نفاس و عندي كم سؤال ادخلي جاوبيني

[آحلآم طفوليه]

السلام عليكم ورحمة الله وبركاته
وش اخباركم كروشات ونحيفات ؟
انا توني والده ولي اسبوعين من ولدت عندي كم سؤال بسأله
اولا
الخيوط عندي طاحت الي برى بس الي داخل مابعد تتطيح متى تتطيح الخيوك الي داخل؟
ثانيا
انا كنت ناويه استخدم المره من اول الولاده بس سمعت انها تجفف المنطقه وتتطيح الخيوط ولا بعد تلتأم
الخياطه وهونت مااستخدمتها لكن الحين مادام اخذت اسبوعين قلت بستخدمها عادي استخدمها والخيوط الي داخل ماطاحت؟
ثالثا
كثير اسمع عن قشر الرمان زين ويمدحونه قلت راح اجربه بس الحين انا ماشريته من العطار
اخذت قشر رمان من البيت وغسلته وجففته الحين بسألكم عادي استخدم هذا الي من البيت
ولا لازم الي من العطار واذا عادي استخدمه لازم اطحنه واغليه ولا عادي اغليه بدون مااطحنه؟
رابعا
الدم متى يوقف ماينزل انا للحين ينزل عندي ومتملله استغفر الله كل يوم اغتسل للصلاه
واحس المنطقه يبقى لها تتهوى كله مكتومه بالفوطه الصحيه
خامسا
من استوى لها بواسير بعد الولاده واستخدمت علاج وراحت؟
انا استوت لي بواسير واستخدمت العلاج وخفت لكن خايفه انها ماترح واحتاج لعمليه
سادسا
من استخدمت هذي الخلطه وهل تنصحوني اجربها
كميات متساويه من كل من
قشر رمان مجفف ومطحون
مره ناشفه ومطحونه او رطبه
ملح فارسي او ملح خشن طبيعي
عسل طبيعي اصلي

تاخذين مقدار ملعقه من السابق وتحطينه بجيك
وتصبين عليه ماء دافي
وتحطين ملعقة العسل
وتخلينه عندك وضوء وقت الدوره والنفاس

وبس اتمنى تجاوبوني على جميع اسألتي

 

[آحلآم طفوليه]

رفع
سبعه وعشرين وحده دخلت الموضوع ولا وحده ردت رد واحد
وش دعوه كل الي دخلو مايعرفو ولا جواب لأسألتي

 

[أريام الورد]

وعليكم السلام والرحمه
الف مبررررروك العرسه الله يسعدها
وتقومي بسلامه وتملا عليك حياتك
الخياطه استخدمي كريم ميبو صراحه ررروعه يمكن باااقي الخيوط الجوه مالتأمت
اما الخلطه صراحه انا ماغامر في الخلاطات ماستخدم الا ماء دافي وملح
ومووووفقه ياعسل

 

[آحلآم طفوليه]

الله يبارك فيك
استخدمت كريم ميبو والصراحه رووعه استفدت كثير
لكن الحين وقفته لان طاحت الخيوط الي برى ومافيه الم
مشكوره حبيبتي عالرد

 

[البتول11]

والله ان ما ستعمل اي شيء الا اذا تميت 15 بس استعمل اغسل المنطقة جيدا برش موية خفيفة على الجرح

ثم اجففها بقطنة على الخفيف ثم مطهر الاحمر الي ستعملونة في العمليات بقطنة على الخفيف يهدي الوجع مرة وامسحة بقطنة على الخفيف ثم بعد 15 يوم استعمل المرة لمدة خمسة ايام
باقي 20 استعمل قشر الرمان
وشرب عباءة السيدة تراها تضيق يمدحون فيهافي المنتدى..........

نسيت ماقول لكي وللبنوتة الحمد لله على السلامة
جعلي وجعلك نعرس بناتنا .......

 

[آحلآم طفوليه]

تسلمي حبيبتي على الرد
انا اول اسبوعين استخدمت غسول بيتاسبت ومرهم ميبو بس
الحين بعد الاسبوعين قلت بستخدم المره وقشر الرمان
الله يسلمك امين الله يسمع منك نعرس بناتنا ونشوف عيالهم
انتظر الاخوات البقيه

 

[روج احمرر]

هلا حبيبتي نصيحه لاتستخدمين المره للمنطقه ترى تسوي التهاب أنا استخدمتها من نصيحه الحريم اللي يجون والتهب ورحت للدكتوره وقلت لها قالت هذا اللي سوى لك الالتهاب ولاتخافين الخيوط تطيح بحالها

والبواسير جاتني وماحسيت فيها الابعد الاربعين وتبذلت ورحت المستشفى وعطتني علاج وملين وقالت لي لاتاكلين حاار ( فلفل) ولا شي فيه بهارات كثيره والحمد لله

اما الاشياء اللي من العطار مااستخدمها

ونسيت اقولك الف الحمدلله ع السلامه وتتربى بعزك ياقمر

 

[الجروح]

أختي أولا الحمدلله على سلامتك ومبروك ما جبتي

بالنسبة للخيوط الداخلية إن شاء الله ما تعدي 20 يوم إلا وهي طايحة

أما بالنسبة للمرة هي معقمة للمنطقة لكن يجب استخدامها مخففة بمااااااااااء دافئ وكثير

وتستخدم شطف خارجي ثم تجفف المنطقة قبل النوم مرة يوميا ..

أما قشر الرمان ممكن تغليه سواء كان قشر يابس أو مطحون وتشربي العشرين الأخيرة وعادي تستخدمي اللي عندك أنظف من اللي عند العطار ومضمون ..

أما دم النفاس يختلف من وحده لثانية بعضهم يطهروا بدري وبعضهم يكملوا 40 يوم والبعض يزيد ..

والبواسير ما عندي علم عنها بس الله يشفيك شفاااااااء تاااااام

أما الخلطة ما سمعت فيها لكني سمعت إن الملح الفارسي موووووو زين أبددددد

أتمنى أكون أفدتك ولو بالقليل

ودعوااتك بتسهيل الولادة
​

 

[مامت جود]

انشاء الله ان البنات ما قصرو

 

[دنيا كئيبه]

الحمد لله على السلامه ومبروكه البنوته

انا صراحه داخله استفيد من خبرات البنات انا ما عندي سالفه
بس الي اعرفه ان المره ممتازه

 

[مرح أنثوي]

انامثلك لي اسبوعين الخيوط تفككت وبقت ثابته في الجلدومضايقتني مرررررررررررررره
افكراسحبها بس خايفه وابغى اسالك عن قشرالرمان
وش فايدته اتشطف به؟!!

 

[رقــه وعـذوبـه]

حمد الله عسلامتك ..راح تطيح الخيوط بعد مايلتام زين الاهم انه مافي الم

اما الدم انا بولادتي مرتين الين اخلص الاربعين وانا كل يوم اغتسل

واساسا انتي محتاجه ترويش يومي عشان ريحة الحلبه إذا تاكلينها

والحليب المحمض إذا ترضعين طبيعي

 

[آحلآم طفوليه]

يسلموو حبيباتي على المرور
الله يعطيكم الف عافيه

مرح انثوي
قشر الرمان تتشطفين به لانه فيه ماده قابضه تخلي المنطقه تضيق
لا تسحبي الخيوط يمكن تضري نفسك انا اول مابدأت تتطيح الخيوط انفكت بس ماطاحت
لكن ماطولت طاحت لحالها ماسحبتها لكن الي شايله همه الحين الخيوط الداخليه

 

[fascinating]

انا استعملت القشر وعباءة السيده بعد اسبوعين ونتايجها مره حلووه
وبالنسبه للخيوط انا تعب قلبي ولا طاحوا ورحت المستشفى شلتهم ،،،
وبالنسبه للدم ،،، ان كملت شهر وفيه دم ،، بس خفيف يعني ما وقف فعادي انوا يطووول

والحمد لله ع سلامتك ومبروك ما جبتي

 

[حنيـــن الشــوق]

عادي حبيتي استخدمي المره بالعكس مفعولها مثل المضاد
وطبعا هذي خياطه واي روائح عطريه بتتاثر خياطتك
كنت استخدم غسول
مكون من قشر رمان مطحون
ومره
وملح خشن
بصراحه رووووعه وتحسين بنظافة المنطقه
وبعد ما اجفف المنطقه استخدم كريم ميبو والحمدلله الامور تمااااام
بس عندي سؤال ياحلوه(شلون تصلي وانتي ماخلصتي الاربعين وباقي ينزل معك دم)؟؟؟

 

[آحلآم طفوليه]

فاستنق
يعني برايك اروح المستشفى يشيلوهم لي؟
انا اقول لو ماطاحت وخلص الاربعين بروح المستشفى يشيلوهم
حنين الشوق
سويت غسول قشر الرمان ومره وملح خشن
وبالنسبه للصلاه اغتسل في اليوم مره واصلي لان الدم الي ينزل عندي استحاضه دم خفيف
توجب علي الصلاه اغتسل واصلي

 

[عشق النعومه]

حبيبتي ضروري لو ماطاحت بعد 20 يوم تروحي للدكتوره تشيلها كل ماطالت الفتره راح تسبب لك الم بعدين اسال مجرب انا انتفخ مكان الخياطه والدكتوره عصبت علي قالت الخيوط تاثر اذا طالت الفتره ووحده اعرفها صارت الخيوط تحت الجلد عنده تسكر الجرح عليها فلا تتاخري