نداااااااااء عااااااااااااجل

[غرنوقه العين]

السلااااااااام عليكم
شحالكن شخباركن يااخواتي الغاليااااااااات
امممممممم
عندي مشكله ويازوجي واتمنى منكن المساعده
انا متزوجه تقريبا من 9 شهور ... في البدايه كانت حياتنا وااااايد حلوة
وحتى اخواتي يحسدني على حياتي وظل الحال كما هو عليه
فمنذ 4 شهور بدا يتغير علي ؟..استوى مليحب يظهرني من البيت كله يطلع بروحه ويوم اقوله ابا اروح السوق يذلني ... يقولي انا اللحين مواعد ربيعي وماقدر اليوم فرد عليه يعني ربيعك اهم عني انا؟
وطلاعااااااته واااايد زادن كله يطلع في الليل ويرجع وقت متاخر ويوم اناقشه مايعجبه ويضايج
انا مقهوره منه ليش مايحب يطلعني وياه؟ لا وبعد اللحين يبا يسافر بروحه ويوم قلتله ليش ماتاخذني وياك يقول انا بروح وياربعي ...... والله انا تعبت منه معيشني في ذل ودايم نتهاوش يوميا خلاص كرهت حياتي لا بعد فوق هذا يقولي انتي ليش ماحملتي ؟اللي عرسوا عندنا كلهم احملوا الا انتي الوحيده وع فكره انا من ايام روحت عند الدكتورة وسوتلي فحوصات وقالتلي انتي مافيج شي ..كل شي طبيعي وعطتني ورقه عشان زوجي يروح يسوي فحص بس هو اللي رفض قال انه هو مافيه شي .. قالي انه مابسوي وانه المشكله فيني انا ...


والله مادري كيف اتعامل وياه واقنعه نظهر ونغير جو مع بعض
بليييييييييز خواتي ساعدوني....

 

[@بنت أبوها@]

هلا حبيبتي
أولا:
بالنسبه للحمل بعدج تو الناس أن شاء الله بتحملين (والله يرزقج بالذريه الصالحه)<<قولي آمين>>
مدام أنه عرف ما فيج اي عيب عشان تحملين خلاص ما بيفتح وياج الموضوع(وإذا فتح الموضوع قوليله أترياك تفضى وتسوي الفحوصات الي طلبتها الدكتور)
حبيبتي
ثانياً:
الرياييل أتيهم فتره يحنون لحياة العزوبيه طلعات وسفرات ويا الربع بدون محد يحاسبهم فلا تضغطين عليه... (ما عليه عطيه فرص ينشغل شوي عشان يشتاقلج)مدام أنه ما يغلط ليش تحاسبينه...والواحد يحب يغير من حياته عشان يكسر الروتين ....يعني شوي وياج شوي ويا ربعه ....حبيبتي لاتخلينها مشكله ....لانه هو بيطلع وبيستانس وأنتي بتمي تاكلين فعمرج ومنقهر وحالتج حاله...أشغلي عمرج أطلعي أشتركي بمراكز ولا زوري أهلج ولا ربيعاتج وشتركي بدورات مثل المكياج أي شئ المهم تلهين عمرج لا تخلين تفكيرج محصور بريلج
ملاحظه خلي يحس أنج منشغله ...وخلي هو يقولج نبى نطلع وو...

أتمى تتقبلين كلامي بصدر رحب
:icon26:أتمنى لكِ الحياة السعيد:icon26:
أختج
@بنت أبوها@​

 

[بنت الراس]

صادقه بنت ابوها انشغلي عنه شوي عشان عقب يدور شي يشغل عمره وياج وبرد لج نفس اول واحسن إن شاء الله اصبري شوي

 

[اللؤلؤة السوداء]

اختي

الله يصلح زوجك ويهديه ويخليه لك

قومي في الثلث الاخير من الليل وصلي لربك وادعيه انه يصلح لك حال زوجك ويرجعه زي ماكان...وان شاء الله ربي

يسخره لك

 

[حيرة الصمت]

رددي
اللهم استر عيوب زوجي عني واستر عيوبي عن زوجي وسخره لي ياالله

 

[عنقود عنب]

حاولي تغيرن في اسلوبك في الطلب

يمكن اسلوبك في الطلب يضايقة

انت تقولين انكم يوميا تتهاوشون ...ليش ؟؟؟

حاولي انك تتكلمين معاه بصراحة وتقولين له اللي في خاطرك يا اختي

ولا في احلى من الصراحة

انت سوي لكم جو حلو وتكلمي معاه

قولي له انا حاسة انك متغير ...هل انا مقصرة معك في شي ؟؟؟

انت ابدأي بنفسك ...يعني قولي له اذا انا مقصرة قول لي

وانا بعد راح اقول لك اللي ملاحظته عليك ...

وربي يسعدكم

 

[witch]

السلام عليكم و رحمة الله و بركاته

عزيزتي غرنوقه العين

اول ايام الزواج تكون نكهتها مختلفة ... كل من الطرفين يحاول يتغاضى عن التصرفات اللي ما تعجبه ف الطرف الاخر ... و يسعى ليبرز افضل ما عنده .. و تمر بالغالب حلوة و احلى من الاحلى

لكن بعد فترة ... يصير كل من الطرفين يتعامل بطبيعته اكثر ... بدون تكلف ... ف تبدأ الاختلافات تطفو للسطح .. بعد ما كان كل من الطرفين يتغاضون الحين يصيرون ما يتغاضون

و بسبب اختلاف الطباع و عدم تعود كل طرف على الثاني و معرفته بطباعه ... تظهر الاختلافات في وجهات النظر و الاراء ... ممكن تكبر الخلافات و ممكن تنتهي بسرعة

و بشكل عام اول سنوات الزواج تعتبر حساسة و حرجة في عمر الزواج ... و بعدكم ماشالله ما كملتوا السنة ف وضعكم يعتبر طبيعي و عادي

عزيزتي ... لاحظت اسلوبج ف الكلام فيه نرفزة و تحاولين تفرضين نفسج و تقارنين بينج و بين اشيا ثانية ... مثلا لما تقارنين بينج و بين اصدقاء زوجج و كأنج تخيرينه بينج او بينهم .. و هو يبي الاثنين ...
لاحظي جملتج

يعني ربيعك اهم عني انا؟

مافي وجه مقارنة بينج و بين ربيعه .. هو ربيع و صديق و انتي زوجة و شريكة حياة ... طرفين مختلفين
محد قال انه هو اهم ولا حد قال انتي مب مهمة ... لا تخلطين الامور عزيزتي و اختاري الكلمات التي تعبر عن اللي ف داخلج بالضبط
عزيزتي الرجل بطبعه يكره القيود ... شي طبيعي انه راح يطلع مع اصحابه و يغير جو يمين و يسار معاهم ... الزواج مب معناه انه يتخلى عن ربعه ولا يعود يطلع وياهم ...
اذا بتقولين انج تركتي ربيعاتج و خففتي يلستج وياهم عشان خاطره و عشان الزواج ... فهذا شي راجع لج سويتيه من نفسج بدون ما يطلبه منج ... هو مب مضطر يترك ربعه و يهجرهم لانه تزوج

ليش ماتاخذني

بعد مرة ... اسلوبج ف الرمسة نرفزه ... لما يبدى السؤال بـــ "ليش " المخاطب بالسؤال يتجه للدفاع عن نفسه ... لان مثل هالاسئلة تحمل ف طياتها طابع هجومي ... الافضل لو قلتي له "ودي ايي معاك " "خاطري اطلع وياك " ... "ابي ايي وياك " .... اما الطريقة اللي استخدمتيها للطلب كانت كأنه داخل تحقيق او ف جلسة محاسبة ... ف نفر منها


بعد الزواج ... يشعر الرجل بالحاجة للرجوع عزوبي ... لانه بالزواج صار مسؤول و صارت حياته مشتركة .. بعد ما كان عايش بلا مسؤوليات و كل حياته ملكه ... الرجل يرفض في داخله انه يذوب و يختلط كيانه مع كيان ثاني ... لكنه يرحب بالمشاركة ... ممكن يشارك شخص اخر ف حياته لكنه صعب جدًا ان ما كان مستحيل يذوب بالشخص الثاني و يلغي استقلاليته و شخصيته ...
ف ايام الزواج الاولى يكون الزوجين قريب من بعض ... هالقرب ياثر بالرجل بالللاوعي ... ف يثير فيه حاجته للبعد قليلاً عشان يشعر انه للان ما فقد استقلاليته و انه كيان منفصل
و راح تلاحظينه فيه بين فترة و الثانية انه يحب ينعزل و يقعد بروحه ... ف خليه بروحه

ف مثل هالاوقات .. لا تاكلين بروحج و تنقهرين ... خليج كوول و ريلاكس ... هذا شي ف طبيعة الرجل و يحتاجه ف لا تخلينه يضايقج

موضوع الحمل ... من طرفج انتي سويتي الفحوصات و خبرتيه بالنتيجة و الحمدلله كل شي تمام .... ووصلتي له الموضوع عشان يقوم بالفحوصات .. اذا قام بها تمام و اذا ما قام انتي سويتي اللي المفروض تسوينه الحين و مب مطلوب منج اكثر ... اما اذا انفتح موضوع الحمل مرة ثانية بكل بساطة خليج هادية و لاتثورين .. و راقبي كلماتج قبل ما تقولينها الكلمة اللي ممكن تكون بسيطة عندج و انتي متعودة عليها ممكن تسوي انفجار

​

 

[nonoura]

على مايبدو انك لازقة فيه ومساويتيله ملل ابعدى عنه شوى لحتى يشتاق لك لان الرجل لايحب الملاحقة والخنقة اتركيه غلى راحتو شوى راح تطفشيه للرجال

 

[غرنوقه العين]

جزاااااااكن الله الـــــــــــــــــــــــــــف خير
والله وااااااااايد مستانسه لانكم عطيتوني الحلول
وهونتوا علي مشكلتي واللله وايد ارتحتلكم
وانشاء الله يكون في ميزان حسناتكن
(اميــــــــــــــــــــــــــــــــــــــــــــــــــــــــن)