نداء الى الاستاذات والعضوات في هذا المنتدى أرجوكم ارشدوني

[الخجوله]

السلام عليكم ورحمة الله وبركاته


هذي أول مشاركه لي في هذا المنتدى الراااااااااااائع وأتمنى تساعدوني

أنا سجلت في هذالمنتدى بحثا عن الاستاذه ناعمه ولكن لم أجدها وسمعت انها في اجازه

وحبيت أكتب مشكلتي هنا لعلكم تساعدوني


أنا مشكلتي في نفسي يعني أنا مو واثقه من نفسي ودايما عايشه في خوف وقلق

جلستي ممله دايما ساكته والناس يملون مني بسرعه وأولهم زوجي اللي ابتدا يدخل شات ويدردش

مع الشباب والبنات <<<<<< لاأعرف أدير دفة الحديث وأتناقش في المواضيع العامه

لاأدري ماهي مشكلتي بالضبط ولكن أحس ان لاقيمه لي في الحياة <<زوجي دايما يحطمني

اخرها البارح يقولي انتي ما تملي من السكوت وانتي ماتشجعي أحد يتكلم معك:sadwalk:

مع هذا أنا لاأنكر عندي جوانب ايجابيه فأنا انسانه محبوبه أحب مساعدة الغير



تكفووووون ياأستاذات وياعضوااات أرشدوني كيف أقوي ثقتي بنفسي وكيف أتقن فن الحوارر وكيف أكسب حب الاخرين

ياليت تدلوني على طبيبه نفسيه اقدر اتواصل معها أنا في السعوديه أو اذا هناك دورات تقوي هذا الجانب

ولكم جزيل الشكر والتقدير

 

[الخجوله]

انتظر احد يرد علي
قولولي اي شي يرفع معنوياتي
صح انا جديده على المنتدى بس اعتبروني وحده منكم
مثل مااعتبركم زي خواتي وطرحت مشكلتي أتمنى تساعدوني الله يخليكم

 

[يمانيه]

حبيبتي الخجوله حياج الله يا عيني

أنا ما عندي الصراحه خبره بهالامور بس ما حبيت أقرأ مشكلتج وما أرد

بس نصيحتي لج لما تكونين بلمة بنات أو أهل حاولي تشاركين برأي أو تفتحين أي موضوع ومو شرط أنتي تتكلمين فيه لأ
أقل شي أبدأي بطرح موضوع أو فكره ومع كلام اللي حوالينج حاولي تعلقين لو حتى بكلمه
وبالتدريج
وبعدين اكبر غلط تلتفتين للكلام السلبي او المحبط بحق نفسج من زوجج او ربعج أو اي أحد
خليج واثقه من نفسج

ولا تقولين مالي قيمه بالحياه
هذي الطامه
ليش مالج قيمه
أنتي مو مسلمه
أنتي مو زوجه ولج واجبات وحقوق
أنتي أنسان بالاول والأخير ولج دورج ومكانج وقيمتج بالمجتمع

شلون تبين زوجج يسوي لج قيمه واعتبار وانتي نفسج تقولين مالي قيمه !!!!


زبعدين نصيحه حالوي تندمجين بالمجتمع
وظيفه مثلا
أو تطوعي باي عمل خيري

حبيبتي انتي ان شاء الله فيج الخير ولا ما سألتي وأستفسرتي

والله يوفقج وينور بصيرتج ويسعدج

دوامي على الدعاء بان ربي يغير حالك الى الأحسن ان شاء الله وخلي عندك يقين بذلك

والله يوفقج وطمنينا عنج

 

[حبيبتي]

هلا اختي

اول شي لازم انتي تغيريين من نظرتك لنفسك
يعني لا تشووفين السلبيات اللي في حيااتك اكيد في اشياء مميزة فيج

بعدين لازم تعرفين هوايات واهتمامات زوجج وأقري وثقفي نفسج عشان تعرفين تسولفين معاه

حبيبتي أنا متأكدة أن الجلوووس معاج ممتع وأنه عندج كلاااام كثير تفدرين تقوولينه لكن بسبب الاحباط اللي معيشه نفسج فيه ماتشووفين الا الشي السلبي

تفااائلي حبيبتي
تثقفي
أقري
مارسي هواياتج
استمتعي بووقتج

والله بوووفقج

 

[غاليه]

هلا وغلا واختي

فيه دورات كثيره عن تنميه الذات اذا تقدرين تشتركين فيها راح تنمي شخصيتك وتزيد ثقتك

واذا ماتقدرين اشتري كتب تطوير الذات واقري كثير يعني طول وقت فراغك او خصصي وقت للقراءه

وحاولي تفتحي المواضيع مع زوجك يعني قبل مايجي زوجك تكونين مجهزه كم موضوع عشان تتناقشي فيه

وموفقه يالغاليه

 

[أميرة الشرق]

حاولي تقرأي كثير وتطالعي منتديااات ..واخبار وكل شي عشان تلاقي شي تسولفي فيه ...
وشوفي زوجك شو يحب ...والرجال وايد يحبوا السيارا ت والبيزنس وهالسوالف فسولفي معاه او ابدأي
معاه وقلي السالفه وهو بيكمل ..ولما تكوني معا بنات انا اشوفه سهل الكلام لانه بتلاقي كثير مواضيع مشتركه بينكم...اما الزوج يمكن صعب شوي خاصة اذا كنتوا في اول زواجكم وماعندكم عيااال ..
وانا اشوف هالمشكله مش مشكله لاني انا مثلج ماكنت الاقي سوالف كثيره مع زوجي خاصة اول الزواج
واحس اني ممله ..ما اكذب عليج الا الان نفسي اتحدث بطلاقه مع اي حد بس احس روحي احسن عن قبل ..
وبصراحه مشكلتي انا في الكلام الحلووو صعب يطلع مني هههههه ما اعرف ليه نفسي اتكلم مع زوجي بثقه ..

 

[الدكتورة نبضة قلب]

شوفي زوجج شو يحب يسولف في؟
واقري عنه وزيدي معلوماتج
وممكن تستخدمين اسلوب السؤال المفتوح
اللي خليه يسولف ويتكلم

 

[ام عنود]

مشاءالله الخوات كفوا ووفوا...

انا ما اقدر ازيد اي شي على كلامهم...

ياليت تتبعين نصايحهم...وان شاءالله اتفيدج...

 

[منال ام محمد]

عزيزتي حاولي ان تقرئي كثيرا وتثقفي نفسك خصوصا في المواضيع والامور التي يحبها زوجك انتسبي الى دورات تدعيم الثقه بالنفس واقرئي في الكتب التي تبحث في هذا الموضوع وانار الله طريقك ودربك

 

[عزيزة نفس]

بسيطة
سنتري في هالمنتدى ونتي تتغيرين 180 درجة من جميع الجوانب ​

 

[د.هديل]

أهلين حبيبتي ماأعتقد أنك لهذي الدرجه من الجمود والهدوء لكن زوجك عبا رأسك بهذي القناعات:no:
لان ازواجنا بدال مايرفعون معنوياتنا ويزيدون من ثقتنا يحطموننا ويقتلون هواياتنا <<والضربه الي ماتقتل تقوي>>

أقراي و تثقفي وأبدعي وثقي بنفسك ولا تعيري تحطيم زوجك أي أهتمام بل أجعليه دافع لك إلى الامام:msn-wink:​

 

[الخجوله]

مشكووووووووورين أخواتي اللي ردوا على موضوعي والله يعطيكم العافيه

ويجعل كل حرف كتبتوه في ميزان حساناتكم..

والله ماتتخيلوا فرحتي يوم شفت ردودكم >>>كنت مسافره وأمس رجعت

رفعتوا معنوياتي...........وكل الكلام اللي قلتوه بطبقه

وبحاول أتغير انشالله ....دعواتكم لي بالتوفيق