نفسيتي زفت

[كنز الاسرار]

اخواتي عطوني حل والله تعبت من الشمالي الشرقي

لايجلس معنا لايطلعنا وبالموت اطلع القرش منه

وكلا معصب ياويلي اذا قلتله زهقانين طلعنا

يعصب ويعايرني وانتي كلا تحنين وتبين ومايبين في عينك
حتى عيالي كثير منقهرين من ابوهم واذا جلس شوي راحو غرفهم

لأنهم اذا اجلسو يصارخ عليهم قومو ذاكرو شوفو اعيال افلان احسن منكم
شوفو ذيلا ممتازين شوفو ولد افلان يروح المسجد
أااااااااااه والله تعبت نفسيتي زفت
لاتقولون اهتمي اوكشخي لاني مو مقصره معاه في شي عاطيته حقه وزياده
قايمه ببيتي وبعيالي ومهتمه فيه في كل شي عاطيته حقه في كل شي
على كذا دائما يعايرني اني مقصره واذا عطاني فلوس يضل يتذكرويذلني ماحد امدلل مثلش
حتى عيالي يعايرهم انتو احسن من عيال الناس ماحد ياكل مثلكم وماحد في عز مثلكم
والمشكله انه مع الناس كريم وطيب ولسانه ينقط عسل والكل حاسدني عليه
مايدرون اني دموعي على خدي

 

[بنوته كلها حزن]

الصراحه حبيبتي مادري شنو اقولج

بس اهو يمكن فيه شي شي مضايقه مو معقوله مني والطريج

يعصب عليكم شوفي شاللي يضايقه واذا يعصب على اعياله عشان الدراسه

خليهم يدرسون جدام عيونه وانتي لاتطلبين منه وايد حاولي تبعدين عن الاشياء

اللي تضايقه وتخليه يعصب والله يعينج حبوبه بس ادعيله الله يهديه خلج بالدعاء

 

[حرب الأحساس]

الله المستعان
اختي ماتعرفين توصليله لهذي الدرجة صعب!!!!!
فهميه اننا مانبغا أكل ولا غيرة نبغا حنان وكلمة طيبة
ويمكن عاش وهو صغير هذا الحال فكريه انه غلط والعيا بكره بيكبرون ويتذكرون هذا المن عليهم خليه يحاول يكسبهم مو يبعدهم الفلوس تدبر لكن حنان الاب مايتدبر ومن ذالكلام حنني قلبه عليكم وربنا يعينك

 

[bellegirl]

السلام عليكم

هلا اختي...عسى الله يعينك على ما ابتلاك به...ويهون عليك ويجعله أجر محتسب

اختي بالنسبة لزوجك شكله زعلان من شي ...هل أولاده ضعاف في الدراسة ؟؟ هل تصرفين وايد اختي ؟؟

عندما يصرف على البيت هل تثنين عليه...هل تشكرينه ... يعني تحسسينه انه راجل البيت وانه الي يسويه مب هين وانه ماشاء الله عليه قايم بالبيت على أحسن وجه ... يا اختي ترى الريال إذا مدحتيه وحفزتيه صار كريم أكتر ... وإذا خليتي عيالك يذاكرون وهو بالبيت بيكبروا بعيونه ... إذا بيعايرهم على المسجد معاه حق اختي...خلي عيالك يروحون المسجد ويشرفون أبوهم ... زوجك بطبعه تقليدي ...فإذا انتي بس جاريتيه ان شاء الله بترتاحين... ووايد أشياء بتتغر فحياتك

الله يوفقك ويصبرك ويسخره حقك

 

[ملكة غير متوجة]

أنا أخوي يقول جذي حق عياله .. روحوا درسوا شناقصكم.. غيركم مو مدلع نفسكم.. وشوفوا درجاتهم:dunno: ..
مع أن عياله درجاتهم عالية ودايما ما شاء الله عليهم متفوقين.. يمكن هذي طريقتهم أن يشدون على عيالهم علشان نهاية السنة تطلع الدرجة أحسن:clap:

أما للفلوس فالله يعينج ..أكره شي الحنة على الفلوس وعطيتج وعطيتج ..:crazy:

أنتي قوليله أن اليهال دايما أهلك وأهلي يمدحونهم بنظافتهم وأدبهم وشطارتهم ..علشان يحس ان عنده درر ,, وهو محسوووود عليهم:msn-wink:

الله يهوّن عليك

 

[تيماء3]

حبيبتي الله يعينك مالك حل عند الناس مالك الا الدعاء بيجيبه يحب رجولك

 

[ورد بلدي]

الله يعينك أختي!!

 

[ماءالورد]

أختي والله إمكن مشكلتي قريبة من مشكلتك مع اختلاف الظروف والأشخاص بس وقريت كثييييييييييير في المنتدى إمكن ألقى الحل


لكن الظاهر هذا الحل

مالك حل عند الناس مالك الا الدعاء بيجيبه يحب رجولك

 

[mmna]

الدعاء في كل صلاة ان الله يحنن قلبه عليكي وعلى عياله والله صدقيني ما حد بساعدك مثل رب العالمين ادعو الله ان يجعلك ريحانة قلبه و ثمرة فؤاده وان يوفق عيالك ويشوفهم في عينه افضل اولاد والله ينشر السعادة في بيتكم واخيرا الدعاء هو الحل

 

[عنقود عنب]

عزيزتي

اعرفي ان هذا طبع زوجك

والمثل يقول يزول جبل ولا يزول طبع

مالك الا انك تتأقلمي على طبعة

واكيد راح تلاقي طريقة تخففي فيها من اسلوبة

والدعاء يا اختي

وربي يعينك