نقص الحديد

[الباطنيه]

انا فينى فقر دم نقص الحديد
هكذا يخبرونى بالمستشفى
واكتشفته بالصدفه باول حمل بعد الزواج
وكان دايم بين 8و10
ما يزيد
جبت عيالى كلهم الخمسه
وانا اعانى منه واخذ حبوب ومرات اتركها جهلا منى باهمية المتابعه
المحير بالامر انى الان عمرى 36 واصغر بنت عندى عمرها ست سنوات
وليست حامل وتغذيتى جيده نوعا ما
من سنتين جاءت لى اعراض مثل زياده ضربات القلب ورجفه فرحت وحللت وطلع 7
عطونى حبوب
استمريت عليها لمده من الزمن مع الاكل الصحى رجع الدم 11
وقالت الدكتوره خلاص بس من الحبوب
بعد تقريبا 6شهور رجعت الاعراض رحت طلع نازل8
واخذت حبوب مره ثانيه
ليش ينزل الدم من اترك الحبوب
والحين اكل الحبوب من سنتين
وكل ما احلل يقولون 9 بس
مايزيد


وانا الحين لاحامل ولامرضع
صحيح انى فى ولاداتى كانت متعسره سواء طبيعى او قيصريه
الاخيره قصريه وكان فيه تمزق باوعيه الرحم ونزفت كثير
اثناء العمليه
وبعد الدوره غزيره عندى

ياليت احد مرت بنفس حالتى تنورنى

 

[بلا حب وبلا وجع]

انا مثلك حامل والحديد عندي نازل الدكتورة خوفتني انا بكرية وخايفة يسيرلي شي بالولادة..يعني انتي ما احتجتي دم يوم ولدتي؟؟؟الله يشفيك ويشفيني..

 

[ضوء القلب]

اختي فقر الدم يسبب دورة غزيرة , وهذي الغزارة ايضا تزيد من نزول الحديد في الجسم اذا تحسي ايام الدورة بالدوخة فلازم تاخذي حديد مع برتقال حتى يمتص زين ,داومي على الاشياء الغنية بالحديد مثل الزبيب والجرجير والتمر وغيرها وما تشوفي شر .

 

[سبحان الله ..]

الاغلب يعانون من نقص الدم والله أضطرينا ناخذ ابر الله يأجرنا يارب ويشفينا جميعا

طيب جربي الزبيب الاسود يرفع الدم بسسرعه كثير نصحوني فيه

نقعيه بمويه بعدين حطيه بالخلاط واشربيه أو كوليه كذا

الله يشفيك يارب ويعافيك وماتشوفين شر

 

[الباطنيه]

جزاكن الله خير
وماقصرتن

 

[عشقك ذبحني]

انا متزوجه ولي سنتين ولسا ماحملت وعندي فقر دم تقريبا مثلك بس الدكتور اعطاني ابر الحديد اللي مع المغذي وبعدين قال لي استمر على الحبوب حق الحديد وان شاء الله اقول انو الوضع احسن بس كمان اشربي عصير البنجر يقولو مررره يرفع الدم بصوره سريعه انو شربتو كم مره بس صراحه ماستمريت عليه والله يشفيك ويشفيني ويشفي جميع مرضى المسلمين

 

[تراب الجنه]

حبيبتي لفقر الدم فاكهة البنجــــــــــــــــــــر مره روعه واضمنها لك100%لو استخدمتيها لمدة شهر واختي مجربتها هي زي البطاطس تطبخينها وتقشرينها وتاكلينها وتبعدين نهائيا في هالشهر عن الشاهي والمشروبات الغازيه وبالتوفيق

 

[احساس صعب]

فعلاً أختي البنجر أو الشمندر و علاج فقر الدم بعد الله والطريقة الصحيحة لإستخدامه هي انك تاخذين حبة الشمندر وتغسلينها جيداً وبعدين ترشين عليها قليل زيت زيتون وتضعينها في إناء وتغطينها بقصدير

وتطبخينها في الفرن لكي تحتفظ بعناصرها الغذائية ما تتكسر أو تلفينها في قصدير على حجمها وفي الجمر تدفنينها مثل قصدير اللحم

وعندك الكبدة النية ترجع لك الدم وماهو نية بدون طبخ لا جيبي لك كبدة غنم طازجة واشويها على الفحم شوي خفيف بحيث انهاتبقى طرية ولونها وردي ومحتفظة بعصارتها وقطعيها وكليها

وأيضاً الزبيب الأسود ضعي أمامك صحن منه وكلي منه كلما رأيتيه


وعليك بالخضار الورقية مثل البقدونس والخس والجرجير والكرنب الأحمر

والله يرفع عنك الضر