نفاسي في بيتي عند زوجي ..نصايحكم ..

[ومضات على الطريق]

السلام عليكم ورحمة الله وبركاته
كيفكم..
باختصار:
قررنا أنا وزوجي إني أولد في بيتي ، وبصراحة أنا شايله هم مرة لأني حسسسسسسسساسه وأحب كل شي منظم بدقة(شرقية)، وزوجي(جنوبي) ويحب إني أمشي الوضع عادي وما أدقق على كل شي..


أعطوني نصايحكم.. وجزاكم الله خيرا..

 

[ومضات على الطريق]

معليش كمان في العلاقة الخاصة كيف أسوي لو طلبها..

 

[بقعة ضوء]

صراحة ممتاز رائع انك تتنفسي ببيتك
من القصص اللي تصير هنا كثير زوجات يرجعو بعدالأربعين يلاقون ازواجهم متغيرين عليهم ويكلمون ويسهرون برا البيت

وزي ماقال زوجك مشي كل شي عادي لا تتعبي ولا تتعبي زوجك معك
والمهم تكون معك شغالة فترة الأربعين

 

[ومضات على الطريق]

هلا بقعة ضوء.. شاكرة لك مرورك..

صدر القرار بعد قدوم الخادمة ولله الحمد..
بس مشكلتي ما أعرف أمشي عادي زيو.. حاولت كثير بس يجي موقف صغير تافه انكد وما اقدر اتحمل،
أنا عارفه إني غلط أنا مره حسسسسسسسسسسسسسسسساسة ومثاااااااااااااااااالييييييية،
عشان كذا خايفه وشايله همّ..

 

[رموز عشوائيه]

ياختي عادي في هذي الفتره مشي كل شي وبعدها التزمي بنظامك

 

[ومضات على الطريق]

هلا رموز عشوائية..
دعواتك حبيبتي، الله يعديها على خير..

 

[ريحانه الجنه]

ان شاء الله تولدي وتقومي بالسلامه حبيبتي
طيب ممكن تخلي الشغاله تروح بيت اهلك معاكي هاليومين قبل ماتولدي تتعود على شغلكم وطريقته وانت تقوليلها سوي كذا وكذا او خلي وحده من خواتك تجي عندك يوم وتفهمها على نظامك انتي اللي تحبيه انتي زيي حاره مره ومااستحمل الفوضى وعدم النظام

 

[حلاتي بجمالي]

نصيحه لك انك تولدي في بيت اهلك اول شي امك تعتني بك وبطفلك ثاني شي انتى تهتمي بنفسك حتى لو عندك شغاله مابترتاحين واذا هو اصر لك انك تولدين في بيتك خلي امك او اختك تجي عندك وان شاء الله تولدين بالسلامه تقبلي مروري

 

[ورد الفل]

يارب تقومي بالسلامة وربي يكتبلك الخير
بس عن جد انا مستغربة كتير من قصة النفاس عند الاهل والله انو الوحدة عنا بتقعد يومين بالمشفى وبعدها تقريبا كلو عادي ما بتتعب حالها كتير بس مافيها شي بس اربعين يوم نفاس عند اهلك او حتى بالسرير يوم بقرا هالمشاكل بستغرب معقول بتقعدوا اربعين يوم عند اهليكم نفسيا ما بقدر يلي امها بتخاف كتير كتير عليها بتضل معها اسبوع وفي بيتها الام بتزور عند البنت وبعدين هي وزوجها بيشوفوا شلون يمشوا حياتون وجوزها مو ما بيجيها بعد النفاس بيبقى جانن عليها وهي بالنفاس هي الفترة بعتبرها كتير خاصة متل الخطبة وخصوصا اول ولد اختي لا تترددي ولا تهتمي شو حيصير بالبيت خلي ينقلب كلو بس تقوي وتتحسني كلو بيرجع متل ما كان واحسن واهم شي ما غبتي عن زوجك

 

[ومضات على الطريق]

ريحانة الجنة
حلاتي بجمالي
ورد الفل
أشكر مروركم جميعا..

مضطرة اولد في بيتي لأن زوجي متعود على جمعة العائلة وكنّا ساكنين مع والدته والآن توفيت والدته، وكل اخوانه مشغوليين بعوائلهم، ولا عنده أحد يهتم فيه من ناحية الأكل والشرب وغسيل الملابس، والأهم من هذا كله زوجي ما يقدر يعيش إلا في جماعة، ولا أبغى الوقت يكون فاضي عليه اخاف ينشغل بشي ثاني.. واهلي طبعهم مايحبوا كثرة الدخله والخرجه يعني مايقدر يزورني في بيت اهلي كثير أو ينام عندنا لأن البيت فيه بنات(هذا مبدأ اهلي وما اقدر أغيره)

بالنسبة لي مو بس المشكلة في شغل البيت .. هذي سهله..لكن في أشياء قد يعتبرها البعض تافهه لكن بالنسبة لي كبييرة ، مثلا:
دخول وخروج زوجي.. أ/اذا كنت تعبانة الحل عند زوجي انو ياخذ نفسه وايام ياخذ بنتي معاه ويروح عند اخوانوا، انا ازعل واحس المفروض يجلس معاي يخفف علي او يخرجني يغير نفسيتي..
ب/ بعد مايرجع من الصلاة يروح مع اخوه اللي رايح يجيب اغراض لأهل بيته مع اني اكون انتظر زوجي مثلا بالغدا أو ايام يكون وقت جلسة الشاي.. وهو ولا على باله يقول طيب ايش اسوي رحت بالسيارة معاه ما اقدر اقوله رجعني وبعدين روح مشوارك.. مع العلم اذا صار العكس وكان الاخ هو اللي جاي مع زوجي وطلبت من زوجي حاجه يقولي ما اقدر أخوي معاي واضطريت ارجعه البيت بعدين اجيب اللي طلبتيه وهذا الشي يقهرني مررررره وان كان تافه في نظر البعض..
ج/ اذا ماكان في سهرة عند احد ولا سمرة بلايستيشن ينام بدري (والعذر الدائم تعرفيني ما احب السهر، اذا سهرت ما اقدر اقوم لصلاة الفجر....) حتى لوكنت طفشانه وطلبته يقعد معاي احسه يقعد وهو ساكت ومبين عليه اثار الطفش ، خلاص يبغى ينام..واذا في سهرة يسهر عادي وتخلص كل الاعذار..
د/استقبال الضيوف يعني زوجي يحب اذا حيجيني احد ينادي اخوانوا وانا في هذي الحالة اتشتت بين الحريم والرجال.. واذا قلت مو لازم تناديهم اليوم احسه يتضايق، مع إني حتى لما اروح لأخواتوا اقوله لاتقعد خلاص وديّني وروح لا تشتت المضيفة بين ضيوفها وبينك..يعني هذا مبدأي في بيتي ومع غيري..

 

[ام الآء]

الله ييسر لك ولادتك ويرزقك الصالح يـــارب

رائع أن تنفسي في بيتك حفاظا على مشاعر زوجك ..

وايضا لا تنسي مشاعرك عزيزتي .. يعني انت وقت نفاسك محتاجة جدا للراحة وللخدمة

يعني انا معاك انه لازم كل شيء مرتب ومنظم .. بكذا لازم تستعينين وخاصة في الاسبوعين الأولين بخادمة تأتيك باليومي أو أختك أو والدتك أو أخته هو أو حتى هو ..

والغسيل والملابس والأكل لا تسوي شيء منه ابدا لأنك تعبانه ومحتاجه للراحة وللعناية بالمولود ..

انت هدفك من النفاس بالبيت الجمعة مع زوجك .. خلاص الباقي انت مالك شغل فيه " إجازة "

واذا طلبك عادي لبي طلب زوجك بكل انس وحب وحنان لكن بحواجز طبعا

والضيوف خصصي لهم مكان للإستقبال .. وضيافتهم خليها جاهزة يعني انت لا تسوين ولا شيء !
لأنك تعبانه ولا عندك شغاله اذا اهلك ولا اهل زوجك بيجيبون شيء جزاهم الله خير
لكن انت لا تسوين لأن الناس ما راح تعطيك خير .. اهم شيء استقبليهم بالبسمه الحلوة ..

وربي يقومك بالسلامة ..

 

[ومضات على الطريق]

أم الاء.. هلا فيك .. ومشكورة على لطفك..
أنا الحمد لله جتني شغالة، ولو جاني ضيوف وكلمت أخوات زوجي يجو ومايقصروا كأنهم يضيفوا في بيوتهم، لكن المشكلة فيني وفي زوجي أنا لو أموت ما أقول لوحده صبي قهوة عني، وهو عادي أنا أطلبك تجهزي ضيافة الرجال وأنتي كلمي اخواتي يقوموا .. وانا ما احب كذا، خلاص في حريم اخرج برا أو اقعد في البيت بدون ماتنادي احد..


أحلى عبارة :
((انت هدفك من النفاس بالبيت الجمعة مع زوجك .. خلاص الباقي انت مالك شغل فيه " إجازة "))
راااااااااااااااااااااااااااااااااااااائعة.. بس أختك (غبية) ماتعرف تدلع نفسها، أو تقدم راحتها على أي شي ثاني،
بس ححاول قدر الإمكان..

 

[الم واحزان]

الله يقومك بالسلامه تنفسي في بيتك احسن للك

 

[غدير الكويت]

خليج مع زوجج بس الضيوف خليلهم يوم سوي مثل استقبال على الاقل بعد العاشر وكل شي طلبيه من بره أو خواتج يجهزونه لج وحاولي تريحين نفسج على الآخر أول اسبوعين

 

[حبك بعثر الدنيا]

توكلي على الله عادي ترى بس لاتكبرين الموضوع

ولا تدققين وحاولي حد تثقين فية ايكون معاج ويساندج

ان شاالله الله بيسهل عليج

 

[طيف الروح]

عادي تنفسي ببيتك مافيه احسن من رااحتك ببيتك ترتاحي اكتر

انا ماتنفس الى في بيتي وعادي اعطي زوجي حقوقه كامله ووافيه بعد

وين المشكله بس خليك حنونه وبلاش تعصيب ومنشان ماتجيك اكتئاب الاربعين

يكون زوجك جنبك وترتاحي اكتر قومي زبطي الى بدك على قد ماتقدري انا اشتغل وانا نفاس

عادي جدااا والي تقول ارتاحي ومدري شووو ترا امهاتنا زمان يحملون ويشتغلون ويولدون ويشتغلون ويتنفسون

ويشتغلون اشتغلي على تقدري عليه



ربي يوفقك ويسعدك

 

[زركشة]

والله إنج في نعمة إحمدي ربج ،، غيرج ريها شمالي يدقق على كل شي

 

[بسمة امل ومحبة]

الله يخترلك الى فية الخير

ويقومك بالسلالامة ان شاء الله0

 

[ومضات على الطريق]

ألم وأحزان ...
الله يسلمك، ومشكورة على الرد يالغالية..


غدير الكويت ..
هلا يالغلا.. مشكوورة ياعمري
فكرة حلوة حبيبتي، كنت أفكر فيها، إن شاء الله أسويها اجمع الضيوف كلهم بيوم واحد..



حبك بعثر الدنبا..
هلا حبيبتي..أشكرك على الرد
مشكلتي إني أكبر كل شي، ومتضايقه من نفسي واحاول أتغير.. دعواتك..


طيف الروح..
هلا حبيتي.. مرورك أسعدني
أحس فعلا إن نفاسي في بيتي أريحلي، خاصة إني ما أ؛ب أكلف على أحد، وفي نفاسي الأول لو بموت من الجوع أستحي أطلب أخواتي .. لكن الآن في بيتي ومع شغالتي إن شاء الله يكون الوضع أحسن..
بس المشكلة فيني وفي حساسيتي.. دعواتك..



زركشة..
هلا ياغالية..
الحمد لله ، بس أعترف إن المشكلة فيني ، هو يحب كل شي سهل ، وأنا أبغى كل شي بدقة..
أدعيلي حبيتي..


بسمة أمل ومحبة..
الله يسلمك ويوفقك يالغالية.. مشكورة على المرور..

 

[كاتياباسل]

السلام عليكم ورحمة الله وبركاتة
أول شي الله يهون عليك وييسر أمرك ويقومك بالسلامة،،،،،،
وبعدين كل أنسان له وجهة نظر وأنا بصراحة ماراح أوافق أني أتنفس عند زوجي لأني احب أخذ راحتي في بيت أهلي وعند ست الحبايب وهي بتهتم فيني من جميع النواحي
وكمان أحب أهتم بنفسي واحوس على كيفي بالخلطات والعناية بالجسم وغيرة وغيرة
وفيه شي ثاني عند أهلي يصير لي نفس شوي لان البيت مليان علي واتخلص من كآبة النفاس نوعا ما،،،،،،،،،،،،،
ولما تنتهي فترة النفاس يجي ياخذني عالبيت يحصل عروس بكامل زينتها من الى
مولازقة فيه ،،،،حتى يمل مني بالعكس خليه يشتاق لك
بس طبعا فيه أستثناء لما تكوني بعيدة جدا وزوجك بحاجة مااااااسة جدا لوجودك
أو أذا كان معاك أولاد كثييير
وأذا كان الزوج عصبي جدا ومايقبل انك تتنفسي عند أهلك،،،،،،،،أو زوج عينه زايغه ومايصير تتركيه لوحده
*****************************************
وأنا ماأدري أيش يصير بالظروف بعدين بس بتكلم عن الفترة الحالية ومتعودة لما تنتهي فترة النفاس أترك البيبي عند الماما واروح أنا وزوجي للعمرة وبعدين لأي مكان نختارة
**************************************
هههه عاد تدرين أهمممم شي تولدي بالسلامة وتجيبي بيبي سليم معافى سواء تنفستي في بيتك أو عند أهلك ،،،،،،،،،،،مبروك مقدما
*************************************