نقاشـــــــــــــــــــــــــــــــــــات ♥♥ زوجــــات النمط الجنوبــــي ♥♥

الحالة
مغلق و غير مفتوح للمزيد من الردود.
روحي فهد.. ايوا قريت سالفتك تشااابه حكايتي معه هع

انا مااابغى يتعب نفسه بشي بس ليه ماايواجه الخطأ اللي هوو مسوويه وداايم يقلب السالفه علي واهو البرئ اللي ماايسوي خطأ !!
ولو افحط من هنااا الى بعد اسبوع بحركات الزعل مااايفهم الا لما اقوله بصريح العباره انا زعلانه او انا ماخذه بخاطري عليك ومع كذاا مااايجب لي خبر زي اللي يقولي يعني وش اسوي لك خخخخخ
وانا ينطبق ع محروسي مثل (اسمع كلامه اصدقه اشوف افعاله استغرب) يقوول كلام ويتحلم ويبغى وبسوي ولما يجي وقت الفعل ووقت الصدق ماايسوي حاجه ويخلي مسؤليته ويحسسني اني انا اللي اركض ورا مو هوو اللي يبغى هالشي
وش الحل معه..؟؟!!​
 
روحي فهد
كانت اغلب مشاكلنا بسبب ان مابينا كلام يعني اذا انا تكلمت تكلم
واذا سكت مافكر
تخيلو مره سافرنا عند اهلة اهلة في ابها واحنا بحفر الباطن شو فو المسافة 1900كيلو
قلت بطنش بشوفة يتكلم اولا
والله قعد ساكت ولاقال كلمة وحده يدوب اذا وقفنا قال تبين شي غير ها الكلمة ماسمعت
ماعاد قدرت اتحمل صرخت حتى هو انفجع على بالة فيني شي اشوى ماصار شي السياره انحرفت عن مكانها
طبعا انفجرت فية مومعقول ها السكوت
يعني تعودي على سكوووتة حاولي انتي تتكلمي والا كل شي على روسنا
 
سبحان الله ماتلاحظون كلنـــــــــــا نمر بنفس المشاكل ومواقف متشابهه​

روحي فهد ومهرة فعلاً حتى انا انضم لصوتكم ونقولها بالصووووووت العالي​

الجنوبي اذا زعل ولاتضايق يحلى له النووووووووم​

بأوقات غلط استغفرالله نومه بجيبة​

المهم بالنسبة لسالفة الاعتذار كلنا انا توي متمشكلة معاه وهو غلطان​

صح وجهه مره راح الوان بس ماعتذر ولاقرب مني اللهم اذا ارسلته يجيب اي شي يروح جري هههههه بس​

انا كنت ابغى شر وابغاه يقول مافيني او اي شي وازعل واسمعه ذاك الكلام خخخخخ​

بس يكلمني وينكت معاي وماخذ الموضوع عااااادي يبغى انهيه خلاص واكلمه واضحك لانه جد يضحك​

بس بعدين ارجع اتذكر اني زعلانة وازعل ههههههههه تذبذب والله حالة​

المهم زي ماقالت توام روحه​

الجنوبي لما مايعتذر مو لانه مش معترف بخطأه لا​

لانه يبغى يكون بنظرك الرجل المثالي الي مايغلط ​

الله المستعان يبحثون ورى الكمال ومالكامل الا الله

:12:​
 
نسيت اقول لكم بنات ساعدوني محتاجة تجربة وحدة وفادتها تفول لي بليز


الحين انا لي شهر اطلب الاخ في الله اروح السوق ويسحب فيني
بحجة ان السيارة خربانة

من زمان وهذا اسلوبه عذبته وقعدت شهور عند اهلي عشان يحس بقيمتي وماياخذني الا اذا صلحت السيارة

وصلحها لكن للاسف واحد صدمها وخربت من جديد

المهم الحين سويت مشكلة كبيرة عشان اروح قلت مابيفهم الاكذا

وقلت اكيد بيدبرلي سيارة ويوديني طناااااش

ولاكأني تكلمت ولاشي

بنان وش اسوي اتكلم معاه بهدوء طيب كيف مقدر اضبط اعصابي

يمكن اتكلم معاه بهدوء بس ابكي هالموضوع منرفزززني

وهل اكرر حركتي السابقة يوم رفضت ارجع معاه عشان اقهره واحسسه ان عيشتي معاه بايخة

وعند اهلي مبسوطة ولا بلاش ينحرف خخخخخ

وش الحل اكلم ابوه واشكيله اذا تقابلنا ....؟؟

بليز شوروا علي ماني عارفة اتصرف

اشهد اني عجزت معاه هالمرة وبقوة​
 
انتبهي ياساحرة البقر
لاتسوين مشكلة وتجلسي لاهلك هذا موحل ابدا بالعكس يبعدكم عن بعض اكثر
وكمان لاتدخلي اهله الا الجنوبي الشرقي يكرة تتشوة صورتة قدام اهلة
انا مثلك زوجي جنوبي شرقي
خذية باللين والطيب والكلمة الحلوة اذا انتي معصبة حاولي ماتتكلمي معاه الين تهدين عشان ماتزيدي الوضع سوء
 
ساحرة البقر ..لاياقلبي لاتروحي لاهلك ولاتكلمي ابوة ولااحد خذية بالسياسة احسن

تري الجنوبي اذا قلتي لة بروح لاهلى عشان كنت مبسوطة وكل شي مجاب يحس بالنقص وهذا شي موبزين


موعارفة كيف افهمك كلامي ملخبط بس اصبري ..وحاولى بالدلع يمكن يجي منه
 
مااصدق بنات تتكلمو ن عن زوجي ​

الله يساعدناا يااااااااااااااارب بس لاتنسون ان هو حنوون حيل ههههههههه

انا مع البنات لاتروحين بيت اهلج ​
 
صباح الخيرات اخباركم بنات

ساحرة البقر

لاتروحين بيت اهلج /// لانه بيتحسس وكل شي ولا تخبري اهلج بمشاكلكم

تصدجن امس رسلت له اني اتمنى اطيب خاطري مثل زمان بجالاكسي

تعرفون شو رد؟؟؟

ليش انتي زعلانة؟؟؟

قهررررررررررررررررررررر ،، كرهته ////

ودي اجرحه واجول له

روح لاخوك الكبير يعلمك الرومانسية وكيف تتعامل مع الحريم
 
سؤال لزوجاااااااااااااااااااااااااااااااااااااااااات الجنوبي؟

شو الشكل اللي يحبه الجنوبي؟؟

قصدي يحب المليانة ولا الضعيفة؟؟
البيضاء ولا السمرا؟
الطويلة ولا القصيرة؟؟
ولون الشعر؟؟
والعيون؟
الخ......................

ابي تفاعلكم​
 
ايوة ياروحي فهد اسالتك الاخيرة انا اشوف انها بتحطمك لو احد جاوب بمواصفات وماهي فيك لان لو يحب البيضاء وانتي سمراء شنو بتسوين فانصحك لاتهتمي لها
لكن اللي اعرفة انة يحب الجسم الوسط لامتينة ولانحيفة والشعر الاسود الطويل
والدلع والله والروح الحلوة تخلية يشوفك تهبلين
 
الا اذا انك ودك تخطبين لة هذا شي ثاني ..امززززززززززززززح ههههههههههههه
 
السلآمـ عليكمـ ورحمة الله وبركآتهـ ..
خوآتي ,,
انآ شمآليه شرقيهـ .. وزوجي جنوبي شرقي ..
صآر ع زوآجنآ 10 شهور وانآ بآلشهر آلتآسع .. حآلياً ..
كأي زوجين لآبد من وجود المشآكل بحيآتهم .. بس انا مطنشهـ أمور كثيرهـ بمزآجي من البدآيهـ .. احس مآلهـ دآعي اكبرهآ ..ومع الوقت قعد يتمآدى فيهآ .. ومشكلتي حآلياً ..
احس زوجي متغير علي كثير .. من نآحيهـ الإهتمآم خآصه اني بالشهر التآسع المفروض واللي اعرفهـ ان اربع وعشرين سآعه يكون قريب مني .. أكثر من قبل .. انآ محتآجتهـ كثير .. بهـ الفترهـ خآيفهـ ومتوترهـ ونفسيتي مآدري شلون صآيرهـ ..
وهو كلش مو حآس بالنفسيهـ والتعب والألم اللي بفترة الحمل .. وانآ مآ ابين له مرآت .. وهذآ غلط مني احسهـ ..
اللي صآر من دخلت شهري قآلي ارتآحي عند اهلك كم يوم
<<< مع ان احسهآ مو حلوهـ انآ اللي اقول المفروض اروح لأهلي مو انت اللي تقول لي حتى لو صحيح تبيني اريح والخ !! والمفروض انا اكون معهـ مب عند اهلي ..
وهو مآبين الشغل و آلبر مع اخويآه وعيآل عمهـ .. المفروض هالفتره يقلل طلعآت ..
<< صح ولأ انآ غلطآنهـ ؟؟
مآدري احسهـ خآيف او مآيبي يتحمل مسؤليهـ اني ع وشك ولآده والخ ... مآني فآهمهـ ..
ولآ مستعجل ع فترة النفآس ؟؟ وقطيتهآ ع ضحك لهدرجهـ مستعجل ع نفآسي !!
ورد علي:لآ فديتك ليش تفسرينهآ كذآ انا ابي رآحتك ارتآحي عند اهلك كم يوم والخ ...
للعلم انآ سآكنهـ مع اهله .. وانا حآليا عند اهلي صارلي 3 ايام .. ورآجعه للبيت بكرهـ ..
مآانكر انه يتصل ويتطمن علي بس مع هذآ قليله اتصآلآتهـ .. مو مثل قبل ..
والمكآلمهـ إذآ بآلكثير مآتتعدى ال 10 دقآيق وكلهآ اسألهـ وانآ اجآوب .. ملييييييت ..
وانآ مو من آلنوع اللي يتكلم كثير .. بس حآولت معهـ .. وهو نوعهـ عآدي يسولف مو صآمت دايم .. عشآن اقول عآدي هذآ طبعهـ .. وانآ استحي كثير ومع هذآ احآول أبين لهـ اني مشتآقه لهـ بالمكالمات والخ وهو بس يحس بديت بـ كذآ .. يغير الموضوع <<< ليش حرآم تتكلم مع زوجتك بهـ الأمور ولآ ؟؟؟ مع اني مآقلت شي او تعمقت كثير ع قدي هههه :34:
<<<<<<<< مآفهمت ليش يغير الموضوع ويسكرهـ بسرعه بحجهـ انهـ مشغول او دخل عليه رجآل بالمجلس والخ ..
مع ان اللي عرفتهـ بالجنوبي سمعي يحب هالسوآآلف ومع اني استحي كثير وبشكل موطبيعي قلت احآول واحآول وانسى الحيآ عشآنهـ هذآ زوجي حلآلي اذآ مآسمع مني بيسمع من غيري ..
وخآيفه كثير يتغير بفترهـ النفآس وانا عند اهلي .. ويقلل اتصالات ومآيمر علي فبيت اهلي ..
خآصهـ ان الجنوبي اذآ بعدتي عنهـ ينحرف او يتغير ..
يعني شنو المطلوب مني بـ هالفترهـ ؟؟؟
انآ مهتمهـ فيهـ بس مو لزقهـ بنفس الوقت " بحدود " ..
واتصآلآتي بحدود .. يعني اذآ بالشغل واذا بالمجلس مآاتصل عليه ..
واذا ابي شي ضروري او اسأل عليهـ يكون بينآ مسجآت .. واذا قدر يكلمني اوك ..
وفالبيت مهتمهـ فيهـ واحب اقعد معآه واسولف طبيعي .. بصرآحه استانس معهـ ..
بس قليل مآيقعد .. يعني باليوم اذا طول قعد ساعتين بالكثير معي وانا كالعآده يآ مشغوله بشغل شقتي ولآ تحت عند اهله وامهـ واستقبل الزوار .. <<< هذآ حآلي :dunno:
بصرآحه ملل وكم مرهـ انآقشهـ بـهـ الأمور .. يقول تبيني اقآبلك 24 ساعه ؟؟
موقصدي تقآبلني ع طول اوكي نقعد مع بعض نطلع مع بعض مو 24 ساعه انا فالبيت واستقبل واقعد تحت ؟؟
وانت ماتجي الا فليل تقعد شوي وبعدها تنآم وتقعد اليوم الثآني وع نفس الموال ..
حتى اذا تعبآنهـ ومو نايمه يقول انزلي عند امي ونسيهآ ولا تحت خواتي انزلي طيب انا انسآنهـ ..
امك زي امي وخوآتك ع عيني بس انا اذآ كنت مو مشغولهـ ومو تعبانه او شبعانه نوم اكيد بنزل تحت اقعد عندهم مآعندي مشكله معهم بالعكس استانس بالقعدهـ معهم بس بعض المرات الواحد يبي يقعد مع نفسه شوي .. وغير سالفهـ اتصلي ع امي اسألي عنهآ ..
طيب حلآته انا اللي من نفسي اتصل واسأل عليهآ مو انت اللي تقول سوي وافعلي وقولي ؟
مثلا توني امس طالعه من عندها واليوم الثاني الظهر يقول اتصلي ع امي ..؟؟
قلت لهـ انا اعرف متى اتصل ؟؟؟ وعصب علي ليش ماتقولين ان شاء الله ابشر بتصل وخلاص ...
انا مآاحب احد يقولي كذآ احب الشي اسويه من نفسي ولله ..
مو عشانك اتصل ع امك واسأل عنهآ .. <<< فهمتو علي ؟؟
واتصلت من نفسي .. ولا علمتهـ اني كلمتهآ ..
لأن احب اسوي الشي لله .. وهو يآانهـ سأل من ورآي ولا هي قآلت له اهم شي انا مآعلمتهـ ..
_ واللي اعرفهـ عن زوجي .. الجنوبي ..​

احسهـ مرآت غآمض ومرآت لآ .. وانآ يحب يعرف كل شي عني .. <<< حآرني
مثلاً جوالي يتعبث فيهـ وهالحركهـ حيل تضآيقني .. شنو يعني مو وآثق فيني ولآ شنو
وانا نوعي مآاحب اقرب من جوآلهـ ولا احب اتعبث فيهـ .. وهو جوالي معهـ وكل شي يقرآه ويشوفهـ حتى الارقام يفتح رقم رقم ويشوف وحتى لو شايف الرسايل كذا مره يرد ويقراهم
كأنهـ يبحث له عن شي ؟؟ او شآك بشي .. ويقول لي .. ليش تمسحين الرسايل المرسله شنو كنتي دازه لفلانه حتى المسج اذا قدامه يقول اقريه انزين انت قريته اقراه ليش انا بعد
شنو قصده ؟؟؟؟؟
انا طبعي لما ارسل خلاص امسح ومرات اخليهم مو دايم يقول ترى اقدر اطلعهم
رديت عليه : قلت مآعندي مشكله
والصور اللي ماسحتهم اقدر اردهم واشوفهم <<<< :30:
ونفس الرد : مآعندي مشكلهـ شوفهم ..
وصوري يمسحهم كلهم ويعصب ان شفت صورك بجوالك كسرته لك
<<<< انا مو حاطتهم ع طول يعني بمسحهم لأني ادري بيشوفهم بس ابي ارفع ضغطه:24:
ماعندي مشكله شوووفهم لأني وآثقه من نفسي مآعندي شي ومو خآيفه من شي .. ليش هالأسلوب معي
هالحركه حيل تضايقني منه مادري شنو يبي يوصلهـ ؟؟؟؟؟
واهو توه شاري له بلاك بيري وانا ماعمري تعبثت لان مو من طبعي
قلت مره ابي اشوف استخدامه ...
وهو طالع للحمام <<<< ابي اقلد حركاته بعلمه شكثر حركاته اللي يسويها فيني بآيخه
وانا مسكت جوالهـ توني مبطلته ولا هو داخل وانا متعمده و عصب ليش تفتحينه انا مغلقه عشان الدوام مايزعجوني قلت : طيب ليش معصب انا بس ابي ابي اعرف شلون استخدامه وانا مااحب احد يتعبث بأغراضي قلت مو انا جوالي معك وانا وياك وآحد ... مثل كلمته دوم يقولها ... لما كنت اتضايق من حركاته بجوالي .. قبل هذآ رده علي ورديت عليه بنفس الرد ..
وانتهت السالفه ع كذآ .. ​

بيني وبين نفسي : والله حلوهـ السالفه تتعبث بجوالي وتحقيق وانا بس مره مسكتهـ ولا ابي اعرف شلون استخدامه حطيت لك سالفهـ ؟؟؟؟؟؟؟؟
بصرآحهـ شكيت حزتهآ ان في شي بجوآله وخآيف اشوفهـ ... وبعد متغير علي .... ؟؟؟
يآسلآم ... كملت السآلفهـ .... :33:
متردد .. يحب المديح .. وانا امدحهـ بس موكثير عشآن مآيشوف نفسهـ علي :1:
يحب اهله كثير.. وانا بعد احبهم وخآصه امهـ ..
يكرهـ الإهمآل او الأنشغآل عنهـ .. فـ بوجودهـ انآ احآول مآ اهملهـ او انشغل عنهـ بقدر المستطآع .. بس مرآت انشغل بالتنظيف والخ ..
دايم يبيني مبتسمهـ واسولف وامزح طيب بس مرآت اكون تعبآنه او متضايقهـ شنو يعني يبيني 24 ساعه مستانسهـ .. ؟؟
ومع هذآ الإبتسآمهـ مآتفآرقني حتى لو كنت مآلي خلق له :30:
يحب استقبلهـ بأبتسآمهـ ولآزم ابوسهـ وارحب فيهـ وبعد اودعهـ ابإبتسآمهـ ومعهآ بوسهـ ..
<<<< ابين لهـ اني بشتآق لهـ خآصهـ اذآ مطول بالشغل
وهم بعد تكون له رسآله انك لآتتآخر عن الرجعه وانا في استقبآلك ..
واذآ حصل خلآف مستحيل يعتذر ولو كآن هو الغلطآن .. عنده هو الصح وانا الغلط ولو انهـ يعرف بقرارة نفسه ان انا الصح دايم .. ع الرغم من صغر سني ..
وانا مآاحب اكبر الأمور التآفهه اللي تحصل بينآ ونختلف ابين له اني متضايقهـ بعوينآتي بس اعآتبهـ بدلع وابين لهـ بشنو ضايقني واسمع لهـ لين مآيخلص واقول رايي وارآضيه لأن مستحيل يعتذر .. <<< وحآرني ماأبيه يتعود دوم انا ارآضيه ..
يكرهـ المنآقشهـ ويهرب من الموآجهه بعيوبهـ او تقصيرهـ ويهرب من مشآكله ..
خآصه بموضوع شغلهـ ورآتبهـ يآدوب يكفينآ واشجعه انهـ يكمل درآستهـ
واوضح له ان انا وهو بس الحين بكره عيال ومسؤوليه اكبر والتزآمآت والخ ...؟؟؟
يقول ربي بيرزقنآ وتتسهل الأمور ؟؟؟؟ اوكي الله بيرزقنآ بس وانت مآتبذل مجهود كييييف؟؟؟
وهو رآفض هالفكرهـ .. وانآ حآولت وحآولت .. معهـ يكمل درآسته .. وفالأخير خليته برآحتهـ ..
مآعآد افتح هالسيرهـ خلآص .. لأني بجد تعبت .. ومآأبي احن عليهـ اكثر من كذآ ..
لأن قبل الزواج كمل درآسته خآرج الدوله وحتى مآكمل السنهـ ورجع ومآكمل درآسته ..
اوكي لا تكمل درآستك ع الأقل دور لك شغله ثآنيه .. معآشهآ اقوى من معآش وظيفتك الحآليه .. وانت تقدر تتوظف ع شهآدتك الحآليه بوظيفه افضل من وظيفتك ..
يقول انا مرتاح بوظيفتي <<< شغلهـ يومين بالاسبوع بس حتى مآيبي يتعب نفسهـ ..!!
بصرآحهـ تعبت معهـ مآدري كيف اتصرف معهـ .. وانا حالياً ع وشك ولآده مآجهزت الا اشيآء بسيطهـ وعآذرتهـ ان مآعنده ومآحبيت اضغطهـ اكثر من كذآ انا عآرفهـ انهـ كريم اذآ عنده أكيد مآرآح يبخل علي بشي لأني جربتهـ وعآذرتهـ ومقدرهـ ظروفهـ بس من دآخل حييييل متضآيقهـ المفروض اول طفل مآاخلي شي مآاشتريهـ بس مآأبين لهـ
مآبي اجرحهـ واحسسهـ اني مآديهـ .. <<<< والحل ؟؟؟؟
انا يوم كنت عند اهلي قبل الزوآج متعودهـ ع ان كل شي اطلبهـ يتنفذ ومصروفي عند اهلي وانا عزوبيه اكثر من الحين وانا متزوجه وغير اللبس اللي كنت متعودهـ البسهـ ومآارضى بأي شي وغير الطلعآت والخ ... كل شي تغير بزوآجي .. حتى المنآسبآت مآعآد احضرهآ وادور لي اعذآر بسبب ان مآعندي مبلغ وقدرهـ اشتري لي فستآن بمستوى فسآتيني قبل الزوآج وبمستوى ذوقي .. تغيرت حيل ... واحس كثير ملآحظين اللي حولي هالشي ..
ومع هذآ اقول الحمدلله المهم انهـ رجآل ومرتآحه معآهـ ومآلي إلآ اصبر ..
<<< بس لي متى ؟؟؟؟
والأمور المآديهـ ان شآء الله تتحسن بكرهـ .. بس كيف مآدري ..
بس انآ خآيفهـ يتعود ع هآلوضع ع اني سآكتهـ ومآاطلب الكثير ..؟؟
حتى اغرآض البيت مآيشتريهآ المفروض كل شهر يشتري وهو شهر وشهرين مايشتري وتوصل لـ 3 شهور ...
يعني ع المزآج .. واضطر انا من المصروف اللي يعطيني اروح اشتري اغرآض البيت ..
<<< ادري غلطت بس شسوي تعبت معآهـ
مو متحمل مسؤوليهـ البيت معتمد ع امهـ بصيآنة البيت و امهـ مب دآيمه لهـ
واغرآض البيت مو كل شهر يشتريهآ .. يعني <<< انا وهوو بس ومو قآدر يوفرهآ
اوكي انا الحين بطنش بكرهـ عيآل والخ .... بعد مآرآح يوفر لهم احتيآجآتهم ؟؟؟؟؟
والخدآمهـ بعد ... ؟؟؟؟
وبعدين انا ادرس حالياً وبعدهآ بتوظف .. فـ خآيفهـ يشيل نفسهـ من كل شي ؟؟؟
وحتى مصروفي وهو من حقي يبطل يعطيني كل شهر ع اساس اني موظفه وعندي معاشي
<<<< مآرآح اتنآزل عن حقي لو معاشي كثير هذآ اقل شي يسويهـ ..
واصير انا المسؤولهـ عن البيت وعن العيآل وكل شي بوجهي .. منو فينآ المفروض يتحمل كل هذآ ..؟؟؟ مو رجآل البيت ؟؟؟؟؟
الحل ... بغيت الحل .. مع زوجي ...
انآ افكر لـ بكرهـ ومستقبل عيآلي والأخ عآيش كل يوم فيومهـ ؟؟؟؟؟ ​

والسموحهـ ع الإطآلهـ .. بس مآلي بعد الله غيركم .. وانآ ابغي اعرف طريقه تعآملي معآه صح ولآ لآ ..
اذآ انآ غلطآنه بشغله نبهوني لآني بجد مب عآرفهـ كيف اتصرف .. :8:​
 
تعوذي من الشيطان لاتروحين انتي تعطينه فرصه يرتاح منك ويطنش وهو مستانس لانك انتي الي رحتي ماقالك روحي بردي وهدي اعصابك اطلبي منه مره ثانية وذا قال السياره خربانه قولي خذ سيارة احد علشان اقضي حاجتي اذا تحجج انه يستحي او كذا انفخيه بالمدح قوليله اكيد اصدقائك يعزونك ويبون يخدمونك وخاصه اذا شافوك توفر طلبات زوجتك وبيتك سويه انه هو الي تبي تطلع صورته حلوه قدام الي يبي ياخذ سيارته جربي وعلمينا ان شاء الله تنفع انا اول ما يوديني للسوق يخليني اروح مع اهلي وانا مره في السوق وانا حامل في الشهر الثامن اقضي لي وللبيبي شفته في السوق معه لعبه منزلها من السياره وواقف عند محل الالعاب ومعه في السياره مره وعيالها استغربت من هذولا وانقهرت يرفظ يوديني ويقظي حاجة غيري طلعت بنت عمته واخته من الرضاع وماصبرة من القهر وانا اروح عنده قلت خير ان شاءالله انحرج وابتسم انا معيي توديني وغيري تشيلها وبزارينها للمحل وانا لحالي توي حامل ببكري متاوديني قال انا مريت اسلم عليهم اثرهم توهم شارين اللعبه وطلعت خربانه وابوهم في الدوام وقالويبون يرجعونها ورحت ارجعها معهم علشان ما يتاخرون ويرفض صاحب المحل يرجعها ولاخليته كملة عليه لمارجعنا للبيت ماينفع معهم تساهلين دايم الله يعين عليهم والتلفزيون يسوى عيونه ماينام الاعلى صوته ويحب نومة الارض يزهقني احيانا اتنازل وانام معه في الارض كتغيير واذا طول رحة للسرير بصراحه اتعب من الارض سبحان الله على التشابه العجيب في شخصياتهم والله وانا اقرا كأنكم تكلمون عن الي عندي والحين بصراحه محد يقضي حاجتي غيره والسوق الغالب هو ولايرضى اروح مع سواقين يمكن هذا الي يخليه يوديني صحيح موعلى طول لكن مايخليني شهادة حق
 
عندي سؤال للاخت زمن الوصل الله يجزاك خير كاتبه انتي لاحد الاخوات انها تقيس حب الزوج ومكانتها عنده كيف يكون طريقته اتمنى اعرف وشكرا
 
أميرة بذاتي )) شو اخطب له /// اذبحة بالساطور ولا اخطب له خخخخخخخ

عموما حبيبيتي ان سالت لان زوجي وايد يتغزل فيني

واحيانا اشك انه يجاملني

فاريد اتاكد شو الشكل اللي يعجبه؟؟
 
يابنات اشكركم على وقفتكم جنبي

اكتشفت اكتشاف ههههههه << الله واكبر من اكتشافك

لاجد بخصوص روحتي للسوق يالي مازبطت لي الا بعد قلة حيا

الخصام والهواش ماجاب معاه اي نتيجة واكتشفت انه بهالاسلوب يزيد يعاند

وبما ان الجنوبي عاطفي بس مايبين

ارسلتله رسالة وهو بالدوام اني مستحية منه واني محتاجة اروح السوق وانه مايقصرمعاي ...الخ

عاد جاء الليل قال لي يالله تجهزي دبرت سيارة

بس بصراحة يابنات سؤال ع الطاير

ماتلاحظون ان ازواجكم يلبون طلباتكم اذا كان هو له حاجة منك !!

يعني بالصريح اذا كان يرغب فيك هذاك اليوم طلباتك كلها مجابة

ولا الي عندي بس....


انا صرت افهم من اسلوبه وسواليفة ونظراته وحبه الزايد اذا كان وده بهذاك الشي

بس غالباً استهيل واسوي موفاهمة...!​
 
الحالة
مغلق و غير مفتوح للمزيد من الردود.
عودة
أعلى أسفل