نزلت من وزنها وايد و السر هو .....!!

كملى بسررررررررررررعه
 
مرحباااااااا خواتي ان شاء الله ما تأخرت عليكم ،، تعرفون رمضان الحين وحوسه:msn-wink:​

الليله ان شاء الله أكمل لكم . لاني أحب أكتب براحتي ما أحب شي يشغلني ....​

بس أبيكم تعرفون أن سالفة التركيز وصورة عارضة الأزياء هي أول خيط تنفك به العقده​

وتكتشف فيه السر ..خذت من الفكره المعنى ، خذت كلمة التركيز وبنت عليها رجيمها​

وعلشان أزيد حماسكم وتعرفون أن الموضوع هذا هو وضع النقاط على الحروف ونكتشف​

أشياء غايبه عنا ولكن تجارب الناس حيل تعلمنا ..​

الحين زميلتي صار لها سنتين من طبقت هذا النظام على نفسها.. ما زاد وزنها ولا كيلو​

وتاكل وتشرب كل ما طاب لها ولا شاغله نفسها برجيم ولا غيره لأنها بساطه عرفت السرررر​


خلوكم معاي ... وأنا أكملكم تجربتهااااااااا :shiny:​
 
سلام
الله يرضي عليك كملى الموضوع شوقتيننا
وترى انا اعاني من عملية انزال الوزن
وشكرا
 
بنستنااااااااااااااااااااااااااااااااااااا
يلاااااااااااا لو سمحتي
 
حشا يومين ونص؟؟؟ اسلوب غير راقي..... ترا كل العالم بعد مثلك مشغولة وانت اشغلتي الناس بس رايحة جاية تشوف كملتي موضوعك وإلا لأ؟؟؟ والله لا يشغلنا إلا بطاعته ، إذا لهاالدرجة مشغولة كان ماكتبتي موضوعك من أصله . والله أعلم بضروفك بس يظل حنا في شهر عبادة ولازم نراعي هالشهر . لا تزعلين مني حبيبتي ترا حبيت انورك مو أزعلك. وأنت وموضوعك على راسي من فوق بس الأسلوب كان خاطئ.
 
فقيرة الحب قال:
حشا يومين ونص؟؟؟ اسلوب غير راقي..... ترا كل العالم بعد مثلك مشغولة وانت اشغلتي الناس بس رايحة جاية تشوف كملتي موضوعك وإلا لأ؟؟؟ والله لا يشغلنا إلا بطاعته ، إذا لهاالدرجة مشغولة كان ماكتبتي موضوعك من أصله . والله أعلم بضروفك بس يظل حنا في شهر عبادة ولازم نراعي هالشهر . لا تزعلين مني حبيبتي ترا حبيت انورك مو أزعلك. وأنت وموضوعك على راسي من فوق بس الأسلوب كان خاطئ.
أنقر للتوسيع...


ههههههههههههههههه .. ليش معصبه شنو اللي صاير ...

صدقيني مشغوله والله ما أقعد على النت الا علشان منتداكم أدخل شوي وأطلع

بس ولا يهمج .. الحين أحاول أنزل الموضوع بس ترى ما أدري متى أنتهي منه ...

تحملوني يومين اوكي :msn-wink:​
 
في انتظارك حبيبتي بس يا ريت تكتبي الموضوع مره وحده
وشكرا الك يا قمر
 
تــــيتـ .,

متابعه بشدهـ ., انا ابا انزل بس 5 كيلوو ., وصدق طفرااانه من عمري .,
 
لاتتاخرين علينا حبيبتي

كلامك حلو مره

يعطيك العافيه

لاعدمناك
 
يااخت ابرار بالنسبة للحديث قال رسول الله صلى الله عليه وسلم :يا معشر الشباب من استطاع منكم الباءة فليتزوج ومن لم يستطع فعليه بالصوم فان له وجاء
 
متابيعييييييييييييييييييييييينك ... لاتطولين علينا الله يخليك....
 
ما شاء الله عليج
أسلوبج في الطرح خلى التجربة تصير أحلى
تسلمين و يعطيج العافية











و بعد في الإنتظار
 
انا سويت ريجيم التمر واللبن
ومرة نحفت لكن تكاسلت وتركته
فعلا ماكنت احس بجوووووع ابدا
احساسي بالشبع دايم مع التمر
اختي ابرار ..............كملي
نحن بالإنتظااااااااار
وجزيتي خيرا
 



المشي هو سر سعادتي .. رشاقتي ..كأني كنت في حفره عميقه وهذه الرياضه أنتشلتني منهااااااا

تقول زميلتي . كان أي مشوار عندي تعب أحسب له ألف حساب أتنهد كأني شايله أثقال على كاهلي

تدرون المشي خلاني أتقرب من نفسي أكثر ، أفهمها أكثر ، يمكن شعوري هذا لها علم بس ما أعرفه لكني حاسه
فيه وأضن كل الرياضيين عندهم هالشعور ، ما تصدقون شكثر هالرياضه تعيد موازين الجسم والنفس ، كأنها رتبت
لي من جديد حياتي ، في الماضي قريت كتاب عن فضل الحركه تأملته وأستغربت كل هالمميزات في الحركه واحنا
ما ندري الدكتور كان كلامه ومصطلحاته كثيره ما حفضتها بس المهم أني فهمته يقول أن المشي يساعد على افراز
هرمونات وتنشيطها ويساعد على تقوية افراز الانزيمات المساعده في عملية الهضم ، دايما الانسان الكسول واللي ما
يتحرك نلقاه متين لأن الافراز للانزيمات قليل وتتكدس الدهون والسكريات على شكل شحوم بالجسم وتبدأ الترهلات


الانسان المتين كأنه في دوامه مو عارف يتخلص منها ،، قلة الحركه تسبب حالة نفسيه صعبه له ، والحالة النفسيه تزيد
من الشراهة ومن المتن ، بس لو فكر مره ينتفض مثل الحمامه في أول طيرانها وينتشل نفسه من هالقوقعه راح يشوف
في الرياضه عالم ثاني ، عالم يتخلص فيه من كل شحومه من كل همومه ، لاحظوا خواتي جمعت بين الهم والشحم لأنهم
سواء كل واحد منهم يجيب الثاني

تقول زميلتي مرات أحس بهالشعور لما تكون عندي عزيمه كبيره أروح وأجي وأستقبل
هذه وأجامل الثانيه يومي كله بس أفتر على المعازيم في هاليوم والله ما أحب آكل ولا أشتهي الطعام ،، والعكس لو كنت
قاعده لحالي آكل أكثر وأكثر .. وركزت في السبب أكيد المشي له دور في سد هذه الثقره المفتوحه للشهيـــــــــــــه
وأكيد أنتم مثلي جربتم ،..!!


وتكمل ..مره حضرت ندوه لأحد الدكاتره المختصين في فن تطوير الشخصيه وأخبرنا عن فضل الرياضه وشلون
أنها تبعد الهموم والأحزان وتعيد للنفس توازنها ، يقول في أحد الأيام ماتت أمي وكنت حزين عليها وعلشان أساعد نفسي
ولا يزيد همي رحت وحطيت حرتي بالرياضه ،، يقول كأني شلت هم كبير وألغيته من وجودي ، وأرتحت ورديت للبيت
وأنا أفكر عن فضل هذه النعمة اللي كثير من الناس غايبه عنهم .صدق الرسول عليه الصلاة والسلام في الحركه بركه



يتبــــــــــــــــــــع .......​
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل