نداء الشماليات الشرقيات،دخلوا

الحالة
مغلق و غير مفتوح للمزيد من الردود.
بنات انا شماليه وزوجي شمالي غربي مره تعبت معه
ومشكلتي لساني طويل مره من غير الصراخ
وهو اذا زعل مشكله وطبعي ما احب احد يزعل مني
وش اسوي محتاررررررررررره
 
اه ثم اه ثم اه....... السلام عليكم حبيباتي واخواتي وصورتي بالمراة.... انا مثلكم شماليه شرقية بالقووووووووووووووة
ويا خسارة والف خسارة ما عرفت حكاية البوصلة الا بعد ما خبصت الدنيا مع زوجي الجنوبي بحت واهله وبعد ما امة محمد عرفت صوتي عالي ... والان جاري التحميل والتعديل واصدار نسخة بها ( أنتي فيروس ) لمحاربة الصوت العالي والعصبية اللي كلما حولت امسك نفسي مرة و 2 و3 و 4 ...... الخ
لكن للاسف ما اقدر اتحمل وخصوصا على اطفالي والمصيبه انها ما تخرج مني الا عندما يتواجد الجنوبي بالبيت...
ومن المواقف اللي تبكي صارت لي وان كانت مضحكة لغيري..اسمعو الحكايه...
من كثر ما الناس ما خدة عني فكرة اني صوتي عالي وعصبية مرة عند بيتنا هجموا حرامية الله يكفيكم الشر على ولد الجيران وضربوه وسرقوا منه محفظته وجواله والولد يصرخ ويسب ويهاوش يبي احد ينقذه او يسعفه ... لكن للاسف ما احد عنده...
ولما جا وقت الصلاة خرج عمي ابو زوجي للمسجد وسمع الحكاية من المصلين في المسجد.. وجا وحكانا الحكاية.. وقال والله اني سمعت الصراخ والهواش بس ما الله اراد انظر من الشباك... كلنا قلنا ليش سبحان الله يمكن كنت تقدر تساعده ... قال كنت اظن فلانه ( علي انا) تصارخ على احد من العيال او الشغاله ... طبعا الكل ضحك عليه الا انا حقدت عليه وقهرني وخصوصا انه قالها بعفوية كبار السن ... لكن وش تقولون العجايز والطفال ما يقدرو يجاملو ولا ينسقون الكلام....وكل ما اتذكر القصة اجلس اضحك على نفسي ..
والحين حان دور الجد وعندي استفسار منكم يا حبيباتي وخصوصا من اي وحدة تم تحميل النسخة المعدلة عندهاانا صارتلي مشكله مع اهل زوجي والان انا بحاول اظبط اموري مع الرجال باقي اهله ممكن اقتراحات لحل الخلاف معهم بدون اي احراج لي ... ودمتم سالمين
 
والله ضحكت يوم اقرى ردودكم كأني انا اللي حاطه كل الردود

شماليه شرقيه الي اخمص القدم والصوت العالي مشكلتي مع كل حد بس انا ما احس بهذا الشي ليش
والنظام المشكله الثانيه اللي تخلي صوتي يعلى ريلي جنوبي ونص لعيال شكلهم جنوبي هذ اللي اكتشفته لين الحين من البرود والبطء والرومانسيه

خلنا نجرب لمدة اسبوع ان نكبت الغضب ونقابله بإبتسامه((بالأحلام بس لازم نجرب)) ونخف صوتنا لمدة اسبوع
 
سبحان الله الفخامة حتى في اسمائنا
جمال اسباني. ملكة ماسة مدام

و سبحان الله يا ريت نلاقي حل لمسالة النوم الخفيف

افضل عطور شانيل اسميها ملكة الروائح
 
بناااات انا شمالية شرقية


بس تعرفووون انا جدا منظمة وووو ماعرف لي تذكرت بقولكم

لوووووووووول
 
و الله يا جماعة ملف خطير
لكن ما تلاحظون أغلب الشماليات ماخذات جنوبي ؟
 
:icon30:

اللي فوق كلامك صح
زوجي جنوبي غربي
ما علقتوا بخصوص الروائح
ايش نفضلوا
 
بالنسبة لي أميل للعطور الفخمة الكلاسيكية و عطور شانيل الأولى عندي
 
بالنسبة للعطور

على حسب الموقف

يعني للوظيفة أحب عطور حارة و ريحتها فريش

للجلسات النسائية أحب عطور أنثوية قوية و صارخة

للبيت و النوم و بعد الاستحمام أحب الروايح الهادية جدا ، مثل الورد و المسك و الفل و غالبا تكون زيتية

أحب ماركة قوجي و بينيفت و كنزو

أكره عطور ديور جداجدا
 
انا شمالية شرقية .. وصفاتي :
أحب النظام والترتيب في البيت وفي العمل يعني لازم كل شي بمكانه ولو شي مايل أو بزاوية مختلفة أو لون غير متناسق أتوتر ولو لقيت شي طايح عالأرض في نص الطريق حتى في الشارع أشيله وأرميه بعيد ..:dunno:
صوتي عالي مثلكم وهو مزعج بالذات اذا نسيت نفسي وصحت على عيالي قدام أبوهم الجنوبي.
أحب الألوان الهادئة وأحب اللون الأسود وأحب الأزياء الرسمية مثلا الجاكت على قميص بياقة وكم قلاب >>>> بالذات اذا صار لونها اسود أو كحلي وقميص أسود أو أبيض..
أحرص على التواصل مع الآخرين حتى عاملات التنظيف ولو طبعا علاقة سطحية ولكن تهمني العلاقات الانسانية جدا ، ولا استطيع التواجد في مكان لا يمكنني من الكلام مع احد ..
انا واثقة في نفسي والحمدلله بس الناس يفكروني مغرورة وما اتكلم او اتعامل مع اي أحد ..
رغم ان مظهري نعوم وانثوي ويفكروني مدلعة إلا انهم بعد ما يعرفوني يقولوا شديدة وأحيانا بلطجية وفتوة >>>(صديقاتي):showoff:
أحب زوجي وعيالي بشدة وأخاف عليهم من الهوا الطاير وافني عمري عشانهم..
أحب أسوي كل شي بنفسي لأني ما اثق بأحد وهذا يكلفني بالعادة صحتي ووقتي وجهدي ..
ما أحب المديح وأحس الي يمدحني كأنه يستغفلني يعني لو بتمدح قول شكرا الله يعطيك العافية وأنا أفهم وكفاية >>>> أؤمن بنظرية المؤامرة ..
أحب أتزين في لبسي وفي شعري بس ما احب العطور الا قليلا فقط واحب الروايح الهادئة ..
ما اطلع عيالي من البيت الا وهم في كامل اناقتهم ..
أحب اعزم الناس في البيت عندي على اني اروح لأحد واذا جاتني ضيفة كأن عندي وليمة ..
انتبه في كتابتي للنقط والخطوط واحيانا احرص على الفواصل ..
احب الطبخ وبالذات الأكلات الي فيها صوصات ناعمة مثل البشاميل ، وعادة أزين السفرة والأطباق..
أحب أعرف كل شي >>>> مو لقافة بس مثلا اذا اتعطل جهاز ارجع لميكانيكية عمله عشان اعرف ليش اتعطل ..:nosweat:
والله اني ادوخ نفسي بنفسي بهذه المثالية الي فيني وبعد كل هذا اصطدم كثير مع الي حولي لأنهم غير عني وأولهم زوجي الجنوبي .. بس صح لقيتوني شمالية شرقية ؟
 
مثالية و لكن ...

صفاتك الشرقية واضحة و أظنها تغلب الشمالية أيضا

حياك الله في ملفنا الغالي


الله يعينا على صفة المثالية و صفة العصامية ( إن نسوي كل شي بنفسنا ) هذي الصفة متعبة جدا
 
السلام عليكم ورحمة الله وبركاته
بصراحه بنات انا اكيد شمالية ومع العمر وقراءة كتاب بوصلة الشخصية صرت بين الشرق والغرب في محاولة مني للتوازن والاخذ من جميع الاتجهات وما زال فيني طابع جنوبي رقيق وحلو على حسب المواقف والحاجة
لان الانسان مزيج من جميع الاتجاهات
المهم عقب هذه المقدمه الطويله العريضه ههههههههه
بقولكم اليوم شنو استدفت من الصفه الشرقية:
الدقه
نعم الدقه بالمواعيد وان احسست اني ممكن ما التزم في الموعد المحدد الغيه على طول ولا اني اتاخر عليه...
ايضا بالدوام نص الشغل علي لان شغلي دقيق حتى حجم الاحرف ولونها والخط المستخدم لي طابع خاص فيني يخلي مسئوليني يعجبون فيه وما يطلبون احد يسوي الشغل غيري...ظلم بصراحه هههههههههههه
التنظيم
وهذي نعمه واحيانا نقمه يعني علشان يكون الوضع مثالي مثلا في دولاب الملابس انفضه كله واطلع كل الي فيه واقعد يوم كامل اصفف كل شي بطريقة مثالية لسرعة اخذه
صحيح اني اضيع يوم كامل بترتيب دولاب واحد ولكن النتيجة ان الترتيب يكون بيرفكت وما عليه كلام...


واسمحوا لي على المرور عندكم لان جلستكم ما تنمل وباذن بالله بمر عليكم واقولكم عن الشمال استفدت منه اشلون بحياتي
الى اللقاء
​
 
أهلا عزيزتي قصة حب

حياك الله ، تفضلي هذي القهوة و سلة الكاكاو

تحبين جالكسي ولا كتكات و لا مارس ؟؟

بصراحة أنا أموت بالتوكس مع القهوة لأني أغمسه فيها و يذوب يمي

الصفات الشرقية اللي فيك عجبتني جدا

و ما أدراك ما الشمال ؟؟

أنا أحس أحيانا إن الشمال اللي فيني يكون بركان خامد

و أحيان كثيرة يكون الشمال اللي فيني بركان هائج

لكن الهيجان أحاول أخليه ما يطلع بره دائرة الدين و الأدب و الله المستعان

الصفات اللي أحبها بالشمال التألق ، الثقة ، المراكز الأولى

أحب المراكز الأولى جدا لكن مو شرط أحصلها بكل مرة

كلمينا عن شماليتك يا قصة حب ...
 
مراااحب شماليات
أنا عصبية جدا جدا واريد فعلا ان أتخلص منها لأني ارحم صراحه اولادي من كثر ماأهاوش واصارخ وأدعي عليهم بس وش اسوي قاهريني وما يسمعون كلامي وبعد زوجي تدرون زوجي مره قالي حتى(...........) يخاف منك؟؟؟؟!!!
لأنه اذا قرب لي ماادري وش يصير له علطول (............) مافيه شيء؟؟؟؟؟؟؟؟؟
ادعو لي خواتي لأني اعتبر ان في مميزات كثيره زينه منها اني طيبه وحنونه وازعل بسرعه بس علطول ارضى واحب اساعد غيري وانا كاالكتاب المفتوح ماعندي أسرار واثق بكل الناس حتى انصدم بهم في موقف ما بس احاول اعدل من طريقتي وتوني باديه اكتم اسراري هههههههههههههههههههه ( ابو طبيع ........) الله يعين.
 
انا بعد معكم يلااااااااااامشكلتي الحدة احيانا لاقولي حل
 
الحالة
مغلق و غير مفتوح للمزيد من الردود.
عودة
أعلى أسفل