نفسي اقهره

[سكااايب]

الله يعينك....ويهدي زوجك...والله أغلب الزوجات الثانيات ....مظلومات............عليك بالدعاء....وبعدين وضحي الجوانب الأخرى ....من القصه....الله معاك...

 

[وداعا]

الى سوته زوجته انه قبلته على شفايفة قدام الجميع بقصد اتحرني وتوقعت اني اضربها على هذي الحركه بس انا كنت مصعوقة فما سويت شي وانحرجت ان زوجها هزءها عشاني فمدت ايدها عليه ..للعلم انا مشكلتي مب زوجته بس انا مشكلتي هو زوجته امه وخواته ومعجباته ....كل عالم النساء الى حوله ... هو ماعنده اخوان ذكور وابوه متوفي وعالمه كله خواته وامه وعمله كله بين الحريم وهو وسيم جدا واسلوبه مع النساء واااو .....

 

[وداعا]

خواته يحبن زوجته الاولى وايد ..ويحترمنها .... وكذلك امه .. اما انا فيكرهني ويشوفوني ما استاهل اخوهم .. يمكن لاني عفويه في تعاملي معاهن ومع الكل " يعني الى في خاطري ع لساني " لما اسير الهن احاول ما اتكلم وايد .. فينتقدوني ويجرجون زوجي عليه ولما اتكلم يقولن له زوجتك قالت وقالت !! فستويت مااسير الهن فيقولون ليش متكبره ومتحب اداخلنا ؟؟ ياجماعة شو اسوي مب وحده وهنتين 10 خوات بلوة صراحة ....... وتخيلو الزن ع راس الريال ولما يطلع احصل له بعض الحريم اقولن له ليش ازوجت فلانه في بنات وايد احسن عنها \ انا قبل كنت اضعيفه وكان هو ميت فيني بس بعد الولاده متنت اتوقعت انه متن عادي برد اضعف ورديت وحملت وبعدها رديت وحملت وبعد ولادتي الثالثه اكتشفت اني مريضة بالدرقية الخاملة وبالتالي انا محتاجة اعمل رياضه عنيفة عشان اضعف ...حاولت بس لما كنت اشوف زوجي يبعد ويبعد كرهت المحاولات \

 

[وداعا]

كنت لما اسأله ليش ماتقربني يقولي انتي متينه وانا ما احب المتن - وخلال كل زواجي كان زوجي يتعرف على وحده ويتم معاها ، كنت اشوف الموبايل والهدايا المغلفة بشكل حلو ولما اواجهه يقول هذا ريال ..مرة من المرات قال لي انا عندي شغل وبارد باليل نمت الظهر ولما صحيت اتصلت عليه رد عليه بشكل عادي ولما سكرت التيلفون .. التيلفون كان فيه عطل كان اذا الخط الثاني ما سكر يرد ويرن ويكون ما قطع الاتصال شليت الرقم الى واسمع زوجي ويا وحده وهي تقوله حرام انت من الصبح طالع نزلني باخذ تكسي فقال الها لأ ......... وبتهوري المعتاد اتصلت عليه وقلت له لا تنزلها انا بطلع من البيت فقال لي منو؟؟ قلت له سمعت صوتها.. حاول يتفاهم معاي ولكني طلعت

 

[كلي هموم]

الله يكون بعونج حبيبتي

 

[عنقود عنب]

وبتهوري المعتاد اتصلت عليه وقلت له لا تنزلها انا بطلع من البيت فقال لي منو؟؟ قلت له سمعت صوتها.. حاول يتفاهم معاي ولكني طلعت

كملي اختي في انتظارك

وربي معك

 

[وداعا]

من القهر الى فيه تهورت ومزقت ملابسه وطرته من البيت ... طبعا اليوم الاول حاول يتفاهم معاي فيه بس لما وصل الموضوع لخواته انتهى الاحساس بالذنب بل اصبح نوع من التمرد خواته كل وحده منهن اتبرعت بشي وحده فصلت له كنادير الثانيه اشترت له سوع والثالثة اشترد له بزم والرابعه فوانيل و وزره وجهزن له غرفة في بيت الاهل وتم الريال عندهن وما يدخل البيت ولا يسأل عنا مدة 8 اشهر .. اتصدقن انهن ما سألن ليش حرمته تصرفت هذا التصرف ولا حاولن انهن يدخلن في صلح بابلعكس قالن له : شو تبابها طلقها وبنزوجك احسن عنها !!!!!!

 

[وداعا]

حالتي خلال 8 اشهر :
توفت الوالده فبل هذا الموضوع بشهر وبعد اليوم المشؤوم توفي اخويه .. ما كان عندي حد يساندني من الاهل كل الى حولي ابتعد عني كأني وحده يربانه الكل مهتم بحاله فقط !!!!!
مرت عليه ايام فلوس ما عندي وماكنت اطلب من حد درهم عشان محد يحس بكبر مصيبتي
الين ما قدر لي ربي من حيث لا اعلم من كلم زوجي بموضوعي .. وعشان ما تطلع عليه سمعة انه يتزوج ويطلق رجع للبيت وبعد ما رجع بفترة توفى عمي ...وخلال كل هذي الفتره ما لمسني نهائيا الا مره وحده وقدر لي المولى ان احمل من هذي المرة ......وهذا هو اخر عهدي بالجنس مرت ايام الحمل من غير شي وولدت ....وصار لي الحين 3 سنوات من غير ما يلمسني قلت يمكن السكري مأثر عليه ما ابغي احرجه ...وقلت يمكن هذا عقاب ربي لي عشان تزوجت من متزوج وخربت بيت الاولى بزواجي منه ..يالله استاهل ...... وتحملت ..وتحملت .. ما فكرت في الجنس .. طمسته وهو غريزه عشان ما ازل واسود ويه زوجي وعيالي.. يكفيني ذنوب ما ابغي ذنوبي اتزيد حتى الفكره اغتالها ما اخالط الرجال ما اطلع من البيت عالمي عيالي وزوجي ... في النهايه يقولي اذا ما تغيرتي خلال شهرين بطلقج وبتزوج والبيت الى نبنيه بيكون حق الحرمه الى تستاهله

 

[وداعا]

استغفر الله دايما افكر بالموت مب عشانه لأ بس بصراحه تعبت ..انا كلي غلط ما اعرف اتكلم ما قدرت اكسب خواته ما قدرت اكسب امه الناس الى حواليه كلهم يقولون عني سيئه وهو نفس الشي ..... معقوله كلهم غلط وانا صح ؟؟
لو هله يحبوني وهو لأ بصبر ... ولو هو يحبني واهله لأ مابهتم ... بس الطرفين ومهما حاولت مافي فايده ، مثل المشخله مهما صبيتي فيها ما تخلي شي فيها .. شو الفايده ؟
اذا اكرمت الكريم ملكته ... واذا اكرمت الئيم تمردا ...... وهذا فريق لئما ما في فايده منهم

في اعتقادج لو كنت مصابه بمرض خطير فهل هذا الزوج بيهتم فيه؟؟ ما اعتقد بيفرني فر الكلاب ...هذا الي قاهرني ...

 

[@روح الورد@]

الله يسير امرج حبيبتي.............تبين تقهرينه صج؟؟؟؟؟؟؟؟؟؟؟؟؟ اتصلي عليه وكلميه برسميه ووذوق وقولي له:متى بنبتدي اجراءات الطلاق؟؟؟؟؟؟؟؟تراك بطيت وانا حدي مستعيله؟؟؟؟؟ابي اشوف نفسي وش لي و وش علي..............واذا جى بيرد لا تعطينه فرصه قولي خلاص اذا السالفه فيها كثرت حكي كلم اهلي وتفاهم معاهم..................صدقيني بينقهر وبظل الصوره الي في باله عنج انج كنتي مو مهتمه له وبايعته هذا اذا ماغير رايه وصار يركض وراج..............

هذا هو الحل

 

[مضيعتني طيبتي]

ياربي ....
الله يكوون في عونج لا الاولى مرتاااحه ولا الثاانيه بعد..مادري شقولج غير الدعاااءلج في ظهر الغيب ياقلبي..
خلي اهل الاختصاص في الاستشاراتيفيدونج ياقلبي..
قلبي معاج والله..

 

[القلب الرؤوم]

الله فوق اقوى من كل قوي قادر انه ينصرك ويهديه ويسخره لك وينصرك ربي على من ظلمك..

 

[@روح الورد@]

الاخت وداعا
اسمحي لي بس أحس انه عندج مشكلة في الشخصية
لازم تثقين بنفسج
حبيبتي الرياييل سهلين بس احنا اللي مو عارفين اشلون نتعامل وياهم
مشكلتج مو جديدة ولا توها
هي تراكمات من بداية زواجج للحين
بتسألين اشلون عرفت؟؟
من المشاكل اللي عرضتيها في البداية
الريال لازم تأسرينه وتلقينه صريع في حبج
لازم تغرقينه في بحر حبج وتتركنيه
املكي احساسه وحواسه
بالنظر فلايشوف الا الجميل ب"بالمحافظة على رشاقتج وبشرتج وكل مايتعلق بالمظهر" يعني اللوك الحلو الجذاب.
بالشم فلا يشم الا احمل طيب
بالتذوق فلا يستطيع الاستغناء عن طعامك وطبخك اللذيذ.
بالسمع فلا يسمع الا الحديث بالهمس والاحاديث الرقيقة الجذابة الرومنسية فلا تصرخين ابدا على الاطفال مثلا أو على احد لأن الصراخ يكسب صاحبه شخصية كئيبة وتعيسة ومملة تجعل زوجك ينفر منك.
الصوت الرقيق له اثر على المشاعر لذا ذكر ا لله سبحانه وتعالى في كتابه العزيز "لا يخضعن بالقول فيطمع الذي في قلبه مرض"
واللمس أكيد معروف ،،،،،،،،،،،،،،،،،،،،،،،،،،،،،،،،، !!!

انتي يجب ان تكسبيه أولا ثم فليرحل ان استطاع لديك الشهرين
حاولي ان تغيري نفسك
وان ا راد الطلاق مثل ماقالت الاخت انتي برقة ودلع اخبريه باستعجالك انهاء اجراءات الطلاق

 

[اعلامية طموحة]

المثل يقول مايكسر الحجر إلا الحجر

وانتي كسرج مب بسبب زوجك .. كسرج من الحريم اللي مثلج ..

من كثر ما قالوا عنج امور سلبيه .. صدقتي ان فيج شي غلط

حبيبتي اذا مكتوب لج تكملي مع زوجك .. استعيدي نفسج .. وزنج .. شخصيتج .. لازم تكون قويه ..

لازم تكوني صبوره بس قويه .. زوجك يحب اللي يدلعه ويدلـله .. مثل مامسويات الأخوات الكريمات ربي يهديهن ..

الحل اللي اذكرته احدالأخوات حلو انك تتصلي به وتقوليله طلقني واستعجل .. ترا ابا اشوف نفسي بس زيدي هالكلام

ترا بصراحه انته وخواتك العشر لوعتو جبدي حشا احس اني متزوجه حريم (خواتك وامك) مب متزوجه ريال ..
حسسيه انه وضعه مقرف ونبشي حاجات محد منتبه لها .. وقوليله كلام يخليه يستحي ينقله لخواته
مثلا أول مره اشوف ريال يتخاصم مع زوجته تهب اخته تشتريله هدايا كأنها زوجته وتجهز له غرفه في البيت .. انا استغرب شو حاجتك للزواج ؟؟؟ عندك خواتك شايلاتنك على كفوف الراحه وعععع تلوعو الجبد انته وخواتك

يعني وانتي ألفي أكثر ومثلي مثلي مثلي واتقني التمثيليه .. حسسيه ان وضعه هو وخواته وحريمه يلوع الجبد

ولاتحسي بالذنب

وتااكدي ان اذا مكتوب لج الطلاق بتطلقي لأن هذا مب بأيدج بس على الأقل بتطلعي بكرامه مب كأن شايتينج خواته وعع صدج يلوعو الجبد
في نقطه اذا تشوفي في نفسج سلبيات تعلمي كيف تغييرها سواء من الاخل أو الخارج​

 

[صمت الآه]

الله وياك حبيبتي اهم الحلول انك 1-تشيليه من تفكيرك شوي
2-تهتمي بنفسك وصحتك وتخلي كل اهتمامك انك تضعفي واعتبري ضعفك هو اكبر انتصار عليه
3-خلي في بالك ان صحتك بعقلك وعقلك انت محتاجة له عشان عيالك تقدري تربيهم بدون ضغط عليهم
4-ركزي كيف تغيري نفسك للاحسن موب عشان زوجك عشان نفسك اولا لانك لو تغيرتي للاحسن راح تزيد ثقتك بنفسك وراح تقدري تاخذي القرار الصح بدون ندم
5-خلي في راسك انه يكلم بنات واضحكي عليه في داخلك والله راح تهون عليكي كثير وخلي براسك وثقي انك احسن منهم مليون مرة وانك حتقدري ترجعي زوجك في يوم من الايام
6-خلي من المحنة منحة واستفيدي وحاولي تنتصري عليها اضعفي وكملي دراسة وخذي دورات وقوي نفسك لاجل ما تكوني ضعيفة في عين احد
7-وان ما قدرتي في الاخر ربنا كرمنا وعطانا حقوق في التعامل وكل شي واباح الطلاق للضرورة وان ماقدرتي خليه واحمي باقي عقلك واعصابك وخليهم لك ولعيالك
طولت عليكي بس انشاءالله تتوفقي وينصرك على من عاداك

 

[بريق الألماسة]

البنات ماقصرو

شدي حيلك بالتغيير للأفضل مو عشانه

عشانك أنتي قبل كل شي والله معك

 

[صبري مل]

الله يعينج ويصبرج مابزيد على كلام الخوات كل اللي قالوه صح

 

[بلقيس اليمانيه]

:icon30::icon30:

المثل يقول مايكسر الحجر إلا الحجر ​

وانتي كسرج مب بسبب زوجك .. كسرج من الحريم اللي مثلج .. ​

من كثر ما قالوا عنج امور سلبيه .. صدقتي ان فيج شي غلط​

حبيبتي اذا مكتوب لج تكملي مع زوجك .. استعيدي نفسج .. وزنج .. شخصيتج .. لازم تكون قويه ..​

لازم تكوني صبوره بس قويه .. زوجك يحب اللي يدلعه ويدلـله .. مثل مامسويات الأخوات الكريمات ربي يهديهن ..​

الحل اللي اذكرته احدالأخوات حلو انك تتصلي به وتقوليله طلقني واستعجل .. ترا ابا اشوف نفسي بس زيدي هالكلام ​

ترا بصراحه انته وخواتك العشر لوعتو جبدي حشا احس اني متزوجه حريم (خواتك وامك) مب متزوجه ريال ..
حسسيه انه وضعه مقرف ونبشي حاجات محد منتبه لها .. وقوليله كلام يخليه يستحي ينقله لخواته
مثلا أول مره اشوف ريال يتخاصم مع زوجته تهب اخته تشتريله هدايا كأنها زوجته وتجهز له غرفه في البيت .. انا استغرب شو حاجتك للزواج ؟؟؟ عندك خواتك شايلاتنك على كفوف الراحه وعععع تلوعو الجبد انته وخواتك​

يعني وانتي ألفي أكثر ومثلي مثلي مثلي واتقني التمثيليه .. حسسيه ان وضعه هو وخواته وحريمه يلوع الجبد ​

ولاتحسي بالذنب ​

وتااكدي ان اذا مكتوب لج الطلاق بتطلقي لأن هذا مب بأيدج بس على الأقل بتطلعي بكرامه مب كأن شايتينج خواته وعع صدج يلوعو الجبد

في نقطه اذا تشوفي في نفسج سلبيات تعلمي كيف تغييرها سواء من الاخل أو الخارج​

 

[انتصار الحياة]

( إن مع العسر يسرا إن مع العسر يسرا )
كلا م الأخت إعلامية طموحة عين العقل ؛ حاولي
تستعيدين ثقتك بنفسك وتكونين قوية ليس له إنما
لنفسك والله يساعدك ويقويك ....

 

[ماسة وحيدة]

المثل يقول مايكسر الحجر إلا الحجر

وانتي كسرج مب بسبب زوجك .. كسرج من الحريم اللي مثلج ..

من كثر ما قالوا عنج امور سلبيه .. صدقتي ان فيج شي غلط

حبيبتي اذا مكتوب لج تكملي مع زوجك .. استعيدي نفسج .. وزنج .. شخصيتج .. لازم تكون قويه ..

لازم تكوني صبوره بس قويه .. زوجك يحب اللي يدلعه ويدلـله .. مثل مامسويات الأخوات الكريمات ربي يهديهن ..

الحل اللي اذكرته احدالأخوات حلو انك تتصلي به وتقوليله طلقني واستعجل .. ترا ابا اشوف نفسي بس زيدي هالكلام

ترا بصراحه انته وخواتك العشر لوعتو جبدي حشا احس اني متزوجه حريم (خواتك وامك) مب متزوجه ريال ..
حسسيه انه وضعه مقرف ونبشي حاجات محد منتبه لها .. وقوليله كلام يخليه يستحي ينقله لخواته
مثلا أول مره اشوف ريال يتخاصم مع زوجته تهب اخته تشتريله هدايا كأنها زوجته وتجهز له غرفه في البيت .. انا استغرب شو حاجتك للزواج ؟؟؟ عندك خواتك شايلاتنك على كفوف الراحه وعععع تلوعو الجبد انته وخواتك

يعني وانتي ألفي أكثر ومثلي مثلي مثلي واتقني التمثيليه .. حسسيه ان وضعه هو وخواته وحريمه يلوع الجبد

ولاتحسي بالذنب

وتااكدي ان اذا مكتوب لج الطلاق بتطلقي لأن هذا مب بأيدج بس على الأقل بتطلعي بكرامه مب كأن شايتينج خواته وعع صدج يلوعو الجبد
في نقطه اذا تشوفي في نفسج سلبيات تعلمي كيف تغييرها سواء من الاخل أو الخارج​

رائع رائع​