مرحبا ياحلوات توي ادري ان فيه موضوع هنا
اول شي اشكر روح كيمو وكل البنات اللي هنا ..
ثانيا عندي مشكله بسيطه جدا مع الجنوبي الشرقي ..
حبيباتي انا تملكت قبل شهرين وشوي تقريبا على جنوبي شرقي ((عرفت انه جنوبي شرقي من خلال كلام اهله عنه والمعلومات اللي عطوني ايام الخطبه )
طبعا زواجنا تقليدي يعني مافيه نظره شرعيه ولاشافني ولاراح يشوفني الا ليلة الزواج ان شاء الله
حتى المكالمات مهيب مسموحه عندنا لكن صار فيه خلاف على موضوع الزواج واضطرينا نعطيه الرقم عشان نتفق انا وياه على موضوع الزواج
يعني التواصل ماكان برغبه منه لا كان لسبب وظروف فقط ..
االمشكله اللي اواجها معاه الحين :
1.اتصالاته قليله جدا ممكن 3مرات فقط ثنتين منهم اتفاق عالزواج مدة المكالمه لاتتجاوز 5دقائق (((وكأنه يكلم احد اصدقائه ))ومكالمه فالعيد لاتتجاوز 20 ثاااانيه فقط
وبعدها انقطع ماتصل ابدا ماحاول يتعرف علي او يتقرب مني رغم اني انا حريصه جدا على معرفة شخصيته وناويه اتعرف عليه واخطط معاه لاشياء كثير ..
2. الرسائل مايرسل الا كل اسبوع مره وحده فقط ومحدد يوم معين يوم الاثنين من كل اسبوع يرسلي رساله ((رساله منقوله من النت ينسخها ))وانا ارد على رسايله برساله ثانيه
يعني لايمكن يرسلي مرتين بالاسبوع او يغير يوم الرساله مادري وش السبب ؟؟
توقعت فالبدايه انو مستحي يرسل وممكن حاس انه يضايقني بكثرة الرسايل فقلت خلوني ارسله رساله يوم السبت فقام رد على رسالتي برساله وتفاجئت
انه غير موعد الرسايل وصار كل سبت يرسل هههههه ((شر البليه مايضحك )) يعني كانه يقول لاتحاولين مافيه الا رساله بالاسبوع وكأنها تأدية واجب فقط
فالبدايه كنت متحمسه اتعرف عليه لكن هو باسلوبه هذا نفرني منه صرت احس انه مجبور علي او مو متقبلني وصرت ابد ماودي الزواج يجي واحس بخوف من حياتي معاه
يعني ابد مافيه اهتمام
اخر مره انتظرت رسالته اللي يرسلها لي كل اسبوع وللاسف كانت رساله من رسايله اللي قبل ارسلها لي ههههه الله يهديه بس
قررت اني مارد على رسائله ابد ابد ولاعاد ارسله وهو اكيد اذا شافني ماراح ارد عليه اكيد بيقطع الرسايل عني ويصير مافيه تواصل وانا ماعندي مشكله خلاص مو فارقه معاي بالعكس برتاح نفسيا ومافكر كثير
لكن خايفه هالشي يأثر على حياتنا بعد الزواج ؟؟
انتم شرايكم هل تشوفون ان قراري ممكن يأثر على حياتي بعد الزواج او لأ ؟؟
الحين هو مقفل كل الطرق بوجهي يعني اتصالات مايتصل ..رسايل مايرسل كثير ..
شلون افهمه شلون نتواصل ؟؟ كل الطرق مسدوده علشان كذا قررت ماتواصل معاه وانا حاسه انه مايفضل التواصل معاي عشان كذا يرسل كل اسبوع فقلت تجي مني انا ولاتجي منه وانجرح وتعرفون عزة نفس الشماليه ...
