نصائح من واقع تجربتي للعرايس 2011 وووووووبس فديتكم

  • بادئ الموضوع بادئ الموضوع عبوطة
  • تاريخ البدء تاريخ البدء
بالنسبه ليوم الفرح , حاولي تختاري تسريحة شعر ماتكون معقده

, ونبهي على الكوفيره ماتكثر اسبري مثبت خاصتا من ورا , من قدام اوكي ,

بس الشعر من ورا تخليه بطريقه تكون سهلة التفح , وماتااثر على السشوار الي عاملتيه

انا في زواجي ركبت توصيله بس من ورا , ولما رحت الفندق فكيتها ,

ومشطت شعري من ورا عادي بس من قدام كان في البف حق التسريحه خليتها مافتحتها , عادي لبست القميص

حتى قريباتي الي اتزوجو قريب سوو نفس الفكره


وطبعا لازم اول ماتوصلي الفندق تدخلي الحمام الله يعزك ,

عشان تغسلي جسمك اذا كنتي حاطه فيه كريم اساس,

بس لو ماكنتي حاطه اساس فمافي داعي تغسلي جسمك.

وطبعا تفرشي اسنانك عشان نفسك يكون مره حلو


(على فكره والله ياما شميت عرايس ريحة فمهم خااااايسه يوم فرحهم فاانتبهو يابنات لدي النقطه.)

وزيدي شوية عطر في جسمك , وركزي على منطقة وسط الصدر والشعر وبين الفخود ,

والبسي الاندر وير حق قميص الدخله و قميص النوم مع الروب تبعه والصندل حقه

وروحي اجلسي على الكنبه الي في الغرفه عادي وسيبي الباقي عليه.


عاد انت اكيد ماحتقدري تنامي بعمق حتى لو كنتي مواصله , فحاولي تقومي قبله

وتدخلي الحمام تتروشي وتتمكيجي و استشوري بس قصتك من قدام ,

ولفي شعرك من ورا عادي كاانو كيرلي , والبسي اي لبس خفيف وكشخه ,

يعني مثلا فستان قصير وعريان ويكون مره ناعم .

وفي حالة جاتك فرصه تستشوري شعرك كامل خير وبركه


انا بصراحه في الصباحيه قلتله لازم اروح بيت اهلي عشان يتطمنو عليا

ورحت هناك سويت حالة استنفار, اتمكيجت من قلبي واستشورت شعري كله

واتبخرت وكشخت وبعدين خرجنا نتعشى برا.


وبالنسبه لاول ايام الزواج خليكي عارفه انه في لحظه ممكن يطلب منك البتاع( )

فعشان كدا خليكي على طول كاشخه وجاهزة ,

بمعنى اهم شيء تكوني لابسه اندر وير كششششششخه وطقم مو كل قطعه لون ,

وحتى لو سويتو البتاع في العصر او المغرب ,

في الليل طبعا لازم تلبسي قميص نوم وتكشخي زي كل يوم , مو تقولي خلاص سويناها


اصلا عودي نفسك من يوم ماتتزوجي , كل يوم قبل النوم تدهني جسمك بيبي اويل

وتحطي بودره في جسمك عشان تسير ريحتك ريحة نظافه زي الاطفال,

وبعدها اتعطري بااخف عطر عندك, والبسي قميص نوم.



وعلى فكره بخصوص قمصان النوم , اكيد حتكوني مشتريه كتير اول زواجك , بس نصيحتي لاتلبسيهم كلهم ورا بعض

بمعنى خلي اول شهر قمصانك بستايل معين حتى لو بعضها قصير وبعضها اقصر او قطعتين مو مشكله

بس قصدي بعد شهر او شهرين البسي شيء مايكون شافه عليكي قبل كدا , ويكون موديله ماشافو , يعني مثلا البسي كورساج او كدا

صدقيني وقتها حيتجنن عليكي كاانه لسه دوبو اول يوم الزواج

لان عينو تكون الفت شكلك بستايل معين وقت النوم

تصدقو مره بعد شهرين او 3 من زواجي لبست قميص رخيييييييص امكن سعره مايزيد عن 30 ريال واسود ساده

زوجي اتهبل عليه كااني اول مره البس قميص

لانو كان له فتره يشوفني بستايل معين وبقمصان عينه الفتها

اتمنى تكونو فهمتو قصدي


كمان كل وحده افضل لو تحاول تستغل فترة الملكه

في انها تعرف زوجها ايش يحب وايش لا

, بس بطريقه غير مباشره

يعني مثلا مو كل الرجال يحبو البخور والعطور الشرقيه

, في ناس يشوفوها بلدي , وناس يشوفوها كشخه وشي وااااو

فبدل ماتخسري نفسك على شيء مايحبو زوجك ولا اهلو

, جربي مره بخري نفسك ومره لا , ولاحضي ايت عجبواكتر

, او اذا ماخده عليه ممكن تسئليه

انا اهل زوجي لانهم حضر, كلهم يكرهو البخور بكل انواعه , والعطور الشرقيه

, وطبعا اول زواجي كنت يوميا اتبخر واتعطر وريحتي ماشاء الله تجنن

, بس بعد فتره قلي زوجي ترا اهلي مايحبو دي الروائح

, فنفسي مره اتكسرت والله , لاني افكر نفسي كاشخه وهما يحسو ريحتي بلدي

بس الحمدلله زوجي مره يحب العطور الشرقيه. وهدا الاهم.​
​
 
بنات بالنسبه للاكسسوارات في السفر , لاتتعبي نفسك وتاخدي كتير لانك ماحيكون عندك وقت تلبسيهم صدقيني ​

, حتخرجو تتمشو من بدري اول ماتصحو وماحترجعو البيت الا قبل النوم بفتره جدا بسيطه ​

, طبعا وقتها حتروحي تتروشي وتلبسي قميص نوم , ​

ومااحسو حلو تلبسي اكسسوارات مع قميص النوم , ​

لانها تضايق الرجال وماتخليه ياخد راحته
ممكن تلبسي سلسال مررره خفيف او خلخال مرررره ناعم​

يطلع روعه , بس الحلق ماانصحك , ​

حتى لو صغير حيضايق الرجال , وحتجربي بنفسك وقتها وتعرفي ليش :061:​



وبالنسبه للاكياس الي قلتلكم عليها لترتيب الملابس والانجري ,
او ممكن بس تحطي فيها اطقم الاندر وير , ​

هذي صورتها اخدتها من النت للتوضيح فقط ::


437487.jpg



ممكن اذا حسيتي الاورقنزا مو عاجبتك ممكن تركبيلها شرايط الي تجي زي الكتل ​

تعطيها شكل احلى زي كدا مثلا::


437488.jpg
​



او ممكن تشتري من المحلات الرخييييصه للاقمشه كم متر من الدنتيل الناعم الرخيص​

اي لون يعجبك وتوديها لاي خياط هندي قريب عليكي ويخيطها لكي زي الاكياس الورقنزا
بحيث تستخدميها للترتيب , احس الدنتيل حيطلع مرررره خطير ,​

وماحتكلفك الا شي رمزي , ولو تاخديه بنفس الوان غرفتك يكون افضل عشان تستفيدي منه مستقبلا.​

انا عن نفسي اشتريت الاكياس الاورقنزا لون ابيض عشان ماكان عندي وقت اخيط او ادور كتير ,
اخدتها من سوق محمود سعيد الي في الفيصليه ,​

وتقريبا تتلاقى في البلد والخاسكيه وكل مكان ,​

وسعرها ماادكر والله بس مره رخيصه ,


, بس والله مره ريحتني , وبما اني احب البخور حتى اكياس الاورقنزا بخرتها وعطرتها قبل ماحطيت الملابس

والله كل ماافتح الشنطه تسير ريحة الغرفه تجنن​
[/QUOTE]
​
 
من الاشياء الي اشوفها جدا مهمه وفادتني شخصيا مرررره كتير
ان العروسه تثقف نفسها من حيث طريقة التعامل مع زوجها قبل ما تتزوج , ترا الي تسمع عن الزواج مو زي الي تجربه
ومن الكتب الي انصح كل وحده تقراها قبل ماتتزوج
كتاب اسمه : ( النساء من المريخ والرجال من الزهرة)
اكيد سمعتو عنه , هدا كتاب عالمي , يعني هو اصلا اجنبي بس مترجم للعربي , والله راااائع بمعنى الكلمه , وحيعرفك كيف يفكر الرجال وكيف تتعاملي معاه بدكاء واشياء كتيره

واذا تقدري ممكن بعد ماتخلصي من قراءت الكتاب تهديه لزوجك
عشان يقراه , صدقيني غير انه ان شاء الله حيستفيد منه ,
حيعرف انك انسانه مثقفه تقراءي كتب مفيده وحيقول وزوجتي انسانه ناضجه وتفكر بعقل ويهمها سعادة بيتها .
الكتاب متوفر في المكتبات الكبيره , او ممكن تحمليه عن طريق النت ابحثي عن اسم الكتاب في قوقل وشوفيه .


من الاشياء الي احب افكرك بيها , انك تحتسبي اجر كل شيء تسويه لله تعالى ,
يعني مثلا لو صبغتي شعرك وزبطتي بشرتك واشتريتي دبشك
في كل شيء حطي في بالك نية ارضاء زوجك
وانك تبغي تعفيه من النظر للحرام , عشان تاخدي اجر على شيء انتي كدا كدا حتسويه .

بالنسبه لمجموعة نكتار الي سئلو عنها الاخوات , بصراحه هيا مره حلوه , انا عجبتني الي بالفراوله اكتر شيء حسيتها مره دلع
انا اخدت لزواجي ايامها كريم الجسم والبودره اللاماعه ومعطر الجسم وعطر للملابس كلها بريحة الفراوله
ممكن يوم ماتستخدميها , تلبسي قميص نوم احمر ,
وكتري من عطر الفراوله , واستشوري شعرك وافتحيه لاتعملي فيه اي حركه
خليكي ناااااعمه مره ,
وكحلي عينك بالاسود وحطي روج احمر وفوقه قلوس بنكهة الفراوله ,
حتطلعي تجنني كاانك قطعة فراوله قدامه .

بس نصيحتي اشتري مجموعة وحده كامله بس
, لاتكثري من دي المجموعات , لان الرجال مايدققو كتير ,
وغير كدا دي الحاجات ماحتستخدميها كتير يعني مره كل شهر او شهرين .


كمان حاولي تشتري مقشر للجسم "سكرب" وخليه مع دبشك
, لانك اول الزواج تقريبا شهر او شهرين وامكن اكتر
ماحيكون عندك وقت تسوي خلطات ولا اي شيء لجسمك وبشرتك ,
فالسكرب يفك ازمه كبيره , يعني وقت مايروح العمل او يكون نايم ,
ادخلي اتروشي وحطي لجسمك كلو ورجلك سكرب عشان يسير جسمك نااااعم.


وبالنسبه لقميص الدخله , انا انصحك بعد ماتلبسيه طبعا يوم فرحك ان شاء الله ,
تغسلي القميص وترفعيه لغااية يوم عيد الفطر ,
ويسير تلبسيه مع صندله والاندر وير تبعه ,
الحركه دي سويتها مررررره عجبت زوجي ,
ميزة الحركه انها حركه حلوه تعيد الدكريات ,
ومنها حتعيدي بقميص مره فخم وغالي ,
وغير كدا وفرتي على نفسك قيمة قميص للعيد.​
 
عده مواضيع في موضوع واحد
اتمنى التوووووووووووفيق للعرايس وانتي منهم بما ان باقي على زواجك يومين
الف شكرر لك
 
مـره حلو يعطيك العافيه بس ودي اعرف يعني كم كلفك جهاازك وانت مبحبحتهافرضآآ لاني خايفه مايكفيني --وماتعرفي شي للبياض ؟؟مع العلم اني في اصلي بيضااء وابغى استعيده فقط لاغير
 
حبيبتي انا عروس وقاعده اتجهز حابه اسالج انا حاطه 10 قمصان نوم العدد و15 طقم ستيان وهاف ينفع والا انقص

سؤالي كيف اتعطر اخذ 2 طقم بارفيوم ست واحد للصبح وواحد للنوم ؟؟ وهل اغير والا اتم استخدمه فتره شهر وبعدين اغير والمنطقه الحساسه الصبح والمسا كله احط عليها مسك والا كيف اعطرها

ولما استخدم مثلا طقم الشور جل بريحه مثلا وبعدين حطيت عطر ريحته غير مثلا من عندي ديور الريحه احس تتغير وعطري هل اخصص واحد للصبح وواحد فليل وكم المده
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل