أنا أتفق معاك تصيري زيها .. لا
لا تعلقي نفسك و لاترضي بشئ ربي ما رضيه عليك
لكن المسؤليه الكبيرة عليك حبيبتي
عليك تقررين حياتك إما بالصبر على أذاه و التنازل و الرضى بما قسمه الله لك
و ربي ما يضيع حق أحد
أو تحددين شروطك و طلباتك اللي تبينها .. خليها منطقية و عقلانيه و بعدين أضيفي عليها شروط ثانوية ماهي ضرورية أو أي شئ تتمنيه
الرجال عاده يحذفون اللي ما هم مقتنعين فيه و يخلون الأساسيات .. بكذا تصيرين ضمنتي حقوقك الشرعية
إذا زوجك يبغاك ماراح يطلقك بالحسنى لكنه يبغاك ترضين بشروطه .. فإذا حددتي شروطك أنت مسبقا و رتبتيها تصيرين تخيرينه بين أمرين إما القبول أو الرفض
إذا رفض حق شرعي لك .. يحق لك الطلاق إذا كان مافيك رغبه فيه و لا تبينه
إذا رفض مطلب ثانوي كمالي .. خذي وقت ومهله كأنك تفكرين فيها و بعدين وافقي على التنازل كذا يعتبرك أعطيتيه شئ أكبر من لو إنك وافقتي بسهوله
إذا وافق على الشروط الشرعية تغلي شوي عليه و بعدين وافقي .. و الله يكون في عونك
المحكمة ماتطول إذا كانت فيها هضم للحقوق الشرعية
الزبده في الموضوع .. مافيه من يقرر غيرك أنت .. لا تسألين أحد غير ربك .. اطلبيه الخيرة و صلي الاستخارة و حددي طلباتك و ايش اللي ماتقدري تعيشي فيه و اللي تقدري تستغني عنه و بعدها قرري و توكلي على رب العالمين
أما يتركك معلقة و أنت بحاجة لزوج .... لا توافقين عليها
سامحيني على صراحتي .. لكني أقولها لك من قلب صادق و من تجربة ناجحة و لله الحمد
و التوفيق بيد رب العالمين
بسمة
:blush-anim-cl:
