانه
يرجم بالنار حتى الشوي وحتى يصبح لحمه نقانق ​

 

[غلا الوجدان]

يعطيكم الـف عافيه لكل اخت ردت

واتمنى نتكاتف ونحقق توزان بشخصياتنا ومابين التقاليد والشرع

ونستفيد اكثر واكثر من هالمنتدى المعطاء بلا حدود

ونتبع وصية الرسول " لاإفراط ولاتفريط "

والله يهون لكل وحده مرت بخيانه ويعوضها بالأفضل منه