نفسي احمل

[دموعي ذهب]

صباح الخير يابلقيسيات

صراحة ودي افضفض انا مرة متضايقة ومولاقية احد يفهمني ويستوعب افكاري ومشاعري
مشكلتي طويلة
طبعا المشكلة واضحة من عنوان الموضوع نفسي احمل ويكون عندي صغنون يملئ على الدنيا
انا متزوجة من 3 سنوات اول 3 شهور استعملت حبوب منع الحمل مع انة مافي احد نصحني فيها
حتى الدكتورة
بس انا كنت متهورة مابي التزم بمسوليات وعلى قولة صحباتي لي لاتستعجلين انتي مابعد عرفتي الرجال زين

ولماعرف زوجي زعل على كثير وتركتها
من اول شهر زواج وامة تقولي لاتستخدمين موانع نبغاك تحملين وانا اقول ان شالله...
ولما عرفت من زوجي هي كمان زعلت
طبعا تفكيري كان مرة صغير لماتركت الحبوب قلت خلاص اكيد هالشهر بحمل وجهزت نفسي معنويا للشي هذا

لكن
ربي مااراد..
وانتظرت وانتظرت..
بس من دون حمل
بديت اخاف ان الحبوب تكون ماثرة علي..فبديت رحلة المراجعات
هرمون مرتفع وتبويض ضعيف
والحل المراجعات واستخدام الادوية
واستمريت واستمريت تمت السنة بدون حمل والناس بدت تحكي خصوصا امة دايم تضايقني بهذا الموضوع
سبحان الله بعد سنة وكم شهر طفشت وتركت المراجعات
تاخرت علي الدورة
وانا بين مصدقة ومكذبة اقول عاادي دايم تتاخر
واحيان اقول ليش لا الله كريم
فعلا جبت التحليل وحللت وطلع خطين طرت من الفرحة لزوجي والله يابنات دمعة عيونة من الفرح
وكل يوم صرنا نسولف وش بنسمية ووش بنسويلة وكيف ندلعة
لكن لكل شي حكمة بعد 3 شهور بالتمام
صار معي دم من دون اي سبب وطيران على المستشفى قالوو اجهاض كيف اجهاض انا ماكملت شهر مراجعة والدكتورة تقول كل شي سليم
انصدمت صدمة بحياتي والله اكبر صدمة تجيني..الحمد لله على كل حال
واللي يقول لاتزعلين الساقط يجي ساحب اخوة وانا اقول ان شالله خير
وبعد 6 شهور من الاجهاض رجعت لدوامة المواعد والادوية
والله يابنات مافي شي ماستخدمتة
كلوميد ابر منشطة ابر تفجير تنظيم دورة حبوب هرمون جدول للمتابعة التبويض بس سبحانة اذا قال للشي كن فيكون مافي فايدة..
وبدا الياس يدخل نفسي ..بعد عدة محاولات من امي اني اروح لحرمة تعالج بالقصيم وانها كويسة وكثير حملو على يدها وقبل كل شي قدرتة سبحانة وشوفي فلانة وعلانة
رحت لها وانا متعلقة بامل بسيط
وكانت الزيارة لها محطمة بالنسبة لي
قالت عندك ضعف مررة قوي واللي زادة كثر الادوية اللي اخذتيها والهرمون مرتفع والحل يام عبد الله؟؟
قالت استخدمي هالعسل صباحا ومساء وعشان اكون معك صريحة يبيلك كذا شهر
قلت يصير خير
واستخدمت العسل شهر
وتاخرت الدورة وقلت يابنت يمكن تكوني حامل وطيران اجيب تحليل بس خط واحد ياربي وش السالفة..
بس بعد كم يوم وتنزل وتشرف وانا اقول الحمد لله ربي ماكتب..
طبعا ماعاد رحت للحرمة بتقولون ليش ..لاني خلاص تعبت والله تعبت حسيت اني فارة تجارب كل شي جريتة وسويتة بس ربي يقول ماكتبت..
مرة نفسيتي تعبانة صرت ماعرف انام والله اني كتب والغصة بحلقي ذابحتني كل اللي حولي يسالني ليش ماحملتي ؟؟ليش ماتراجعين؟؟
كان الامر بيدي
واخير بنات قررت اروح لشيخ طبعا هذي افكار امي الله يخليها لي
حكيتلة وضعي واني دايم اشوف منامات مو حلوة ومخيفة
قالي استخدمي خلطة الرومي 7 ايام وادهني بزيت زيتون مقرئ فية كل يوم قبل النوم واي شي تحسين فية قوليلي
طبعا اليوم بيصير 5 يوم
اول يومين جتني ضيقة خلق ونفس وصار عندي كحة قوية
واليومين الثانية لما اصحى من النوم الم فضيع اسفل ظهري
انا باكمل ال7 ايام واللي ربي كاتبة بيصير


يوة دوختكم معي وطولتها وهي قصيرة بس بنات بعد كل شي سويتة وش اسوي والله قلبي ماعاد يحتمل ابي احمل وابي افرح وفرح اللي حولي
وش تنصحوني فية والله الناس كلتني والله اهلة ماعاد اروح لهم مثل اول كل عشان امة ماتسالني وتحرجني الرجال يبي عيال امسكي زوجك بولد
بنات الله يعافيكم كل وحدة تدخل تدعيلي وكل محرومة مثلي ان الله يرزقنا الحمل عاجلا غير اجل


لا اله الا انت سبحانك اني كنت من الظالمين
ربي لاتذرني فردا وانت خير الوراثين

 

[دبدوب]

الله يرزقج ويرزقنا

 

[وردة الجـــوري]

الله يرزقنا وكل محروم

 

[ماء الغمام]

الله يرزقنا ويرزقك الذريه الصالحه انا مثلك مشتاقه اصير ام لي خمس سنوات ونصف بس السبب من زوجي وانا ابيك ما تياسين من رحمة الله ولا حتى انا مثلك مليت من كلام الناس وتعبت نفسيتي بس اللي يعزينا انا وانتي وكل محرومه منهم ان كل شيء باجره عند الله والمؤمن اللذي يخالط الناس ويصبر على آذاهم خير من اللذي لايخالط الناس ولا يصبر على آذاهم واوصيك ونفسي بالدعاء والاستغفار والله يفرج همي وهمك وهم كل مسلم

 

[هند بنت عتبة]

حبيبتي ربي يكون بعونك

عليك بالدعائ في اوقات الاستجابة والتضرع لله سبحانه وتعالى

والمداومة على قراءة سورة اليقرة

وشربي ماي زمزم بنية الحمل >> فماء زمزم لما شرب له

والله يصبر قلبج ويسخر لج زوجج

 

[ملكة عرشي]

يااااااااااااااااااااااااااااااااارب يارب يارب يارب يارب يارب
ارزقني وارزقها الذرية الصالحة انك سميع مجيب الدعاء
اللهم كما سببت الاسباب لمريم فحملت جنينها فسبب الاسباب لي ولها وارزقنا من نعمتك بالذرية الصالحة
اللهم كما رزقت اابراهيم عند الكبر بقدرتك فارزقني وارزقها بقدرتك وحولك وقوتك
اللهم اخلف لنا بالذرية الصالحة واجب دعائي يا مجيب الدعوات عاااااااااااااااااااااااااااجلا غير اجلا
اللهم لا تذرني ولا تذرها فردا وانت خير الوارثين
امين امين اااااااااااااااااااااااااامين
وصلي اللهم علي سيدنا محمد واله وصحبه وسلم

 

[صمت الجرح]

الله يرزقك ويرزقني وكل محرومه
انا مافيني شي بس للحين ربي ماكتب لي حمل وتعبت من كلام الناس واهلي الكل يسال ويحسسني بالذنب كان الموضوع بيدي
يااااااااااااااااارب يارحيم يارحيم ارزقني وكل محرومه بالتوام المعافين

 

[احساس الدنيا]

الله يرزقنا يااااااااااااااااااارب بالذرية الصالحة

 

[لولتي حبيبي]

الله يرزقك ويرزقني وكل محرومه
استغفري الله كثير يالغاليه وباذن الله بادعيلك في الحرم معايا وكل خواتي

 

[آصآآيل]

حبيبتي لا تزعلي نفسك ما تدرين وش الي مقدر لنا ولك الله يرزقك ولا يحرمك يا رب

 

[بسكاتي اذلك]

الله يرزقك ياارب ..ويرزق اي وحده محرووومه ..وعليك بدعاء اختي بقلب صاافي وماشال كره اوحقد لأي انسسان..

 

[فارسه الشوق]

الله يرزقك الحمل يااااااااارب..
لاتحزني انا قريبه من حالتك لس سنه ونص متزوجه وسليمه لكن الله ما اراد الحمل
والشهر هاذا تاخرت 6 ايام وتوقعت اكون حامل لكن الله ما اراد ...
الله يعوض صبرنا خير يااارب

 

[دموعي ذهب]

مساكم الله بالخير بااغلى بلقيسيات

من جد فرحت كثير لمروركم وتفاعلكم معاي لاني بجد مو محتاجة غير دعم نفسي ودعوة صادقة

وانا ماراح اياس لان العبد عند ظن ربة فية

الله يرزقني واياكم وكل محروم يارب يارب

 

[عيون حورية]

الله يرزقك الذريه الصالحه عاجل غير اجل
والله ثم والله ثم والله الاستغفار بنية الحمل دواء لكل داء
اختي لاتياسي وعلمي ان فيه رب يقول ادعوني استجب لكم فعليك بسهام اليل
والتضرع لله فهو عند حسن ظن عبده به
والصدقه اختي تدفع البلاء وقراءة سورة البقره يوميا
ياااااااااااااا سامع الاصوات وجيب الدعوات اسالك بعظيم قدرتك ان ترزقها بالحمل عاجل غير اجل

 

[اميره القصر]

الله يرزقني ويرزقك الذريه الصالحه عاجلا غير أجل
أكثري أختي من الأستغفار
و في السجود قولي أربعين مره> ربي لا تذرني فردا وأنت خير الوارثين<

 

[فداك الجرح]

ااااااااااااه مشكلتي مشابهة لمشكلتك..

حتى انا ماقمت اروح لاهل زوجي عشان مياذوني باسالتهم..

ربي يرزقنا الذرية الصالحة اجلا وغير عاجلا

 

[شموخ المدينه]

والله يااختي عانيت 4 سنوات ماخليت شي من ابو كلوميد دايات حتى صرت حقل تجارب ع قولتك
وفي الاخير شفت جدل الدايات وب4 شهور بدل 4 سنين
اصلي باليل وادعي صلي بالبقره والرقيه والصدقه ودخلت التحفيظ ومن الله علي ولله الحمد
انصحك بالرقيه والبقره عن تجربه

 

[دموع الغزلان]

الله يرزقك يارب ويرزقني ويرزق كل من يتمناهم
خيره فيما اختاره الله
الله ارحم من الام والاب
والله اعلم الخير وينه عليك بقراءة القران والاستغفار وصلاة آخر الليل ...

 

[شباصه]

الله يرزقج يا الغلا
وهاذا عيب العروس يوم تستخدم موانع حمل تظل متندمه طوووووووووووووول عمرها

 

[ايمومي]

ربي يرزقك ويرزق كل محرومة ياارب

عليك حبيبتي بالإستغفار وسورة البقرة

والصددددددقه بنية الشفاء لها مفعول عجيب