** نصائح للمخطوبات ** من خبرة الحياة

الامل الكبير22

الامل الكبير22

New member
إنضم
2009/05/16
المشاركات
5,126
السلام عليكم ورحمة الله وبركاتة


نصائح للمخطوبات احتسب الاجر عند الله بكتابة موضوعي هذا وهو توجيه للمقبلات على الزواج

ثانيا /كل مااطمح اليه هو دعوة منك في ظهر الغيب لكاتبة هذه السطور بان يرزقها الله ماتتمنى واكثر




اختي المخطوبة اتمنى تعطيني من وقتك شوي وتسمعين لاختك اللي علمتها الحياة والتجارب


1/انصحك يالغالية بالثقل والرزانة عمر الثقل ماصار منقود لكن الخفة والطفاقة والبهرجة ناس تتقبلها وناس لا وانتي ماتعرفين خطيبك من اي نوع عشان كذا ابدأي حياتك بالثقل وصدقيني هو جمال المرأة
:icon26::icon26:

2/احذري من الميانة الزايدة بينك وبين خطيبك واللي تسبب الشتم/ احيانا تتكلمون بسالفة ثم يتحمس ويضحك ويقولك مثلا يالحمارة مافهمتي من باب المزح_ انتبهي ووقفي شوي وبيني له انه مايعجبك هالكلام عشان مايتمادى ترى اذا صارت على لسانه هالالفاظ بتتعبين

:icon26::icon26:

3/يابنت ابوك وامك لاتسبين اهلك قدامه حتى لو انتي متقاطعة مع اخوانك او متزاعلة مع اختك لاتجحدين اهلك اللي ربوك سنين عمرك على الاقل قدامه وتقومين تسبين اخوك عند الغريب بتقولين هذا زوجي وانا وهو واحد- انا اقولك ترى بتصغرين في عينه على قد ماتسبين اهلك وبتكبرين على قد ماتكبرينهم بعينه- ولاحظي بنفسك لو انه يحترم اهله واخواته ويبين احترامهم قدامك وربي بالنسبة لي يكبر في عيني ولو سب احد اهله ماراح يزيد في رصيده شئ

وبعدين لو تسبين احد من اهلك قدامه تجرأينه على سبهم- وبعدين اذا سبهم تزعلين وليش تزعلين وانتي السبب- واكيد بيقولك انتي ماحترمتي اهلك تبيني انا احترمهم!

:icon26::icon26:

4/امه- لاتدخلين عليها وانتي مضمره لها العداوة --ولاتفكرين مجرد تفكير انك تحرضين ولدها عليها (صدقيني)(صدقيني)(صدقيني)ماراح ينسى اسائتك لامه بالقول او حتى بمجرد التحريض وراح تكبر في قلبه وبيجي اليوم اللي يكرهك وربي ينتقم لامه وتكونين انتي المرفوضة المنبوذة


واللي تبي تكسب زوجها تكسب امه- احسني النية لها واكرميها تكسبين ولدها
حطي نفسك مكانه تخيلي يجي زوجك ويقول امك هذي علة ناشبة في حلقي ماراح اوديك لامك امك نمامة

بالله وش يكون وضعك؟؟؟؟

تكرهينه او تحبينه؟
والا يعني حرام عليه وحلال عليك
صدقيني لو فكرتي تسبين امه او تقللين من شأنها او تظلمينها كبيرة في نفسه

كبيييييييييرة حتى ولو انه يؤيدك بس بيجي اليوم اللي يتذكر انها امه ولها حق عليه-هذي فطرة يااختي - وانتي اللي تبي تخسرين دنياك قبل آخرتك

:icon26::icon26:
5/قد ماتقدرين حاولي تكونين غبية في اول ليلة الدخلة-تقولين ليش والعالم الحين رومنسية وحناعام 2009 - ادري يااختي-

لكن حنا نبي نوصل لعام الفين وحطبة وحنا ماتطورنا بتفكيرنا

الشباب هنا بالسعودية يموتون على الغبية البريئة اللي ماتفهم شئ ليلة الدخلة ويشكون بالجريئة على بالهم راعية حركات وعلاقات- عشان كذا انتي اسلمي من التفكير المنحرف حقهم وسوي نفسك

غبييييييييييييييية في ليلة الدخلة خليه يعيش جوه انه الفارس المعلم---طبعا هم مايقتنعون ان فيه كتب تثقيفية وفيه نت يعلمنا بالامور هذي وحنا الحمد لله ببيوتنا لاطلعنا مع شباب
بس عاد الشكوى لله
:icon26::icon26:
خليك غبية فقط في ليلة الدخلة وبعدين عاد خلاص خوذي راحتك بالرومنسية والحركاااااات يعني كأنه هو اللي علمك ههههه
نكمل بعدين
11_3_2[1].gif

 
لا يوقف .......لا يوقف ........لا يوقف


كل الشكر لج يا حبيبتي

آموااااااااااااااااااااااااااااااااااااااااااااااااااااااااح على خدك

كملي بلييييييييييييييز علمينا كيف نتصرف مع مزاجياتهم العنيدة والغبية احيانا

:(
 
حبيبتي ... اليوم عند ردي على بعض المواضيع طلبت مثل هذا الموضوع لانه الصراحه ما بعرف كيف اتصرف مع خطيبي ...


شكرا" كتير وبإنتظار التكمله
 
حـــايرة قال:
لا يوقف .......لا يوقف ........لا يوقف


كل الشكر لج يا حبيبتي

آموااااااااااااااااااااااااااااااااااااااااااااااااااااااااح على خدك

كملي بلييييييييييييييز علمينا كيف نتصرف مع مزاجياتهم العنيدة والغبية احيانا

:(
أنقر للتوسيع...



ابشري ان شاء الله
 
:icon26::icon26:
نتابع مع احلى عرااااايس:bigsmile:
:icon26::icon26:
:icon26:


6/تذكري انه كلما قربت حياتك انتي وخطيبك من الله كلما قربت من السعادة- اللي خطيبها مايصلي او متهاون لازم تقعد العزم من الآن على تغييره وتطلب المساعدة من الله والله ماراح يخيب سعيها



:icon26::icon26:اختي الغالية حاولي قد ماتقدرين تستغلين الشهور الاولى من الزواج لصالحك في هذه النقطة- لانه اذا طاحت الميانة بينكم ماراح يسمع كلامك- لكن

طالما انتي عروس بيخجل منك- حاولي تناصحينه باسلوب حلو للصلاة واول مايقيم المسجد حثيه على الصلاة:shiny: في المسجد ولاتجلسين معه ولاتشغلينه في شئ وقت الصلاة- قوليله بكلام معسول

ياعمري ياتاج راسي ياابو عيالي ان شاء الله<عشان يخجل- ياليتك تصلي بالمسجد عشان اكون مبسوطة اكثر انا احب لك الخير ولولا محبتي لك ماقلت هالكلام بس مابي اشوفك مقصر

واسكت وانت الغالي اللي واللي وجيبي:santa_1: من هالكلام الين يخجل ويروح وان شاء الله تكون فاتحة خير بس خليك وراه وراه

وذكريه دائما بالله -

خليها على شكل لعبة او سوالف غير وعظية- مثلا العبي انتي وياه لعبة كتم النفس(اللي يكتم نفسه اطول هو الفائز) واذا انتهيتوا قولي له تصدق اني تذكرت شئ؟ بيقولك وشو؟ قولي يوم كتمت نفسي تذكرت نزعة الروح الله يرحمنا ويهون علينا- اذا كان خطيبك بعيد عن الله حاولي تستغلين احترامه لك وتقربينه من الله بكل الوسائل وصدقيني هذا في صالح سعادتك الزوجية




:icon26::icon26::icon26:

7/ اثناء حديثك مع خطيبك انتبهي و انتبهي و انتبهي تشتمين نفسك

مثلا تقولين انا حمارة ماافهم او انا شعري خشن ياليته ينعم او تقولين انا سمينة بس بسوي ريجيم

او مثلا تقولين مايليق علي المكياج اللبناني لانه للبيض وانا سمراء- لانه كذا بيفهم منك انك مو واثقة من نفسك

وبتفتحين عيونه على خرابيط حقيقية فيك يمكن هو مانتبه لها او ماهمته
ياااااابنت يااااابنت يااااابنت خليك واثقة من نفسك

ولاتشتمين نفسك بالعكس وضحي له ان كل شئ فيك حلو وانك معجبة بنفسك كذا يحبك لان الثقة بالنفس تحلي الشخص

:icon26::icon26:


8/بالنسبة لمشاكلك مع خطيبك- انتي بنفسك تقدرين تدربينه على المفاهيم اللي تعجبك-

لان الرجل يكتسب من زوجته صفات واخلاقيات- مثلا مبدأ التفاهم- حدثت اي مشكلة بينكم -

بادري بالقول اجلس نتفاهم ونحط النقاط على الحروف- قولي له-

فهمني طيب وانا بسمعك واقرر- حاولي تدربينه على التفاهم والحواررررر وعطيه مبررات رفضك واطلبي منه اسباب رفضه

لاتحسسينه ان الموضوع عناد وفرض اراء خليه يحس انه غلطان باسلوبك الخاص واللطيف
لاتصيرين عصبية وماتبين تسمعين منه كلمة وبعدين تقولين وش فيه عصبي مايحاورني!
نكمل بعدين
11_3_2[1].gif




اش رايكم؟؟؟؟:shiny:
 
الله ينور دربك ويسعدك بحياتك
كملي ياعمري في اخطاء اكيد كلنا نرتكبها
في اشياء نسويها اكدتي لنا اهميتها
 
متى بعدين ؟؟؟؟


خلص اوكي ... تسلمي حبيبتي رح ننتظرك انشالله ​
 
:icon26::icon26:

نكمل لاحلى عراااااايس

:icon26::icon26:

9/مبدأ التسامح من أهم المبادئ
التي تقوم عليهاا الحياة الزوجية ,وش تعرفين عنه؟ وهل انتي مستعدة تتنازلين من اجل شريك حياتك...؟


طبعا اقصد الاشياء التي لاتشكل اهميه ولاتعيق الحياة..

فيه بنات يبون كل شئ على كيفهم مثلا قالك اليوم حجزت الحلويات حقت الفرح من المكان الفلاني وانتي ماتبغينه فهميه انك ماودك فيه واذا اصر على رأيه خلاص خليه ينتصر عليك

ويحس برجولته يعني بتسوين مشكلة من شئ تافه؟

ماراح يضرك ولايخرب حياتك هالشئ وقيسي على ذلك .


فيه فرق بين لما اتشبث برأيي على قرار مهم وبين لما اتشبث برأيي في شئ تافه وتكون المسألة مجرد عناد. ولكن هناك امور يجب ان تحسميها من البداية ولاتتنازلين عنها ابدا


:icon26::icon26::icon26:


10/انتبهي من الشك والغيرة الزايدة -

مااااافيه احسن من الحياة اللي تقوم على الثقة- حتى لو فرضا شكيتي بشئ لاتبادرين لسوء الظن وتذكري قول عمر رضي الله عنه
(التمس لاخيك 99 عذر فأن لم تجد فلم نفسك)

حاولي يكون مبدؤك قائم على الثقة

وانتبهي تزيد الغيرة عندك عن حدها او تحاولين تفتشين جواله او اغراضه

وعشان تتأكدين ان التصرفات هذي تهدم حياتك-

تخيلي انك اكتشفتي انه يفتش جوالك وش رايك؟

ترى هو نفس احساسك بالضبط,



نكمل بعدين
11_3_2[1].gif



انتظر ردودكم

 
ياااااااااااااااااااااااااااااااااااااااااااي

وقسم مووضوووع جونااااااااااااااااني

من جد عرفت اشياء ماكانت على الحسباااااااان

يابعد تسبدي كملي وحنا معاكي ^_^
 
نتابع مع العرايس

:icon26::icon26::icon26:
11/اهل زوجك لايدرون عن سوالف اهلك
ولاتنقلين لهم مشاكلكم وخلي الوضع مقطوع بين الطرفين

-اتركي بينهم وبين اهلك ذكرى طيبة واخبار حلوة -

وماله داعي السوالف الثانية


:icon26::icon26::icon26:

12/بالنسبة للمخطوبات اللي يكلمون الخطيب بالتلفون انا اقول تستغل هالفرصة لمعرفة طبايع زوجها-

وياليت بعد لو تمثل عنده مواقف عشان تشوف ردة فعله

مثلا تقولين جارتنا اليوم زارتنا وتشكي من زوجها اللي يسهر برا كثير وجايه تتونس عندنا...

شوفي وش بيقول..ركزي بهالفترة على دراسة نفسيته والرومانسية لاحقة عليها وياحلاتها في وقتها

:icon26::icon26::icon26:


13/نصيحتي لبنات النت-تستفيد من النت لمستقبلها الجاي- تعلمي طبخ
وطرق التنظيف
وانواع المطهرات-
طرق ترتيب الدواليب
وافكار للمنزل
وخلطات تعطير للمنزل-
خليك ذربة وعندك خلفية واسعة للسناعة

وخليه يحس بكذا اول ماتتزوجين- وانا ارشح لك عالم حواء بلامنازع

:icon26::icon26::icon26:



14/لا لااااااااااااااااااا تدخلين في العميق بكلامك مع خطيبك في الامور الخاصة

خليك الغزال الخجول حتى لو انك اجرأ جريئة بس اضغطي على نفسك ولاتعطينه فرصة خليه يستوي على نار هادية عشان تطول

فترة شهر العسل صدقيني مايطول فترة شهر العسل الا الخجل عشان كذا لاتعطينه فرصة



15/بالنسبة للسانك حاولي تعودينه على الكلام الحلو...خلاص انتي الان مخطوبة والحياة الزوجية تقوم على المشاعر حاولي تسعدينه بالكلام الحلو ولاتقولين استحي واخجل...

ولاتعتمدين على نمط واحد مثلا ياعمري ياعمري ياعمري او ياحياتي وكل شوي تقولين ياحياتي ياحياتي ترى كذا ملل وغير انه راح يحس انها مجرد كلمة تعودتي عليها خالية من المشاعر



حاولي تنوعين من الكلام الحلو
واحيانا تنقطعين ثم ترجعين عشان يكون لها طعم خاص

واحيانا تجيبينها مع بعض وخصوصا فترة الليل تصير كأنها لزمة سلوكية تذكره بشئ معين

مثلا ياعمري ياقلب فلانة ياسعادتي ياهناي يامطر روحي حاولي بعد تألفين عشان تصير خاصة بك ولها ايقاع وكذا
حاولي تنتبهين لكلامك وتتجنبين الملل



نكمل بعدين
11_3_2[1].gif








 
للعراييييييييس الطعمييين::shiny:

:icon26::icon26:
16/خليك صندوق اسرار لزوجك-
اذا قالك سر من اسراره
سواء في العمل
او حياته الخاصة وطلب منك انه مايطلع انتبهي تفشينه حتى اهلك لاتقولين لهم-

الانسان مايضمن الا بنفسك-
وش دراك يمكن تطلع كلمة من امك كذا ولا كذا- لانه راح يفقد الثقة فيييييييك ولايعلمك اي شئ


:icon26::icon26:

17/انتبهي تقولين له شئ عن ماضيك الاسود

اذا كان لك ماضي وانتبهي حتى انك تثيرين غيرته

انه مثلا يوم كنتي بنت واحد ازعجك بالجوال وكذا-

او مرة واحد يلاحقك في سوق-

اتركي القصص هذي نهااااااااااائي قولي الحمدلله ماعمره جاني ازعاج

ولاعمري احد عاكسني في سوق ههههههه ريحي راسك قفلي كل باب ممكن يثيره


:icon26::icon26:

18/سوي نفسك انك محبوبة عند اهلك ومرحب فيك- حسسيه بكذا-

وانتبهي تحسسينه بالعكس
يعني مثلا اذا زرتي اهلك وطلعتي منهم قولي يوووه يالله طلعت اختي مسكتني تقول بدري-

يحس انك مهمة وهكذا بس مو دايم تصيرين غبية هههههههه انا اقصد بس لمحات خفيفة


:icon26::icon26:

19/بالنسبة لمكالمات فترة الخطوبة-

في حال كنتي مشغولة واتصل عليك قولي له انك مشغولة لاتضغطين على نفسك وتردين عليه كل مااتصل-

لانك راح يتعود انك تردين عليه كل مااتصل واذا صرتي مشغولة واماقدرتي تكلمينه بيزعل عليك لانه ماتعودها منك وبتتعبين معه

لاتلغين نفسك واشغالك علشانه ......


:icon26::icon26:

20/اذا تزوجتي انا اقول افضل شئ

(عدم التصنع)-

يعني لاتبالغين كثير في المكياج وتقعدين كل يوم مكياج كثييييييييير

كل يوم كل يوم وحتى تعاملك مع الناس يصير فيه مثالية كبيرة وتتغيرين 100%



لانه بعد فترة راح تطلعين على حقيقتك وماتقدرين تستمرين

على هالشئ طول العمر ويمكن هو استحلى هالشئ فيصير مايعجبه العجب يحسه وجه مريضة ويحس اخلاقك صايرة زفت


لذلك بالنسبة لمكياجك خلي مره ثقيل ومره خفيف لبناني عشان يتعود على ملامحك الاصلية ومرة مبهرج وهكذا منوع



وبالنسبة لتعاملك ايضا ليش التصنع الكبير مع زوجك واهله!
خليك على طبيعته واتركي عنك الحفاوة الزايدة صدقيني بعد مرور شهور راح تضرك اكثر من انها تنفعك




نكمل بعدين
11_3_2[1].gif









 
ياااااااي يأحلى بلقيسيية <<< بدت المصلحة هههه

والله موضووع بجد أعادلي الأمل ( توني كنت افكر اقول خلااص اشلي بالزواج تعب و اقعد طول عمري على اعصابي ) ودخلت لقييت موضووعك كانه حط النقط على الحرووووف ^_^

الله يحقق لك أمنياتك و يجعلها خير لك في دينك و دنياك و كلنا يااااارب آمييين

دمتـ بود
 


يااااااااااااااااااااسلاااااااااامـ عليكـِ وربي مبدعهـ :icon30:
كلامكـ يقوطر عسل وربي كل نصيحهـ منك درهـ :icon26:
تسلمييييييييييييين يابعدهمـ متحمسين معكـ وبقوهـ :bigsmile:
اكملي لافض فووووكـ :blush-anim-cl: وربي يوفقكـ دنيا واخرهـ ويسعدكـ يارب
اللهـ يجعلهـ بميزان حسناتكـ ..
تحيهـ ..


​
 
يااااااااسلام عليييك...اتحفتينااا ...كملي ياعسل
 
مبدعه
سلمت يداااك يالأمل الكبير
اسال الله ان يحقق لك ماتتمنيه
بارك الله فيك...ولا حرمك الأجر

وننتظر جديدك
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل