نوروني...الله ينورررررررررررررررر بصائركم

[الخط الفاصل]

السلام عليكم ورحم الله وبركاته
أخواتي الغاليات
أحب أستشيركم الله لا يحرمكم أجري..
زوجي مريض مسوي عملية من قبل أسبوعين..يعني مايدوام جالس بالبيت..
اتصلت طليقة زوجي على جواله من جوال ابنها بعد عمليته بثلاثة أيام..كان وقتها زوجي
بالحمام الله يكرمكم..وأنا لماشفت رقم ابنه رديت ..
طلعت الهانم....
اتفاجأت بي وأنا صراحة اتفاجأت فيها..
سوت نفسها مو عارفة انا مين؟؟تقول انت مين؟؟ :24:
ههههههههه من جد شر الية مايضحك
قلت لها أنت مين؟؟وش تبين؟؟؟
وصرنا الإثنين نسأل بعض :icon28:
هي تقول أنت من؟؟ وانا أبادلها السؤال
أنا صراحة مت قهر من اتصالها و انقلب وجهي..
لما خرج زوجي اكرمكم الله من دورة المياه وجاني الغرفة وشاف وجهي مقلوب.
سألني شفيك؟؟
قلت له وش تبي الهانم أم العيال متصلة عليك؟؟؟؟؟
قال مستحيل تكون هي..هذا الولد :25:
قلت له شايفني خبلة
مافرق بين صوت حرمة وصوت رجال... إلا هي والدليل لهجتها..
وليش متصلة عليك من جوال الولد؟؟؟
وش اللي يدور من وراي؟؟
مرجعها بترجعها لازم يكون في النور مو في الظلام
وعيالك اللي فاتحة لهم بيتي وقلبي يطعنوني بالظهر
ما أستبعد متآمرين مع امهم ضدي
جالسين كلكم تغدرون بي وانا ياغافل لك الله
المهم زوجي حاول يهديني وحلف مابينهم شي..
وانا يابنات اتصالها فيه زرع الشك بقلبي .. خصوصا حياتي معه مو مستقرة تماما .. يعني الآن بدأت تستقر نسبيا..
احساس قلبي يقول اتصالها مو من فراغ...
وش اللي شافته من زوجي وجرأها تتصل فيه...أكيد في مواقف بينهم ما أعرفها أعطاها ريق حلو.
ما أستبعد بينهم اتصالات أو رسائل من وراي..خصوصا وقت دوامه..ياخذون راحتهم

مدري بنجن من التفكير

داخلي حزن عميق وألم دفين..

تكفون فسروا لي تصرفها................:8:

 

[ميمي وميدو]

الله المستعان

 

[ام ساني]

اختي لكريمة لضيعى اجرك وحسن نيتك بوساوس الشيطان ممكن تصلت طمن علي صحته بعد لعملية فعيادة لمريض واجبة بين لمسلمن فمابالك بام عياله
خليك انت الحكيمة ماتكبري سالفة اكتر اهتمي بزوجك وتقربي منه وخلي الاجوا بينكم طيبة فرجال لايسيب الحرمة الا ااكانت نكديه شكاكة
وادعي ربك يصلح من حالك وحال زوجك ونصيحتي كتري من الاستغفار والله مفتاح لكل هم وكرب
وادا ماعندك اطفال فزعل وتعكر النفس ياخر الحمل فخلي نفسك حلوة مريحة وانسي الا حصل ربك يسهل امورك يارب

 

[الخط الفاصل]

الله يجزيك خير أم ساني..

وش صلتها فيه ياوخيتي تتطمن عليه؟؟

هي خلاص أجنبية عنه ومايصير بأي حال من الأحوال تتصل فيه
ولا أنا غلطانة؟

 

[الأميرة شهرزاد]

عزيزتي يمكن فعلاً هو ما عنده خبر عشان كذا لا تفتحين عيونه و تذكرينه فيها و تنفرينه منك بكثرة أسئلتك و شكك
لا تتكلمين معه في الموضوع مرة ثانية و كوني حذرة و انتبهي لو حسيتي بتغير من ناحيته حاولي تتأكدين إذا رجعت العلاقة بينهم أو لا
إنتي الحين لازم تكسبينه لك و تنسينه طليقته و لا تتركين لها مجال معه أبداً و الواضح إنها تحاول ترجع له و الدليل مكالمتها .
الله يكون بعونك و يفرج همك و هم كل مسلمة ياااااااارب​

 

[الخط الفاصل]

مشكورة يالاميرة جزاك الله خير
شلون أتأكد وش هي العلاقة؟؟
معقولة زوجي بهالعمر يسوي علاقة حرام..
أنا بالنسبة لي يرجعها في النور وقدام عيني ولا يطعني ويخبي عني..
وأنا حرة أستمر معه او أنفصل عنه.

 

[السندرله]

الله المستعان اذا كان عاجبها ليش تطلق منه ولامايزين الشي الااذا صار في يد غيره سبحان الله ياحريم ذا الزمن ماعاد في لاخوف ولاحشيمه ما عليك منها اختي ولاتظلمين زوجك ولاتتنازلين عنه لوحده فرطت فيه بعد ماكان بين ايديها

 

[غااااااايه]

لاتنكدين على زوجك ، يمكن هو نفس الشي متفاجأ ، ولامتوقع انها تتصل// لاتخلي وساوس الشيطان تخرب حياتك

 

[انثى تعشق رجل]

حبيبتي يمكن هي متصلة تتطمن على زوجك
وبالمره ممكن يحن عليها خاصة بينهم اولاد ويرجعها
وصدقيني اي مطلقة الا مايجيها يوم وتندم وتتمنى الرجعة خاصة بوجود اطفال
طبعا هذا في حال الزوج كان كويس وعليه القيمة
انت الان لا تخربي على نفسك وصدقي زوجك واحتوي
واذكريها بالخير لكن دون المدح بتصرفها
قولي مثلا الله يهديها بس كيف تكلم وانت غريب عنها
وقوليله كم كلمة تلعب بمشاعره
مو تقولي لو بترجعها رجعها بالنور
لا ياقلبي بيني له غيرتك الشديدة عليه وحبك له لكن بدون تشكيك وكلام ماله داعي​

 

[اام صالح]

احسني الظن به

 

[كان الحب لك]

لاتعطيه الضوء الاحضربكلمتك--(تزوجها بالنور)
خطأ

بيني انه عيب وحده اجنبيه تكلم طليقها----------------

 

[طيفي]

لاا تعصبين عليييه ....ولا تحطيين فكررره ترجيعهاا في رااااسه .....وماادااام قاالك انه ماابينه وبينهاا شي ....صدقييييه بمزاااجك وعديهاااا له ....وحاااولي تحتوينه ودلعييينه اليومييين هذي وتشغلييينه عنهاااا .....ولااا جيبين السيييره هذي مررره ثااانيه قدااامه عشااان ماايرجع يفكر فيهاااا ثاااني ....بالتوفيق حبيبتي ....

 

[-موج-]

حبيبتي يمكن هي متصلة تتطمن على زوجك

وبالمره ممكن يحن عليها خاصة بينهم اولاد ويرجعها
وصدقيني اي مطلقة الا مايجيها يوم وتندم وتتمنى الرجعة خاصة بوجود اطفال
طبعا هذا في حال الزوج كان كويس وعليه القيمة
انت الان لا تخربي على نفسك وصدقي زوجك واحتوي
واذكريها بالخير لكن دون المدح بتصرفها
قولي مثلا الله يهديها بس كيف تكلم وانت غريب عنها
وقوليله كم كلمة تلعب بمشاعره
مو تقولي لو بترجعها رجعها بالنور

لا ياقلبي بيني له غيرتك الشديدة عليه وحبك له لكن بدون تشكيك وكلام ماله داعي​

كلام حلو

 

[الخط الفاصل]

الله يجزيكم خير أنتم تقولون لي ما أكلمه وووو........الخ
اللي مزعجني كل ما انفتح الموضوع يقول مو هي أنت وش عرفك بصوتها
أنا محروقة يابنات
وش فصده؟؟يعني انا مفترية وكذابة
والله مالها تفسير ثاني
مسوين هو وعياله وطليقته حزب علي..هم ستر وغطا على بعض.
اللهم اكشف لي الحقائق وانصرني يارب.

 

[نوف كلها عقل]

احسني الضن يمكن المره ودها تحمدله بسلامه

 

[البعد همي]

انا مع ام ساني شكلها تبي تتطمن عليه هو ابو عيالها

 

[المــهــا]

الله المستعان

لاإله الا انت سبحانك إني كنت من الظالمين

 

[غموض العنزي]

حبيبتي شوفي الاولاد ودهم ان ترجع امهم الى ابيهم مهما صرتي زينه لهم وخليك على طبعك الاول لتتغيرين عليهم
ثانيا املي على زوجك حياته لاتعطينه فرصه
زيدي حبيك له سمعيه كلاام حلو هيئ البيت له ولتفكرينه في طليقته مهما كااان اكيد مدام دقت عليه فيى علاقه بينهم
بس حاااولي لتطور هذي العلاقه
ويمكن ربك خلاك تنتبهي لما كلمتيها
احرصي كل الحرص على زوجك
اصلن حتى لو يبي رجعها مابيدك شي نهائي تقربي منه اكثر وكثر
والله يسعدك حبيبتي ولا تعطينه يفكر فيهااا اسمعي وطنشي بس تكوني مستيقظه

 

[ناصرة المظلوم]

والله ياأختي أتوقع أوحطي أحتمال أنه يكون مرجعها هذي حركات الرجال ويمكن مايبيك تعرفي أو له نية يرجعها الطليقة إذا صارت تكلم طليقها أكيدبتحن لة وتبية
آة بس جيتي ع الجرح

 

[الخط الفاصل]

ليتني أقدر أهدأ أو أحس بالأمان بعد اتصالها