بادئ الموضوع تاريخ البدء
  • المشاهدات 2,452
  • الردود 20

ام يوسف66

New member
إنضم
24 أبريل 2007
المشاركات
14
مستوى التفاعل
0
النقاط
0
العمر
36
السلام عليكم

اشلونكم بنات انشالله بخير عندي مشكله

انا كنت مع ريلي من زمان مشاكل بس لي فتره الحمدالله استقرت امورنا هو راعي سفر وهذا سبب الاخناقات وله كم شهر ماسك عمره عشان لا نتخانق

المهم جا رفيجه من برا وطبعا انا صايره خدامه اطبخ واغدي واعشيهم بس قلت عشان زوجي عادي يهون كل شي من جد تعبت هالاسبوع لاطلعت لا رحت بس بالمطبخ البى طلباتهم وصرت مع ريلي حليوه ما اناجره امخليته على راحته

امس قالي ضروري تقعديني الصبح قلت انشالله قعدته الصبح زهبت له الريوق قالي مابي حسيته مو طبيعي واعطره وابخره ولا ادري شنو اللي ناطرني المهم قالي جيبي سجادتي العاده الله يهديه ما يصلي استاااااااانست واعطيه الاذكار طلع

الظهر ارسل لي مسج انا بتأخر لا تنطروني قلت يمكن بيوصل رفيجه الجوازات والا بيطلعه المهم اتصل اتصل لي ست المغرب مايرد غريبه اشفيه وامبين انه حاذف الموبايل العاده خط ثاني والا مشغول بس امبين انه مو عند الموبايل طلع الاخ مسافر مع رفيجه واتوقع انه رايح البحرين ولا قالي ولا عطاني خبر

اتصل حماي زوجج جا الظهر تحت الديوانيه وخلا موبايله تحت وتعبان وقالي ابلغج بيسافر قلت متى بيرد قالي بعد 3 ايام الحين اشلون اتعامل معاه مع انه علاقتي مع حمولتي مو زينه واتوقع اللي بتشمتون وايد ومرت حماي ما تطيقني من جد ما سويت له شي وعطيته من قلبي ليش يفرح الناس علي وتجيني اخباره من حماي حسبي الله ونعم الوكيل ومابي اخرب بيتي ابي اعطيه درس ما ينساااااااااه طوووووووول عمره المشكله عيزت وانا افهمه اسرارنا لا تطلع برا بس لانه يدري انه مسوي شي غلط ولا برضى انه بيسافر بس همن كلمني بالتليفون دزلي مسج مو من حماااااااااي استغفر الله يااااااااااااربي بنات عفيه شاسوي وقاعده بروحي بالشقه والمشكله اهلي مساااااااافرين ماكووو احد ولا ادري شاسوي عند حمولتي وتلقينهم الحين مستانسين انه رايح ومخليني ولا مو قايل لي حسبي الله ونعم الوكيل... بقولكم تفاصيل عنه زوجي مرات يناقش بس بالغالب ما يحب النقاش يبي اذا دخل البيت ياكل ويلبس وهدوء ويطلع ولو سكت وطنشته اتوقع عااادي بستااااااانس ويمكن يقولي امشي السوق يسكتني بعطر كالعادهبس هالمره ابيهااا غيررررره قولولي بالتفصيل زوجي بايعهااا ما يهمه احد واناني وعادي اذا زعل والا اروح عند اهلي وانا زعلت كذا مره وقعدت عند اهلي مره وصلت الزعله لي سنه وراضاني ورجعني بس الحين انا قايلتله مابي اتطلق منك مو عشانك عشان بنتي متعلقه فيه لانه كذا مره يقولي يالله ازعلي بعد احسن عشان اسافر واستانس وماكوو مصرف بنت وبيت لي اربع اشهور احن عليه ابي سفره يقولي ماعندي فلوس ودوامي والحين لمن بغا السفر طلعت الفلوس حسبي الله ونعم الوكيلبس المشكله ما ابيه يكررهاا قبل فتره قالي بسافر ادرس قلت رجلي على رجلك وانا اتحمل المصاريف وهمن صارت خناق وقعد ما راح والحين ريح عمره وشال نفس وراح لا مصرف لا بلغني ولا حتى قال مرتي منو عندهاا واهلها مسافرين وعلاقتها مع اهلي مو زينه وربي ماكووووووووو احسااااااااااس احس روحي خدامه انظف واطبخ واقعده وبسسسسسسسس لا احترام لا تقدير ولا يونسني بس ما يفكر الا بنفسه بنات ساعدوني ياكثر ماجربت الحقران احسه يستانس وانا احرق بعمري الله يهديه ويسخره لي يااااااااااارب
ما لنا غير الدعاااا
بس انا ابي اعرف اشلون اتصرف معاااااه

انا انفعاليه وعصبيه واخاف ابجي امسافر وامطنشني وابجي عشانه وربي بيستااااانس

يااااااااااااارب تخرب عليه سفرته وتعطيه درس ما ينساااااااااااه طووووووووول عمره يااااااااارب ما يستااااااااااااانس ولا يرتاااااااااح له بال هو بعيد عني وعن بنتي ياارب انت القادر على كل شي

ياحي ياقيوووووم اللهم لا تجعل لزوجي حظا فالنساااء مع غيري اللهم اجعلني الوحيده في قلبه القريبه لفواده اللهم جملني في عينه وسخره لي يااااااااااااااااااارب انا اعرفه لي رد قالي ابشري وبسفرج ولي شافني صرت حليوه عطاني طاااااااااااف ولا يوفي بوعوده

المشكله مو راضي اشترك بنادي ولا بدورات وان طلعت مع اهلي انتي طلعاتج وايد مع انه ما يقعد بالبيت امخليه فندق للنوم بس الله يسخره لي يااااااااااربطيب هذا اللي يبيه زوجي يبي ياكل وينام لا كلام ولا سوالف وياخذ اللي يبي ويطلع حتى لو طلع يستانس اذا ما اتصلت عشان ياخذ راحته ويسهر

يعني لو عطيته حقوقه كامله وانا ظليت ساكته هذا هو اللي يبيه بيستااااااااااااااااااااااااااااااااااااااانس لانه كل مره كان يقولي بطلقج روحي لاهلج ويجي يلقاني بالبيت وعشان جذي قلت له انا قاعده مو عشانك عشان بنتي ما ابيها تحس بالنقص من تكبر انا بجيك وبقولك طلقني لانه يقطهااااااااا ويطلق ما عنده مشكله ابي اوقفه وينسى موضوع الطلاق لانه بلسانه على طول اذا عصب وطلقني قبل بعصبيه فهمتيني ليش قلت انا مابي اتطلق عشان بنتك
.........................

ابي اعطيه درس ما ينسااااااااه والمشكله مايرضى اطلع وايد
 
إنضم
2 فبراير 2008
المشاركات
1,101
مستوى التفاعل
0
النقاط
0
العمر
32
الإقامة
في جزيرة الاحلام والخيال
السلام عليكم
اولا:حبيبتي الحائي الى الله بالدعاء والتوسل يصرف قلبه عن كل شيء حرااام
ثانيا:طنشيه لا تراسلينه0لاتردين على اتصالاته0 وحاولي تنشغلين باي شيء يبعده من راسك
نالنا:لمن احد يحاول يستفزك ويشمت فيكي لا تبينين انك محروقه بالعكس قولي عاادي وابيه يستانس وهو قالي عن كل شيء
رابعا:لاتستقبليه زين وتبينين الفرحه برجوعه0واذا بغى منك شيء شخصي قولي معلش انا الحين منقرفه وما ابي شيء بس ارتااح ما في مشكله
خامسا:بيني له انك خايفة من الامراض 0ونفسك لايعه وما تبين اي علاقات جنسية الان ولمدة شهر
سادسا:حسسيه انك بتطلعينه من راسك وانك بس صابرة عشان هالبنت 0وانك عارفه ما فيه احد بيراعيهااا
ولازمن تتمسكين برايك حتى لو زعل فلازم يحس انك جديه وان الامور قفلت معاااكي
الله يعينك حبيبتي وينصرك عليه ويسهل امرك:icon26:
 

ام يوسف66

New member
إنضم
24 أبريل 2007
المشاركات
14
مستوى التفاعل
0
النقاط
0
العمر
36

ثانيا:طنشيه لا تراسلينه0لاتردين على اتصالاته0 وحاولي تنشغلين باي شيء يبعده من راسك
هو ما اتصل ولا حتى فكر يتصل فيني ولا قالي طلع لدوام وما رجع اخوه خبرني انوو مسافر وله اربع ايام لا حس ولاخبر!!!!!

رابعا:لاتستقبليه زين وتبينين الفرحه برجوعه0واذا بغى منك شيء شخصي قولي معلش انا الحين منقرفه وما ابي شيء بس ارتااح ما في مشكله
ما فهمت عليج اذا بغى شي شخصي انا منقرفه روح ارتاح؟؟

انا حاطة في بالي اذا رجع اذا اتصل على يقولي انا رجعت بقوله اوكي ياعمري انا مشغوله الحين اكلمك اشوي واذا جا اسوي روحي جايه من فرح واكون كاشخه وعاااااااادي ما اكلمه ولا اعاتبه ارد للبيت عااااااااادي بس طبعا مو ضحك وناسه لا بسوي روحي ما همني واعطيه كامل حقوقه اكله ملابسه كل شي يبي بس مش عارفه اذا اتمنع عِنه والا لا؟؟ والا عادي اخليه ياخذ اللي يبي وانا مثل الحجر وقرفانه وخايفه من الامراض بس كيف تطلع هالتصرفات؟؟؟

سادسا:حسسيه انك بتطلعينه من راسك وانك بس صابرة عشان هالبنت 0وانك عارفه ما فيه احد بيراعيهااا
ولازمن تتمسكين برايك حتى لو زعل فلازم يحس انك جديه وان الامور قفلت معاااكي
اي راي تقصدي اللي اتمسك فيه؟؟
وانا امفكره انيه اذا طلع ما اتصل ولا اسأل بس اذا بغيت مصرف لنا وما رضى يعطيني شاسوي معاه

يعني ابي اعرف كيف اتصرف معااه

انا حيييييييييييييييييل طيبه وارضى بسرعه هالمره مابي زعل وفضايح وناس تتشمت فيني ابي ارجع معاه اذا رد بس ابي اادبه وانا في بيتي مع العلم هو ما يجلس بالبيت ابد كله طالع ما يجي الا وقت النوم الفجر يكو تعبان كيف اتعامل معاه ابي اطلع ابلغه والا اقوله تعودت اطلع ما استأذن من احد.. اذا بغيت الطبيب السوق مع انه يالله بالله يودينا كله يقولي روحي مع السايق.. ابي من خبرتك مابي تصرف عصبي يطلع مني خلاص ابي شي بحكمه وهداوه لاني قررت ما انفصل عنه,, والف شكر اختي على النصايح
 

امار

New member
إنضم
3 أبريل 2008
المشاركات
51
مستوى التفاعل
0
النقاط
0
مرحبا اختي العزيزه انا اوافق اختي انوثة بلا حدود
واعتقد انه الحجي المنطقي والي يدخل العقل وربي انشالله
يطمنج ويرح بالج ويرده لجه،،،
 
إنضم
5 يوليو 2008
المشاركات
39
مستوى التفاعل
0
النقاط
0
الله يسخره لك ويجعل هالسفره فاتحه عليه بالخير
وكلام اختي انوثه بلاحدود عين الصواب0طنشيه ولاتتشرهين عليه او تلومينه خليك غامضه لاتزعلين بس لاتفرحين فيه
وسوي حقوقه كامله بس بدون مشاعر00
 

ام يوسف66

New member
إنضم
24 أبريل 2007
المشاركات
14
مستوى التفاعل
0
النقاط
0
العمر
36
الله يجزاكم خيرررر

قريت كم موضوع وعجبني كذا شغله بستقبله عادي كني شايفته الصبح معاي بس اذا طلب يجامعني بقوله بكل هدوء ياعمري خايفه على عمري من الامراض وانا وراي بنتي سوا تحليل الايدز وبعدين تعال اطلب بحقوقك ماني حاذفه نفسي بالتهلكه,, بتمنع وادري ما راح يجيب التحليل بس كذاواكله لبسه كله بزهبه من غير لا يقول طلع ما راح اتصل ولا اسأل عنه
 

ام يوسف66

New member
إنضم
24 أبريل 2007
المشاركات
14
مستوى التفاعل
0
النقاط
0
العمر
36
الله يسخره لك ويجعل هالسفره فاتحه عليه بالخير
وكلام اختي انوثه بلاحدود عين الصواب0طنشيه ولاتتشرهين عليه او تلومينه خليك غامضه لاتزعلين بس لاتفرحين فيه
وسوي حقوقه كامله بس بدون مشاعر00

لي متى اتعامل معاه جذي؟؟؟؟؟؟؟؟؟؟

واذا حاول يراضيني هو متعود يراضيني يروحه لسوق يشتريلي عطر او موبايل يووه نقصت فلوسب والا كان شريت لج اكثر انا اشلون اتعامل معاه بهالحاله

ابي خبرتكم
 
إنضم
1 يونيو 2008
المشاركات
99
مستوى التفاعل
0
النقاط
0
الإقامة
في قلب من أحب
غاليتي قبل لاتنظري لمسألة السفر وهي مسألة مؤلمه بحد ذاتها

قبلها شوفي حالك شخصيتك وتركبيتها هل هي من يبحث عنها وداعي السفر

سبب من أسباب شخصيتك يمكن ماتكون هي اللي يدور عليها وأنتي بناظرك شخصيه

يتمناها الجميع مثلا بعض الأزواج مايحبون المرأه الضعيفه ومثل ماقلتي عارف نقطة ضعفك

وكل مره يرضيك وأنتي ترضين وخايفه بشماتة الناس ومافكرتي مره كيف تواجهين الموقف بحزم


أدرسي شخصية زوجك وشوفي أيش اللي يحب وايش يكره ومثل ماقلتي إذا رجع من السفر


قابليه ببرود ولاتخلينه يقربك أو يمارس معك الجنس وقولي له نفسي غاليه علي لاتقدمين له

تنازلات أكثر ولاتبين له أنك جالسه عشان بنتك وقولي له أنت أخذتني من بيت أهلي لوحدي


ترجعني لوحدي وماني مسؤله عن بنت من باب توضيح أنك راح تكون مسؤل عنها وأنك راح


تشوفين حياتك الجديده بدونه وأي شي يتعلق فيه من باب التهويب بس لاأكثر


وخليك هاديه ورايقه من دون أي إنفعال حاولي تمارسين حياتك بدون عصبيه لأن ماحد يستاهل


أنك تعصبين عشانه ودعواتك لله اللي ماينسا عباده الضعفاء والزمي الأستغفار
 

سكن الليل

New member
إنضم
16 نوفمبر 2007
المشاركات
472
مستوى التفاعل
0
النقاط
0
الله يكون في عونك اختي واشوف كلام انوثه بلا حدود هو الصح واحييها على هذا التفكير الصائب اكثري من الدعاء واللجؤ الى الله انه يرده لك ذليل وينصرك عليه اذا كان سفرياته لوسخ والله ما يخيب ظنك فيه خلي املك بالله كبيرعليك بصلاة الليل وراح تشوفي نصر ربي اذاكان خاين
 
إنضم
22 مارس 2008
المشاركات
1,337
مستوى التفاعل
0
النقاط
0
الإقامة
في قلبي بلقيسس
الله يهديه لك ويسخره ويحنن قلبه عليك ويبعده عن بنات الحرام ويعمي قلبه عن السفر ويتغير معك للاحسن
كلام اخت انوثه عين العقل
 

roo7-meshoo

New member
إنضم
21 يونيو 2008
المشاركات
1
مستوى التفاعل
0
النقاط
0
حبيبتي عاتبية بس بهدوء لا تخربين بيتك --الله يوفقك
 
إنضم
5 يوليو 2008
المشاركات
46
مستوى التفاعل
0
النقاط
0
شوفي اختي افهمي كلامي صح وانشاء الله ما تندمي ..اولا اشكي همك الى الله وادعي ربك بكل حراره لان والله في هذا الكون كله ما في احد ينصرك الا الله سبحانه اكثري من الاستغفار لها فوائد عجيبه ما تتخيلينها حاجه لازم تعرفيها جيدا(انك لا تهدي من احببت ولكن الله يهدي من يشاء)لازم تلحي على الله في الدعاء
طبعا زوجك سافر واللي صار صار اذا كان زوجك في سفره يعاكس البنات ويتكلم معهم اكيد البنات سمعوا زوجك كل كلمات الحب والعشق والحنان والدلال طيب اذا رجع لك زوجك وكنت معصبه. ومطنشته .وتقولين انا اخاف على نفسى من الايدز اعطني ورقه اثبات.انا جالسه في البيت علشان بنتي مو علشانك.في اعتقادك يعني زوجك راح يحبك اكثر ويعترف لك انه غلط ويعتذر لك.طبعا مستحيل هذا الشي يصير لان زوجك في هذه الحاله على طول راح يقارن بينك انت والبنات اللي يكلمهم وراح يرشح في عقله من الافضل اكيد عقله وقلبه راح يختارون له البنات والشيطان شاطر في هذه الحركات راح يوسوس لزوجك ان البنات اللي يكلموك افضل ايش تبغي في زوجتك كلها هم ونكد وهي ما تحبك ايش لك في وجع الراس لكن البنات عندهم الحب والعشق والهيام خلك معاهم بعدين زوجك راح يزعل منك اكثر ويقول في نفسه مع الشيطان انا ما غلطت اذا عجبك انا كذه واذا ما عجبك الباب يفوت جمل بعدين انتي راح تندمي ويصير تترجينه علشان يرضى...
يا حبيبتي انت تحبي زوجك وما تبغي تخربي بيتك وتشمتي الناس فيك اذا لازم تجتهدي من اجل ذلك زوجك راجع لك وهو عارف ردت فعلك الزعل والتهزيئات وغيرها بس خيبي امله واجعليه يحس بالذنب وتأنيب الضمير كيف راح اقول لك اولا ادعي ربك واطلبي منه العون واحتسبي ذلك كله لله ثانيا اذا جاء زوجك تزيني والبسي وتكشخي وشيكي بنتك والبيت رتبيه ونظفيه وبخريه واعملي عصير وكيكه ودلع اذا دخل زوجك احضنيه وامطري عليه كلمات الحب والوله والشوق حسسيه انك واثقه فيه لاابعد الحدود وان سفرته تغيير جو قولي اتمنى انك انبسطت وغيرت جو ونفسيتك احلى وحسسيه انك سعيده لانه هو سعيداهم شي اكثر من كلمات الحب والدلع والتغزل زوجك في هذه اللحظه راح ينصدم واللي توقعه ماصار وراح يحس انه غلط في حق انسانه بادرت غلطه بكل حب وراح يحاول يبرر غلطه ويعتذر لك لانك احرجتيه بكرمك وراح يحاول يعمل اي شي علشان يرضيك بعدين انتي ادللي وااطلبي اللي يرضي غرورك.....و ابعدي الشيطان عنكم ولاتفتحين له باب خذي زوجك دائما بالحيله والمكر هذا ما تميزت به الانثى وصدقيني العناد مايجي مع الرجل ابد ابد واذا عاندتي انتي الخسرانه واسفه جدا اذا طولت عليك وازعجتك.......................دعواتك الطيبه لنا
 

ام يوسف66

New member
إنضم
24 أبريل 2007
المشاركات
14
مستوى التفاعل
0
النقاط
0
العمر
36
شوفي اختي افهمي كلامي صح وانشاء الله ما تندمي ..اولا اشكي همك الى الله وادعي ربك بكل حراره لان والله في هذا الكون كله ما في احد ينصرك الا الله سبحانه اكثري من الاستغفار لها فوائد عجيبه ما تتخيلينها حاجه لازم تعرفيها جيدا(انك لا تهدي من احببت ولكن الله يهدي من يشاء)لازم تلحي على الله في الدعاء
طبعا زوجك سافر واللي صار صار اذا كان زوجك في سفره يعاكس البنات ويتكلم معهم اكيد البنات سمعوا زوجك كل كلمات الحب والعشق والحنان والدلال طيب اذا رجع لك زوجك وكنت معصبه. ومطنشته .وتقولين انا اخاف على نفسى من الايدز اعطني ورقه اثبات.انا جالسه في البيت علشان بنتي مو علشانك.في اعتقادك يعني زوجك راح يحبك اكثر ويعترف لك انه غلط ويعتذر لك.طبعا مستحيل هذا الشي يصير لان زوجك في هذه الحاله على طول راح يقارن بينك انت والبنات اللي يكلمهم وراح يرشح في عقله من الافضل اكيد عقله وقلبه راح يختارون له البنات والشيطان شاطر في هذه الحركات راح يوسوس لزوجك ان البنات اللي يكلموك افضل ايش تبغي في زوجتك كلها هم ونكد وهي ما تحبك ايش لك في وجع الراس لكن البنات عندهم الحب والعشق والهيام خلك معاهم بعدين زوجك راح يزعل منك اكثر ويقول في نفسه مع الشيطان انا ما غلطت اذا عجبك انا كذه واذا ما عجبك الباب يفوت جمل بعدين انتي راح تندمي ويصير تترجينه علشان يرضى...
يا حبيبتي انت تحبي زوجك وما تبغي تخربي بيتك وتشمتي الناس فيك اذا لازم تجتهدي من اجل ذلك زوجك راجع لك وهو عارف ردت فعلك الزعل والتهزيئات وغيرها بس خيبي امله واجعليه يحس بالذنب وتأنيب الضمير كيف راح اقول لك اولا ادعي ربك واطلبي منه العون واحتسبي ذلك كله لله ثانيا اذا جاء زوجك تزيني والبسي وتكشخي وشيكي بنتك والبيت رتبيه ونظفيه وبخريه واعملي عصير وكيكه ودلع اذا دخل زوجك احضنيه وامطري عليه كلمات الحب والوله والشوق حسسيه انك واثقه فيه لاابعد الحدود وان سفرته تغيير جو قولي اتمنى انك انبسطت وغيرت جو ونفسيتك احلى وحسسيه انك سعيده لانه هو سعيداهم شي اكثر من كلمات الحب والدلع والتغزل زوجك في هذه اللحظه راح ينصدم واللي توقعه ماصار وراح يحس انه غلط في حق انسانه بادرت غلطه بكل حب وراح يحاول يبرر غلطه ويعتذر لك لانك احرجتيه بكرمك وراح يحاول يعمل اي شي علشان يرضيك بعدين انتي ادللي وااطلبي اللي يرضي غرورك.....و ابعدي الشيطان عنكم ولاتفتحين له باب خذي زوجك دائما بالحيله والمكر هذا ما تميزت به الانثى وصدقيني العناد مايجي مع الرجل ابد ابد واذا عاندتي انتي الخسرانه واسفه جدا اذا طولت عليك وازعجتك.......................دعواتك الطيبه لنا
الله يجزاج خيررر بس مستحيل اقابله بحب واستقبال حلووو وهووو ما خبرني بيستانس وبيكررهااا انا ما راح اعاتبه ولا راح اصرخ بستقبله عاااااااااادي وكأنه كان موجود معااااانااااا برود وهدوء ولا كأنه مسااااااافررر ولا راح اسأله ولا راح اعاتبه.. كل حقوقه بتجيه الا الجماع بطلب منه تحليل.. وبعدين يا اختي انا بعد قريت مقاله لاستاذه ناعمه اذا زوجج مسافر لا تستقبلينه يعني يروح ملك ويرجع ملك بيستانس غير لمن يقل الاهتمام وجوده مثل عدمه عاااااادي فاهمه.. وماااادري مو مستوعبه نفسي استقبله جذي وهووو ولا انا على باله...
 

ناناسي

New member
إنضم
18 يونيو 2008
المشاركات
608
مستوى التفاعل
0
النقاط
0
:bye1:
الله يجزاج خيررر بس مستحيل اقابله بحب واستقبال حلووو وهووو ما خبرني بيستانس وبيكررهااا انا ما راح اعاتبه ولا راح اصرخ بستقبله عاااااااااادي وكأنه كان موجود معااااانااااا برود وهدوء ولا كأنه مسااااااافررر ولا راح اسأله ولا راح اعاتبه.. كل حقوقه بتجيه الا الجماع بطلب منه تحليل.. وبعدين يا اختي انا بعد قريت مقاله لاستاذه ناعمه اذا زوجج مسافر لا تستقبلينه يعني يروح ملك ويرجع ملك بيستانس غير لمن يقل الاهتمام وجوده مثل عدمه عاااااادي فاهمه.. وماااادري مو مستوعبه نفسي استقبله جذي وهووو ولا انا على باله...
انا معاج لاتستقبليه ولا تتذللين له ليش هو اللي سواه شويه حركاته تقهر تموت قهر نفس حركات زوجي بس ادبته عن هالطبع بالحقران واللا مبالاة بوجوده لما تستقبليه بعفويه معناها انه مايعنيلك شي قتلي الغيره داخلج عارفه هالشي صعب لكن حاولي وبتتصرفين ساعتها صح لكن لما يشوفج زعلانه وانه همج هو بيستقوي عليج صدقيني انا كنت بالاول مثلج امووووت قهر وابي اادبه ومن غير طلاق ولا ابي حد يتشمت من اخوانه لانهم مايكلموني وكان يقهرني امام الجميع وانا اخر من يعلم انه سافر لهالدرجه بس تعرفين شنو سويت لغيته من حياتي سويت له ديليت وصرت اهتم بالطلعه والروحه مع صديقاتي وخواتي بهالمجمعات حبيت نفسي وصرت ادللها واونس روحي عزايم وكشخه ولا على بالي وصار لما يدق مايلاقيني بالبيت وينجن ويكلمني عالموبايل احيانا ارد واحيانا لا مع العلم انه مجنون مثل ريلج مايحب اوطوط بره البيت بغيابه بس لي حق فهمته هالشي انه مثل ماهو يبي يستانس انا انسانه بعدابي اطلع واشم هوا المهم هالاسلوب هو اللي نفع معاه وقعد بالبيت قعده مابعدها قعده مع العلم كان ليليا يروح البحرين وصار غيور مايبي يسافر عشان ماطلع من البيت ولمل يجي يسافر يبيني معاه والله الرياييل غريب امرهم هههههه وسعي بالج وهدي اللعب بتشوفين العجايب
 

نشوى

New member
إنضم
28 يونيو 2008
المشاركات
72
مستوى التفاعل
0
النقاط
0
الإقامة
مصر
اختى طنشيه والله وما تحطى بعقلك مشان تتعبى نفسك وولو تقدرى تروحين لاهلك وتخرجين ولا تروحين لصحباتك واقضى وقتك واستمتعى وربما يجى على فجأه ويقولك وينك كنتى امزحى وقولى ببفرج عن نفسى ولا حلال لك وحرام لغيرك
وفهميه بالحيلة انك مثل ما بيسوى ويطلع من غير ما يقولك ولا يعطيك خبر بتسوى
وقولى له وينك عشان ابلغك بالطلعه
ولا ترد على موبايل
 

ام يوسف66

New member
إنضم
24 أبريل 2007
المشاركات
14
مستوى التفاعل
0
النقاط
0
العمر
36
نااانااااسي عطيتيني امل انه يتغير يبيلي معاااج قعده

هههههههههههههه

بس هووو يعصب لي طلعت ويقلب السالفه علي المهم اليوووم طلعت وما قلت له

اتصل معصب انتي وينج وليش ما قلتيلي قلت نسيت انك موجود تعودت اطلع من غير لا اقول لاحد خلاص مره ثانيه ابلغك
المهم عصب وصكر السماعه بوجهي

لمن جااا من السفرر ما سألته عن شي كلش كأنه مو هامني قلت حياتك وانت حر فيهااا ما له داعي اسألك تكذب وتكسب ذنوب زياااده
كان امزهب قصص وكذب بس انا ما خليته قلت ماله داعي حياتك وكيفك
الله يهديه يااااااااااااارب ويسخره لي ياااااااااااااارب
اللهم لا تجعل لزوجي حظا فالنساء مع غيري
اللهم اجعلني المرأه الوحيده بقلبه
اللهم اجعلي اكثر تعلقا بي وصراحه معي
اللهم ارزقني حبه وارزقني وده

اللهم سخرلي زوجي
اللهم حنن قلبه لي ووجعله حبيبا لي كريما معي

اللهم اجعلني نورا بيني عينه
اللهم جملني في عين وزوجي
 

ناناسي

New member
إنضم
18 يونيو 2008
المشاركات
608
مستوى التفاعل
0
النقاط
0
بعد قلبي والله مشكورة_بس انتي عارفه والله قصتج طبق الاصل من قصتي ريلي مره صعب اول كان كله سفر مايقعد وكنت انا مثل ماقالتلج الاخت فوق اسوي حفله لما يرد كيكه وعصير واتزين انكت:1eye: وصار يزيد في السفر واللعانه :sly:تعرفين ليش لانه ظمني بجيبه حطني بمخباتة قال هذي غبيه اخونها واسافر وعسل على قلبها:icon26:تسقبلني بحفله:clap:وبعدين تعبت وانا اتقرب منه واطارده كلما ركضت وراه واهتميت فيه بعد:sadwalk: وهرب مني _و لما يسافر همي هو اقعد ابجي واندب حظي :icon1366:واكره اطلع بره البيت كل همي هو يترى سقاعد يسوي افكار تودي وافكار تجيب _بعدين قعدت مع نفسي قعدة قلت ليه ماسوي العكس خلني اجرب في البدايه تعبت وعثرت لكن بالاخر انا انتصرت_انتي من داخلج لازم تتغيرين تجاهه خليه اخر شي تفكرين فيه والله بتشوفينه قبالج 24 ساعه ولما تحبين نفسج وتطلعين اولا بترفهين عن نفسج ثانيا بيضيع الوقت وبتنسين انه مسافر يعني بتنسين القهر اللي انتي فيه وبعدين لما تهداين من القهر بتفكرين صح وبرواقه:icon30:واهم شي بالموضوع بيحس لما يتصل انه مو على بالج بيقول هذهي تطلع ومونسه نفسها وناسيتني :bye1:الريال بطبعه اناني ويحب نفسه يبي يسافر ويخون ويبي وحده عنده بالبيت منثبره ولا تنطق بكلمه وبس همها هو تطارد وراه علشان يشبع غروره _كفايه عنده يحس انه في انسانه ظامنها يشوت فيها ويمسح فيها الارض ويكذب عليها وهي الغبيه تصدقه وبعد تحبه وتتذلل له_لكن لو حس بعدم الامان انه هالانسانه ممكن تتخلى عنه ومو كل همها هو ساعتها بينجن:in_love:بيصير هو يطارد وراها ومايبيها تطير من بين يدينه المهم حبيبيتي علشان ماطول عليج لان هذي يبيلها قعده اهم شي لما تحاولين تطلعين لاتبينين له ولا تخلينه يشعر انه طلعتج هدفها هو يعني قهر له لا بيني له انه وش فيها اذا طلعتي مع رفيجاتج وخواتج قوليله ماعندك ثقه فيني وبعدين انا ماطلعت مع حد غريب وانا زهقانه بغيابك قاعده بروحي ومنطقه بهالبيت ابي انفس عن نفسي شوي:bleh: اصحي انه يقلب السالفه عليج ويخلي مع نفسه الحق حاججيه بهدووء وقوي شخصيتج ولا تتنازلين عن حقوقج بالطلعه وتذكري دايما انها هي الحل علشان تمسكينه مايسافر:santa_1: لانه لو انتصر عليج بيسافر وبيروح وبيخونج وانتي بتنطقين بالبيت تندبين حظج لازم يكون لج عالمج مثل ماهو عنده ربعه وعالمه الخاص معاهم سفر وعربده لو حس باستقلاليتج عنه هو ساعتها بيتقرب لج_ونسيت اقولج اهم شي الكشخه والعداله حتى لما تطلعين معاه تزيني تكشخي ترى الزمن اللي احنا فيه مو زمن فتح عيون لمغمضين على اشياء ماتجي على بالنا:e052:حتى بالبيت خلي كل ملابسج شبه عريانه مغريه مثيره تبرز انوثتج والثقه بالنفس اذا كانت اميه ارفعيها خليها الف _ والله يوفقج انشالله وعساه مايشوف غيرج مره قولي امين عندي لج حجي واااايد بس مدري ليه جهازي رفض الخاص اللي بعثتيه كاتب لايمكن فتح الرساله يلا حيبتي الله معاج:bye1:
 

ام يوسف66

New member
إنضم
24 أبريل 2007
المشاركات
14
مستوى التفاعل
0
النقاط
0
العمر
36
مشكوووووووووووره ياقلبي على هالكلام
وانا بعد عندي كلام لج
 

المواضيع المتشابهة

المواضيع المتشابهة


كلمة المدير

جميع المواضيع والمشاركات المكتوبة تعبّر عن وجهة نظر صاحبها ,, ولا تعبّر بأي شكل من الاشكال عن وجهة نظر إدارة المنتدى .

عن منتديات نسوة

نسوة أكبر تجمع نسائي في العالم العربي لكل ما يخص عالم حواء والحمل والولادة والزواج والثقافة الجنسية والسعادة الزوجية وطرق الجماع وقصص وحكايات رومانسية وتسريحات وكياج لكي أن

تابعنا على المواقع الاجتماعية


إتصل بنا

 

أعلى