نبات تكفون ابغى المساعدة انا مقهورة حيييييييييييييييل

[ميعاد الشوق]

:30:سلام بنات انا بضيق ما يعلمه الا الله وابغى المشورة انا متزوجة ولد عمتي وعايشين بسعادة والحمدلله لكن خالتة اللي هي عمتي الثانية كانت تبغاه لبنتها ومن يوم الي خطبني وهي كارهتني وكارهة اهلي معاي وما خلت علي كلمة شينه ما قالتها وحتى حطت علي بشرفي مع اني معروفة عند العايلة كلها اني راعية دين ولله الحمد بس هي ما تخاف من ربها المهم عمتي ام زوجي تعبت وراحت تتعالج بالبلد اللي فيها اختها الظالمه وزوجي ناوي يروح يزور امه وانا مابي اكلف عليه واروح معاه عشان المصاريف واليوم قاعدة اساله انت راح تسلم على فلانه الا يصدمني ويقول اذا لقيتها بسلم عليها وانا انقهرت وحاولت احلفه بالله انه ما يسلم عليها بس هو مو راضي اني اتكلم بالموضوع مع اني ادري انه مو راضي على كلامهم بس يقول انها صلة رحم طيب هم ليش ماراع صلة الرحم يوم سبونب وسبوك
مو راضي يناقشني وكله يقول اسكتي ولا تفتحين الموضوع ماني عارفة شسوي اروح معه وانا اتصدالها والا شسوي مع العلم انه حالة ام زوجي صعبة ومو وقت المشاكل الحين بس انا بعد ابيه يحس فيني ويدافع عني قدامه تكفون وش الحل ابغى مشورتكم يا خواتي مالي الا الله وانتم اللي قاعدة اسويه صح والا غلط

 

[دلع قلبه]

وش فيك الله يهديك
هو تزوجك انتي ماتزوج بنت خالتك!!
يعني يبغاك انتي مايبغاه هي
لاتكونين نكديه وتخلينه يفتح عينه عليها بااحاحك المزعج
خلاص استودعيه ربي وخليه يروح
وخليك احسن من خالتك وارسلي لها هديه بسيطه تألف بين قلوبكم
وزوجك ماتزوجك وهو ناوي يسمع كلام الناس وايش يقولون وايش مايقولون..
انتبهي لاتخربين حياتك بيدك!!
بعدين الرجال امه تعبانه وانتي فاضيه تشتغلين بتوافه النساء قالت وقلت
ولازم يرد ولازم يدافع
وقدمتي الشر على الخير وحطيتي في بالك انها الا بتغلط عليك وماادري ايش!!
وين احسان الظن بالله سبحانه!!
وعلى فكره اي شي تتوقعين حدوثه سيء او جيد سيحدث
لذلك كوني ايجابيه
ماقد سمعتي بفكره حياتنا من صنع افكارنا!!
الله يهديك ويفتح على قلبك.

 

[المتغيرة للأفضل]

امه مريضه وهذه خالته يجب ان يزورها ويصل رحمه دعيه يتصرف كما يشاء وانت احسني الظن وكوني مع الله دائما فلن يضرك

 

[ميعاد الشوق]

اشكركم اخواتي بالله وصدقوني اني تحسفت بعد اللي قلته له وماني عارفة شلون برقع الموضوع معه
هو حاول يكلمني بعدها عادي وانا صديته وما عطيته وجه الله يهديني بس انا نفسيتي تعبانه هاليومبن من كثير امور وجت هالفكرة براسي وعشش الشطان معاها الله يعيذنا منه وكملت علي ادعولي الله يثبتني على الحق وما اجيب لنفسي المشاكل والله ريحتوني بكلامك الله يجزاكم جنات النعيم امين يارب العالمين

 

[القوية]

حبيبتي لو كان زوجك يحبها او كان يبيها كان ما تزوجك وهو في وضع بحاجة ان تكوني معه مو زيديها عليه فكري بزوجك وانسي بنت خالته وكوني واثقة بنفسك وبزوجك وخليه يذهب وهو مرتاح نفسيا انتي حاولي ان تضغطي على نفسك وان تقولي له انك راجعت نفسك وكنتي غلطانةوالمهم عندك راحته وسلامة امه ادعو الله لك بلهداية وراحة البال

 

[زوجي دنياي]

صدقيني زوجك بهالضروف مو يم الدنيا لاتفتحين عينه على ان فيه بنات تتمناه واسكتي

 

[اسكادنيا]

احسني الظن والله يهدي سرك ويجعلك من كل ضيق مخرج

 

[طاسه]

صح لسانج يا دلع ماشالله عليج

 

[دانة القصيم]

الله يثبتك على الحق ويبعد عنك المشاكل ياقلبي

وخليك واثقه من نفسك ان زوجك يحبك وماصدق الكلام الي قالوه

​

 

[@غريبة بدنيتي@]

عادي ياختي خليه يروح عند امه ومو معقوله انو يشوف خالته ومايسلم عليه
كبري عقلك والله حسيبك فيمن ظلمكٍٍ

 

[اولادي كل حياتي]

ـ حبيبتيانتي ماترضي لزوجك العيبة تطلع منه صح?
ـ ومهما قالوا وعملوا هذه خالته وهو رجال ماله بسوالف وخبص الحريم يعني لما يشوفها لازم يسلم عليها
ـ وايش دخل الشاكل والكلام اللي انقال في زيارة امه الله يشفيها والله يهديكي لاتفتحي مشاكل الحين مو وقته واستودعيه عند الله لما يسافر وادعي لوالدته بالسلامة

 

[اصغرزوجة]

انت قلت امه وايد تعبانه ولازم يروح يشوفها يعني همه علي امه مو علي بنت خالته كبري عقلك وخليه يروح وهو مرتاح موتنكدي عليه الله يهديك ​

 

[ميعاد الشوق]

تسلمون يابنات وما قصرتو والله ينور على كل من ردت علي وعقلتني بصراحة كنت انتظر احد يشد على احساسي الداهلي اني غلطانه
بس تعرفون مكابرة الحريم
بس ابشركم
اني اعتذرت من زوجي وفهمتي اني تحسفت وقلتله انه ما عندي مانع لو يسلم على خالته بس حبيت ابين لكم نقطة مهمة بنت خالته متزوجة يعني مامنها خوف بس انا خوفي من الخالة تشربه شي يخرب بيني وبينه هذا خوفي بس والا انا واثقة من نفسي وهو يموووووووووووووووووت فيني والحمدلله ولو يدور بنات الدنيا ما يلقى مثلي وحدة تدلله وتهتم فيه وانا احبه مووووووووووت لذلك اخاف تنهدم حياتي لا سمح الله بسبب هالنسرة

 

[بنت شماليه]

حبيبتي زوجك معاه حق ليش يكبر الموضوع ومايسلم على خالته مشان سوالف حريم لاتاخر ولاتقدم؟؟
وانتي المفروض ترفعين نفسك عن سوالف الحريم الانسان مجبور يعدي عشان تمشي الحياة اذا بتدققين على كل كلمه بتتعبين وانتي تقولين امه تعبانه يعني مو لازم يسوي مشاكل على شي مايستاهل ويغثها مهما كان هذي اختها وماراح ترضى عليها هدي بالك وكبري عقلك واستودعي زوجك رب العالمين والله معك

 

[نوور الامل]

:39: اقول لا تسوي فيها مصاريف او مصارييف روحي معه ولا تعطييهم فرصه يستفردوون فيه وبعديين عشان تشوفي ام زوجك وحالتها لا تجلسي روحي بعديين مو كل دقيقه تذكريينه فيهم لا خلييه ينسااهم وانتى خلييك في حالك بس كمان لا تستظعفيين قداامهم بيني لهم انك قوييه وشكراا فدييت النصح خخخخخخخخخخخخخخخخخخخخخخخخخخخخخخخخخخخخخخخخخخخخخخ

 

[اتعبني هواك]

ياقلبي لاتنفرينه منك وخليه يسلم بسراحه صعبه يتجنبها واهي تسلم
بعدين اهو بغاك انتي مابغاها لاتخلين الغيره الزايده تسبب مشكله ودامه كلمك من بعد المشكله يبي رضاك لاتطولينها انتي واعتذري له وقولي الشيطان لعب براسي
وحبي على راسه وخليه يشوف امه ويطمن عليها ويرجعلك ان شالله بالسلامه الله يريح بالك ..