نتكلم بصراحه وبلا هالمسلسلات المكسيكية

[جرحي القديم]

السلام عليكم..

بدش بالموضوع دايركت..


الوحدة منا لي كتبت مذكراتها ..مب قصدها تسوي لي فلم هندي أو مصري أو وثائقي

قصدها إنها تبا النصيحة وتبا ..حد يمد لها يد العون...

ولكن من قرائتي للردود بالذات في موضوع الإخت دلوعة العين..

مطلعينها وحدة تفشي أسرار البيت واللي تقولها الحكم الشرعي واللي واللي..

ووالسموحة من العضوات ولكن الكلام الي تكتبونه بصراحه يغث ..اللي ما ينغث وبتحلون الواحد يبطل حتى يكتب ذكرياته..


اللي تبا تفضفض تفضفظ

وليش نمنعهم بكلامها والله تذكروني بكلامكم ..

بالمسلسلات المكسيكية.ز


مش قصدي ولكن

كلام بخاطري وطلعته والسموحه..

جرحي القديم

 

[براءة قلب]

وعليكم السلام ,
انا معك بـ كل حرف وكل كلمه قلتيها

ولاحظت الهجوم اللي صار ع دلوعة العين
ورحمتها ..

البنت كآتبه من البدآيه
إن قصتها فيها كثير من العبر وإنها محتاجه المسآعده

ولو لاحظتي ردّي فـ موضوعهـا ,
لأني فعلا حسيت بالهجوم اللي صآر لها

وفي شي ثآني قلتيه وجآ ع الجرح خخخخ
انا كنت نآويه أكتب مذكرآتي
بس وربي لمّا شفت الهجوم القوي ( صواريخ أرض جو خخخخ )
ع دلوعه .. هـــوّنت

أشكرك جرح ـي ... بـ جد قلتي اللي فـ خاطري
وأتمنى العضوآت يبتعدون عن الهجوم
والسموحه منكم ..
بس مثلما قالت جرحي <-- بوهقها هههههه
كلام بـ خاطري وطلعته

 

[مدام سنعه]

بالعكس انا احب اليوميات واحس ان الوحدة تطلع اللي بقلبه وتتبادل الاراء مع غيرها احسن من اللي تفشي باسرارها على احد قريب منها وهنا الكارثه ماترتاح وتندم هذا اذا كان ثقه والله يجزاهم خير الاخوات في هالقسم مايقصرون

 

[o.o]

ااي والله حتى انا انقهرت كانوا ممكن يوصلون الفكره بطريقه احسن ..مثل لو نهروها عن ذكر اسم منطقتها وبس..
بعدين الاحداث والقصص ممكن تتكرر لكذا شخص .. تعلمت هالشي من منتدى بلقيس
فيه قصه عجيبه غريبه قريتها في منتدى الاستشارات نفس قصه سمعتها لكن في مكان ثاني .. تشابه عجيب في الاحداث وكلها سببها لظروف المتشابهه اللي نتج عنها نفس النتايج .. وحتى قصص الخيانات تكون على نفس التسلسل وردات الفعل تكون متشابهه اذا ما كانت نفسها ...ومرات كثيره نقرى ردود تقول والله نفس حالتي او نفسي بالضبط سواء كانت مشكله او شي بسيط ..

 

[دوومي عالية]

ايه يا اختي..صاادقه..

يعني الوحدة لين ياات تكتب..تبي تطلع اللي في قلبها..

وبعض الأخوات يقلبونها تأنيب وتجريح..وتكفير ساعات!!!

لا حول ولا قوة الا بالله..عمرها النصيحة ما كانت جيه..وعمره الأدب ايضا ما كان بهذا الأسلوب..

الله يهدي الجميع..

تسلمين اختي على طرح الموضوع..

 

[العنــــود]

تصدقين هذا الشي اللي يخليني أقرى مذكراتهم وما أعلق
حاسه بغلط بس ماعرفت وشلون اعبر
شكراً لك ..................واستبيح العذر للعضوات لأنهم يمكن مجتهدين بس اجتهادهم زاد شوي

 

[صمتي مهابة]

وانتي الصادقة أختي وفعلا أنا لاحظت الردود اللي في صفحة دلوعة العين
تسلمين الشيخة على هذا الموضوع اللي بجد كان لازم نتكلم فيه

 

[العنــــود]

هذا وفي شي ثاني يخليك تكرهين تقرين ولا حظته مررررة منتشر بالمنتدى وهو تبدأ الوحده موضوع بعنوان مررة شيق وتكتب سطرين وتقول اذا شفتكم متابعين رجعت أكمل (ايش الأستخفاف بعقول الناس) مررررة ما أحب هالميزة ياليت العضوات خواتي وحبيباتي يتخلون عنها..لأنا نجي متحمسين من العنوان وآخرتها نقرى ردود والقصة أنواع التقطيع

 

[جرحي القديم]

أنا كنت بكتب قصتي يمكن

نفس قصة دلوعة العين


ولكن يوم شفت الهجوم

قلت أبرك لي أشرد مكان بعيد

ولا أكون هني


وسؤال للعضوات



لو كانت عندج مشكلة

ولقيتي شرات التعليق والإهانات بترضين تقولين لي مشكلتج


أبي الإجابة منكم..

 

[دوومي عالية]

الصراحه يا جرحي القديم..انا اذا بكتب..بكتب حق نفسي اولا..عشان افضفض..وارتاح..وعشان افيد الناس اللي يبون يستفيدون بس!!!!

واكيد في ناس بيكونون متابعين لي او عندهم نفس مشكلتي..اما اللي بيردون علي ردود وقحه..فما برد عليهم واكبر طااف بسوي لهم...

وطبعا ما في مشرفة بتخلي في هذا القسم موضوع مش زين...يعني لو كانت مواضيع الأخوات قليلة ادب..او مش زينه جان المشرفات الله يعطيهم العافيه شالوها واحذفوها من زمان..

 

[العنــــود]

أنا كنت بكتب قصتي يمكن

نفس قصة دلوعة العين


ولكن يوم شفت الهجوم

قلت أبرك لي أشرد مكان بعيد

ولا أكون هني


وسؤال للعضوات



لو كانت عندج مشكلة

ولقيتي شرات التعليق والإهانات بترضين تقولين لي مشكلتج


أبي الإجابة منكم..

الصراحة لا ماأكتب يخلونك أكبر مجرمة مب كلهم بس فيهم
وأنتي حبيبتي عطيتينا طرف الخيط قولي قصتك كاملة

 

[موتي وميلادي]

والله ياصاحبة الموضوع قلتي الي بخاطري كله ... انا كنت من اكثر المتشوقين حق قصة هالبنت ... بس الله يهداهم مفتين المنتدى مايخلون احد في حاله ...مره تجريح ومره مواعظ ومره وين جامعتك مافي جامعه بالهمواصفات :exclamationpoint: يعني بصراحه عيب هالمنتدى عدم حرية الراي والحشره بالخشم مادري ليه :dunno:
والله على اعجابي بقصتها مارديت متظره للآخر ... ادعوك يادلوعت العين لتكملة القصه احنا مالنا ذنب​