السلام عليكم
بنات انا زوجي مسافر .. و من يومين حاجيته بالماسنجر .. و صار موضوع بسييييييييييييط جدا و زعل :busted_red: للعلم انا ما سويت شي و لا رديت عليه بشي يكدر خاطره الحمدالله و الشكر .. المهم احاجيه بالماسنجر عقب السالفة ما يرد علي !!!!!! ماكو شي عشان ما يرد ,, ياربي صج الرياييل عقولهم صغيرة هههههههههههه !
المهم قلتله على راحتك دام ماتبي ترد علي و طلعت من الماسنجر..
صارلي يومين ما دقيت و لا دزيت مسج حقرته لاني ماسويت شي غلط .. و انا عمري ما طولت عنه يومين ,, يووم واحد حدي ,, و هاليومين يدش الماسنجر و انا ادش بس جني ما اشوفه و لا اسولف معاه ولا شي ,, اليوم بس دشيت سلمت و طنااااااااااااااااااااااااااش :busted_red::busted_red: جان اقوله اللي يريحك ( مرة مؤدبة ) ههههههههههههههههههه
اتصدقون ولا رد علي .. انزييييييييين يا معود شسالفة ؟ ماكو سالفة اصلا ؟؟؟
اشلون يعني ادق عليه والا اطنشه لاني ماسويتله شي ؟؟؟؟؟ والا ادز مسج ؟؟ برايكم شنو ينفع مع الشمالي الشرقي ويا وجهه :santa_1:
و يقولون احنا عقولنا صغيرة ! ما يشوف نفسهم حتى اليهال اعقل منهم هههههههههههه <<< وحدة مفقوعه مرارتها :busted_red:
بليز الحل الانسب للشمالي الشرقي ؟ اخاف اذا طنشته يعاند زيادة اعرفه راسه يابس ؟
و اخاف اذا دقيت عليه يكبر راسه و انا مو غلطانه ؟؟
ودي اسمع رايكم ؟
مراحب يا الغوالي... شو العلووووووووم
بعد طوووووووووووول انقطاع... بسبب الدوام حبيت ارجع للمنتدى
وارجع آآآآآكتف نفس أول....
أحب ارد عليج غناتي...نور الدنيا
أنا شخصيا شمالية شرقية....وممكن الحين تغيرت شوي
وإذا ريلج شخصيته نفسنا فشوفي:
أكثر شئ يقهرني ...يوم الواحد يطنشني ولا يتكلم معاي بالسالفة
أموووووووووووت... ويكون في داخلي احساس بحزن كامن لأنه أقول الشخص اللي زعل مني
ما يحبني............. وبصراحة شخصيتنا من النوع اللي يكمن الحب وما يطلعه والكثير من المشاعر تتضارب داخلنا بس مستحيييييييييييل نطلعها... أو صعب نطلعها ونعبر عنها
الا اذا بادر الطرف الآخر بالحديث... يعني البدايات وايد صعبة علينا بسبب الخجل
ممكن يغلط عليج... بس يخاف أو مستحي من التحدث معاج في الموضوع
ويباج تفتحين الموضوع وتتكلمين معاه... في النهاية أنا لو كنت غلطانة اعتذر
وهو ان شاء الله بيكون نفس الشئ
بس نصيحتي لج: لا للحقران... لأنج تجرحين قلبه من داخل... تزعلينه .... يحس انج ما تحبينه
وصدقيني وايد عانيت وبكيت من هذا الشئ.... بس بعد من دون ما أقول لأي أحد
لأني لو قلت لهم.......... اشوف الاستهجان بعيونهم... ولا كأني بكيت جدامهم...عني انا للحين محد يفهمني مثل ما أريد... لا اخواتي ولا غيرهم... وصدقيني صعب جدا جدا جدا
صدقيني دموعنا صعبة وايد... واذا صحنا وما حصلنا اللي يدارينا ممكن نعصب...
بس يكون ألم القلب قوي وكبير.... ويستمر طويلا...
وترى انتي وقلبج....اتمنى تستفيدين ولو بشكل بسيط من كلامي^^
واتمنالج السعادة والراحة النفسية...
واذا استفدتي مني أو اي وحدة من بناتنا الغاليات
بس ادعولي بريل يفهمني ويحبني... ويعوضني عوض خير عن اللي قبله^^
وموفقات الغوالي
وترى هذي أول مشاركة لي بعد طول غياب
وقد ساهمت سابقا بقصتين لو تبين بحط لنك لهن عشان تقرينهن وتخبريني رايج فيهم...
ودمتم بحفظ الله ورعايته^^
